ဝီလ် ယနေ့ အလုပ်လုပ်ရသည်မှာ လုံးဝ စိတ်မရောက် ဖြစ်နေသည်။
တစ်ချိန်လုံး သမီးလေးအန်နီ့ကိစ္စကသာ ခေါင်းထဲ ရောက်နေသည်။
သမီးလေး စနေနေ့ကို ဘယ်လို ဖြတ်သန်းခဲ့သလဲ။
ဟို လူစိတ်မရှိတဲ့ကောင်နဲ့ ဘယ်ကံကြမ္မာအညှိုးများကြောင့်များ တွေ့ဆုံဖြစ်ခဲ့ပါလိမ့်....။
ယနေ့ A&Aကုမ္ပဏီနှင့် ၀ီလ်တို့အဖွဲ့ သူတို့ရိုက်ကူးကြမည့် ကြော်ငြာအကြောင်း တွေ့ဆုံဆွေးနွေးပွဲတစ်ခု လုပ်ရသော်လည်း ၀ီလ်မှာ တွေ့ဆုံဆွေးနွေးပွဲထဲ စိတ်ရောက်မနေသဖြင့် နံဘေးမှ အယ်လ်က အမြဲသတိပေးနေရသည်။
ဆွေးနွေးပွဲပြီးသည်နှင့် ၀ီလ် အိမ်သို့ ခဏပြန်လာခဲ့သည်။
အိမ်အပြန်လမ်းတွင် ဖုန်းနံပါတ်အသစ်တစ်ခုပါသော ဟမ်းဆက်တစ်လုံး ၀င်ဝယ်ခဲ့သည်။
သမီးလေး အန်နီအတွက်ဖြစ်သည်။ ဖုန်းနံပါတ်အဟောင်းကို ဟိုလူဆိုးကောင်က သိနေပြီဖြစ်၍ အန်နီနှင့် အဆက်အသွယ်ရှိနေမည်ကို မလိုလားသောကြောင့် ဖြစ်သည်။
ဝီလ် အိမ်ပြန်ရောက်တော့ အန်နီ အိမ်မှာ ရှိနေသည်။
အန်နီ့ကို စိတ်တည်ငြိမ်စေရန် ကျောင်းမသွားခိုင်းဘဲ အိမ်မှာ နားနေခိုင်းထားခြင်းဖြစ်သည်။
ဝီလ်က သူ့သမီးအခန်းရှိရာ တန်းတက်သွားပြီး တံခါးခေါက်ဝင်လိုက်သည်။
" အန်နီ... ဖေဖေ ဖုန်းအသစ်တစ်လုံး ၀ယ်လာခဲ့တယ်..."
အန်နီက အိပ်ယာထက်မှ လှဲနေလျက်သား ၀ီလ့်ကို လှည့်ကြည့်သည်။
အန်နီ့လက်ထဲမှာ ဖုန်းအဟောင်းကို ဆုပ်ကိုင်လျက်သား ရှိနေသည်။
အန်နီ ဟို့ကောင့်ကို ဆက်သွယ်ဖို့များ ကြိုးစားနေသည်လား။
ဝီလ်က အန်နီ့ကုတင်နားသို့ ချဉ်းကပ်သွားသည်။
" သမီး ဖေဖေ့ကို ကတိပေးရမယ်... ဒီဖုန်းနံပါတ်အသစ်နဲ့ ဟိုကောင့်ကို ဖုန်းဆက်တာ၊ စာရိုက်တာ တစ်ခုမှ မလုပ်ပါဘူးလို့.. ဟုတ်ပြီလား..."
အန်နီက စကားတစ်ခွန်းမှ ပြန်မပြောဘဲ ၀ီ့်လ်ကိုသာ တုံဏှိဘာဝေ ကြည့်နေသည်။
" တိတ် ပြောထားခဲ့တာ မှတ်မိတယ်နော်... ဟိုကောင်က ဖုန်းအဟောင်းကို တစ်နည်းနည်းနဲ့ ဆက်သွယ်လာတာနဲ့ ဖေဖေတို့ကို ချက်ချင်းပြောရမယ်..."
အန်နီ ဘာမှ ပြန်မပြော...။
" ဖေဖေက ဖုန်းဘီလ်တွေ ဘယ်လောက်တက်နေလဲ အမြဲစစ်ကြည့်မှာနော်... တကယ်လို့ သမီး သူ့ကို ဆက်သွယ်တယ်လို့ တွေ့တာနဲ့ ဖုန်းကို ပြန်သိမ်းမှာနော်... ဟုတ်ပြီလား..."
ဝီလ်က အန်နီ့ကို ဖုန်းအသစ် လှမ်းပေးလိုက်သည်။
အန်နီက လှမ်းမယူ။
ထို့ကြောင့် ၀ီလ်က အန်နီ့ဘေးတွင် ပစ်ချထားခဲ့ကာ အပြင် ပြန်ထွက်သွားလေသည်။
နေ့ခင်းရောက်တော့ ၀ီလ်က အလုပ်ပြန်သွားသည်။
လင်းက အန်နီ့ကို ဆေးရုံမှ စိတ်ပညာအကြံပေးဂေးလ်ထံ လိုက်ပို့ပေးသည်။
ယနေ့ သူမနှင့် တွေ့ဆုံဆွေးနွေးရန် အန်နီ့ကို ချိန်းထား၍ ဖြစ်သည်။
ဂေးလ်၏ ရုံးခန်းထဲမှာ အန်နီ့ကို ထားခဲ့ပြီး လင်းလည်း သူမအလုပ်ရှိရာသို့ ပြန်သွားသည်။
ဂေးလ်၏ ရုံးခန်းထဲရောက်တော့ မိနစ်အနည်းငယ်လောက် ကြာသည်အထိ တစ်ယောက်နှင့် တစ်ယောက် စကားမပြောဘဲ ထိုင်နေမိကြသည်။
ဂေးလ်က အန်နီ့ကို ပြုံး၍သာ ကြည့်နေသည်။
အန်နီက အခန်းတွင်း လှည့်ပတ်ကြည့်လိုက်သည်။ ကလေးပန်းချီအမြောက်အမြား အခန်းတွင်း၌ ချိတ်ဆွဲထားသည်။
နောက်ဆုံး မနေနိုင်တော့သဖြင့် အန်နီကသာ စကားစလိုက်ရသည်။
" ဒီတော့ အန်နီတို့ ဘာအကြောင်းပြောရမှာလဲ... TVဇာတ်လမ်းတွဲတွေအကြောင်း ပြောကြမှာလား..."
" ငါတော့ အဲဒီလိုမထင်ပါဘူး ကောင်လေးရယ်..."
ဂေးလ်က ရယ်ပြီး ပြောသည်။
" သမီးလာလို့ အန်တီ ၀မ်းသာပါတယ်..."
" ဟုတ်ကဲ့... အန်နီ့မိဘတွေက သွားရမယ်ဆိုလို့ လာခဲ့တာပါ..."
" ဘယ်လိုပဲဖြစ်ဖြစ်လေ... ၀မ်းသာပါတယ်.. ဒီနေရာလေးဟာ သမီးပြောမယ့် စကားတွေအတွက် လုံခြုံမှုရှိပြီး သက်တောင့်သက်သာလည်း ဖြစ်စေမယ်လို့ အန်တီ မျှော်လင့်ပါတယ်... အန်တီက သမီးကို ကူညီချင်ရုံ သက်သက်ပါ..."
" အန်နီ့ပုံစံက အကူအညီလိုတဲ့ပုံ ပေါက်နေလို့လား..."
" အန်တီတွေးတာကတော့ သမီးက အရမ်းခက်ခဲတဲ့ အခြေအနေတွေကို ဖြတ်သန်းခဲ့ရ၊ ဖြတ်သန်းနေရ သလားလို့ပါ..."
" အဲဒါတွေက ပြဿနာတွေမှ မဟုတ်တာ... အန်နီပြောပြမယ်... အန်နီတို့အတန်းထဲက ကောင်မလေးတွေဟာ ကျောင်းဘောလုံးအသင်းက ကောင်လေးတစ်ဝက်လာက်နဲ့
ဖြစ်နေကြတာပဲလေ... အန်နီ့ထက်တောင် စောသေးတယ်... အဲဒီလိုပဲ အခု အန်နီ့အနေနဲ့ အပျိုစင်ဘ၀ကို ဆုံးရှုံးခဲ့တယ်.... ဒါကို အန်နီ့မိဘတွေက နိုင်ငံတော်ပုန်ကန်မှုကြီးလို သဘောထားနေကြတယ်.... ဒါပါပဲ... အထူးအဆန်းမှ မဟုတ်တာ..."
" အန်တီကတော့ အန်နီ့မိဘတွေအနေနဲ့ အန်နီဟာ အရမ်းကြီးမားတဲ့ အန္တရာယ်တစ်ခုနဲ့ တွေ့ကြုံခံစားခဲ့ရတယ်လို့ ယူဆခံစားနေကြတာပဲလို့ မြင်တယ်ကွယ်..."
" အန္တရာယ်... ဟုတ်လား..."
အန်နီက လှောင်ရယ် ရယ်လိုက်သည်။
သည်ကောင်မလေး မိဘတွေရဲ့ ခံစားချက်ကို နားမလည်နိုင်သေးပါလားဟု ဂေးလ်က တွေးနေသည်။
" ဘာ အန္တရာယ်မှ မရှိဘူး... အဲဒါက သူတို့ ချာလီ့ကို မတွေ့ဖူးသေးလို့ပါ... အန်နီကတော့ ဖေဖေသာ သူနဲ့တွေ့ရင် သူ့ကို သဘောကျမှာပဲလို့ ထင်တယ်... အခုတော့ မဟုတ်တော့ဘူးပေါ့လေ... အရင်တုန်းကတည်းက တွေ့ခဲ့ရင်ပေါ့..."
" သူနဲ့ ပတ်သက်ပြီးတော့ ဘာတွေကို သမီးအဖေက သဘောကျနိုင်မယ်လို့ သမီးထင်လို့လဲ..."
" သူက စမတ်ကျတယ်.. စကားပြောတာ ချိုသာတယ်... တအားခင်ဖို့လည်း ကောင်းတယ်လေ... ပြီးတော့ အလုပ်နဲ့ ပတ်သက်ပြီး အကြံကောင်း၊ ဥာဏ်ကောင်းတွေ ပေးနိုင်တယ်... သူ့ကြောင့်မို့လို့ အန်နီလက်ရွေးစင်အသင်းမှာ ရွေးခံရတာပေါ့..."
" သမီးက အသင်းမှာ ရွေးခံရတာ သူ့အကြံဥာဏ်တစ်ခုတည်းကြောင့်လို့ ထင်တာလား... သမီးရဲ့ ကိုယ်ပိုင်အရည်အချင်းတွေကြောင့်ရော မဖြစ်နိုင်တော့ဘူးလား..."
" သူက အသက်ပိုကြီးတယ်လေ... ဘောလီဘောဆော့လာတာ ကြာနေခဲ့ပြီလေ..."
" ဟုတ်ပြီ... သူအသက်ကြီးတာနဲ့ ပတ်သက်ပြီး သမီး ဘယ်လိုမြင်လဲ..."
" ပထမတော့ အန်နီက သူ့ကို ဆယ့်ခြောက်နှစ်လောက်ပဲ ရှိမယ်ထင်တာလေ... နောက်တော့ သူက အသက်နှစ်ဆယ်ရှိပြီတဲ့...အန်နီလဲ မထင်ထားတော့ ဒေါသထွက် ဘာညာ ဖြစ်ခဲ့တာပေါ့... နောက်ပိုင်း အန်နီတို့ စကားတွေ ဆက်ပြောကြရင်းနဲ့ အန်နီ့ သူ့ကို သဘောကျသွားတယ်လေ..."
အန်နီက အတိတ်ကိုတွေးမိပြီး ပြုံးလိုက်သည်။
" သူက စာအုပ်ကြီးသမားမဟုတ်ဘူး... သူက အရာရာကို နားလည်ပေးနိုင်တဲ့သူ... အသက်ကွာခြားချက်ဆိုတာကြီး ရှိနေတာတောင် သူ အန်နီ့ကို နားလည်စွာနဲ့ ဆက်ချစ်ခဲ့တယ်လေ..."
အန်နီက ဂေးလ်ကို ကြည့်ရင်း ပြောနေသည်။
" ပြီးတော့ သူက ပြောသေးတယ်... အန်နီ့ကို လှတယ်တဲ့..."
" သူ့အနေနဲ သူ့အသက်အရွယ်နဲ့ ပတ်သက်ပြီး ရိုးသားမှုမရှိခဲ့တာကိုရော သမီး ဘယ်လိုမြင်လဲ..."
" အင်း... ချာလီက ပြောဖူးတယ်... လူတွေက ကိုယ့်စိတ်ဝိဥာဉ်ရဲ့ လက်တွဲဖော်ကို လိုက်ရှာနေကြတာတဲ့... အဲဒီတစ်ခုပဲ တွေးရမယ်တဲ့... အန်တီသိလား... လူနှစ်ယောက်ချစ်မိကြပြီဆိုရင် တခြား ဘယ်အရာမှ အရေးမကြီးတော့ပါဘူး..."
" အဲဒီခံစားချက်တွေဟာ ဘယ်လောက်ထိ အင်အားကြီးတယ်ဆိုတာ အန်တီနားလည်နိုင်ပါတယ် အန်နီရယ်... ဒါပေမယ့် သမီးရဲ့ အသက်အရွယ်နဲ သူရဲ့ အသက်အရွယ် လူနှစ်ယောက်ဟာ လက်တွဲလို့ ဘယ်လိုမှ မရနိုင်ဘူးဆိုတာ အကြောင်းပြချက်တွေလည်း အများကြီးရှိတယ်..."
" ဘာပဲဖြစ်ဖြစ်ပေါ့... သူက အန်နီ့ကို ချစ်တယ်လေ... သူချစ်တယ်ဆိုတာ အန်နီသိတယ်... အခုဆိုရင် သူအန်နီ့ဆီ ဖုန်းခေါ်ဖို့ ဒါမှမဟုတ် အီးမေးလ်ပို့ဖို့ သေမလောက် လုပ်ချင်နေမှာ ... သူ သေမလောက် ခံစားနေရမှာ... ဒါပေမယ့် သူ့အတွက် မလုံခြုံဘူးဆိုတာ သူသိတယ်လေ... အန်နီ့မိဘတွေနဲ့ FBIရဲ့ ကျေးဇူးတွေကြောင့်ပေါ့..."
အန်နီ့အသံများက ပြောနေရင်း တိုးလျသွားသည်။
" အန်နီလေ.. အန်နီ.."
" ဘာဖြစ်လဲ..."
" သူ အဆင်ပြေပါစေလို့ပဲ ဆုတောင်းနေမိတယ်..."
အန်နီ့မျက်ဝန်းများထဲ မျက်ရည်များ စို့နေလေသည်။
ထိုအချိန်တွင် ၀ီလ်သည် ချီကာဂိုမြို့ O'Hareလေဆိပ်ရှိ စစ်ဆေးရေးခန်းထဲ ရောက်ရှိနေပြီဖြစ်သည်။
ယနေ့ ၀ီလ်သည် သူ၏အလုပ်ရုံးခန်း၌သာ ရှိနေရမည်ဖြစ်သော်လည်း နေထိုင်မကောင်းကြောင်း ပြောကာ ထွက်လာခဲ့ခြင်းဖြစ်သည်။
သမီးလေးအန်နီအတွက် မိမိတတ်နိုင်တာကို မိမိလုပ်ဖို့ ၀ီလ်ဆုံးဖြတ်ထားသည်။
လေဆိပ်၌ အစစ်ဆေးခံရန် စောင့်ဆိုင်းနေစဉ် တိတ်ထံမှ ဖုန်းဝင်လာသည်။
" ဟယ်လို..."
" ၀ီလ်.. အေးဂျင့်တိတ်ပါ... နောက်ထပ် ရထားတဲ့ အချက်အလက်တွေအကြောင်း ပြောမလို့..."
" ဟုတ်ကဲ့... ပြော..."
" မိုတယ်က ကျွန်တော်တို့ ဘာမှ သိပ်မရခဲ့ဘူးဗျ... ဟိုကောင်က မန်နေဂျာကို သူ့ပိုက်ဆံအိတ်ပျောက်သွားတယ် ဆိုပြီး ဒီတိုင်းတည်းသွားတာ... creditကဒ်နဲ့ ငွေရှင်းသွားတယ်... ဆဲလ်ဖုန်းနံပါတ်ကို လိုက်တော့လည်း prepaidကဒ် ဖြစ်နေပြန်တယ်... စိန့်လူးဝစ်မှာ ၀ယ်တဲ့ နံပါတ်ပဲ... အဲဒါလဲ creditကဒ်နဲ့ပဲ ရှင်းသွားတာ..."
" ဒါဖြင့် ချာလီဟိုက်တာဝါဆိုတာ သူ့နာမည်အစစ်ပဲလား..."
" အဲဒီလိုလဲ ပြောလို့ မရပြန်ဘူး... USမှာ အဲဒီနာမည်နဲ့ လူခုနစ်ယောက်တွေ့တယ်... ဒါပေမယ့် တစ်ယောက်မှ ရထားတဲ့ အချက်အလက်တွေနဲ့ မကိုက်ညီပြန်ဘူး... သူ ကယ်လီဖိုးနီးယားမှာ နေတယ်ဆိုတာလဲ အတည်ပြုလို့ မရပြန်ဘူး... သူ့ IP Address ကို လိုက်တော့လည်း ချက်ရီပတ်ဗလစ်နိုင်ငံကို လမ်းကြောင်းလွှဲပြထားတယ်..."
" ဘယ်လို..."
" ကြည့်ရတာ ဒီကောင် တစ္ဆေပရိုဂရမ်တစ်ခုခု သုံးထားပုံပဲဗျ... အဲဒါက IP Addressကို ကိုယ်လိုချင်သလို ချိန်းလို့ရနိုင်တဲ့ ဆော့ဖ်ဝဲလ်တစ်ခုခုပေါ့ဗျာ..."
" ဆရာ... ခင်ဗျားအလှည့် ရောက်နေပါပြီ..."
လေဆိပ်လုံခြုံရေးဝန်ထမ်းက ဖုန်းပြောနေသော ၀ီလ်အား ပြောလိုက်ခြင်းဖြစ်သည်။
" ဆောရီး.. ခဏလေး.."
ဝီလ်က တောင်းပန်လိုက်ပြီး ဖုန်းဆက်ပြောသည်။
" ကျွန်တော် နားမလည်ဘူးဗျာ.. ဘာကို ဆိုလိုတာလဲ..."
" ဆိုလိုတာက တရားခံဟာ သူဘာလုပ်နေတယ်ဆိုတာ သူကောင်းကောင်းသိနေတယ် ဆိုတာပဲ.. ပြောရရင် ကျွမ်းကျင်တယ်ပေါ့ဗျာ... ဒါပေမယ့် စိတ်မပူပါနဲ့.. ဒါ အစပဲ ရှိသေးလို့ပါ..."
" ဆရာ... ခင်ဗျား စစ်ဆေးခံဖို့ လိုပါတယ်..."
လေဆိပ်လုံခြုံရေးဝန်ထမ်းက သတိပေးပြန်သည်။
" ဟုတ်ပါပြီဗျာ.. ခဏလေးပါ..."
ဝီလ်က တောင်းပန်ပြီး ဖုန်းဆက်ပြောနေပြန်သည်။
" ဒါနဲ့ သူစီးလာတဲ့ ကားနဲ့ ပတ်သက်လို့ရော..."
" ကားကလည်း ငှားထားတာပဲလေ... ခင်ဗျား လေဆိပ်ရောက်နေတာလားဗျ... စိတ်တော့ သိပ်မပူပါနဲ့... ဟာကွက်တွေ ရှိဦးမှာပါ..."
" ဆရာ... ဖုန်းချပြီး အစစ်ဆေးခံပါ..."
လေဆိပ်လုံခြုံရေးဝန်ထမ်းက ပြောပြန်သည်။
" ကောင်းပြီဗျာ.. ကျွန်တော် နောက်မှ ဖုန်းပြန်ခေါ်လိုက်မယ်..."
ဝီလ်က ပြောပြီး ဖုန်းကို ပိတ်လိုက်သည်။
" ဒီမယ်ဗျာ... ကျုပ်ပုံစံက လုံခြုံရေးကို တအားထိခိုက်စေမယ့် ပုံများ ပေါက်နေလို့လား..."
ဒေါသထွက်ထွက်နှင့် လေဆိပ်လုံခြုံရေးဝန်ထမ်းကို ပြောလိုက်သည်။
" ကျေးဇူးတင်ပါတယ်ဆရာ... အစစ်ဆေးခံဖို့ ဒီဘက်ကြွပါ..."
ဝီလ်လည်း မကျေမနပ်နှင့် လိုက်သွားလေသည်။
အန်နီ ဂေးလ်၏ရုံးခန်းမှ ပြန်လာပြီးနောက် တစ်ညနေလုံး TVခန်းထဲမှာ TVထိုင်ကြည့်နေလိုက်သည်။
အန်နီ့မေမေလင်း အလုပ်မှ ပြန်ရောက်လာပြီး စားသောက်ပြီးကြသည်အထိ အန်နီ့ဖေဖေ၀ီလ် ပြန်ရောက်မလာသေးပေ။
အန်နီ့တော့ TVဆက်ကြည့်နေသည်။
လင်းက ပန်းကန်များဆေးကြောပြီးနောက် အန်နီ့ဘေးနား လာထိုင်သည်။
" TVက ဘာတွေလာနေလဲသမီး..."
" အချက်အပြုတ်အစီအစဉ်လေ... စားဖိုမှုးတွေ အပြိုင်အဆိုင် ချက်နေကြတယ်..."
" အင်း... ချီကာဂိုရဲ့ ဟင်းချက်အကောင်းဆုံး အိမ်ရှင်ထီးကြီးတွေ ဟင်းချက်နေကြတာလား..."
" အင်း... ဟုတ်တယ်..."
အန်နီက ပြုံးပြီး ပြောသည်။
" မေမေ ခုနက ဘရစ်တနီနဲ့ ဖုန်းပြောဖြစ်တယ်သမီး... သမီးက သူ့ကို ပြန်မခေါ်လို့ သူအရမ်းစိတ်မကောင်း ဖြစ်နေတယ်..."
" ဟုတ်လား... ကောင်းတယ်... ဖြစ်ပစေ..."
အန်နီက နှုတ်ခမ်းကို မဲ့ကာ ပြောသည်။
" သူက သမီးကို ကူညီဖို့ ကြိုးစားခဲ့တာပါ သမီးရယ်..."
" မဟုတ်ပါဘူး... သူဟာ သမီးအတွက်တော့ မကောင်းဆိုးဝါးတစ်ကောင်ပဲ..."
" မဟုတ်ဘူးသမီး... သူဟာ သမီးရဲ့ အကောင်းဆုံး သူငယ်ချင်းပါ..."
" အကောင်းဆုံးသူငယ်ချင်းဆိုတာ တစ်ယောက်နဲ့ တစ်ယောက် ချောက်မတွန်းဘူးလေ... သူ့မှာ ရည်းစားရှိရင်လဲ သူဒီလိုလုပ်မှာပဲ... တစ်ယောက်ယောက်က အမြန်ဆုံး သူ့ကို ဖျက်ဆီးပစ်ပါစေလို့ ဆုတောင်းတယ်..."
လင်းက စိတ်မသက်သာစွာဖြင့် သက်ပြင်းချကာ ခေါင်းကို ခါယမ်းမိသည်။
ထိုစဉ် အိမ်ရှေ့မှ တံခါးဖွင့်သံနှင့်အတူ ၀ီလ်ပြန်ရောက်လာသည်။
" လင်းရေ..."
လင်းက အန်နီ့ဘေးတွင် ထိုင်နေရာမှ ထထွက်သွားသည်။
" ကိုယ်နောက်ကျမယ်လို့ မက်ဆေ့ခ်ျပို့လိုက်တာ ရောက်လား လင်း..."
" အင်း... ရောက်တယ်... ပြန်ခေါ်တော့ voice mail ပဲရလိုက်တယ်... စားပြီးခဲ့ပြီလား..."
ဝီလ်က ဧည့်ခန်းထဲမှ ခုံတစ်ခုံပေါ် ထိုင်ချရင်း လက်ပ်တော့ကို စားပွဲပေါ်တင်ကာ ဖွင့်လိုက်သည်။
" ဒါကို ကြည့်ဦးလင်း.. မင်း ယုံမှာတောင် မဟုတ်ဘူး..."
ဝီလ်က ၀က်ဘ်ဆိုက်တစ်ခုဖြစ်သော http://www.familywatchdog.us/ ကို ဖွင့်ဝင်လိုက်သည်။
" အဲဒါ ဘာကြီးလဲ..."
လင်းက မေးသည်။
" ဒါ national sex offender registry ပေါ့... လိင်မှုဆိုင်ရာ ပြစ်မှုကျူးလွန်ခဲ့သူတွေရဲ့ စာရင်းလေ..."
ဝီလ်က ပြောရင်း ချီကာဂိုအနီးတ၀ိုက်တွင် လက်ရှိနေထိုင်နေကြသော ပြစ်မှုကျူးလွန်ခဲ့သူများကို လိုက်ရှာလိုက်သည်။
" ချီကာဂိုမှာတော့ ရှာမတွေ့ဘူး.. အနီးဆုံးက ၀ီမစ်တီမှာ တွေ့တယ်..."
လက်ပ်တော့ screen ပေါ်တွင် မြေပုံတစ်ခု တက်လာသည်။
" အဲဒီ အနီစက်လေးတွေ ပြထားတယ်... တွေ့လား... ဒီလိုကောင်တွေ အများကြီးပဲ..."
" အမလေး... ဘုရား..ဘုရား..."
ဝီလ်က ရော့ဘ်မာ့စ်ကုမ်းဆိုသူ၏ ပရိုဖိုင်ကို ဖွင့်လိုက်သည်။
" ဒီကောင်က ၀ီမစ်တီက လင်ဒန်ရပ်ကွက်မှာ နေတယ်..."
" ဘာဖြစ်နေကြတာလဲ..."
စကားသံများကြောင့် အန်နီရောက်လာခြင်းဖြစ်သည်။
" အော်... သမီး... ဒီကို ခဏလာပါဦး... ဖေဖေ့ကို တစ်ခုလောက် လုပ်ပေးပါလား..."
အန်နီက စိတ်မပါစွာဖြင့် သူ့မိဘများဘေး လာထိုင်သည်။
ဝီလ်က သူ၏အိတ်ထဲမှ ဖိုင်တစ်ခုဆွဲထုတ်လိုက်သည်။
" ဒီဖိုင်ထဲက လူတွေက ဖေဖေတို့နဲ့ အနီးဆုံးနေရာမှာ နေကြတဲ့ မှတ်တမ်းဝင်လူဆိုးတွေပဲ... ဖေဖေတို့ရထားတဲ့ အချက်အလက်တွေနဲ့လဲ အနီးစပ်ဆုံးပဲ... သမီးဒီထဲက ဓာတ်ပုံတွေကို ကြည့်ပေးစေချင်တယ်..."
" ဘာလုပ်ဖို့လဲ..."
" ဒီထဲက တစ်ယောက်က ချာလီဖြစ်နိုင်တယ်လေ..."
" ဘာ..."
အန်နီက ခေါင်းယမ်းလိုက်သည်။
" ဟာ... မဖြစ်နိုင်တာ... မဖြစ်နိုင်ပါဘူး..."
" ဖြစ်နိုင်ပါတယ်သမီးရယ်... ဖြစ်ချင်ဖြစ်နေမှာပေါ့..."
လင်းကလည်း တိုက်တွန်းသည်။
အန်နီလည်း ၀ီလ်၏လက်ထဲမှ ဖိုင်ကို ဆွဲယူလိုက်သည်။
ပြီးတော့ တစ်ရွက်ပြီးတစ်ရွက် ကြည့်သည်။
ထိုသို့ကြည့်နေစဉ် ရုပ်ခပ်ဖြောင့်ဖြောင့် ရော့ဘ်မာ့စ်ကုမ်း၏ ဓာတ်ပုံကို ကြည့်သည်မှာ အခြားပုံများကို ကြည့်သည်ထက် စက္ကန့်အနည်းငယ်မျှ ကြာသွားသည်ဟု ၀ီလ်ထင်လိုက်သည်။
" ဟင့်အင်း... တစ်ယောက်မှ မဟုတ်ဘူး..."
အန်နီက ငြင်းသည်။
" ဆံပင်နဲ့ မုတ်ဆိတ်ကျင်စွယ်တွေကို ဖျောက်ကြည့်သမီး.. မျက်နှာပဲကြည့်... တစ်ယောက်ယောက်တော့ ဖြစ်မှာပါ..."
" သမီးပြောပြီးပြီလေ... မဟုတ်ဘူးလို့..."
အန်နီ့အသံတို့က ဒေါသသံအချို့ပါလာသည်။ အန်နီထိုင်နေရာမှ ၀ုန်းကနဲ ထရပ်လိုက်သည်။
" ဖေဖေ ဘာဖြစ်နေတာလဲ..."
" ဖေဖေဖြစ်နေတာက သမီးလေး အနိုင်ကျင့်ခံခဲ့ရတယ်လေ..."
" အနိုင်ကျင့်ခံခဲ့ရတာ မဟုတ်ဘူး... နောက်ပြီး အဲဒီထဲက တစ်ယောက်မှလဲ ချာလီမဟုတ်ဘူး... ရှင်းပြီလား..."
အန်နီ့အသံက အတော်လေး ကျယ်သွားသည်။
အန်နီ့မိဘများကတော့ ဘာမှ ပြန်မပြောနိုင်ကြဘဲ ပါးစပ်အဟောင်းသားဖြင့်သာ အန်နီ့ကို ကြောင်ကြည့်နေမိကြသည်။
" ပြီးပြီ မဟုတ်လား..."
အန်နီက စိတ်ပျက်သွားဟန်ဖြင့် သူတို့ဘေးမှ ထွက်ခွာသွားသည်။
ဝီလ်နှင့် လင်းတို့ကတော့ စိတ်ပျက်အားလျော့စွာ သက်ပြင်းကိုယ်စီ ချမိကြလေသည်။
လင်းက ဖိုင်ကို ကောက်ကိုင်လိုက်သည်။
" Pervert Tracker... အဲဒါက ဘာလဲ..."
ဖိုင်ပေါ်တွင် မြင်သာအောင် စာလုံးကြီးဖြင့် ရေးထားသော စကားလုံးကို လင်းက ဖတ်ပြသည်။
" အဲဒါ ကိုယ် ဒီနေ့တွေ့ခဲ့တဲ့ အဖွဲ့ပေါ့... အင်တာနက်ပေါ်မှာတော့ သူတို့က ဒီနိုင်ငံမှာ အကောင်းဆုံးပဲလို့ ညွှန်းဆိုထားတယ်... သူတို့က တရားခံတွေနောက် လိုက်တယ်လေ..."
" ဒီနေ့... ဟုတ်လား.. ဒီမှာ နယူးဂျာစီပြည်နယ်လို့ ရေးထားပါလား..."
လင်းက မေးသည်။
ဝီလ်က ဘာမှပြန်မပြောဘဲ လင်းကို မလုံမလဲ ကြည့်လိုက်မိသည်။
" ရှင် ဒီနေ့ ဒီလောက်အဝေးကြီးကို ရောက်ခဲ့တယ်... ဟုတ်လား..."
ဝီလ်တို့နေထိုင်ရာ အီလီနွိုက်ပြည်နယ်နှင့် နယူးဂျာစီပြည်နယ်တို့သည် ဝေးကွာသောဒေသများ ဖြစ်ကြကာ လေယာဉ်နှင့်မဟုတ်လျှင် နေ့ချင်းပြန် မရောက်နိုင်ပေ...။
" ကျွန်မကို မပြောဘဲ ရှင် ဒီနေ့လေယာဉ်နဲ့ ခရီးထွက်ခဲ့တယ်ပေါ့... ဟုတ်လား..."
လင်းကို ဖိုင်ကို စားပွဲပေါ် ပစ်ချလိုက်သည်။
" လေယာဉ်နဲ့ ခရီးသွားတယ်ဆိုတာ ဘာမှ ပြောလို့ရတာမဟုတ်ဘူး... ရှင်တစ်ခုခု ဖြစ်သွားရင်..."
လင်း၏ အသံတို့ တိမ်ဝင်သွားသည်။
ယခုလိုအချိန်မျိုးတွင် သူမစိတ်ထဲ အပူဓာတ်တို့သာ ကြီးစိုးနေသည်မို့ အရာရာကို အစိုးရိမ်လွန်နေခြင်းမှာ သဘာဝပင်ဖြစ်သည်။
" ကိုယ် တောင်းပန်ပါတယ်လင်းရာ... "
ဝီလ်က လင်းကို တောင်းပန်ရင်း လင်း၏လက်ကို ဆုပ်ကိုင်လိုက်သည်။
လင်းက တွန်းဖယ်ပစ်လိုက်သည်။
" နောက်တစ်ခါ.. နောက်တစ်ခါ ရှင်သွားရင်.. ကျွန်မကို မပြောဘဲ လေယာဉ်နဲ့ ခရီးသွားရင် ဘုရားဆီမှာ ကျိန်မယ်..."
" လင်းရယ်... ကိုယ် တကယ် တောင်းပန်ပါတယ်ကွာ..."
လင်းက ကျတော့မည့် မျက်ရည်တို့နှင့် ၀မ်းနည်းညှိုးငယ်စိတ်များကို ထိန်းချုပ်လိုက်သည်။
" ကျွန်မ.. ကျွန်မ သမီးလေးကို သွားကြည့်လိုက်ဦးမယ်..."
လင်းက ပြောပြောဆိုဆို ၀ီလ့်အနားမှ ထထွက်သွားလေသည်။
ဧည့်ခန်းထဲ၌ ၀ီလ်တစ်ယောက်တည်းသာ ငေးငေးငိုင်ငိုင်နှင့် ကျန်ခဲ့သည်။
ယနေ့လုပ်ခဲ့သမျှ သူ ရည်ရွယ်ပြီး လုပ်ခဲ့သည်မဟုတ်ပါ။
စိတ်၏ စေရာကိုသာ သူလိုက်လုပ်မိခဲ့ခြင်းဖြစ်သည်။
မိသားစုကို ထားခဲ့ပြီး၊ အလုပ်ကို ထားခဲ့ပြီး ဝေးကွာလွန်းသောနေရာကို နေ့ချင်းပြန်သွားဖြစ်ခဲ့လိမ့်မည်ဟု သူလုံးဝမတွေးခဲ့ဖူးပါ။
တစ်ခါမျှလည်း မသွားခဲ့ဖူးပါ။
ဝီလ်၏စိတ်ထဲတွင် သမီးလေးအန်နီအတွက် အမှန်တရားကို ရှာဖွေလိုသော စိတ်သာ ရှိပါသည်။
ဝီလ်သည် သက်ပြင်းမောကို လေးလေးပင်ပင် မှုတ်ထုတ်လိုက်သည်။
ယနေ့ညလည်း သူအိပ်ပျော်နိုင်ဦးမည် မထင်ပါ။
အိပ်မပျော်မည့်အတူတူ ရော့ဘ်မာ့စ်ကုမ်းရှိရာ ၀ီမစ်တီသို့ ကားဖြင့်သွားပြီး ထိုသူအား အခြေအနေစောင့်ကြည့်ရန် ဆုံးဖြတ်လိုက်လေသည်။
(ဆက်ရန်)
ရှေ့မှ အပိုင်းများကို ပြန်ဖတ်ရန်
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၁)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၂)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၃)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၄)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၅)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၆)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၇)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၈)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၉)
No comments:
Post a Comment