နောက်တစ်နေ့မနက်တွင် အန်နီက လင်းကို ကျောင်းပြန်တက်ချင်သည်ဟု ပြောသဖြင့် လင်းက ကားဖြင့် လိုက်ပို့ပေးသည်။
အန်နီ့အနေဖြင့် အိမ်မှာ တစ်ချိန်လုံး လှဲနေရသည်က ဘယ်လိုမှ အဆင်မပြေပါ။
အားလပ်နေသော လူတစ်ယောက်အား အတွေးများက အစဉ်ခြောက်လှန့်နေတတ်သည်မို့ အန်နီက ကျောင်းသို့ ပြန်သွားလိုခြင်းဖြစ်သည်။
ကျောင်းတွင် ရင်ဆိုင်ရမည့် လူတိုင်း၊ အရာတိုင်း သူမအတွက် ခက်ခဲနေမည်မှန်း သိသော်လည်း အန်နီ ရင်ဆိုင်ကြည့်ချင်ပါသည်။
" သမီး... ခုချိန်က ကျောင်းမတက်လို့ ၇တယ်ဆိုတာ သိပါတယ်နော်..."
လင်းက အန်နီ ကားပေါ်မှ မဆင်းခင် မေးလိုက်သည်။
" ဟုတ် .. သိပါတယ်..."
အန်နီက ကားတံခါးဖွင့်ရန် ပြင်လိုက်သည်။
" ကောင်းပြီ သမီးရယ်... တစ်ခုခုလိုတာနဲ့ မေမေ့ဆီကို ဖုန်းဆက်လိုက်နော်..."
အန်နီ ဘာမှပြန်ပြောမနေတော့ဘဲ ကားပေါ်မှ ဆင်းလိုက်သည်။
ကျောင်းမှာ ရှိသမျှလူတိုင်း သူမကိုပဲ ဂရုစိုက်ကြည့်နေကြတာ အန်နီသိသည်။
လူစုစုနှင့် စကားပြောကြပြီဆိုတိုင်း သူမအကြောင်းများ ပြောနေကြမည်ကို သူမသိသည်။
ထို့ကြောင့် စာသင်ခန်းထဲတွင်လည်း မည်သူနှင့်မျှ မျက်နှာချင်းဆိုင်ရန် မစဉ်းစားဘဲ သင်နေသော ဘာသာရပ်များကို အာရုံစိုက်နိုင်ရန် ကြိုးစားနေမိသည်။
နေ့လည်ခင်း ထမင်းစားကျောင်းဆင်းချိန်၌လည်း စားရိပ်သာသို့ သွားမနေတော့ဘဲ စာကြည့်တိုက်ထဲသို့သာ သွားပြီး လွတ်သွားခဲ့သည့် သင်ခန်းစာများကို ပြန်ဖတ်နေလိုက်သည်။
အန်နီစာဖတ်နေစဉ် အန်နီရှိရာ စားပွဲသို့ ဘရစ်တနီရောက်လာသည်။
ဘရစ်တနီက အန်နီ့ဘေးတွင် ထိုင်လိုက်သည်။
" ငါ့ကို စကားပြန်ပြောပါဟာ အန်နီရယ်..."
အန်နီက ဂရုမစိုက်ဘဲ စာဆက်ဖတ်နေလိုက်သည်။
" ငါ တကယ်တောင်းပန်ပါတယ်ဟာ နော်... အဲဒီတုန်းက ငါဘာလုပ်လို့ ဘာကိုင်ရမှန်းမသိတော့တာနဲ့ မစ်(စ)၀ိုလီကို ပြောလိုက်မိတာပါ..."
အန်နီ ဘာမှ ပြန်မပြော။
" အန်နီ..."
" နင်က တောင်းပန်တယ်ပေါ့...ဟုတ်လား..."
အန်နီက ဘရစ်တနီ့ကို မီးဝင်းဝင်းတောက်တော့မည်ကဲ့သို့ ကြည့်ကာ ပြောသည်။
" အင်း..."
" နင် ဘာတွေလုပ်ခဲ့တယ်ဆိုတာ နင် သေချာ စဉ်းစားမိရဲ့လား..."
အန်နီက အံကို ကြိတ်ကာ ပြောသည်။
" နင်က အားလုံးကို ဖျက်ဆီးပစ်ခဲ့တာ... ငါ၊ ချာလီ၊ ငါ့မိဘတွေ အားလုံး... အားလုံးပဲ... နင်သိရဲ့လား..."
" ငါ.. ငါ.. အဲဒီတုန်းက ထိတ်လန့်နေခဲ့လို့ပါဟာ..."
" အော်... ဟုတ်လား... ငါကတော့ နင်နဲ့ ပတ်သက်သမျှ လျှို့ဝှက်ချက်တွေအကုန် ထိန်းသိမ်းထားခဲ့တယ်လေ..."
" အန်နီ... နင်က ငါ့ရဲ့ အကောင်းဆုံးသူငယ်ချင်းပါဟာ... ငါ နင့်အတွက် အစိုးရိမ်လွန်သွားလို့ပါ..."
" အင်း... အကောင်းဆုံးသူငယ်ချင်း... ဟုတ်ခဲ့တယ်... အရင်တုန်းက ဟုတ်ခဲ့တယ်.. ခုတော့ မဟုတ်တော့ဘူး..."
အန်နီက စားပွဲပေါ်တင်ထားသော စာအုပ်များကို ချက်ချင်း ကောက်သိမ်းလိုက်သည်။
" နင် ငါ့ကို နည်းနည်းလေးငဲ့ညှာမယ်ဆိုရင် နောက် ငါ့ကို ဘယ်တော့မှ စကားလာမပြောပါနဲ့တော့..."
" အန်နီ... အန်နီ..."
အန်နီ လုံးဝ နောက်လှည့်မကြည့်တော့ဘဲ ထထွက်သွားလေသည်။
" ပါတီပွဲမှာ မင်းဘယ်လိုလုပ်သွားတာလဲ ၀ီလ်..."
အယ်လ်က ၀ီလ့်ရုံးခန်းထဲ ရောက်လာပြီး ထိုင်တောင်မထိုင်နိုင်ဘဲ ၀ီလ့်ကို အပြစ်တင်စကားဆိုသည်။
" ဆောရီးပါကွာ... ငါတောင်းပန်ပါတယ်...အဲဒီတုန်းက ငါ ကိုယ်ရေးကိုယ်တာ ကိစ္စလေးပေါ်လာလို့ပါ... "
" သေချာလား... မင်းကို အလုပ်ကို လာချင်တဲ့အချိန်လာမယ်.. ပြန်ချင်ရင် ပြန်မယ်.. ငါက အခုကိစ္စကို မင်းကို ဦးစီးပြီး လုပ်စေချင်တာကွ..."
" ငါလဲ ၁၀၀ရာခိုင်နှုန်း လုပ်နေတာပါပဲ..."
" အေး.. ဟုတ်ပြီ... မင်း ဒီလိုပြောတယ်နော်... ငါ ဒီဖိုင်ကို မင်းစားပွဲပေါ် လွန်ခဲ့တဲ့ တစ်ပတ်ကတည်းက တင်ထားတာ... မဲလ်က ဒါကို ရိုက်ကူးရေးစဖို့ စောင့်နေတာ တနင်္လာနေ့ကတည်းက... မင်းက ခုထိ လက်မှတ်မထိုးရသေးဘူး..."
" ပြောလိုက်ပေါ့ကွာ...စ တော့လို့... ငါ လက်မှတ်မထိုးလဲ ဘာမှ မဖြစ်ပါဘူး... ရိုက်ကူးရေးက စလို့ ရနေတာပဲ... ဖြစ်ပါတယ်..."
" မင်း ဒါကို ဖွင့်တောင် မကြည့်ခဲ့ဘူးမဟုတ်လား... ဟမ်... မင်းဘာတွေဖြစ်နေတာလဲ..."
ဝီလ် နှုတ်ဆိတ်သွားသည်။
ကိုယ်ရေးကိုယ်တာကိစ္စမို့ ၀ီလ် ထုတ်မပြောချင်။
သို့သော် ယခုမူ ထုတ်မပြောလျှင် မဖြစ်တော့သည့် အခြေအနေသို့ ရောက်လာပေပြီ။
" အန်နီ... အန်နီကိစ္စကြောင့်ပါကွာ..."
" ဘယ်လို... အန်နီ ဘာဖြစ်လို့လဲ..."
" သူ ဟိုတလောက လိင်ပိုင်းဆိုင်ရာ တိုက်ခိုက်ခံခဲ့ရတယ်..."
" ဘာ.. ဘယ်လို..ဘယ်လို..."
အယ်လ် ဘာမှ မပြောနိုင်တော့လောက်အောင် ဖြစ်သွားသည်။
ထို့နောက် ၀ီလ့်နားရှိ ခုံတစ်ခုံကို ဆွဲယူထိုင်လိုက်သည်။
" ဘယ်လို ပြောရမယ်မှန်းတောင် မသိတော့ပါဘူး ၀ီလ်ရာ..."
" အင်း... သူအဆင်ပြေပါတယ်.. လောလောဆယ်တော့ အဆင်ပြေတယ်လို့ မဟုတ်ဘူးပေါ့.. ဒါပေမယ့် ပြေပါတယ်..."
" ရဲတွေ တရားခံကို ဖမ်းမိပြီလား..."
" စုံစမ်းတုန်းပဲ ရှိသေးတယ်... စုံစမ်းတာကလဲ မိုတယ်အဆင့်ကကို မတက်သေးပါဘူး..."
" ဘယ်လို... ပြန်ပေးဆွဲခံရတာလား..."
" မဟုတ်ဘူး... အန်နီက အဲဒီလူနဲ့ သိတယ်.."
" ငါ ငါ သိပ်မရှင်းဘူးကွာ.."
" အွန်လိုင်းမှာ အချိန်တော်တော်ကြာထဲက အန်နီနဲ့ အဲဒီလူနဲ့က သိနေတာ..."
" အော်.. အဲဒီလိုလား.. ငါသဘောပေါက်ပြီ... မုဒိမ်းမှုများလားလို့... လန့်သွားတာပဲကွာ..."
" ဘာကွ... ဒါ မုဒိမ်းမှုပဲကွ... ငါ့သမီးက ၁၄နှစ်ပဲ ရှိသေးတယ်.. ဟိုကောင်က သုံးဆယ်ကျော်နေပြီ..."
" အေး... ငါသိပါတယ်... ငါသိပါတယ်... မုဒိမ်းမှုလို့ ယူဆလို့လဲ ရပါတယ်... တစ်ချိန်တုန်းက ငါဓာတ်ပုံရိုက်ပေးခဲ့ရတာမျိုးပေါ့... ငါဒီလုပ်ငန်းမလုပ်ခင် ဓာတ်ပုံဆရာလက်သင်ဘ၀မှာ အဲဒီလိုမျိုး ဦးနဲ့သမီး ဇာတ်လမ်းတွေ ဓာတ်ပုံရိုက်ပေးခဲ့ရတာပဲလေ... ထားပါတော့... မပြောတော့ပါဘူး... မင်သိချင်မှာလဲ မဟုတ်ပါဘူး..."
ဝီလ်က အယ့်ကို နားမလည်စွာ ကြည့်လိုက်မိသည်။
အယ်လ်ပြောလိုတာက ချာလီလုပ်ခဲ့သောအမှုကို အန်နီက ကျေကျေနပ်နပ်ကြီး လက်ခံသဘောတူခဲ့တာလို့ ဆိုလိုတာများလား...။
ဝီလ်၏ အိမ်အပြန်လမ်းတစ်လျှောက်လုံး အယ်လ်ပြောလိုက်သော စကားများက ကြီးစိုးထားသည်။
အယ်လ်ပြောတာ ဖြစ်နိုင်သလား။
အန်နီက အလိုတူအလိုပါလား။
အန်နီက ဆယ့်လေးနှစ်ပဲ ရှိသေးသည်လေ။
ဤသို့သော အရာများနှင့် မအပ်စပ်သေးပါ။
အန်နီ မိုတယ်ခန်းထဲမှာ အော်ဟစ်အကူအညီမတောင်းခဲ့တာ ဘာကြောင့်လဲ။
ဘာကြောင့်လဲ..။
ဘာကြောင့်လဲ..။
သမီးတစ်ယောက်ဖခင်၏အတွေးများကို ထိုမေးခွန်းများက ထွေပြားနေစေသည်။
ထို့ကြောင့် ၀ီလ်သည် အန်နီ့အခန်းကို တက်သွားလိုက်သည်။
အန်နီက ကုတင်ပေါ်တွင် လှဲနေရင်း စာအုပ်တစ်အုပ်မှာ စာရေးနေသည်။
" သမီး... ဖေဖေ ၀င်ခဲ့လို့ရမလား..."
" ရပါတယ်... ဘာကိစ္စရှိလို့လဲ..."
အန်နီက စာအုပ်ကို ပိတ်ပြီး ဘေးမှာ ချထားလိုက်သည်။
" ကျောင်းမှာ အဆင်ပြေလားသမီး.."
ဝီလ်က အန်နီ့ကုတင်မှာ ထိုင်လိုက်ရင်း မေးလိုက်သည်။
" ပြေပါတယ်..."
" သူငယ်ချင်းတွေနဲ့ရော အဆင်ပြေလား..."
" ပြေပါတယ်..."
" ဂေးလ်နဲ့ရော ဒီနေ့ တွေ့ဖြစ်သေးလား..."
" ဟင့်အင်း... နက်ဖြန်မှ..."
" အဲဒီမှာရော... အခြေအနေ ဘယ်လိုလဲ..."
" ကောင်းပါတယ်... ကုသခံနေရတဲ့ သဘောပေါ့..."
ခေတ္တမျှ စကားစ ပြတ်သွားသည်။
" ဟို... ချာလီဆိုတဲ့ကောင်ဆီက အဆက်အသွယ်တစ်ခုခု ရသေးလား..."
" အဲဒီလိုလုပ်တာ အန်နီ မကြိုက်ဘူး... သူ့နာမည်ကို အဲဒီလို ခေါ်တာကိုပေါ့.."
" အဲဒါ သူ့နာမည်အရင်းလဲ မဟုတ်လောက်ပါဘူးသမီးရယ်..."
" ဘာပြောချင်လို့ လာတာလဲ..."
" ဆက်သွယ်မှု တစ်ခုခု လာသေးလား..."
" မလာဘူး..."
" လုံးဝကို မလာဘူးပေါ့... ဟုတ်လား..."
ဝီလ်က မယုံသင်္ကာသံဖြင့် မေးသဖြင့် အန်နီက ဒေါသသံလေးအနည်းငယ်ဖြင့် သူမဖုန်းကို ထုတ်ပြီးကမ်းပေးသည်။
" သမီးပုံစံက ဘာဖြစ်နေတာလဲ..."
" ဟုတ်တယ်... ဒီလိုပဲ ဖြစ်နေတာလေ..."
" အဲဒီဖုန်းမှာ တစ်ခုခုဆိုရင် ဖွက်ထားစရာနေရာတော့ မရှိလောက်ပါဘူးနော်..."
အန်နီက သူ့အဖေကို အံ့သြစွာဖြင့် ကြည့်လိုက်သည်။
သူမ၏အဖေက သူမကို မယုံကြည်စွာ ပြောနေခြင်းအတွက် ခံစားသွားရပုံ ရသည်။
အန်နီက ဖုန်းကို အခန်းဝသို့ လွှင့်ပစ်လိုက်သည်။
" ယူသွားတော့... မလိုချင်တော့ဘူး... ဘာဖြစ်နေတာလဲ..."
" ဘာဖြစ်နေတာလဲ... ဟုတ်လား.. ဖေဖေဖြစ်နေတာက သမီး လိမ်နေခဲ့လို့ပဲ.."
ဝီလ်က အန်နီ့ကို စိုက်ကြည့်ပြီး ပြန်ပြောသည်။
" ဒီကောင် ၁၅နှစ်မဟုတ်ဘူးဆိုတာ သိသိချင်း သမီးက ဖေဖေ့ကို ပြောရမယ်... ပြောသင့်တယ်... သမီး မပြောခဲ့ဘူး... လိမ်ညာနေခဲ့တယ်.. ဟုတ်လား.. ဘာဖြစ်လို့ ဖေဖေ့ကိုဖြစ်ဖြစ် သမီးအမေကို ဖြစ်ဖြစ် မပြောခဲ့တာလဲ... လာပြောလို့ ဘာဖြစ်သွားမှာမို့လို့လဲ.. ဟင်.."
အန်နီ ဘာမှ ပြန်မပြော။
သူမ လိမ်ညာခဲ့သည်မှန်သော်လည်း ဖခင်ဖြစ်သူက ဆူပူကြိမ်းမောင်းသောအခါ ရင်ထဲ၌ ၀မ်းနည်းမှုတို့က လှိမ့်တက်လာသည်။
" ပထမဆုံးသိလိုက်တာနဲ့ တစ်ခုခုမှားနေပြီဆိုတာ သိသင့်တာပေါ့.. အဲဒီတုန်းက နင်ဘာတွေတွေးနေလို့လဲ.. အဲဒီကောင်နဲ့ mallထဲမှာ တွေ့တဲ့အခါ ပထမဆုံးတွေ့တဲ့အခါ နင် ဘာလုပ်နေခဲ့လဲ... ငါ့ဆီ ဖုန်းခေါ်ပါလား.. ဒါမှမဟုတ် ထွက်ပြေးခဲ့ပါလား.. အဲဒီလိုကောင်မျိုးနဲ့ ကားတစ်စီးထဲမှာ အတူစီးပြီး လိုက်သွားလိုက်သေးတယ်.. အဲဒါက တအားအရေးကြီးနေလို့လား.. ဟုတ်လား..."
ဝီလ်သည် ပြောရင်းနှင့် မိမိကိုယ်ကို မထိန်းနိုင်တော့ပေ။
ဖခင်၏ စကားလုံးများအောက်တွင် အန်နီ့ခမြာ ရင်ထဲ တလှိုက်လှိုက်ဖြစ်လာသည်။
မျက်ဝန်းများထဲ၌ မျက်ရည်များ ပြည့်နှက်လာသည်။
" ဖေဖေ နားလည်ပေးဖို့ ကြိုးစားတယ်... ဒါပေမယ့်..."
" သမီးကို တစ်ယောက်ထဲ နေခွင့်ပေးပါ..."
အန်နီ့မျက်ရည်များ ပါးပြင်ပေါ်သို့ လှိမ့်ဆင်းကျလာသည်။
မျက်ရည်တို့ထက် ရင်ထဲမှာ ပိုပြီး နာကျင်နေသည်။
" ဖေဖေ့ကို ပြောပြစမ်းပါ... သမီး ဘာဖြစ်လို့..."
" ပြောပြရင်ကော နားလည်ပေးမှာမို့လို့လား..."
အန်နီက ခေါင်းအုံးကို လွှင့်ပစ်လိုက်ရင် ပြန်အော်သည်။
" မဟုတ်ဘူး... ဒါမျိုးက.."
" ဟုတ်တယ်... ဒါမျိုးက တစ်ယောက်ယောက်က အစမဖော်ခဲ့ရင် အရာအားလုံး အဆင်ပြေနေမှာ..."
" ဘာ... ဘယ်လိုပြောလိုက်တယ်..."
" ဟုတ်တယ်... သမီးနဲ့ ချာလီလေ.."
" ဘာ... နင် ရူးနေပြီလား..."
" ရူးနေတာက ဖေဖေလေ... ဖုန်းကိုလည်း ခိုးစစ်တယ်.. အင်တာနက်မှာ ပေါက်ကရတွေ လျှောက်လုပ်တယ်.."
အန်နီက ပြန်အော်သည်။
" ငါက ဟိုမုဒိမ်းကောင်ကို ဖမ်းမိဖို့ လုပ်နေတာ... နင်မသိဘူးလား.."
" သူက မုဒိမ်းကောင် မဟုတ်ဘူး.. ဖေဖေ သူ့အကြောင်း ဘာသိလို့လဲ..."
" ဘာ.. နင်က ဒီကောင့်ကို အကာအကွယ်ပေးနေသေးတယ်... အဲဒီကောင်က နင့်ကို မုဒိမ်းကျင့်ခဲ့တာ.. မုဒိမ်းကျင့်ခဲ့တာ..."
" မဟုတ်ဘူး... မဟုတ်ဘူး.. သူ အန်နီ့ကို မုဒိမ်းကျင့်ခဲ့တာ မဟုတ်ဘူး..."
ဝီလ်နှင့် အန်နီတို့ ရန်သူကြီးနှစ်ယောက်အလား အပြန်အလှန် အော်ဟစ်နေကြလေသည်။
" သွား... ထွက်သွား... ဒီအခန်းထဲက ထွက်သွား... ဖေဖေ့ကို မုန်းတယ်.. မုန်းတယ်...."
အန်နီက မျက်ရည်များကြားမှာ ၀ီ်လ့်ကို အော်ဟစ်လေသည်။
မျက်ရည်များလဲ တလဟော ကျဆင်းနေပြီဖြစ်သလို သူမ၏နှလုံးသားလည်း နာကျင်စူးနစ်နေပြီဖြစ်သည်။
ဝီလ်က အန်နီ့ကို နားမလည်စွာ ကြည့်ကာ ထိုင်ရာမှ ထလိုက်ပြီး အခန်းအပြင်သို့ တစ်လှမ်းချင်း ထွက်သွားလေသည်။
အန်နီကတော့ အခန်းတွင်း၌ တရှုံ့ရှုံ့ငိုကြွေးရင်း ကျန်ရစ်နေခဲ့သည်။
ဝီလ်ကား ထိုအချိန်ထိ မတည်ငြိမ်နိုင်သေး။
သူ သိချင်နေဆဲ... အဖြေတစ်ခုကို လိုက်ရှာချင်နေဆဲ.. အဖြေတစ်ခုကို လိုအပ်နေဆဲဖြစ်သည်။
ထိုသို့ဖြင့် ၀ီလ်သည် ဂေးလ်၏ ရုံးခန်းသို့ ရောက်သွားလေတော့သည်။
ဂေးလ်၏ရုံးခန်းထဲရောက်တော့ ၀ီလ်က ဂေးလ်နှင့် မျက်နှာချင်းဆိုင်မှာ ၀င်ထိုင်ရင်း စကားစပြောသည်။
" ခင်ဗျားကို ကျွန်တော့်သမီး ဘာတွေပြောခဲ့တယ်ဆိုတာ သိချင်တယ်ဗျာ..."
" ကျွန်မရဲ့ ဘယ်လူနာနဲ့မဆို ဆွေးနွေးခဲ့တဲ့ အကြောင်းတွေကို ဘယ်သူ့ကိုမှ ပြန်မပြောပြပါဘူး.. ဒါ ၀တ္တရားပါ..."
ဂေးလ်က ပြန်ပြောသည်။
" ကျွန်တော်သိတယ်... ဒါပေမယ့် ကျွန်တော်သိချင်တာက ကျွန်တော့်သမီးအကြောင်းလေ... သိခွင့်ရှိရမှာပေါ့... သူ့ကို ခွဲစိတ်ကုသဖို့ လိုအပ်လာရင် ကျွန်တော့်လက်မှတ်မပါလို့ မရသလို သူနဲ့ ပတ်သက်ရင် ကျွန်တော့်မှာ အရာရာ တာဝန်ရှိတယ်..."
" အခု ကျွန်မသုံးတဲ့ ရောဂါကုထုံးမှာတော့ လက်မှတ်မလိုပါဘူးဝီလ်..."
" ဒါပေမယ့်.. ဒါပေမယ့်... ဒါတွေက ဘာမှ အဓိပ္ပါယ်မရှိဘူး... ကျွန်တော့်အတွက်... ကျွန်တော့်အတွက်... သိဖို့ လိုအပ်နေတယ်ဗျာ..."
" ဘာဖြစ်နေလို့လဲ ၀ီလ်..."
စက္ကန့်အနည်းငယ်ကြာသည်အထိ အဖြေ ပြန်မလာ။
ဝီလ်က ကြမ်းပြင်ကိုသာ ငူငူကြီး စိုက်ကြည့်နေသည်။
" ကျွန်တော်... ကျွန်တော်.. ကျွန်တော့်အတွေးတွေကို ရပ်လို့ မရဘူးဗျာ... ကားမောင်းနေတုန်းပဲဖြစ်ဖြစ်.. ရုံးမှာ၊ အစည်းအဝေးမှာ၊ နေရာတိုင်းမှာ ကျွန်တော်မြင်ယောင်နေတယ်... ကုတင်... ကုတင်ပေါ်က ကျွန်တော့်သမီးလေးနဲ့ အဲဒီကောင်ကို..."
ဝီလ့်အသံတို့က တုန်ယင်နေသည်။
" ကျွန်တော် ဟိုတစ်နေ့က အိပ်မက်မက်တယ်.. ကျွန်တော် အဲဒီကောင်ကို ဖမ်းမိသွားတယ်.. ဒီကောင် အသက်ထွက်တဲ့အထိ ကျွန်တော်ထိုးရိုက်ပစ်လိုက်တယ်... ကျွန်တော် ဒီကောင့်ကို အပေါ်က ဖိထားပြီး ဘယ်ပြန်၊ ညာပြန် မျက်နှာကို ထိုးတယ်၊ ထိုးတယ်.."
ဝီလ့်အသံတို့က ဒေါသသံအချို့လည်း ပါသည်။
" ဒီကောင့် မျက်ခွက်ကို စုတ်ပြတ်သတ်နေအောင် ထိုးပစ်လိုက်တယ်.. ဒီကောင့်မျက်နှာက သွေးတွေ ပန်းထွက်လာတာ ကျွန်တော့်ပါးစပ်တောင် သွေးတွေ လာစင်တယ်.. ပါးစပ်ထဲမှာ သွေးအရသာ ခံစားနေရတယ်... တကယ်တမ်းနိုးလာတော့ ကျွန်တော် ကိုယ့်ပါးစောင်ကိုယ် ကိုက်နေမိတာ.."
ဂေးလ်က သက်ပြင်းချလိုက်သည်။
" ဟုတ်ပါပြီ.. ရဲတွေက အဲဒီလူကို ဖမ်းမိလို့ ထောင်ထဲထည့်လိုက်ရင် ရှင် ဘယ်လို ခံစားရမလဲ..."
" ကောင်းတယ်... ပျော်မိမှာပဲ.. နောက်ပြီး ဒေါသလဲ ထွက်နေဦးမှာပဲ..."
" ဘာလို့ ဒေါသထွက်နေဦးမလဲ..."
" ကျွန်တော်က ဒီကောင့်ခေါင်းကို ဖြတ်ပစ်ချင်တာ.. ဒီကောင့်ကို သတ်ပစ်ချင်တာ... တကယ်တမ်းကျ ကျွန်တော် ဘာမှ လုပ်လို့ မရဘူးလေ..."
" ဘာတွေက ရှင့်ကို အဲဒီလို လုပ်ချင်စိတ် ဖြစ်စေတာလဲ..."
" ဘာဖြစ်လို့လဲဆိုတော့ ဘာတွေဖြစ်ခဲ့တယ်ဆိုတာ ကျွန်တော် ဘာမှ မသိရလို့ပဲ.. အန်နီက ကျွန်တော့်ကို တစ်ချိန်လုံး လိမ်ညာနေခဲ့လို့ပဲ... အဖေတစ်ယောက်အနေနဲ့ ကျွန်တော်..ကျွန်တော်.. ကျွန်တော့်သမီး ဒီကောင်နဲ့ ဘယ်လောက်ထိ ရင်းနှီးကျွမ်းဝင်နေခဲ့တယ်ဆိုတာ မသိခဲ့ဘူး... ကျွန်တော် ဘာမှမလုပ်နိုင်ခဲ့တာ.. ဘာဆို ဘာမှ မလုပ်နိုင်ခဲ့တာ.."
ဝီလ်က ပြောနေရင်းနှင့် မျက်ရည်များကျတော့မည်ကဲ့သို့ ဖြစ်လာသည်။
" တော်ပါတော့ရှင်.. ကိုယ့်ကိုကိုယ်မနှိပ်စက်ပါနဲ့တော့..."
" ကျွန်တော်.. ကျွန်တော်ဟာ ကိုယ့်သားသမီးကို မကာကွယ်နိုင်ခဲ့တဲ့၊ လုံးဝအသုံးမကျခဲ့တဲ့ အဖေတစ်ယောက်ပါဗျာ..."
ဝီလ်က မျက်လုံးစုံမှိတ်ကာ မျက်ရည်များကို ကျမလာစေရန် ထိန်းလိုက်သည်။
ဂေးလ်က ၀ီလ့်ကို စာနာစွာ ကြည့်နေလေသည်။
" ဒီမှာ ၀ီလ်..၊ ကျွန်မတို့ဟာ ကိုယ့်ကိုကိုယ်ရော၊ ကိုယ်ချစ်တဲ့သူတွေအပေါ်မှာရော ဖြစ်လာတဲ့ အခြေအနေတွေကို ဘယ်သူမှ ထိန်းချုပ်နိုင်စွမ်းမရှိကြပါဘူး... အန်နီသာ ကောလိပ်သွားရတော့မယ့်အချိန်မှာဆို ဘယ်လိုလုပ်မလဲ... ဘာတွေဖြစ်လာမလဲ..."
" ဘာ.. ဘာပြောတာလဲဗျာ..."
" လူဆိုတာ တစ်ခုမဟုတ်တစ်ခု နာကျင်ခံစားကြရတာချည်းပါပဲရှင်... ကျွန်မတို့ဟာ ကိုယ့်ကိုကိုယ်စောင့်ရှောက်ဖို့၊ ကိုယ့်သားသမီးတွေကို စောင့်ရှောက်နိုင်ဖို့ တစ်နည်းပဲရှိပါတယ်... အဲဒါကတော့ တစ်ယောက်ယောက်လဲကျတဲ့အခါ၊ တစ်ယောက်ယောက် ထိခိုက်နာကျင်ရတဲ့အခါ ကျွန်မတို့က သူတို့အနားမှာ ရှိပေးဖို့၊ သူတို့ကို ဆွဲကူထူပေးဖို့ပါပဲ..."
ဂေးလ်၏ လေးနက်သောစကားသည် အဓိပ္ပါယ်ပြည့်ဝပါသည်။
လူတိုင်း၊လူတိုင်းသည် ကျရောက်လာမည့် အန္တရာယ်များကို မဖြစ်ပေါ်စေရန် တားဆီးနိုင်လိမ့်မည် မဟုတ်ပါ။
လူတိုင်း ထိခိုက်အနာတရ ဖြစ်ရနိုင်ပါသည်။
လိုအပ်သည်မှာ ၎င်းတို့ကို အားပေးနှစ်သိမ့်ပေးမည့်၊ ဖေးကူထူမပေးမည့်သူသာ ဖြစ်ပါသည်။
(ဆက်ရန်)
ရှေ့မှ အပိုင်းများကို ပြန်ဖတ်ရန်
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၁)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၂)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၃)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၄)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၅)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၆)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၇)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၈)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၉)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၁၀)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၁၁)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၁၂)
No comments:
Post a Comment