Accumulator ဆိုတာ ဘာလဲ

(၁၉၃၆ခုနှစ် tabulating machineတွင် အသုံးပြုသော accumulatorများကို တွေ့ရစဉ်၊ ၄င်းတို့သည် ဂဏန်း၁၀လုံးအထိ မှတ်သားနိုင်ကြပါသည်)

Accumulator ကို ကျွန်တော့်အနေနဲ့ ဗမာလို ခေတ္တမှတ်ဥာဏ်ယောင်လို့ နာမည်ပေးလိုပါတယ်။

Accumulator ဆိုတာ ကွန်ပြူတာရဲ့ CPU( Central Processing Unit) ထဲမှ registerတစ်ခုဖြစ်ပြီး အလယ်အလတ်ပိုင်းဆိုင်ရာ သင်္ချာကိန်းဂဏန်းတွက်ချက်မှုတွေနဲ့ လော့ဂျစ်တွေကို သိုဝှက်ရာနေရာ တစ်ခုဖြစ်ပါတယ်။ ( register ဆိုတာကတော့ digital နည်းပညာပစ္စည်းတွေမှာ အသုံးပြုရတဲ့ အီလက်ထရောနစ်ပစ္စည်းတစ်မျိုးကို ဆိုလိုပါတယ်။)

တကယ်လို့ accumulatorသာ မရှိရင် တွက်ချက်တစ်ခုပြီးတိုင်း ပြီးတိုင်း ရလာတဲ့ ရလာဒ်တွေကို ပင်မမှတ်ဥာဏ်(main memory)ထဲမှာ သွားရောက်မှတ်သားထားဖို့ လိုလာပါလိမ့်မယ်။ ပင်မမှတ်ဥာဏ်(main memory)နဲ့ accumulator (register) တို့ဟာ တစ်ခုနဲ့ တစ်ခု ပြုလုပ်ထားတဲ့ နည်းပညာမတူညီတာကြောင့် ပင်မမှတ်ဥာဏ်ထဲမှာ သွားရောက်သိုလှောင်ခြင်းဟာ အချိန်ကြာမြင့်စေပါတယ်။

ခေတ်ဦးကွန်ပြူတာတွေမှာတော့ accumulator ပါတဲ့ အုပ်စုနဲ့ မပါတဲ့ အုပ်စုဆိုပြီး နှစ်မျိုးကွဲပြားပါတယ်။ ခေတ်သစ်ကွန်ပြူတာတွေမှာတော့ accumulatorကဲ့သို့ လုပ်ဆောင်နိုင်ပြီး ရည်ရွယ်ချက်အမျိုးမျိုးအတွက် ဖန်တီးထားတဲ့ registerတွေ အမြောက်အမြားပါဝင်ကြပါတယ်။ မည်သို့ပင်ဆိုစေ accumulator တွေကို လုပ်ဆောင်ထားတဲ့ ဒီဇိုင်းပေါ်မူတည်ပြီး processorတွေမှာ အသုံးပြုနေကြပါပြီ။

Accumulatorကို ဘယ်လိုအသုံးပြုသလဲဆိုတာကို ဥပမာတစ်ခုဖော်ပြပေးပါမယ်။

အလုပ်ရှင်တစ်ဦးက အလုပ်သမားတစ်ဦးကို လခထုတ်ပေးတဲ့အခါ တွက်ချက်ရတဲ့ လုပ်ငန်းစဉ်တစ်ခုကို ဥပမာအနေနဲ့ သုံးကြည့်ရအောင်။

၁။ ဦးဆုံး အလုပ်သမားရဲ့ တစ်လအတွင်း အလုပ်လုပ်ချိန် ဘယ်လောက်ရှိလဲဆိုတာ ကြည့်ရမယ်။

၂။ အဲဒီအလုပ်သမားကို ပေးရမယ့် တစ်နာရီဘယ်လောက်ဆိုတဲ့ ပေးနှုန်းကို ကြည့်ရမယ်။

၃။ အလုပ်လုပ်ချိန်နဲ့ ပေးနှုန်းကို မြှောက်ပြီး ရမယ့် ပမာဏကို တွက်ရမယ်။

၎။ ရငွေနဲ့ အဲဒီအလုပ်သမားပေးရမယ့် ၀င်ငွေခွန်ရာခိုင်နှုန်းကို မြှောက်ရမယ်။

၅။ ရလာတဲ့ ဂဏန်းကို အဆင့်၃မှာ တွက်ထားတဲ့ ပမာဏထဲက နှုတ်ရမယ်။

၆။ နှုတ်ပြီးသားပမာဏကို ပင်စင်ယူတဲ့အခါ အလုပ်သမားရဲ့ လူမှုဖူလုံရေးအစီအစဉ်တွေအတွက် သတ်မှတ်ထားသော ရာခိုင်နှုန်းနဲ့ ထပ်မြှောက်ရမယ်။

၇။ ရလာတဲ့ ဂဏန်းကို အဆင့်၅မှာ ရထားတဲ့ ပမာဏထဲက ထပ်နှုတ်ရမယ်။

အထက်ပါ အဆင့်ခုနစ်ဆင့်ပြီးမြောက်ပြီဆိုတော့မှ အလုပ်သမားအတွက် ပေးရမယ့် လစာပမာဏကို ရရှိမှာဖြစ်ပါတယ်။

အဆင့်တစ်ဆင့် ပြီးတိုင်း ပြီးတိုင်းမှာ တွက်ချက်လို့ရတဲ့ ရလာဒ်တစ်ခု ထွက်လာပါတယ်။ ရလာဒ်တစ်ခုထွက်လာတိုင်း ပင်မမှတ်ဥာဏ်ထဲမှာ တစ်ခါသွားပြီး မှတ်သားနေရမယ်ဆို အချိန်တော်တော်ယူရမှာ ဖြစ်ပြီး registerတစ်ခုဖြစ်တဲ့ accumulatorထဲမှာ ခေတ္တသွားရောက်သိုလှောင်မယ်၊ ပြီးရင် ပြန်ယူပြီး သုံးမယ်၊ ပြီးရင် ထပ်ထွက်လာတဲ့ ရလာဒ်ကို ပြန်သိုလှောင်မယ်၊ နောက်ဆုံး လုပ်ငန်းစဉ်တစ်ခုလုံး ပြီးမြောက်သွားပြီဆိုတော့မှ ပင်မမှတ်ဥာဏ်ထဲမှာ သွားရောက်မှတ်သားလိုက်မယ်ဆိုရင် အချိန်ကုန်သက်သာသလို စနစ်ကျတဲ့ တွက်ချက်မှုတစ်ခုဖြစ်ကြောင်း တွေ့နိုင်ပါတယ်။

ယနေ့ 2014မှာ နာမည်ကျော်ကြားလူသိများကြပြီး လုပ်ငန်းပေါင်းစုံမှာ အသုံးဝင်တဲ့ microcontrollerများ ဖြစ်ကြတဲ့ PICmicroနဲ့ 8051(intel) တို့ဟာ accumulatorအခြေခံထားတဲ့ စက်ပစ္စည်းလေးတွေ ဖြစ်ပါတယ်။

ကွန်ပြူတာတွေမှာ အသုံးပြုကြတဲ့ CPUတွေမှာလဲ ရည်ရွယ်ချက်အမျိုးမျိုးအတွက် ဒီဇိုင်းထုတ်ထားတဲ့ accumulatorကဲ့သို့ registerအမြောက်အမြားကို အသုံးပြုထားကြပါတယ်။ ဒါပေမယ့် သူတို့ကို accumulator machineလို့တော့ မခေါ်နိုင်ဘူးပေါ့။

အဆိုပါregisterတွေမှာ မတူကွဲပြားတဲ့ ဒီဇိုင်းပုံစံarchitectureတွေရှိပြီး အချို့architectureတွေမှာ registerတစ်ခုကို accumulator ဆိုပြီး သီးသန့်သတ်မှတ်ထားပေမယ့် လုပ်ငန်းစဉ်ပေါ်မူတည်ပြီး register number ပေးပြီး accumulatorကဲ့သို့ လုပ်ဆောင်စေရန် သတ်မှတ်ထားကြပါတယ်။

ကိုးကား

http://en.wikipedia.org/wiki/Accumulator_(computing)

ထင်ရှားကျော်ကြား မြန်မာသိပ္ပံပညာရှင်များ(၁) ဘူမိဗေဒပညာရှင် ဆရာဦးဘမော်

ထင်ရှားကျော်ကြား မြန်မာသိပ္ပံပညာရှင်များ(၁)

ဘူမိဗေဒပညာရှင် ဆရာဦးဘမော်

ကျွန်တော်တို့ မြန်မာတွေ နိုင်ငံရပ်ခြားမှာ သိပ္ပံပညာအကြောင်း၊ သိပ္ပံပညာရှင်တွေအကြောင်းကို နိုင်ငံခြားသားတွေနဲ့ ဆွေးနွေးဖြစ်ကြတဲ့အခါ ကျွန်တော်တို့ မြန်မာလူမျိုး သိပ္ပံပညာရှင်တွေ အကြောင်း ပြောပြစမ်းပါလို့များ အမေးခံရရင် ဘာပြန်ပြောရမယ်မှန်းမသိဘဲ အင်မတန် ခွကျရလေ့ရှိပါတယ်။

တကယ်တော့ ကမ္ဘာမှာ ထင်ရှားတဲ့ မြန်မာသိပ္ပံပညာရှင်တွေ အများကြီး ရှိခဲ့ပါတယ်။ လက်ရှိလဲ ရှိနေဆဲပါ။ ကျွန်တော်တို့က ကောင်းကောင်း မသိလို့သာ ဖြစ်ပါတယ်။ အဲဒီအတွက် ကျွန်တော်လက်လှမ်းမီသလောက်လေး အင်တာနက်စာမျက်နှာတွေပေါ်မှာ လိုက်လံရှာဖွေရင်း တွေ့ရှိခဲ့ရတဲ့ သိပ္ပံပညာရှင်များအကြောင်းကို ရေးသားဖော်ပြဖို့ စိတ်ကူးရမိပါတယ်။

ကျွန်တော့်ဘလော့လေးမှာ ပို့စ်တွေခွဲပြီး ရေးသားဖော်ပြသွားပါ့မယ်။ အားပေးကြပါဦးခင်ဗျာ။

အရင်ဆုံးဖော်ပြလိုတာကတော့ ဆရာဦးဘမော်ပါ။ (ဆရာ့ဓာတ်ပုံကို ရှာဖွေမတွေ့လို့ မဖော်ပြနိုင်တဲ့အတွက် တောင်းပန်ပါတယ်-စကားချပ်)

ဆရာဦးဘမော်ဟာ မန္တလေးတက္ကသိုလ်၊ ဘူမိဗေဒဌာနမှာ တာဝန်ထမ်းဆောင်ခဲ့သူဖြစ်ပြီး ပုံတောင်ဂျီဟားလို့ ခေါ်တဲ့ လွန်ခဲ့တဲ့ နှစ်ပေါင်းသန်း၄၀က လူသားရဲ့ ကျောက်ဖြစ်ရုပ်ကြွင်းမေးရိုးကို စတင်ရှာဖွေတွေ့ရှိခဲ့သူဖြစ်ပါတယ်။ ဒီရှာဖွေတွေ့ရှိမှုအပါအ၀င် ဆရာ့ရဲ့ အခြားသော ရှာဖွေတွေ့ရှိမှုတွေကလည်း အနောက်တိုင်းသားပညာရှင်များရဲ့ သီအိုရီအချို့မှာ ပြတ်နေတဲ့ ကွင်းဆက်တွေကို ဖြည့်ပေးနိုင်ခဲ့တာကို ရှိသလို အချို့သီအိုရီတွေကိုတော့ ပြောင်းပြန်လှန်ပစ်နိုင်ခဲ့တာတွေလည်း ရှိခဲ့ပါတယ်။

ဆရာဦးဘမော် မုံရွာခရိုင်၊ ကြာပိုင်ရွာမှာ ကိုလိုနီ-ဂျပန်ခေတ်များအတွင်း လယ်သမားမိသားစုမှ မွေးဖွားကြီးပြင်းခဲ့ပြီး မုံရွာမြို့မှာ အထက်တန်းပညာသင်ကြားပြီးဆုံးခဲ့ပါတယ်။ အဲဒီနောက် မန္တလေးတက္ကသိုလ်မှာ နှစ်နှစ်ပညာသင်ပြီးတဲ့နောက် ဘူမိဗေဒပညာရပ်ကို သင်ကြားပေးမယ့်သူ မရှိတာမို့ ရန်ကုန်တက္ကသိုလ်ကို ပြောင်းရွှေ့ပညာသင်ကြားခဲ့ပါတယ်။

၁၉၆၀ခုနှစ်မှာ B.Sc. ဘွဲ့ရခဲ့ပြီး ၁၉၆၈ခုနှစ်မှာ M.Sc. ဘွဲ့ ရရှိခဲ့ပါတယ်။ ၁၉၆၅-၆၆ ပညာသင်နှစ်မှာ မကွေးကောလိပ်၊ ဘူမိဗေဒဌာနမှူးအဖြစ် တာဝန်ထမ်းဆောင်ခဲ့ပြီး နောက်ပိုင်းမှာ မန္တလေးတက္ကသိုလ်၊ ဘူမိဗေဒဌာနမှာ ဆက်လက်တာဝန်ထမ်းဆောင်ခဲ့သူပါ။

ကျောက်ဖြစ်ရုပ်ကြွင်းတွေနဲ့ ပတ်သက်လို့ ဆရာရှာဖွေတွေ့ရှိခဲ့တာတွေ အမြောက်အမြားရှိသလို စာတမ်းပေါင်း၁၀၀ကျော်ကိုလဲ ပြုစုရေးသားခဲ့သူဖြစ်ပါတယ်။ ပုံတောင်ဒေသမှ လူကျောက်ဖြစ်ရုပ်ကြွင်း၊ မကွေးဒေသမှ ဆင်ကျောက်ဖြစ်ရုပ်ကြွင်း၊ သာစည်ဒေသမှ မြင်းကျောက်ဖြစ်ရုပ်ကြွင်း စတာတွေကို သုတေသနပြု လေ့လာခဲ့တာပါ။

အထင်ရှားဆုံးဖြစ်တဲ့ ပုံတောင်ဒေသမှ လူကျောက်ဖြစ်ရုပ်ကြွင်းကို အမေရိကန်မှ Dr.RL Ciochol (ဒေါက်တာစီ ရဟန်း)နဲ့အတူ သုတေသနပြုရင်း ၁၉၇၆ခုနှစ်မှာ လွန်ခဲ့တဲ့ နှစ်သန်းပေါင်း၄၀မှ လူကျောက်ဖြစ်ရုပ်ကြွင်းကို ရှာဖွေတွေ့ရှိခဲ့ပါတယ်။

ယခင်က အစောဆုံးလို့ ယူဆထားခဲ့ကြတဲ့ အာဖရိကမှ ကျောက်ဖြစ်ရုပ်ကြွင်းဟာ နှစ်ပေါင်း၂၈သန်းသာ သက်တမ်းရှိပြီး ပုံတောင်မှ ကျောက်ဖြစ်ရုပ်ကြွင်းကတော့ နှစ်သန်းပေါင်း၄၀သက်တမ်းရှိတာမို့ ကမ္ဘာ့ပညာရှင်လောကမှာ အုံးအုံးကြွက်ကြွက်ဖြစ်သွားစေခဲ့တဲ့ ရှာဖွေတွေ့ရှိမှုပါပဲ။ (ယခု နေပြည်တော်အမျိုးသားပြတိုက်မှာ ပြသထားတယ်လို့ ဆိုပါတယ်။)

ဒီရှာဖွေတွေ့ရှိမှုကို စာတမ်းရေးပြီး ကမ္ဘာကျော် Scienceဂျာနယ်မှာ Cover Storyအဖြစ် ဖော်ပြခံခဲ့ရပါတယ်။ အဲဒီကျောက်ဖြစ်ရုပ်ကြွင်းအပြင် အခြားသော အဆင့်နိမ့်လူတူကျောက်ဖြစ်ရုပ်ကြွင်း၊ အဆင့်မြင့်လူတူကျောက်ဖြစ်ရုပ်ကြွင်းတွေကိုလဲ အများအပြားထပ်မံရှာဖွေတွေ့ရှိခဲ့တာပါ။

ဒီရှာဖွေတွေ့ရှိမှုတွေကြောင့် နိုင်ငံတကာမှ မနုဿဗေဒပါမောက္ခ၄၀ကျော်မှ ချီးကျူးဂုဏ်ပြုစာကို လက်မှတ်ရေးထိုးပြီး ပေးပို့ခဲ့ကြပါတယ်။ ချားလ်စ်ဒါဝင်ရဲ့  Evolution Theoryမှာ ပျောက်ဆုံးနေတဲ့ ကွင်းဆက်တွေကို ဖြည့်ပေးနိုင်ခဲ့သလို အနောက်တိုင်းသားပညာရှင်တွေရဲ့  မြန်မာတွေဟာ မွန်ဂိုလီယား တောင်ပေါ်ဒေသကနေ မြေပြန့်ကို ဆင်းလာတယ်ဆိုတဲ့ Migration Theory (လူသားများ တစ်နေရာ မှ တစ်နေရာသို့ ပြောင်းရွှေ့လာခြင်း အယူအဆ)ကို ပျက်ပြယ်သွားစေခဲ့ပြီး ဒီကနေမှ လူတွေပြန့်သွားတယ်ဆိုတဲ့ Divergent Theory (ခွဲဖြာထွက်ခြင်းအယူအဆ)ကို အသစ်ရေးသားနိုင်ခဲ့ပါတယ်။

သာစည်ဒေသမှ မြင်းကျောက်ဖြစ်ရုပ်ကြွင်း ရှာဖွေတွေ့ရှိမှုနဲ့ ပတ်သက်လို့လည်း အနောက်တိုင်းသားတွေရဲ့ အယူအဆအချို့ ပျက်ပြယ်သွားခဲ့ရပြန်ပါတယ်။ ဥရောပတိုက်သားတွေဟာ အာရှမှာ အရင်ကမြင်းမရှိဘူးလို့ ယူဆခဲ့ကြတာဖြစ်ပြီး ဆရာဦးဘမော်ဟာ သာစည်နယ်မှ လွန်ခဲ့တဲ့နှစ်သန်းပေါင်း ၁၄ သန်းကမြင်းရဲ့မေးရိုးနဲ့သွားကို ရှာဖွေတွေ့ရှိခဲ့ပြီး စာတမ်းရေးသားတင်ပြခဲ့တာကြောင့် ဥရောပတိုက်သားတွေရဲ့ အယူအဆ ပျက်ပြယ်သွားခဲ့ရတာပါ။

ဆရာ့ရဲ့ ရှာဖွေတွေ့ရှိမှုတွေနဲ့ စာတမ်းအစောင်စောင်ကြောင့် ဆရာဟာ ကမ္ဘာမှာ ထင်ရှားကျော်ကြားတဲ့ ဘူမိဗေဒပညာရှင်အဖြစ် မှတ်တမ်းတင်ခြင်းခံခဲ့ရပါတယ်။

ဆရာဦးဘမော်ကို ကိန်းဘရစ်တက္ကသိုလ်က International Man of the Year အဖြစ် ၁၉၉၉ ခုနှစ်မှာ ရွေးချယ်သတ်မှတ်ခဲ့သလို နိုင်ငံတကာ အတ္ထုပ္ပတ္တိမှတ်တမ်းပြုစုရာမှာ ထည့်သွင်းခံခဲ့ရပါတယ်။ အမေရိကန် ပြည်ထောင်စု Smitsonian Instituteမှ 50 Great Man of 21 Century စာရင်းထဲမှာ သူ့ကို ထည့်သွင်း သတ်မှတ်ခဲ့ပါတယ်။ နိုင်ငံတကာမှာ ထင်ရှားတဲ့သိပ္ပံဂျာနယ်တွေဖြစ်တဲ့ Nature တို့ Science တို့လိုနေရာ တွေမှာ ဆရာဦးဘမော်ကသုတေသနဆောင်းပါးတွေ ရေးသားတာမို့ နိုင်ငံတကာကထိပ်တန်းသိပ္ပံ ပညာရှင်လောကက လေးစားအသိအမှတ်ပြုခံခဲ့ရကြောင်းပါခင်ဗျာ။

Bit၊ Byte နှင့် word

ဘာတွေ လာရေးနေတာလဲပေါ့… ;)

ကျွန်တော် စာတွေ တော်တော် မမှတ်မိတော့ဘူး။ အဲဒါကြောင့် အခြေခံလေးတွေ ပြန်ဖတ်ရင်း မှတ်မိအောင် ရေးနေတာပါ။ ပို့စ်မတင်ဖြစ်တာလည်း ကြာပြီဆိုတော့ ဘာပဲပြောပြော ပို့စ်တင်ဖြစ်တာပေါ့ဗျာ။

Bit ဆိုတာက binary digit ကို ဆိုလိုပါတယ်။ bit မှာ တန်ဖိုးနှစ်ခုပဲ ရှိပါတယ်။ သုည(0)နဲ့ တစ်(1)။ သုညဆိုရင် off၊ တစ်ဆိုရင် on။ ကွန်ပြူတာဟက်ဒ်ဝဲလ်တွေမှာ switchတွေ အသုံးပြုပြီး ထုတ်လုပ်ယူရပါတယ်တဲ့။ switch onထားရင် 1၊ switch off ထားရင်တော့ 0 ပေါ့။

Byte ဆိုတာကတော့ bit တွေကို စီပြီး တွဲထားတဲ့ အရာပါပဲ။ One byte မှာ 8 bits ရှိပါတယ်။ bit တစ်လုံးထဲမှာ 0 နဲ့ 1 နှစ်မျိုးပဲ ရေးနိုင်ပေမယ့် byteဖြစ်သွားတဲ့ အခါမှာတော့  မတူညီတဲ့ ကိန်းစဉ်ပေါင်း  အထိ ရေးနိုင်သွားပါတယ်။ 00000000 ကနေ 11111111 အထိပေါ့။ စုစုပေါင်း ကိန်းလုံး၂၅၆လုံးအထိ ရေးနိုင်သွားတဲ့ သဘောပါ။

Word ဆိုတာကတော့ ကွန်ပြူတာရဲ့ CPU (central processing unit) ကနေ bitတွေကို အစုအဖွဲ့unitတစ်ခုအနေနဲ့ ထိန်းချုပ်ဖို့ရာအတွက် ဖြစ်ပါတယ်။ ယနေ့ခေတ် CPU အများစုမှာ word size 32 ဒါမှမဟုတ် 64 bits တွေ ရှိကြပါတယ်။ word size ရဲ့ ပမာဏအတိုင်းပဲ 32 သို့မဟုတ် 64 bitsတွေဟာ မှတ်ဥာဏ်ကနေ CPUကို လူးလာတုန့်ခေါက်သွားပါတယ်။ တစ်ခါသွားရင် word sizeအတိုင်းသွားတာပေါ့။ ဒေတာအကူးအပြောင်းဟာ word size ကြီးရင် ကြီးသလို မြန်ဆန်လွယ်ကူနိုင်တာပေါ့ခင်ဗျာ။

ဒါပဲနော်...

နောက်မှ တွေ့ကြတာပေါ့ ;)

အအေးချိန်Unitless

အအေးချိန်Unitless

တန်ဖိုးမရှိခြင်းနဲ့ တန်ဖိုးမထားခြင်း

တန်ဖိုးမထားခြင်းနဲ့ တန်ဖိုးမရှိခြင်း

အားလုံး ပေါင်းဆုံလာတဲ့အခါ

ငါဟာ

ပြုံးနေတဲ့ အရေပြား ဖုံးအုပ်ထားတဲ့ တန်ဖိုးမရှိတဲ့ လူတစ်ယောက်…

သကာရည်တွေကိုလည်း အချိုတည်းရုံလောက်က လွဲပြီး

တန်ဖိုးမထားတဲ့ လူတစ်ယောက်…

ရိုမန်ဘော့မဟုတ်တဲ့ စက်ရုပ်လူသားတစ်ယောက်…

ကျင့်ဝတ်စည်းကမ်းတွေထဲက ပြေးထွက်ချင်ခဲ့တာမဟုတ်…

ပရိုဂရမ်commandတွေကြားထဲ ညပ်နေတဲ့ လူတစ်ယောက်…

မြင့်မားလွန်းတဲ့ အပူချိန်စင်တီဂရိတ်ဟာ

သတ္တုတွေကို အရည်ပျော်စေတယ်…

နည်းနည်းကလေး အေးမြသယောင်ရှိတဲ့ အအေးချိန်Unitlessကတော့

ရင်ခွင်ကို တဖျတ်ဖျတ် လာလှုပ်ခတ်တတ်တာ ခင်ဗျားတို့ ယုံသလား…

တစ်ခါလောက်သာ တွေ့ခဲ့ပြီးနောက်

ကာလအတော်ကြာ ပျောက်သွားခဲ့တဲ့ သည်အရာကို

လက်နဲ့ ဖမ်းဆုပ်ကိုင်တွယ်ကြည့်တဲ့အခါ

ကျုပ်ရင်ဘတ်ရှေ့က

သံမဏိကိုယ်ကျပ်ဟာ

တလွှားလွှား ကြွေကျဖို့ တာဆူတယ်…

သွားကျန်းမာရေး

          ကျွန်တော်တို့အနေနဲ့ ကိုယ်တိုင်ရော၊ မိမိရဲ့မိသားစုရော သွားကျန်းမာရေးဂရုစိုက်ကြဖို့ အကြောင်းပြချက်ကောင်းတွေ အများကြီးရှိပါတယ်။ သူတို့ရဲ့ အပြုံးတွေ လင်းလက်တောက်ပစေဖို့ပေါ့။ အစာအာဟာရပြည့်ဝစွာ စားသုံးနိုင်ဖို့လဲ ဖြစ်ပါတယ်။ နောက်ပြီး သွားကိုက်ခြင်းနဲ့ အနေအထိုင်မသက်မသာဖြစ်တာကိုလည်း ရှောင်ရှားနိုင်မယ်။ သွားကျန်းမာရေးဆိုတာမှာ သွားရော၊ သွားဖုံးပါ အကျုံးဝင်ပါတယ်။ သုတေသနလုပ်ငန်းတွေက ယူဆကြတာဟာ သွားနဲ့ သွားဖုံး ရောဂါတွေဟာ ခန္ဓာကိုယ်ရဲ့ အခြားကျန်းမာရေးပြဿနာတွေဆီကိုလည်း ဦးတည်သွားစေနိုင်ပါတယ်။ ဥပမာ နှလုံးရောဂါဖြစ်ပွားနိုင်စွမ်းကို မြင့်တက်စေတာမျိုးပေါ့။

          ကံအားလျောစွာနဲ့ပဲ ငယ်ရွယ်စဉ်ကနေ အသက်အရွယ်ရသည်အထိ မိမိတို့ သွားတွေ ကျန်းမာသန်စွမ်းစေဖို့ လုပ်ဆောင်နိုင်တဲ့ ရိုးရှင်းတဲ့ နည်းလမ်းတွေ ရှိနေပါတယ်။ ဘယ်လိုလုပ်ရမလဲ လေ့လာကြည့်ကြရအောင်။

၁။ ကလေးငယ်တွေကို ငယ်စဉ်ကတည်းက သွားကျန်းမာရေး ဂရုစိုက်ပေးပါ။

          ကျယ်ကျယ်ပြန့်ပြန့် သုတေသနပြု လေ့လာချက်တွေအရ ကလေးငယ်လေးယောက်မှာ တစ်ယောက်ဟာ မူကြိုမတက်ခင်၊ မူလတန်းမတက်ခင်မှာပဲ သွားပိုးစားတဲ့ အရိပ်လက္ခဏာတွေ ပြနေပြီဖြစ်ပါတယ်။ အသက်၁၂နှစ်ကနေ ၁၅နှစ်အတွင်းက ကလေးထက်ဝက်ခန့်မှာ သွားပိုးစားနေကြပါပြီ။ “ သွားကျန်းမာရေးဂရုစိုက်ဖို့ဆိုတာဟာ ကလေးတစ်ယောက်ရဲ့ သွားပေါက်ပေါက်ချင်းပဲ စတင်ရပါမယ်။ များသောအားဖြင့် ကလေး ခြောက်လအရွယ်လောက်မှာပေါ့။ “ လို့ American Dental Hygienists Associationမှ ဥက္ကဌဖြစ်သူ Caryn Solieက ဆိုပါတယ်။ “ ကလေးငယ်တွေရဲ့ သွားတွေကို သန့်ရှင်းပြီး ခြောက်သွေ့တဲ့ အ၀တ်နုနဲ့ ဖြစ်စေ၊ အရမ်းနူးညံ့တဲ့ သွားပွတ်တံနဲ့ ဖြစ်စေ ပွတ်တိုက်ပေးရပါမယ်။ အသက်နှစ်နှစ်ခန့် ရောက်ပြီဆိုရင်တော့ ကလေးငယ်တွေ ကိုယ်တိုင် သွားသန့်ရှင်းရေးလုပ်နိုင်အောင် သင်ကြားပေးရပါမယ်။ သေသေချာချာလေး သင်ကြားပြသဖို့တော့ လိုတာပေါ့။ “

၁။ Sealantကို အသုံးပြုပါ။

          Sealantဆိုတာက ပုံမှာ ပြသထားတဲ့အတိုင်းပဲ သွားကို အကာအကွယ်ပေးဖို့ အထူးပြုလုပ်ထားတဲ့ အရည်တစ်မျိုးပါ။

ငယ်သွားမဟုတ်တဲ့ ပုံမှန်အံသွားတွေဟာ အသက်၆နှစ်ခန့်မှာ ပေါက်လာတတ်ကြပါတယ်။ Sealantဟာ အံသွားတွေရဲ့ အချိုင့်တွေ၊ အခွက်တွေပေါ်မှာ အကာအကွယ်မျက်နှာပြင်အဖြစ် ဘက်တီးရီးယားတွေ မခိုကပ်နိုင်အောင် လုပ်ပေးနိုင်ပါတယ်။ Centers for Disease Control and Preventionရဲ့ အလိုအရ sealantတွေဟာ သွားပိုးစားခြင်းကို အတော်လေး ကာကွယ်ပေးနိုင်ပါတယ်။ အမေရိကမှ ကလေးငယ် သုံးယောက်အနက်တစ်ယောက်ဟာ sealantကို အသုံးပြုကြပါတယ်။

၃။ တန်ဆေးလွန်ဘေးဆိုတာ သတိပြုပြီး ဖလိုရိုက်ဒ်ကို အသုံးပြုပါ။

          သွားတွေရဲ့ ကြွေကို ကြံ့ခိုင်လာစေပြီး သွားပိုးစားခြင်းကို ကာကွယ်နိုင်လို့ သွားကျန်းမာရေးကို ကောင်းကောင်းကြီးအထောက်အကူပြုနိုင်တာကတော့ ဖလိုရိုက်ဒ်ဓာတ်ပါ။ အမေရိကရဲ့ သောက်ရေသန့် လေးပုံသုံးပုံဟာ ဖလိုရိုက်ဒ်ဓာတ်ပါဝင်တဲ့ သောက်ရေသန့်တွေပါ။ တကယ်လို့ အဲဒီလို သောက်ရေသန့်တွေ မရနိုင်ဘူးဆိုရင်လဲ ဖလိုရိုက်ဒ်ဓာတ်ပါဝင်တဲ့ သွားတိုက်ဆေးတွေ၊ ပလုတ်ကျင်းရည်တွေကို ဈေးကွက်ထဲမှာ အလွယ်တကူရှာဖွေနိုင်ပါတယ်။ သွားအထူးကုဆရာဝန်ဆီက ဘယ်လိုအမျိုးအစားတွေ ၀ယ်ယူသင့်သလဲဆိုတာ အကြံရယူပါ။ ကလေးငယ်တွေအတွက်ကတော့ ဖလိုရိုက်ဒ်သွားတိုက်ဆေးကို ပဲစိတစ်စိစာလောက်ပဲ အသုံးပြုစေရပါမယ်။ တန်ဆေးလွန်ဘေးဆိုသလို များရင် သွားမှာ အဖြူကွက်တွေ ပေါ်တတ်ပါတယ်။

၎။ တစ်နေ့ နှစ်ကြိမ် နေ့စဉ် သွားတိုက်ပါ။

          သွားပိုးစားခြင်းနဲ့ သွားဖုံးရောဂါတွေဟာ အရွယ်ရောက်ပြီးသူတွေအတွက်လဲ ပြဿာနာကြီးတွေပါပဲ။ ဆယ်ကျော်သက်အရွယ် ကလေး လေးပုံသုံးပုံခန့်ဟာ သွားဖုံးမှ သွေးယိုခြင်းကို ဖြစ်ပေါ်ခံစားကြရပါတယ်။ အဲဒီအတွက် အခြေခံအကြံပြုချက်တွေကတော့ ….

• သွားပွတ်တံကို တစ်နှစ်မှာ သုံးလေးကြိမ် အသစ်လဲလှယ်ပေးရပါမယ်။
• ပုံမှာ ပြထားသလို သွားမှာ အစွပ်တပ်ထားတဲ့ ကလေးတွေကတော့ အထူးစီမံထားတဲ့ သွားပွတ်တံတွေ အသုံးပြုရပါမယ်။ သွားအထူးကုဆရာဝန်ထံမှ အကြံဥာဏ်ရယူပါ။
• သွားပွတ်တံကို ကြာရှည်ကြာညောင်းမကိုင်နိုင်သူတွေအတွက်ကတော့ ကိုင်တွယ်ရလွယ်ကူတဲ့ လျှပ်စစ်သွားပွတ်တံတွေ ဈေးကွက်ထဲမှာ ရှာဖွေဝယ်ယူပါ။

၅။ အစာ စားပြီးတိုင်း ပလုတ်ကျင်းပါ၊ သို့မဟုတ် ပီကေ၀ါးပါ။

          အစာ စားပြီးတိုင်း ဘက်တီးရီးယားကာကွယ်တဲ့ ပလုတ်ကျင်းရည်တွေနဲ့ ပလုတ်ကျင်းပေးခြင်းအားဖြင့် သွားနဲ့ သွားဖုံးရောဂါတွေကို ကြိုတင်ကာကွယ်သင့်ပါတယ်။ ဒါမှမဟုတ် သကြားဓာတ်ကင်းစင်တဲ့ ပီကေ၀ါးပေးခြင်းအားဖြင့် သွားရည်စီးဆင်းမှုတိုးတက်ဆေးပြီး ဘက်တီးရီးယားတွေကို ဆေးကြောပေးကာ အက်ဆစ်ဓာတ်တွေကို ချေဖျက်ပေးနိုင်ပါတယ်။

၆။ သွားကို ထိခိုက်နာကျင်စေခြင်းမှ ရှောင်ကြဉ်ပါ။

          အားကစားလုပ်ခြင်းနဲ့ ကိုယ်လက်ကြံ့ခိုင်မှုလေ့ကျင့်ခန်းတွေလုပ်ခြင်းဟာ ခန္ဓာကိုယ်ကို ကျန်းမာသန်စွမ်းစေပေမယ့် တစ်ခါတစ်ရံမှာ သွားကို ထိခိုက်စေတတ်ပါတယ်။ ဥပမာ ဘုတ်စကိတ်စီးခြင်း၊ ရိုလာစကိတ်စီးခြင်းတွေပေါ့။ ယနေ့ ကျောင်းတွင်းအားကစားအသင်းတော်တော်များများကတော့ ကလေးတွေအတွက် ပါးစပ်အကာတွေကို အသုံးပြုနေကြပါပြီ။ သွားအထူးကုဆရာဝန်တွေက သင့်တော်ပြီး အံကိုက်ဖြစ်စေမယ့် ပါးစပ်အကာတွေကို လုပ်ပေးနိုင်ပါလိမ့်မယ်။ အားကစားပစ္စည်းအရောင်းဆိုင်တွေမှာလဲ ရှာဖွေဝယ်ယူနိုင်ပါတယ်။

၇။ ဆေးလိပ်သောက်ခြင်း၊ ဆေးရွက်ကြီးသုံးစွဲခြင်းကို ရှောင်ကြဉ်ပါ။

          ဆေးရွက်ကြီးဟာ သွားကို စွန်းထင်းစေပြီး သွားဖုံးရောဂါနဲ့ ပါးစပ်ကင်ဆာဖြစ်စေနှုန်းကို သိသိသာသာကြီး မြင့်တက်စေပါတယ်။ တကယ်လို့ သင်ဟာ ဆေးလိပ်သောက်တယ်၊ ဆေးရွက်ကြီးသုံးစွဲတယ် (ကွမ်းစားတယ်) ဆိုရင် ဖြတ်လိုက်ပါ။ ကလေးတွေကို အဲဒါတွေ မလုပ်အောင် လမ်းကောင်းညွှန်ပြပေးပါ။

၈။ စနစ်ကျစွာ စားသောက်ပါ။

          ဘယ်အသက်အရွယ်ဖြစ်ဖြစ် ကျန်းမာရေးနဲ့ ညီညွတ်စွာ စားသောက်ခြင်းဟာ သွားနဲ့ သွားဖုံး ကို ကျန်းမာသန်စွမ်းစေပါတယ်။ အသီးအနှံ၊ အခွံမာသီး၊ သစ်သီးသစ်ဥ၊ ဟင်းသီးဟင်းရွက်နဲ့ နို့ထွက်ပစ္စည်းတွေကို စားသုံးပေးခြင်းအားဖြင့် သွားကျန်းမာရေးအတွက် အာဟာရပြည့်ဝစေပါတယ်။ သုတေသီအချို့က ယုံကြည်ကြတာကတော့ ငါးမှာ တွေ့ရတဲ့ အိုမီဂါသရီးအဆီဓာတ်ဟာ သွားဖုံးရောဂါဖြစ်ပွားနှုန်းကို လျှော့ချပေးစေနိုင်တယ်ဆိုပြီး ဖြစ်ပါတယ်။

၉။ သကြားဓာတ်ပါဝင်သော အစားအစာများကို ရှောင်ရှားပါ။

          သကြားဓာတ်ဟာ သွားရည်စီးဆင်းမှုကို ဖျက်ဆီးတဲ့ အက်ဆစ်တွေကို ထုတ်လုပ်ပေးခြင်းအားဖြင့် သွားပိုးစားခြင်းဖြစ်ပေါ်စေဖို့ တံခါးဖွင့်ပေးပါတယ်။ “ သကြားများများသုံးတဲ့ ဖျော်ရည်တွေ၊ သစ်သီးဖျော်ရည်ဖြစ်စေ၊ အခြားအချိုရည်တွေဖြစ်စေပေါ့ဗျာ။ သူတို့က သောက်ပြီးရင်း သောက်ချင်အောင် ဆွဲဆောင်တယ်။ သောက်လာတဲ့ အရေအတွက်နဲ့ အချိန်ကြာလာတာနဲ့အမျှ အက်ဆစ်ရဲ့ levelကလဲ မြင့်တက်လာတယ်” လို့ American Dental Associationနဲ့ သွားဖက်ဆိုင်ရာ ပညာရှင်တစ်ယောက်ဖြစ်တဲ့ Steven E.Schonfeldက ဆိုပါတယ်။ “ ကာဘွန်ဒိုင်အောက်ဆိုဒ်ပါတဲ့ (gas ပါတဲ့) အအေးတွေက အက်ဆစ်ဖြစ်ပေါ်စေနိုင်စွမ်းကို ပိုပြီး ဆိုးဆိုးရွားရွားမြင့်တက်စေပါတယ်။”  စေးကပ်စေတတ်တဲ့ ချိုချဉ်တွေ၊ သကြားလုံးတွေဟာလဲ ရှောင်ရှားရမယ့် အရာတွေပါပဲ။ ဘာလို့ဆိုတော့ သူတို့က သွားတွေရဲ့ မျက်နှာပြင်တွေပေါ်မှာ တွယ်ငြိနေတတ်ကြတယ်လေ။

၁၀။ သွားအထူးကုဆရာဝန်များနဲ့ ပြသဆွေးနွေးပါ။

          ခြောက်လတစ်ကြိမ်လောက် သွားအထူးကုပညာရှင်တွေနဲ့ စစ်ဆေးမှု ခံယူသင့်ပါတယ်။ သွားဖုံးရောဂါရှိ မရှိ၊ သွားပိုးစားခြင်း လက္ခဏာတွေကို မကြီးထွားလာခင် အမြဲ စစ်ဆေးနေသင့်တာပေါ့။ သို့မှသာ အဲဒီလက္ခဏာတွေ တွေ့ရရင် အမြန်ဆုံး ပျောက်ကင်းအောင် ကာကွယ်နိုင်မှာ ဖြစ်ပါတယ်။

Solieက ပြောပါတယ်။

“ တကယ်တော့ သွားပိုးစားခြင်းနဲ့ သွားဖုံးရောဂါတွေအားလုံးကို တစ်ကိုယ်ရေသန့်ရှင်းမှုက ထိထိရောက်ရောက် အကာအကွယ်ပေးနိုင်ပါတယ်။ တစ်ရက်တာအတွင်း သွားကျန်းမာရေးအတွက် သန့်ရှင်းရေးလုပ်ဖို့ အချိန်နည်းနည်းလေး ပေးလိုက်ပါ။ တစ်သက်တာလုံးအတွက် ကျန်းမာသန်စွမ်းတဲ့ သွားနဲ့ သွားဖုံးကို ပိုင်ဆိုင်ဖို့အတွက် ဒီအချိန်ကလေးက ဘာမှ မပြောပလောက်တဲ့ ပမာဏလေးပါဗျာ။ “

ကိုးကား

http://www.webmd.com/oral-health/features/healthy-teeth-tips

အထက်ပါလင့်ခ်ကို အဆင်ပြေသလို ဘာသာပြန်ဆိုလိုက်တာပါ။ ဆောင်းပါးထဲမှာပါတဲ့ သုတေသနပြုချက်တွေဟာ အမေရိကပြည်ထောင်စုတစ်ခုတည်းမှာပဲ သုတေသနလုပ်ထားတဲ့ အချက်အလက်တွေဖြစ်ပါတယ်။

ဂြိုလ်သားတွေနဲ့ တကယ်ဖြစ်ခဲ့တဲ့ တိုက်ပွဲ (ဖြစ်ရပ်မှန်)

Battle of Los Angeles

ဂြိုလ်သားတွေနဲ့ လူသားတွေ စစ်တိုက်ကြတဲ့အကြောင်း ရုပ်ရှင်တွေ တော်တော်များများမှာ ကျွန်တော်တို့ ကြည့်ခဲ့ဖူးပါတယ်။ တကယ်ရော ဖြစ်နိုင်ပါ့မလား။
မယုံမရှိပါနဲ့။ တကယ်ဖြစ်ခဲ့ပါတယ်။
ဒုတိယကမ္ဘာစစ်ကာလတုန်းက ဂြိုလ်သားတွေနဲ့ လူသားတွေ တကယ် တိုက်ပွဲဖြစ်ခဲ့ဖူးပါတယ်။ ဇာတ်လိုက်ကျော်ကြီးကတော့ ဇာတ်ကားတွေထဲကလိုပဲ ထုံးစံအတိုင်း အမေရိကန်ပေါ့ခင်ဗျာ။
၁၉၄၂ခုနှစ်၊ ၂၄ရက်နေ့ ညပိုင်း - ၂၅ရက်နေ့ မနက် ၃နာရီကျော်ကျော်အချိန်၊ အမေရိကန်နိုင်ငံ၊ ကာလီဖိုးနီးယားပြည်နယ်၊ လော့စ်အိန်ဂျယ်လိစ်မြို့ ကောင်းကင်ယံပေါ်မှာ အမည်မသိယာဉ်ပျံတွေ ကျူးကျော်ဝင်ရောက်လာတဲ့အတွက် အမှတ်၃၇ ကမ်းခြေစောင့်အမြောက်တပ်ရင်းက ပြန်လည် ခုခံတိုက်ခိုက်ခဲ့ရတာ ဖြစ်ပါတယ်။
အဲဒီအချိန်တုန်းက ဂျပန်က ပုလဲဆိပ်ကမ်းကို ဗုံးဝင်ကြဲလို့ အမေရိကအနေနဲ့ ကမ္ဘာစစ်ကို ၀င်ရောက်ပြီလို့ ကြေငြာအပြီး သုံးလလောက်ပဲ ရှိပါသေးတယ်။
ညပိုင်းလူခြေတိတ်ချိန်မှာ ခြောက်ခြားဖွယ် ဥသြဆွဲသံတွေ ပေါ်ထွက်လာခဲ့ပြီးတဲ့နောက် အမှတ်၃၇ကမ်းခြေစောင့်အမြောက်တပ်ရင်းဟာ အဆင်သင့်ဖြစ်နေခဲ့ပါပြီ။
အမည်မသိယာဉ်ပျံတွေ ချင်းနင်းဝင်ရောက်လာကြောင်း သိသိပြီးချင်းမှာပဲ လော့စ်အိန်ဂျယ်လိစ် ကောင်းကင်ယံမှာ လေကြောင်းရန်ကာကွယ်ရေးအမြောက်သံတွေ ညံသွားခဲ့ပါတယ်။
အမှတ်၎လေတပ်စခန်းဌာနချုပ်မှာလည်း လေယာဉ်မှူးတွေအားလုံးဟာ တိုက်ခိုက်ရေးလေယာဉ်များနဲ့အတူ ကောင်းကင်တိုက်ပွဲ ဆင်နွှဲဖို့ အဆင်သင့်ဖြစ်နေခဲ့ပါပြီ။
လေကြောင်းတိုက်ပွဲမဆင်နွှဲခင်မှာ အမှတ်၃၇ကမ်းခြေစောင့်အမြောက်တပ်ရင်းမှ ပွိုင့်ဖိုက်ကာလီဗာစက်သေနတ်များ၊ ၁၂.၈ လေကြောင်းရန်ကာကွယ်ရေး အမြောက်များကို သောသောညံ ပစ်ခတ်ပြီး ရန်သူကို ဦးချိုးဖို့ ကြိုးစားခဲ့ပါတယ်။ တကယ်လို့ ရန်သူက တန်ပြန်တိုက်ခိုက်လို့ မနိုင်လောက်ဘူးဆိုမှ လေတပ်စခန်းဌာနချုပ်အနေနဲ့ စစ်ကူဝင်မှာ ဖြစ်ပါတယ်။
၃နာရီ ၁၆မိနစ်ကနေ ၄နာရီ ၁၄မိနစ် တစ်နာရီနီးပါးမျှ ကမ်းခြေစောင့်အမြောက်တပ်ရင်းဟာ ကောင်းကင်တစ်ခွင်လုံး ပြည့်သွားအောင် အမြောက်တွေ ပစ်ဖောက်ကာကွယ်ခဲ့ရပါတယ်။ အဲဒီအတွက် အမြောက်ဆံပေါင်း ၁၄၀၀ကျော်ကျော် သုံးစွဲခဲ့ရပါတယ်။
နောက်ဆုံးတော့ ကျွန်တော်တို့ ဇာတ်လိုက်ကျော်ကြီးအမေရိကန်ကို ဂြိုလ်သားတွေတောင် မအန်တုနိုင်ခဲ့ဘဲ လက်မြှောက်ဆုတ်ခွာသွားကြရပါတော့တယ်။
နံနက် ခုနစ်နာရီ ၂၁မိနစ်ရောက်မှသာ အားလုံး အန္တရာယ်ကင်းရှင်းပြီလို့ ကြေငြာနိုင်ခဲ့တာပါ။
တိုက်ပွဲဖြစ်စဉ်ကြောင့် လော့စ်အိန်ဂျလိစ်မြို့တွင်းက အဆောက်အဦးတချို့ ပျက်ဆီးခဲ့ရသလို အရပ်သားငါးဦးသေဆုံးခဲ့ရပါတယ်။ အဓိက ကတော့ ဂြိုလ်သားတွေက ပြန်လည်ပစ်ခတ်လို့ မဟုတ်ဘဲ လေကြောင်းရန်ကာကွယ်ရေးအမြောက်တွေက ပစ်ခတ်လိုက်တဲ့ အမြောက်ဆံတွေကြောင့် ဖြစ်ပြီး အရပ်သားသုံးဦးဟာ ကား မတော်တဆတိုက်မှုကြောင့် သေဆုံးခဲ့ပြီး နောက် နှစ်ဦးကတော့ နှလုံးရောဂါကြောင့် နှလုံးဖောက်ပြန်ပြီး သေဆုံးခဲ့ရတာပါ။
တိုက်ပွဲအပြီး နာရီအနည်းငယ်အကြာမှာ ပြုလုပ်ခဲ့တဲ့ သတင်းစာရှင်းလင်းပွဲမှာတော့ တာဝန်ရှိသူတွေက စစ်အတွင်းဖြစ်တဲ့အတွက် မှားယွင်းတဲ့ ဥသြဆွဲခဲ့မိလို့ ဖြစ်ခဲ့ရတာပါလို့ ရှင်းလင်းခဲ့ပါတယ်။
ဒါပေမယ့် စစ်ဗိုလ်ချုပ်အချို့က ဒါဟာ စိတ်ဓာတ်စစ်ဆင်ရေးလုပ်တာ ဖြစ်နိုင်ကြောင်း သုံးသပ်ကြပါတယ်။
သတင်းစာအချို့ကတော့ ဒီအံ့သြဘနန်းဖြစ်ရပ်မှာ အစိုးရက ဖုံးကွယ်လျှို့ဝှက်ထားတာတွေ ရှိနေတယ်လို့ ဖော်ထုတ်ကြပါတယ်။ 
အထက်က ဖော်ပြထားတဲ့ ဓာတ်ပုံကတော့ လော့စ်အိန်ဂျယ်လိစ်တိုင်းမ်သတင်းစာက ဖြစ်ပါတယ်။
ပညာရှင်တွေနဲ့ UFOသုတသနသမားတွေဟာ လော့စ်အိန်ဂျယ်လိစ်ကောင်းကင်ယံမှာ UFOတွေ တကယ်ရောက်လာခဲ့တာဖြစ်ကြောင်း search lightတွေကြောင့် ရှင်းရှင်းလင်းလင်းမြင်နေရတဲ့ ပုံတွေ ထုတ်ပြန်ခဲ့တာပါ။
ဒါပေမယ့် အဲဒီဓာတ်ပုံတွေဟာ လိမ်ညာထားတဲ့ပုံတွေသာ ဖြစ်ကြောင်းလည်း တစ်ဖက်က ပြန်လည်စွပ်စွဲခံခဲ့ရပါတယ်။ မိုးလေ၀သစုံစမ်းရေး မိုးပျံပူဖောင်းတွေ လမ်းမှားရောက်လာလို့ မှားယွင်းပစ်ခတ်ခဲ့မိတာသာဖြစ်တယ်လို့လဲ ငြင်းချက်ထုတ်ကြပြန်ပါတယ်။
ဘာပဲပြောပြော ဒီတိုက်ပွဲဟာ ဂြိုလ်သားနဲ့ လူသားတို့ တိုက်ခိုက်ခဲ့ကြတဲ့ တိုက်ပွဲအဖြစ် battle of Los Angelesဆိုပြီး ယနေ့တိုင် နာမည်ကျော်ကြားနေပါတော့တယ်။

ကိုးကား

http://en.wikipedia.org/wiki/Battle_of_Los_Angeles

မှတ်ဥာဏ်တိုးတက်စေဖို့ အချက်ခြောက်ချက်

အောက်ပါအချက်အလက်တွေဟာ မှတ်ဥာဏ်ထက်သန်စေဖို့ ပညာရှင်တွေ စနစ်တကျ သုတေသနပြုမှုများမှ ရရှိခဲ့တဲ့ အချက်အလက်တွေ ဖြစ်ပါတယ်။

၁။ တရားထိုင်ပါ။
တရားထိုင်ခြင်းဟာ မှတ်ဥာဏ်ကို ပိုပြီး အလုပ်လုပ်စေနိုင်ပါတယ်။ အာရုံစူးစိုက်နိုင်မှု မြင့်မားလာတာနဲ့အမျှ သင့်ရဲ့ working memoryထဲမှာ အချက်အလက်တွေကို သိုလှောင်သိမ်းဆည်းနိုင်စွမ်း ပိုပြီး မြင့်တက်လာပါတယ်။

၂။ ကော်ဖီသောက်ပါ။
သုတေသနအသစ်များမှ ရရှိတဲ့ အချက်များအရ ကော်ဖီသောက်ခြင်းဟာ သင်ယူနိုင်စွမ်း မြင့်တက်စေပါတယ်။ အသစ် အသစ်တွေကို လေ့လာဆည်းပူးပြီးနောက် (ဒါမှမဟုတ်) သင်ခန်းစာအသစ်တစ်ခုခုကို သင်ကြားပြီးနောက်မှာ ကော်ဖီသောက်ခြင်းအားဖြင့် အဲဒီအရာတွေကို ပိုပြီး အချိန်ကြာကြာမှတ်မိစေဖို့ အထောက်အကူပြုစေပါတယ်။

၃။ ဘယ်ရီသီးစားပါ။
ဘယ်ရီသီးဟာ long-term memoryကို အကျိုးပြုပါတယ်။ အထူးသဖြင့် blue-berryသီးတွေပါ။ အဆိုပါဘယ်ရီသီးတွေမှာ ပါဝင်တဲ့ Flavonoidsဓာတ်ဟာ ဦးနှောက်အတွင်းက connectionsတွေကို ခိုင်မာမြဲမြံစေတဲ့အတွက် အသက်အရွယ်ရလာလို့ မှတ်နိုင်စွမ်း ကျဆင်းသွားတယ်ဆိုတဲ့အချက်ကို လျော့ပါးစေနိုင်ပါတယ်။

၎။ လေ့ကျင့်ခန်းလုပ်ပါ။
လေ့ကျင့်ခန်းလုပ်တာဟာ ဆက်စပ်မှတ်သားနိုင်စွမ်းကို တိုးတက်စေတဲ့အပြင် ထိုးဖောက်သိမြင်နိုင်စွမ်းကိုလည်း အားပေးပါတယ်။

၅။ ပီကေ၀ါးပါ။
ချွင်းဂန်း(ပီကေ)၀ါးခြင်းဟာ မှတ်ဥာဏ်စွမ်းအားကို ပိုမိုကောင်းမွန်စေပါတယ်။ ကနဦးလေ့လာမှုတွေအရ ပီကေ၀ါးခြင်းဟာ မှတ်ဥာဏ်လေ့ကျင့်ခန်းတွေမှာ ရမှတ်တွေ ပိုမိုကောင်းမွန်စေကြောင်း တွေ့ရှိရပါတယ်။ 

၆။ အိပ်ရေး၀၀ အိပ်ပါ။
အိပ်စက်နေတဲ့အချိန်ဟာ မှတ်ဥာဏ်က အချက်အလက်တွေကို ပေါင်းစည်းပြီး မှတ်သားနေတဲ့ အချိန်ပါပဲ။ တကယ်လို့ အိပ်ရေး၀၀ မအိပ်ခဲ့ဘူး၊ အိပ်ချိန် အင်မတန် နည်းနေခဲ့မယ်ဆိုရင် မှတ်ဥာဏ်စုစည်းမှုကို ထိခိုက်ပြီး ကြာရှည် မှတ်သားနိုင်စွမ်းကိုလဲ ကျဆင်းစေပါလိမ့်မယ်။

တကယ်လို့ ဒီအချက်တွေဟာ သင့်အတွက် တစ်စုံတစ်ရာ အကျိုးပြုခဲ့တယ်ဆိုရင် ဒီစာလေးကို အခြားသူတွေအတွက်ပါ မျှဝေပေးပါ။

lumosity.comမှ 6 tips to improve your memoryကို ဘာသာပြန်ဆိုပါတယ်။

ကျေးဇူးတင်ပါတယ်။
လေးစားစွာဖြင့်
မင်းအရိပ်

မေ့တတ်တဲ့ ဦးနှောက်အတွက် သင်ခန်းစာကို ချရေးခြင်း

တော်တော် မေ့တတ်တဲ့ ခေါင်းဗျာ။

ကျောင်းစာဆိုတာနဲ့ အစေးကို မကပ်ပါဘူး။

စာကြည့်ရမှာကလဲ ပျင်း၊ ဦးနှောက်ကလဲ ခဏပဲ ကောင်းတာ။ အချိန်နည်းနည်းကြာရင် မေ့ရော။

အခုတောင် မနှစ်က ကြည့်ထားပြီးသား၊ တခြားသူကိုတောင် ရှင်းပြနိုင်ခဲ့တဲ့စာတွေ ဒီနှစ် လိုအပ်လို့ ပြန်စဉ်းစားတော့ မသိတော့ဘူးဖြစ်နေတယ်။ ပြန်ရှာ ပြန်ကြည့်ရတယ်။

ဒါကြောင့် ဒီစာကို ချရေးဖြစ်တာပါ။ သိလို့၊ တတ်လို့  မဟုတ်ပါဘူး။ ဒီလိုလေး ချရေးလိုက်ရင် ပိုပြီးများ မှတ်မိမလားရယ်လို့ပါ။

အိုကေ - ကျွန်တော် ရေးမှာကတော့ Reducing block diagrams in control systemပါ။

ခက်ခက်ခဲခဲကြီး မဟုတ်ဘူး။ ခက်ခက်ခဲခဲတွေလဲ မသိပါဘူး။ ဒါကြောင့် ချရေးဖြစ်ပါတယ်။

ချရေးတယ်ဆိုတာထက် ပုံတွေနဲ့ပဲ ဖော်ပြသွားပါတော့မယ်။

ပထမဆုံးအနေနဲ့ feedback block diagram လျှော့ချခြင်းပါ။

ဆိုတော့ကာ ဒါမျိုးပုံကို feedback diagramလို့ ခေါ်ပြီး အဖြေကို အောက်ပါအတိုင်း ရေးပါတယ်။

Y/R = G/(1+GH)

နောက်ထပ်တော့ အဖြေတွေ ထပ်မရေးပြတော့ပါဘူး။

နောက်တစ်ခုက serie ကို လျှော့ချတာပါ။

နောက်တစ်ခုက Parallel blockတွေကို လျှော့ချတာပါ။

နောက်ထပ်ဆက်သွားမှာကတော့ summation pointတွေကို နေရာရွှေ့ခြင်းဖြစ်ပါတယ်။

Moving summation points

နောက်ကနေ ရှေ့ကို ရွှေ့သွားတာနဲ့ ရှေ့ကနေ နောက်ကို ရွှေ့သွားတာပါ။

နောက်တစ်ခုကတော့ pick-off pointတွေကို နေရာရွှေ့တာပါ။

Moving pick-off points

Pick-off pointsနဲ့ summation pointsတွေကို ရွှေ့တဲ့အခါ ပြောင်းလဲသွားတဲ့ blockတွေဟာ ပြောင်းပြန်ပုံစံဖြစ်နေကြောင်း တွေ့ရပါလိမ့်မယ်။

လွယ်လွယ်လေးပဲနော်။

ကျွန်တော် ခဏ ခဏ ပြန် ပြန်ကြည့်နေရလို့ နောက်တစ်ခါမေ့ရင် ကိုယ့်ဘလော့ထဲမှာပဲ ပြန်ရှာလို့ရအောင်ရယ်၊ ပိုမှတ်မိသွားအောင်ရယ် ချရေးဖြစ်ပါတယ်။

ပို့စ်တွေ မရေးနိုင်လို့ ကျွန်တော့်ဘလော့လေး active သိပ် မဖြစ်တော့တာကြောင့်လဲ ပါတာပေါ့လေ :P

မျက်စိနောက်သွားကြရင်တော့ ခွင့်လွှတ်တော်မူကြပါခင်ဗျား

လူအဖြစ် ဟန်ဆောင်ခြင်း

မျက်စိကို မှိတ် ခေါင်းကို ငြိတ်လို့

ကျွန်တော် လူယောင်ဆောင်ခဲ့တယ်။

တကယ်တော့….

ကျွန်တော်ဟာ ခြင်္သေ့တစ်ကောင်ပါ၊

ဟန်ပါပါ ဟိန်းဟောက်ရင်း

ဝမ်းထဲမှာ အစာမရှိရင်တောင်

မြက်ပင်ကို မစားတဲ့သူမျိုးပေါ့။

ကျွန်တော်ဟာ မျောက်တစ်ကောင်ပါ၊

ဇာတ်ဆရာရဲ့ ခိုင်းစေမှုကြောင့်

ဟိုသစ်ကိုင်းကူး ဒီသစ်ကိုင်းကူး

ဂနာမငြိမ်ဖူးသူလေ။

ကျွန်တော်ဟာ ယုန်ကလေးတစ်ကောင်ပါ၊

နားရွက်တစ်ထောင်ထောင်နဲ့

ပညာရှိယောင်ဆောင်ပြီး

သူများပြောစကားတွေ နားထောင်နေကျရယ်။

ကျွန်တော်ဟာ လင်းနို့တစ်ကောင်ပါ၊

ညဘက်ဆို အလိုလို လန့်နိုး

အိပ်မက်ဆိုးတွေရဲ့ ခြောက်လန့်ခြင်းတွေကြား

မမြင်မစမ်းနဲ့ အသားကျနေတယ်။

ကျွန်တော်ဟာ သိုးဖြူတစ်ကောင်ပါ၊

မသိခြင်းတွေ ထွေးပိုက်လို့

ဖြူစင်မှုတွေနဲ့လည်း ပျော်ရွှင်ဖူးတယ်။

ကျွန်တော်ဟာ သိုးမည်းတစ်ကောင်ပါ၊

မရည်ရွယ်ခဲ့တဲ့ အမှားတွေအတွက်

အသိုင်းအ၀ိုင်းထဲကလည်း ပြေးထွက်ချင်ခဲ့ဖူးတယ်။

နောက်ပြီး…

ကျွန်တော်ဟာ ပင့်ကူတစ်ကောင်လဲ ဖြစ်တယ်၊

မြတ်နိုးတွယ်တာမှုတွေအတွက်

သံယောဇဉ် အမျှင်တန်းလို့

လက်ကျန်အချိန်လေးတွေမှာ

လူအဖြစ် ကပ်တွယ်နေချင်တုန်းပဲပေါ့…..

တစောင်းကြီးဖြစ်နေတဲ့ e-book (pdf) ကို ဘယ်လို ပြင်မလဲ

တစ်ခါတစ်ရံမှာ တချို့ e-book (pdf) တွေဟာ ပုံမှာ ဖော်ပြထားသလို တစောင်းကြီး ဖြစ်နေတတ်ပါတယ်။
ဒါမှမဟုတ် ကိုယ်တိုင်ပဲ pdfတစ်ခု အစမှ အဆုံး ဖန်တီးပြီးတဲ့နောက် readerတစ်ခုနဲ့ ဖတ်ကြည့်မှ တစောင်းကြီးဖြစ်နေတာကို တွေ့ရတာ ရှိတတ်ပါတယ်။
အဲဒါမျိုး ငါ ဘယ်လိုများ လုပ်ရပါ့မလဲ။ အစက အဆုံး ပြန်ပြင်ရတော့မှာပဲ ဆိုပြီး စိတ်မညစ်ပါနဲ့။
ပြင်နည်းက လွယ်လွယ်လေးပါ။ ကျွန်တော် တင်ပေးထားဖူးတဲ့ adobe acrobat နဲ့ ပြင်လို့ရပါတယ်။
၁။ ကိုယ်ပြင်မယ့် pdfကို အောက်ပါ နည်းနှစ်နည်းထဲက တစ်နည်းနည်းနဲ့ ဖွင့်လိုက်ပါ။

သို့မဟုတ်

၂။ ဖွင့်ပြီးသွားတဲ့အခါ ပုံမှာ ပြထားတဲ့အတိုင်း document -> rotate pages ကို သွားပါ။

၃။ အောက်ပါ boxလေး တက်လာပါလိမ့်မယ်။ ဖော်ပြထားတဲ့အတိုင်း clockwise 90 စသဖြင့် ကိုယ်အဆင်ပြေသလို ပြောင်းပါ။ အနီကွင်း ၀ိုင်းပြထားတဲ့နေရာမှာ ကိုယ် ပြင်မယ့် စာမျက်နှာတွေ ထည့်လို့ရပါတယ်။

၎။ ပြီးရင် ok နှိပ်လိုက်တဲ့အခါ အောက်ပါအတိုင်း ပေါ်ပါလိမ့်မယ်။ yes ကို နှိပ်လိုက်ပါ။

ဒါဆိုရင် ခုနက တစောင်းကြီးဖြစ်နေတဲ့ pdfဟာ ကိုယ် လိုချင်တဲ့အတိုင်း ချိန်ညှိပြီး ဖြစ်သွားပါပြီ။


(ကျွန်တော့်ဘလော့မှာ စာအသစ်တွေ မရေးနိုင်ခင်စပ်ကြား အဆက်ပြတ်မသွားအောင် ITBrother လို့ အမည်ရတဲ့ ကျွန်တော်တို့သူငယ်ချင်းတစ်စု ကြိုးစားတည်ဆောက်နေတဲ့ ITနည်းပညာ မျှဝေရာ ဘလော့မှာ တင်ပြီးသားပို့စ်ကို ပြန်share လုပ်လိုက်တာပါ။)
အားလုံးကို လေးစားစွာဖြင့်
မင်းအရိပ်

ဘလော့ပို့စ်တွေကို ဖေ့ဘုတ်ပေါ်အလိုအလျောက်ရောက်အောင်လုပ်နည်း

ဒီနည်းပညာကတော့ ဘလော့ဂါတော်တော်များများ အလိုရှိကြတဲ့ နည်းပညာလေးပါ။

social networkနဲ့ ချိတ်ထားမှာမို့ မဖြစ်မနေ သိထားရင် ပိုကောင်းပါတယ်။ ခေါင်းစဉ်မှာ ဖေ့စ်ဘုတ်လို့ ပေးထားပေမယ့် twitterလိုမျိုး social network မျိုးနဲ့လဲ ချိတ်ထားလို့ ရပါတယ်။

လိုအပ်တဲ့ နည်းပညာဖြစ်သလို ခက်ခဲမှုလဲ သိပ်မရှိပါဘူး။

အရင်ဆုံး NetworkedBlogs linkမှာ sing in ၀င်ရပါမယ်။

                                         ဒီနေရာကိုသွားလိုက်ပါ။

အောက်ပါပုံအတိုင်း ၀င်ရပါမယ်။

အဆင့်(၁)နဲ့ အဆင့်(၂) ခွဲပြီး ပြထားပေးပါတယ်။ အကောင့်မလုပ်ရသေးဘူးဆိုရင် sign up ၀င်ဖို့ နဲ့ ရှိပြီးသားဆို ဖေ့စ်ဘုတ်ခ်အိုင်ကွန်လေးနဲ့ log in ၀င်ရုံပါပဲ။

ဝင်ပြီးရင်တော့ ကိုယ့်ရဲ့ဘလော့ကို registerလုပ်ပေးရပါမယ်။

ပြထားတဲ့အတိုင်း register a blogကို နှိပ်ပြီး မိမိရဲ့ ဘလော့လင့်ကို ထည့်ကာ register လုပ်ပေးရပါတယ်။

ပုံမှာ ပြထားတဲ့အတိုင်း လိုအပ်တဲ့အချက်အလက်တွေထည့်ပြီး ဆက်လုပ်သွားပါ။

ဒါပြီးရင်တော့ register လုပ်ပြီးသွားပါပြီ။

ပြီးရင် မိမိရဲ့blogger dashboard ကို သွားရပါမယ်။

ပုံမှာ ပြထားတဲ့အတိုင်း syndicationကို နှိပ်ပါ။

ပုံတွေမှာ ပြထားတဲ့အတိုင်း အဆင့်လိုက် လုပ်သွားပါ။

ပုံတွေမှာ ပြထားတဲ့အတိုင်း အဆင့်ဆင့် လုပ်ပြီးသွားရင်တော့ မိတ်ဆွေတို့ရဲ့ဘလော့ကို social network မှာ ချိတ်ပြီးသွားပါပြီ။

တစ်ခုမှတ်ထားရမှာက syndicationလုပ်တဲ့အခါမှာ networkedblogsက တောင်းဆိုတဲ့ အချက်တွေကို okayလုပ်ပေးဖို့ လိုပါတယ်။

အားလုံးလုပ်ပြီးတဲ့အခါ မိတ်ဆွေတို့ရဲ့ ဘလော့မှာ ပို့စ်အသစ်တစ်ခုတင်လိုက်တာနဲ့ social networkမှာ တစ်ခါတည်း ရောက်သွားပြီဖြစ်ပါတယ်။

မိတ်ဆွေတို့ရဲ့ ဖေ့စ်ဘုတ်ခ်လို social network accountကိုတော့ ဖွင့်ထားဖို့ လိုပါမယ်။

(ကျွန်တော့်ဘလော့မှာ စာအသစ်တွေ မရေးနိုင်ခင်စပ်ကြား အဆက်ပြတ်မသွားအောင် ITBrother လို့ အမည်ရတဲ့ ကျွန်တော်တို့သူငယ်ချင်းတစ်စု ကြိုးစားတည်ဆောက်နေတဲ့ ITနည်းပညာ မျှဝေရာ ဘလော့မှာ တင်ပြီးသားပို့စ်ကို ပြန်share လုပ်လိုက်တာပါ။)

အားလုံးကို လေးစားစွာဖြင့်

မင်းအရိပ်

Blog iconလေး ချိန်းရအောင် !

ဒီတစ်ခေါက်တော့ blog icon ချိန်းတဲ့နည်းကို တင်ပြသွားမှာ ဖြစ်ပါတယ်။

ကျွန်တော်အပေါ်ဆုံးမှာ ပြထားတဲ့ ပုံမှာ ကျွန်တော်တို့ ဘလော့ရဲ့ icon ကို ချိန်းပြထားတာ တွေ့ပါလိမ့်မယ်။ အပြာရောင်လေးထောင့်ကွက်နဲ့  ပြထားပါတယ်။ အဲဒါ iconပါ။ ဘလော့မှာတော့ favicon လို့ ခေါ်ပါတယ်။

အဲဒီလိုမျိုးပဲ ကိုယ့်ဘလော့တွေမှာ icon ချိန်းချင်တယ်ဆိုရင် ဘယ်လိုလုပ်ရမလဲဆိုတာ ပြောပြပေးသွားပါမယ်။

၎င်း favicon တွေဟာ သေးငယ်သော ပုံတွေကိုသာ သုံးစွဲကြပြီး များသောအားဖြင့်တော့ (16px X 16px) အရွယ်အစား ရှိကြတာပါ။ ဖိုင်အမျိုးအစားကလဲ .ico ဖြစ်ရပါတယ်။ ဒါမှ ချိန်းလို့ ရပါတယ်။

ဒါကြောင့် အရင်ဆုံး favicon ကိုယ်သုံးချင်တဲ့ ပုံကို iconအမျိုးအစားဖြစ်အောင် ပြောင်းရပါမယ်။

ကျွန်တော်ကတော့ အွန်လိုင်းပေါ်မှာ တခါတည်း လုပ်နိုင်တဲ့ X-Icon Editorကို သုံးပြီး လုပ်လိုက်ပါတယ်။ offline မှာ သုံးလို့ရတဲ့ icon editor software တွေလဲ ရှိပါတယ်။ ကျွန်တော်လုပ်တဲ့အတိုင်း လုပ်ချင်ရင်တော့ အောက်ပါလင့်ခ်ကို နှိပ်လိုက်ပါ။

ဒါကို နှိပ်ပါ

အောက်ဖော်ပြပါပုံက web pageကို ရောက်သွားပါမယ်။

၁။ Import ကို နှိပ်လိုက်ပါ။

၂။ Upload ကို ထပ်နှိပ်ပါ။ ပြီးရင် ကိုယ်လုပ်ချင်တဲ့ ပုံကို ရွေးပြီး open နှိပ်လိုက်ပါ။

၃။ အင်တာနက်ပေါ်Uploadတင်ပြီးတဲ့အခါ crop လုပ်လဲ ရပါတယ်။ ဒါမှမဟုတ် တစ်ပုံလုံး ရွေးချင်ရင်လဲ cropကွက်ဒေါင့်ဆုံးကို ထောက်ပြီး sizeချဲ့လို့ ရပါတယ်။ အမှန်ခြစ်ထားတဲ့ နေရာလေးတွေမှာ ကိုယ်လိုချင်တဲ့ တစ်ပုံပဲ ခြစ်ထားလဲ ရပြီး အကုန်ခြစ်ထားလဲ ဖြစ်ပါတယ်။ ပုံဆိုဒ်က တအားကြီးနေရင်တော့ သူခွင့်ပြုတဲ့ အတိုင်းအတာထိပဲ ရပါလိမ့်မယ်။

၎။ Previewမှာ အဆင်ပြေ၏ မပြေ၏ ကြည့်လို့ရပါသေးတယ်။ စိတ်ကျေနပ်ပြီ ဆိုရင်တော့ iconကို ဒေါင်းနိုင်ပါပြီ။ Export ကို နှိပ်လိုက်ပါ။

၅။ Export your icon ကို ထပ်နှိပ်ပါ။ အဲဒီအခါ ဒေါင်းလုဒ်လုပ်ခိုင်းပါလိမ့်မယ်။

favicon အတွက် icon လုပ်ပြီးပြီ ဆိုရင်တော့ bloggerထဲမှာ ၀င်ပြောင်းလို့ ရပါပြီ။

၁။ blogger ကို sign in လုပ်ပြီးရင် layout ကို သွားလိုက်ပါ။

၂။ ကျွန်တော် အနီဝိုင်းပြထားတဲ့ favicon ဆိုတာ တွေ့ပါလိမ့်မယ်။ edit ကို နှိပ်ပါ။

၃။ choose file ကို နှိပ်ပြီး ကိုယ်လုပ်ထားတဲ့ icon ကို ရွေးပေးလိုက်ပါ။ ပြီးရင် save လုပ်လိုက်ပါ။

၎။ layout မှာ save arrangement လုပ်ပြီးရင်တော့ မိမိရဲ့ ဘလော့ icon ချိန်းပြီးသွားပြီဖြစ်ပါတယ်။ ဒါပေမယ့် တစ်ခု သိထားဖို့ လိုတာက favicon က ချိန်းပြီးပြီးချင်း တန်း  မပြောင်းပါဘူး။ အချိန် ခြောက်ရက်၊ ခုနစ်ရက် တန်သည် ပေးရပါတယ်။ လိုအပ်တဲ့ အချိန်ပေးပြီးရင်တော့ မိမိဘလော့မှာ ဘလော့ဂါicon မဟုတ်ဘဲ မိမိတင်ထားတဲ့ icon ပြောင်းသွားတာကို တွေ့ရမှာ ဖြစ်ပါတယ်။

အဆင်ပြေကြပါစေ။

အားလုံးကို လေးစားစွာဖြင့်

မင်းအရိပ်

ကိုယ့်facebook pageကို blogမှာ ဘယ်လိုချိတ်မလဲ

ကျွန်တော်တို့ဘလော့မှာ facebook pageလေး တစ်ခု ချိတ်ထားတာ တွေ့ပါလိမ့်မယ်။ အဲဒါလဲ ကျွန်တော်တို့ရဲ့ ပေ့ခ်ျလေးပါပဲ။ အဲဒီလိုမျိုးချိတ်တာကို ဘလော့မှာ facebook like box ချိတ်တယ်လို့ ပြောကြပါတယ်။

ဘလော့ဂါတော်တော်များများ လုပ်တတ်ကြမှာဖြစ်ပေမယ့် ဘလော့ဂါအသစ်တွေတော့ သိချင်မှ သိပါလိမ့်မယ်။ ဒါကြောင့် facebook like boxကို ဘလော့မှာ ဘယ်လိုချိတ်မလဲဆိုတာ ကျွန်တော် ရှင်းပြပေးချင်ပါတယ်။

အင်မတန်မှ လွယ်ပါတယ်။

အရင်ဆုံး google search box မှာ like box ဆိုပြီး ရိုက်ရှာလိုက်ရင် Like Box – Facebook                 Developers ဆိုတဲ့ လင့်ခ်ကို တွေ့ပါလိမ့်မယ်။

တကယ်လို့ ရှာဖို့ ခက်ခဲမယ်ဆိုရင် အောက်က လင့်ခ်လေးကို နှိပ်လိုက်ပါ။

ဒါကိုနှိပ်ပါ

အောက်ဖော်ပြပါပေ့ခ်ျကို ရောက်သွားပါလိမ့်မယ်။

ဖော်ပြပါပုံထဲက Facebook Page URLဆိုတဲ့ နေရာမှာ ကိုယ့်facebook pageရဲ့ URLကို ထည့်ရမှာဖြစ်ပါတယ်။

URLဆိုတာ မရှင်းရင် ပုံလေးနဲ့ ဥပမာပြထားပေးပါတယ်။

ပြီးရင် Width နဲ့ Height မှာ အဆင်ပြေသလို pixel ဂဏန်းတွေ ထည့်ပေးသွားရပါမယ်။

အောက်ကပုံမှာ ကျွန်တော် ဂဏန်းလေးတွေ အစမ်းထည့်ပြထားပါတယ်။

နောက်ပြီး Show Headerတို့ Show Postsတို့မှာ ကိုယ်ကြိုက်သလို အမှန်ခြစ် ခြစ်ပေးလိုက်ပါ။

အဲဒါပြီးရင်တော့ get codeဆိုတာကို နှိပ်ရပါမယ်။

ဒီကုတ်တွေကို ရပါလိမ့်မယ်။ နံပါတ်တွေနဲ့ ဖော်ပြပေးထားပါတယ်။

ရလာတဲ့ကုတ်ကို blogger dash board ထဲဝင်ပြီး ထည့်ရပါမယ်။

design ထဲက edit html ထဲဝင်လိုက်ပါ။

ပြီးရင် ပုံမှာ ပြထားတဲ့အတိုင်း လုပ်ပါ။

ဒီကုတ်ကိုရိုက်ရှာပါ

        တွေ့ပြီဆိုတာနဲ့သူ့ရဲ့အပေါ်မှာ ကုတ် ၁ ကို ကူးထည့်လိုက်ပါ။

ပီးပီဆိုရင်

   layout

   Add a Gadget

  HTML/Javascript ကိုအောက်မှာပြထားတဲ့အတိုင်းသွားလိုက်ပြီး ကုတ် ၂ ကိုထည့်လိုက်ပါ

Save arrangment လုပ်လိုက်ပါ။

view blog ကိုကြည့်လိုက်ရင် အခုလိုမြင်ရမှာဖြစ်ပါတယ်

အဆင်ပြေကြပါစေ။အခက်အခဲတစုံတရာရှိရင် ကွန်မန့်ဘောက်မှာရေးခဲ့ပေးပါ။

ကျေးဇူးတင်ပါတယ်။

အားလုံးကို လေးစားစွာဖြင့်

မင်းအရိပ်