ဝီလ်သည် တံခါးကို အမောတကောဖြင့် တွန်းဖွင့်လိုက်ရင်း ပြည်သူ့ဆေးရုံ၏ အတွင်းခန်းထဲသို့ လှမ်းဝင်လိုက်သည်။
ရဲစခန်းမှ ၀ီလ်၏အလုပ်သို့ ဖုန်းဆက်အကြောင်းကြားသဖြင့် ၀ီလ်တစ်ယောက် ပြည်သူ့ဆေးရုံသို့ ရောက်လာခဲ့ရခြင်း ဖြစ်သည်။
ဝီလ်က ပြန်မေးတော့ အန်နီ့ကိစ္စဟု ဆိုသည်။ အတိအကျတော့ မပြော...။
အန်နီ... သမီးလေး... သမီးလေး ဘာဖြစ်လို့ပါလိမ့်...။
" ၀ီလ်... ၀ီလ်..."
ဝီလ် ဆေးရုံထဲတော့ ဧည့်ဆောင်ထဲမှ လင်းက ၀ီလ့်ကို လှမ်းခေါ်ရင်း ပြေးထွက်လာသည်။
လင်း၏ မျက်နှာပေါ်မှာလည်း စိုးရိမ်ထိတ်လန့်မှုတို့က အတိုင်းသား ပေါ်လွင်နေသည်။
" ဘာဖြစ်တာလဲဟင်... "
" သူတို့က ဘာမှ မပြောကြဘူး... ဖုန်းဆက်လို့ ဒီရောက်လာတာ... သမီးလေး... သမီးလေး... ဘာဖြစ်တာလဲ မသိဘူး..."
လင်းက ၀ီလ့်ထံ ပြေးလာကာ လက်ကို ဆုပ်ကိုင်ထားရင်း ပြောသည်။
သူမအသံတို့မှာ တုန်ရီနေပြီး ရှိုက်သံတစ်ဝက်က ရောယှက်လို့ ပါနေသည်။
ဝီလ်လည်း အနားမှ ဖြတ်သွားသော ဆေးရုံဝန်ထမ်း အမျိုးသမီးတစ်ယောက်ကို လှမ်းတားလိုက်သည်။
" ဒီမှာဗျာ... အန်နီကင်မရွန်းလေ... ကျ.. ကျွန်တော်တို့က သူ့မိဘတွေပါ... သူနဲ့ တွေ့ချင်လို့ပါ..."
ဆေးရုံဝန်ထမ်းအမျိုးသမီးက အပြည့်အစုံနားမလည်သောကြောင့် ကြောင်တောင်တောင်ပြန်ကြည့်သည်။
" ဒီမှာရှင့်... အန်နီကင်မရွန်းရဲ့ မိဘတွေလား... "
သူတို့အနီးသို့ အမျိုးသမီးရဲအရာရှိတစ်ဦး ရောက်လာခြင်းဖြစ်သည်။
" ဟုတ်... ဟုတ်ကဲ့..."
" ကျွန်မ ရဲအရာရှိ ဂိုမက်ဇ်ပါ... ရှင်တို့သမီးနဲ့ ပတ်သက်လို့ သူအားလုံး အဆင်ပြေပါတယ်... ဘာမှ မဖြစ်ပါဘူး... လောလောဆယ် ဧည့်ဆောင်မှာ စောင့်ပေးပါရှင်... "
" ရှင်.."
" ဘာ... ဘာဖြစ်တာလဲဗျာ... "
ဝီလ်နှင့်လင်းတို့က စိုးရိမ်ထိတ်လန့်စွာဖြင့် ရဲအရာရှိကို အားကိုးတကြီး မေးကြသည်။
" ကျွန်မတို့ သိထားရသလောက်ကတော့ အန်နီဟာ လွန်ခဲ့တဲ့ သုံးရက်က သူ့ယောက်ျားလေးရည်းစားရဲ့ လိင်ပိုင်းဆိုင်ရာ အနိုင်ကျင့်မှုကို ခံခဲ့ရပါတယ်..."
ဘယ်လို...။
အန်နီ၏ မိဘများဖြစ်သော ၀ီလ်ရော၊ လင်းပါ ဝေခွဲမရဖြစ်သွားသည်။
သူတို့သမီးလေးမှာ ရည်းစားမရှိပါ...။
" သမီးလေး.. သမီးလေးမှာ ရည်းစားမရှိပါဘူးဗျာ..."
ဝီလ်က ပြန်ပြောသည်။
" ဟုတ်ပါပြီရှင်... စနေနေ့ကတော့ အန်နီဟာ ချာလီလို့ခေါ်တဲ့ အမျိုးသားတစ်ယောက်နဲ့ ချိန်းတွေ့ခဲ့ပါတယ်... ပြီးတော့ မိုတယ်တစ်ခုမှာ လိင်ပိုင်းဆိုင်ရာ အနိုင်ကျင့်မှု ခံခဲ့ရပါတယ်..."
" ရှင်... "
လင်းမှာ မေ့လဲလုမတတ်ဖြစ်သွားသဖြင့် ၀ီလ်က ထိန်းထားရသည်။
" အဲဒီလူဟာ ခန့်မှန်းရသလောက် အသက်၃၅နှစ် ရှိပါပြီရှင်... "
" ဗျာ..."
ဝီလ်ရော လင်းပါ အသက်ရှူရပ်မတပ် ဖြစ်သွားကြသည်။
သူတို့သမီးလေး... ၁၄နှစ်သာ ရှိသေးသော သူတို့သမီးလေး... ၁၅နှစ်ပင် မပြည့်သေးသော သမီးလေး အခုတော့...။
" ကျွန်တော့်သမီး... ကျွန်တော့်သမီး အခု ဘယ်မှာလဲဗျာ..."
" သူအခု ဆေးစစ်ခန်းထဲမှာ သူနာပြုတွေနဲ့အတူ ရှိနေပါတယ်... လိုအပ်တာတွေ စစ်ဆေးနေတာပါရှင်... စိတ်ပညာကျွမ်းကျင်သူတစ်ယောက်လဲ ရှိနေပါတယ်... အဆင်ပြေပါတယ်... ဘာမှမဖြစ်ပါဘူး..."
" ကျွန်မ သူ့ကို တွေ့ချင်တယ်.."
လင်းက မျက်ရည်များကြားမှ ပြောသည်။
" ဟုတ်ကဲ့... ဟောဟိုမှာ ဧည့်သည်နားနေခန်း ရှိပါတယ်ရှင်... အဲဒီမှာ ထိုင်စောင့်ပေးပါ..."
" အခု တွေ့မှ ဖြစ်မယ်..."
" အခုတွေ့လို့ရော မရဘူးလားဗျာ..."
ဝီလ်နှင့် လင်းက ပြိုင်တူ ပြောလိုက်ကြသည်။
" စစ်ဆေးနေလို့ပါရှင်... မိနစ်ပိုင်းပဲ ကြာမှာပါ... ခဏလေးပဲ စောင့်ပေးပါ..."
ရဲအရာရှိက ၀ီလ်နှင့်လင်းတို့ကို ဧည့်သည်နားနေခန်းသို့ ဦးဆောင်ခေါ်သွားပြီး ခေတ္တစောင့်ဆိုင်းပေးပါရန် ပြောပြီးနောက် ပြန်ထွက်သွားသည်။
ဧည့်သည်နားနေခန်းထဲ၌ ၀ီလ်နှင့်လင်းသာ စိတ်ထိခိုက်တုန်လှုပ်မှုများစွာဖြင့် ကျန်ခဲ့ကြသည်။
" ဘယ်လို ကံကြမ္မာလဲကွာ... ငါတို့ သမီးလေးမှ..."
ဝီလ်က ပါးစပ်မှ တတွတ်တွတ်ရေရွတ်ရင်း လမ်းကို ခေါက်တုံ့ခေါက်ပြန် လျှောက်နေသည်။
သူ ထိုင်ဖို့ မတတ်နိုင်ပါ...။
သမီးလေးရယ်... ဘာတွေဖြစ်ခဲ့ပါလိမ့်...။
လင်းခမျာမှာတော့ မတ်တပ်ရပ်ဖို့ပင် အားအင်များ ကုန်ဆုံးသလို ခံစားနေရသည်မို့ ထိုင်ခုံပေါ်မှာသာ ထိုင်နေရရှာသည်။
မဖြစ်နိုင်ဘူး.. မဖြစ်နိုင်ဘူး ဟုသာတွေးရင်း ခေါင်းတယမ်းယမ်းဖြစ်နေသော သူမသည် ပါးပြင်ထက်မှ မျက်ရည်များကိုပင် သုတ်ပစ်ရန် မစဉ်းစားမိတော့ပေ...။
မိဘနှစ်ပါးအတွက် တစ်ကမ္ဘာဟု ထင်ရလောက်သော သုံးမိနစ်ခန့်အချိန်အတောအတွင်း အမျိုးသမီးရဲအရာရှိဦးဆောင်ကာ လူမည်းအမျိုးသမီးတစ်ဦးက အန်နီ့ကို တွဲလာရင်း ဧည့်သည်နားနေခန်းထဲ ရောက်လာကြသည်။
" အော်... မေမေ့သမီးလေးရယ်... "
လင်းက ရှိသမျှအားအင်တို့ကို စုစည်းကာ ထိုင်ရာမှ ထ၍ အန်နီ့ကို ထွေးပွေ့လိုက်သည်။
အန်နီခမျာမှာတော့ ငိုရှိုက်သံသဲ့သဲ့မှတပါး အခြားအရာများကို မစွမ်းဆောင်နိုင်တော့ချေ...။
" အဆင်ပြေသွားမှာပါ သမီးလေးရယ်... နော်... အမေတို့ ရောက်နေပြီပဲ..."
" ဖေဖေ့ဆီ လာပါဦး သမီးလေးရယ်..."
ဝီလ်က အန်နီ့ကို ရင်ခွင်ထဲ ထွေးပွေ့ထားလိုက်သည်။
အန်နီကတော့ ဖခင်ဖြစ်သူ၏ နွေးထွေးသော ရင်ခွင်ထက်ဝယ် မျက်ရည်များ သွန်ချနေမိပြီဖြစ်သည်။
" ကျွန်မနာမည် ဂေးလ်ဖရိတ်မန်းပါရှင်... ဒီပြည်သူ့ဆေးရုံက စိတ်ပညာအကြံပေးတစ်ယောက်ပါ..."
အန်နီ့ကို တွဲခေါ်လာသော လူမည်းအမျိုးသမီးက စကားစပြောသည်။
" ဒီကို အရောက်လာပေးလို့ ၀မ်းသာပါတယ်ရှင်... အန်နီက အံ့သြဖို့ကောင်းလောက်အောင် တည်ငြိမ်တဲ့ မိန်းကလေးပါ... လုပ်ရကိုင်ရတာ အဆင်ပြေပါတယ်..."
ဂေးလ်ဖရိတ်မန်းက နူးညံ့ညင်သာစွာ ပြောရင်း လင်းနှင့် လက်ဆွဲနှုတ်ဆက်လိုက်ကြသည်။
" ဂေးလ်"
အရပ်ဝတ် ၀တ်ထားသော လူတစ်ယောက် ဂေးလ်အမည်ကို လှမ်းခေါ်ပြီး အခန်းထဲ ၀င်လာသည်။
" အော်.. ဒါက FBIက အထူးအေးဂျင့် ဒေါက်တိတ် ဖြစ်ပါတယ်.."
ဂေးလ်က မိတ်ဆက်ပေးသည်။
"FBI"
သမီးလေးအား ပွေ့ဖက်၍ နှစ်သိမ့်ပေးနေသော ၀ီလ်က ဝေခွဲမရသော အသံဖြင့် ဆိုသည်။
" ဘာဖြစ်လို့လဲရှင်... FBIက..."
" ဒီလိုပါခင်ဗျာ... အခုကိစ္စဟာ အင်တာနက်ကို အသုံးပြုပြီး ကလေးသူငယ်ကို လိမ်လည်ဖြားယောင်းခဲ့တာ ဖြစ်တဲ့အပြင် ပြစ်မှုကျူးလွန်သူဟာ နိုင်ငံရပ်ခြားက ကမ္ဘာလှည့်ခရီးသွားတစ်ယောက်လဲ ဖြစ်နိုင်တာမို့ ကျွန်တော်တို့ ၀င်ပါရခြင်း ဖြစ်ပါတယ်..."
အေးဂျင့် ဒေါက်တိတ်က ရှင်းပြသည်။
" အန်နီ... ဒီနေ့ဟာ သမီးအတွက် ခက်ခဲတဲ့ နေ့တစ်နေ့ဖြစ်တယ်ဆိုတာ ဦးသဘောပေါက်ပါတယ်... ဒါပေမယ့် ဦး သမီးကို မေးခွန်းတချို့ မေးမှ ဖြစ်မယ်... ရနိုင်မလားသမီး..."
" အခုချက်ချင်းကြီး လုပ်ရမှာလားဗျာ..."
အန်နီရော မိမိတို့ပါ အင်မတန် စိတ်ထိခိုက်ခံစားနေရသည်မို့ ၀ီလ်က စောဒက တက်သည်။
" ကျွန်တော့်ကို ယုံပါဗျာ... စုံစမ်းစစ်ဆေးမှုဆိုတာ စောစောစနိုင်လေ၊ ကောင်းလေပါပဲ..."
ဒေါက်တိတ်က ရှင်းပြပြီးတပြိုင်နက် ဂေးလ်ဘက် လှည့်လိုက်သည်။
" ဒါနဲ့ ဂေးလ်... အခင်းဖြစ်တုန်းက ကလေးမ ၀တ်ခဲ့တဲ့ အ၀တ်အစားတွေ ရှိသေးတယ်မဟုတ်လား..."
" အင်း... ရှိတယ်..."
" ဒီမှာလား..."
" မဟုတ်ဘူး... အန်နီတို့ အိမ်မှာ..."
" ကောင်းပြီ...အန်နီ... ခဏနေ အိမ်မှာ အဲဒီအ၀တ်အစားတွေ လိုက်ယူမယ်နော်... ဖြစ်တယ်မဟုတ်လား..."
" ဟုတ်..."
" ကဲ... ကျွန်တော် အန်နီနဲ့ နှစ်ယောက်တည်း စကားပြောရပါမယ်... အဲဒါကြောင့် မိဘများအနေနဲ့..."
" ဟာ... မဟုတ်သေးဘူးလေ... ဒါ ကျွန်တော်တို့ သမီး... ဒီအချိန်မှာ သမီးနဲ့အတူ ရှိနေရမှာပေါ့..."
" မဟုတ်သေးဘူးရှင်... အခုအချိန် နားလည်ထားရမှာက ဒီကိစ္စမှာ အန်နီဟာ တရားခံရဲ့ သားကောင်ဖြစ်ခဲ့သူပါ... ရှင်တို့က မိဘများသာဖြစ်ပါတယ်... အခင်းကိစ္စကို အန်နီကသာ အသိဆုံးပါ..."
ဂေးလ်က ၀င်ရှင်းပြသည်။
" ဟုတ်ပါတယ်... ဘယ်အမှုမဆို ဘေးက ဘယ်လိုဖိအားမျိုးမှ မသက်ရောက်စေအောင် ကျွန်တော်တို့က သီးသန့် တစ်ယောက်ချင်း စစ်ဆေးရပါတယ်..."
တိတ်က ထပ်မံရှင်းပြသည်။
" အန်နီနဲ့ ကျွန်တော့်ကို စက္ကန့်ပိုင်းပဲ အချိန်ပေးပါ... ပြီးရင် ကျွန်တော်တို့အားလုံး ခင်ဗျားအိမ်မှာ တူတူထိုင်ပြီး ဆွေးနွေးကြတာပေါ့... ဖြစ်ပါတယ်နော်..."
ထို့နောက် အေးဂျင့်တိတ်နှင့် အန်နီတို့ မိနစ်အနည်းငယ်ခန့် သီးသန့်အမေးအဖြေလုပ်ပြီးနောက် အန်နီတို့သားအမိ၊ သားအဖသုံးယောက် အိမ်သို့ ပြန်လာခဲ့ကြသည်။
အေးဂျင့်တိတ်နှင့်အတူ အခြားအေးဂျင့်နှစ်ဦးပါ ကားတစ်စီးဖြင့် လိုက်လာကြသည်။
အိမ်သို့ ပြန်ရောက်သောအခါ အန်နီက သူမအခန်းထဲတွင် ၀ှက်ထားခဲ့သည့် အခင်းဖြစ်သည့်နေ့က ၀တ်ခဲ့သော အ၀တ်အစားများကို အေးဂျင့်တိတ်အား ထုတ်ပေးလိုက်သည်။
" အဲဒါ စစ်ဆေးဖို့ ဘယ်လောက်ကြာမလဲရှင်..."
လင်းက အေးဂျင့်တိတ်ကို မေးသည်။
" ဒါကတော့ ကျွန်တော်တို့ဆီမှာရှိတဲ့ ရာဇ၀င်လူဆိုးများရဲ့ ကိုယ်ရေးဖိုင်တွေနဲ့ တိုက်စစ်ရမယ့် အနေအထားပေါ် မူတည်ပါတယ်..."
" ဟုတ်ပါပြီဗျာ... အဲဒါကရော ဘယ်လောက် ကြာနိုင်မလဲ..."
ဝီလ်က မေးပြန်သည်။
" လုပ်တာကတော့ ချက်ချင်းစလုပ်မှာပါ.. ဒါပေမယ့် ဒီ အီလီနွိုက်ပြည်နယ်တစ်ခုထဲမှာတင် တရားခံဘယ်သူဆိုတာ အတည်ပြုလို့မရသေးတဲ့ ဒါမျိုးပစ္စည်းတွေ ၂၀၀၀ လောက်ရှိပါတယ်... တချို့ဆို တစ်နှစ်လောက်တောင် ကြာပါပြီ..."
" ဗျာ... ဘယ်လို... ဘယ်လို..."
" FBIမှာရှိတဲ့ ကိရိယာတွေ အကူအညီနဲ့ စစ်ဆေးသွားမှာပါ... နှစ်ပတ် ဒါမှမဟုတ် တစ်လလောက်တော့ ကြာပါလိမ့်မယ်..."
" တစ်လတောင်... ဟုတ်လား..."
" ဟုတ်ကဲ့... ဒါနဲ့ အခု ကျွန်တော်တို့ ကွန်ပြူတာကို ကြည့်နိုင်မလား..."
အေးဂျင့်များသည် အန်နီ၏လက်ပ်တော့အား စစ်ဆေးကာ hard drive တစ်ခုလုံးအား ကော်ပီကူးယူလိုက်ကြသည်။
ထို့နောက် ၄င်းတို့တွင် ပါလာသော လက်ပ်တော့များနှင့် ချိတ်ဆက်ကာ ဧည့်ခန်းထဲ၌ လုပ်ငန်းများ ပြင်ဆင်လိုက်ကြသည်။
အန်နီ့လက်ပ်တော့နှင့် တိတ်၏လက်ပ်တော့ ချိတ်ဆက်ပြီးသောအခါ အန်နီ့ကို တိတ်က သူ့အနားတွင် ထိုင်စေသည်။
" အန်နီ... ဒီသုံးနေကျ chatting ဆိုက်က လွဲပြီး တခြားဆိုက်တွေ သုံးဖြစ်သေးလား... သူနဲ့ ဆက်သွယ်တဲ့အခါ..."
" ဟင့်အင်း..."
" သမီးတို့ ဖုန်းနဲ့လဲ အဆက်အသွယ် ရှိတယ်မဟုတ်လား..."
အန်နီက ခပ်လှမ်းလှမ်းတွင် နံရံကို မှီကာ ရပ်နေသော သူမဖေဖေ ၀ီလ့်ကို မော့ကြည့်လိုက်သည်။
" သူနဲ့ ဖုန်းထဲက စကားတွေ ပြောခဲ့ကြတယ်... ဟုတ်လား..."
ဝီလ်က အန်နီ့ကို ကြည့်ကာ ပြောသည်။
တိတ်က ၀ီလ့်ကို တစ်ချက်ကြည့်ကာ စကားပြန်ပြောသည်။
" သမီးပြောတာ သူ့အမေ နေမကောင်းဘူးလို့ ပြောတယ်နော်..."
" ဟုတ်... ကင်ဆာပါ..."
" ကောင်းပြီ... ခု သူနဲ့ ဆက်သွယ်မယ်... သူ့ကို ပြောရမှာက သမီးက သူ့အမေအတွက် အရမ်းစိတ်မကောင်းဘူး... ဘာလို့လဲဆိုတော့ သမီးဦးလေးတစ်ယောက်လည်း ကင်ဆာရောဂါနဲ့ ဆုံးသွားဖူးလို့... အိုကေ..."
" ဟို... အန်နီ မသိဘူး..."
" ဘာမသိတာလဲ..."
ဝီလ်က ဖြတ်ပြောသည်။ ၀ီလ့်အသံတွင် ဒေါသအနည်းငယ် ပါလာသည်။
" အန်နီ သူ့ကို မလိမ်ချင်ဘူး.."
" ဘာတွေပြောနေတာလဲ သမီး... သူက သမီးကို စ လိမ်ခဲ့တာလေ..."
ဝီလ်က ပြောသည်။
" သမီးရယ်... ဒါလေးပဲ ပြောရမှာပါ... ပြောလိုက်ပါ..."
အန်နီ့ဘေးတွင် တစ်ချိန်လုံး ဘာမှ မပြောဘဲ ထိုင်နေသော လင်းက အန်နီ့ကို တိုက်တွန်းသည်။
" ဟုတ်ပါတယ်... ဖြစ်တယ်မဟုတ်လား..."
အေးဂျင့်တိတ်ကလည်း ပြောပြန်သည်။
" ဟုတ်... လုပ်ကြည့်ပါ့မယ်..."
အန်နီသည် ဖွင့်ထားသော chatting မှတဆင့် ချာလီ့ထံ ဆက်သွယ်ဖို့ ကြိုးစားလိုက်သည်။
" သမီးကိုယ်တိုင် ပြောသလိုပဲ ဖြစ်ပါစေနော်..."
တိတ်က သတိပေးသည်။
အန်နီး ဟိုင်း အကို ရှိနေလား
အန်နီက ဆက်သွယ်ရန် ကြိုးစားစဉ် အေးဂျင့်များက ၄င်းတို့၏ လက်ပ်တော့ကိုယ်စီဖြင့် ပရိုဂရမ်များဖွင့်ကာ ခြေရာခံရန် ကြိုးစားကြသည်။
သို့သော် ချာလီထံမှ လုံးဝ အကြောင်းပြန်မလာပါ။
" သူ အန်နီ့ကို မကြိုက်တော့လို့ ဖြစ်မယ်.."
" ဘာ..."
ဝီလ့်အသံက ကျယ်လောင်စွာ ထွက်လာသည်။
" ဒီမှာ သမီး... အဲဒီကောင်က သမီးကို လှည့်စားခဲ့တာကွ..."
" ၀ီလ်..."
လင်းက ၀ီလ့်ကို သတိပေးလိုက်သည်။
ထိုစဉ် ချာလီ့အကောင့်မှ မီးစိမ်းလေး ဖျတ်ခနဲ လင်းလာသည်။
ချာလီး ဟိုင်း အန်နီ
အန်နီ့ရင်ထဲ ထိတ်ခနဲ ဖြစ်သွားသည်။
ချာလီ့ထံမှ မီးစိမ်းလေးကို မတွေ့ရတာ ကြာပြီလေ...။
ဝီလ်က ၀ုန်းကနဲ လက်ပ်တော့နား ရောက်လာသည်။
" အဲဒါ ... ဟိုကောင်လား..."
" ကောင်းပြီ အန်နီ.. သမီးသိထားရမှာက သူက သမီးကို အစ်အောက်မေးလိမ့်မယ်... သမီး ဒီကိစ္စကို ဘယ်သူတွေကိုများ ပြောထားသလဲဆိုတာ... အဲဒါ ပေါ်မသွားစေနဲ့... ဟုတ်ပြီလား..."
တိတ်က သတိပေးနေခြင်း ဖြစ်သည်။
" အန်နီ စာရိုက်ရမှာလား..."
" အင်း... ရိုက်..."
" ခင်ဗျား.. ခင်ဗျားတို့ သူ့ကို ခြေရာခံလိုက်နေပြီလား..."
ဝီင်္လ်က စိုးရိမ်တကြီးမေးသည်။
" ဟုတ်ကဲ့.."
အန်နီကတော့ စာရိုက်နေသည်။
အန်နီး အကို ရှိနေတာလား
ချာလီး အန်နီ အခု တစ်ယောက်တည်းလား
" ဟုတ်တယ်လို့ ရိုက်လိုက်..."
တိတ်က ပြောသည်။
အန်နီး ဟုတ်တယ်
အကို အခု ဘယ်မှာလဲ
ချာလီထံမှ စာပြန်တက်မလာ။
" တီ..တီ..တီ"
ဘေးတွင် ချထားသော အန်နီ့ဖုန်းမှ မြည်လာခြင်းဖြစ်သည်။
" အန်နီ ပြောရမှာလား..."
" ဖရန့်ရေ.. ဘယ်လိုလဲဟေ့..."
တိတ်က နောက်အေးဂျင့်တစ်ယောက်အား ဖုန်းကို ခြေရာခံနိုင်ရန် အဆင်သင့်ဖြစ်မဖြစ် လှမ်းမေးလိုက်သည်။
" ရတယ်... ဆက်လုပ်..."
" အန်နီ... ဦးကိုကြည့်.. သူနဲ့ စကားပြောရုံပါပဲ... ဟုတ်ပြီနော်... ဘာမှ စိတ်မလှုပ်ရှားနဲ့... "
" ဟုတ်..."
အန်နီ ဖုန်းကို ကိုင်လိုက်သည်။
" ဟယ်လို..."
" အန်နီလား..."
" ဟုတ်..."
" တော်တော်တောင် မိုးချုပ်နေပြီနော်... အန်နီ့မိဘတွေရော..."
အန်နီ တစ်ချက်တွေဝေသွားသည်။
" ဟို... သူတို့ ကေတီ့ကို ရုပ်ရှင်လိုက်ပြနေကြတယ်..."
ချာလီ့ဘက်မှ ငြိမ်ကျသွားသည်။
" အကို..."
အန်နီခေါ်သော်လည်း စကားပြန်မလာတော့...။
" ကလင်..ကလင်..ကလင်.."
ထိုစဉ် ဖုန်းတစ်လုံးထံမှ အသံက ကျယ်လောင်စွာ ထွက်ပေါ်လာသည်။
အားလုံး အထိတ်တလန့်ဖြစ်သွားကြသည်။
လင်း၏ အိတ်ထဲမှ ဖုန်းထံမှ ဖြစ်သည်။
" ဒုက္ခပါပဲ..."
လင်းက သူမအိတ်ထဲမှ ဖုန်းကို အလျင်စလိုရှာပြီး အမြန်ပိတ်လိုက်သည်။
သို့သော် မမီတော့ပါ...။
" မရှက်တတ်ဘူးလား အန်နီရယ်..."
" မဟုတ်ဘူး... အကို... အကို..."
မမီတော့ပါ... ချာလီ ဖုန်းချသွားပြီ။
ထို့နောက် ချက်ချင်းဆိုသလို အကောင့်လည်း ပိတ်သွားလေသည်။
" သွားပြီကွာ... ဖရန့်... ရလိုက်လားဟေ့..."
တိတ်က မချိတင်ကဲ ရေရွတ်ရင်း အေးဂျင့်ဖရန့်ကို လှမ်းမေးလိုက်သည်။
" အချိန်မမီလိုက်ဘူး သူငယ်ချင်း..."
" သွားပြီကွာ... သူ လစ်သွားပြီ..."
အန်နီက ဖုန်းကို စားပွဲပေါ် ပစ်ချလိုက်သည်။
" ဘာလို့ ဒီလိုဖြစ်အောင် လုပ်ကြတာလဲ..."
အန်နီက ပြောပြောဆိုဆို ထိုင်နေရာမှ ၀ုန်းကနဲပ သူမအခန်းဆီ ထပြေးသွားလေသည်။
အန်နီ့စိတ်ထဲ၌ ချာလီ သူမကို အထင်သေးသွားပြီဟု ယူဆလိုက်လေသည်။
" သမီး... နေဦး သမီး..."
လင်းက လှမ်းအော်ကာ တားသော်လည်း မမီတော့ပေ။
" သူက ခင်ဗျားရဲ့ ဖုန်းနံပါတ်ကို ခင်ဗျားရဲ့ အလုပ်ဝက်ဘ်ဆိုက်ကနေ အစောကြီးကတည်းက ယူထားတာဖြစ်မယ်..."
ဝီလ်ရော လင်းပါ ဘာပြော၍ ဘာလုပ်ရမည်မှန်း မသိတော့ပေ။
" ကဲ... ကျွန်တော်တို့ မိုတယ်သွားရဦးမယ်... ခွင့်ပြုပါဦး..."
တိတ်က နှုတ်ဆက်ကာ မိုတယ်သို့ သွားကြရန် အဖော်အေးဂျင့်များကို ပြောလိုက်သည်။
သူတို့ ပစ္စည်းတွေ သိမ်းပြီး အိမ်ပြင်ထွက်တော့ ၀ီလ်က လိုက်ပို့သည်။
" ကျွန်တော် မိုတယ်ကနေ ပြန်ရောက်တာနဲ့ ခင်ဗျားကို ဖုန်းဆက်လိုက်ပါ့မယ် ၀ီလ်..."
အိမ်ပြင်ရောက်တော့ တိတ်က ပြောခြင်းဖြစ်သည်။
" နေဦး... ကျွန်တော့်ကို တစ်ခုပြောပြဗျာ... ကျွန်တော့်သမီးက အဲဒီအချိန်တုန်းက အော်ဟစ်ပြီး အကူအညီ မတောင်းခဲ့ဘူးလား... ကျွန်တော်ဆိုလိုတာ... သူမအော်ဘူးလားဗျာ... ဟိုကောင့်ကို အဲဒီလို မလုပ်ဖို့ မတားဘူးလားဗျာ... "
" ခင်ဗျားသမီးက အော်ဟစ် အကူအညီမတောင်းတဲ့အတွက် ဒါဟာ မုဒိမ်းမှု မမြောက်ဘူးလို့ ပြောလို့မရပါဘူး ၀ီလ်..."
တိတ်က ၀ီလ် စိတ်သက်သာရာရစေရန် ရှင်းပြသည်။
" ကြည့်ဗျာ... ဒီလူက ခင်ဗျားသမီးထက် အသက် နှစ်နှစ်ဆယ်လောက်တောင် ကြီးတယ်.. သူက ခင်ဗျားသမီးကို မိုတယ်အခန်းထဲ ရောက်လာအောင် ရက်သတ္တပတ်ပေါင်းများစွာ သိမ်းသွင်းစည်းရုံးလာခဲ့တာလေ... ခင်ဗျား သဘောပေါက်တယ်မဟုတ်လား.. ခင်ဗျားသမီးအရွယ်ဆိုတာ....."
" ကျုပ် အဲဒီကောင်ကို သတ်မယ်ဗျာ..."
" မရဘူး.. ခင်ဗျား အဲဒီလို မလုပ်ပါနဲ့... အဲဒီလို ဖြစ်လာမှာစိုးလို့ ကျွန်တော် ဒီကို ရောက်လာတာပါ.. ကျွန်တော်တို့ဘာသာ လုပ်ပါ့မယ်..."
" ကျွန်တော် လုပ်ပေးနိုင်တာ ဘာရှိလဲ..."
" ဒီအချိန်မှာ ခင်ဗျား လုပ်သင့်တာက အိမ်ထဲ ပြန်ဝင်ပါ၊ ခင်ဗျားသမီးကို အားပေးနှစ်သိမ့်ပါ၊ ပြီးတော့ ကျွန်တော်တို့ အလုပ်ကို ကျွန်တော်တို့ကိုပဲ ပေးလုပ်ပါ..."
" ဘယ်လို... ခင်ဗျားတို့ လူလေး ငါးယောက်နဲ့ ဟိုသူတောင်းစားကို တစ်နိုင်ငံလုံး ဖြန့်ရှာနိုင်မှာလား... ကျွန်တော်လုပ်ပေးနိုင်တာ ရှိဦးမှာပါ... ကျွန်တော်က ဒီမှာ မတ်တပ်ရပ်ပြီး အဲဒီကောင်ကို စောင့်နေရမှာလား..."
" ၀ီလ်... ကျွန်တော် ဂတိပေးပါတယ်ဗျာ... ကျွန်တော့်မှာ ရှိသမျှ ပုံအောပြီး လုပ်သွားမှာပါ... ကျွန်တော့်ကို အဲဒီအခွင့်အရေးလေးပဲ ပေးပါဗျာ..."
ဝီလ်က သက်ပြင်းချလိုက်သည်။
" ရော့... ဒီကဒ်ထဲမှာ ကျွန်တော့် ဖုန်းနံပါတ်ပါတယ်... ဘာပဲဖြစ်ဖြစ် လိုအပ်ရင် ကျွန်တော့်ဆီ ဖုန်းဆက်လိုက်ပါ... နက်ဖြန် ကျွန်တော်သိရသမျှ အကုန်လုံး ခင်ဗျားကို ပြန်ချပြပါ့မယ်..."
တိတ်သည် သူ၏ကားရှိရာသို့ ထွက်သွားပြီး ကားထဲဝင်ကာ မိုတယ်ရှိရာသို့ မောင်းထွက်သွားလေသည်။
ဝီလ် အိမ်ထဲ ပြန်ရောက်တော့ ဧည့်ခန်းထဲမှာ ငူငူကြီးထိုင်နေသော လင်းကို တွေ့လိုက်သည်။
" သမီးလေး အိပ်သွားပြီလား လင်း..."
" အင်း... စောင့်အိပ်ပေးဖို့ လိုသေးလားဆိုတော့ မလိုဘူးတဲ့..."
လင်း၏ အသံများမှာ ကွဲအက်နေပြီး ကြေကွဲဝမ်းနည်းမှုတို့ ကြီးစိုးနေကြောင်းသိသာသည်။
ဝီလ်သည် လင်း၏ဘေး၌ ထိုင်ချလိုက်ရင်း လင်းကို ပွေ့ဖက်ထားလိုက်လေသည်။
(ဆက်ရန်)
ရှေ့မှ အပိုင်းများကို ပြန်ဖတ်ရန်
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၁)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၂)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၃)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၄)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၅)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၆)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၇)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၈)
No comments:
Post a Comment