Monday, August 6, 2012

မြန်မာ့ယဉ်ကျေးမှုအမွေအနှစ် - ရှေးဟောင်းငွေထည်လက်ရာပြသာဒ်ဗိမာန်ပုံစံငယ် (နိုင်ငံခြားရောက်နေတဲ့ မြန်မာတို့ရဲ့ အမွေ)



မြန်မာ့ယဉ်ကျေးမှုအမွေအနှစ် - ရှေးဟောင်းငွေထည်လက်ရာပြသာဒ်ဗိမာန်ပုံစံငယ်
ခုနှစ်-၁၉၁၄ခုနှစ်မတိုင်မီ
အမြင့်-၈၄စင်တီမီတာ၊ အခြေ၏အချင်း-၅၁စင်တီမီတာ
ငွေထည်နဲ့ အနုလက်ရာမြောက်စွာ ထွင်းထုပုံဖော်ထားတဲ့ ထုထည်ခပ်ကြီးကြီးပြသာဒ်ဗိမာန်ပုံစံငယ်တစ်ခုဖြစ်ပြီး မန္တလေးနန်းတွင်းက ပြသာဒ်ဗိမာန်တစ်ခုခုကို ပုံစံယူပြီး လုပ်ထားတာဖြစ်နိုင်ပါတယ်။
အမြင့်ဟာ ၈၄စင်တင်မီတာ (သို့မဟုတ်) ၃၃လက်မရှိပြီး ဒီပစ္စည်းဟာ ယနေ့အချိန်မှာ ကျွန်တော်တို့ ရှားရှားပါးပါး တွေ့မြင်နိုင်နေသေးတဲ့ ကိုလိုနီခေတ်မှ ထုထည်ကြီးကြီးမားမား  မြန်မာ့လက်ရာငွေထည်ပစ္စည်းတစ်ခု ဖြစ်ပါတယ်။
ဒီငွေထည်လက်ရာဟာ ဘုံဘေးဘားမားကုမ္ပဏီက ကုမ္ပဏီမှ အနားယူသွားတဲ့ စီနီယာမန်နေဂျာတစ်ယောက်ကို ၁၉၁၄ခုနှစ်မှာ လက်ဆောင်အဖြစ်ပေးအပ်ခဲ့တာပါ။
ဒီငွေထည်ပစ္စည်းမှာ အခုလို စာတန်း ထွင်းထားတာ တွေ့နိုင်ပါတယ်။
'Presented to Berkeley John Bync Stephens Esquire by the Employees of the Bombay
Burmah Trading Corporation Limited, Rangoon on his Retirement December 1914.'
 
ဒီငွေထည်ပစ္စည်းဟာ တင့်တယ်ပြေပြစ်လှတဲ့ အောက်ခံခြေထောက်ရှစ်ခုပါ အဋ္ဌဂံပုံ အောက်ခြေပေါ်မှာ ရပ်ခံတည်ရှိပါတယ်။
အဋ္ဌဂံအောက်ခံရဲ့ စာရေးထားတဲ့ ဘက်တစ်ဘက်မှာသာ မှန်ကူကွက်ပုံစံ ပုံဖော်ထားပြီး ကျန်တဲ့ ဘက်ခုနစ်ဘက်မှာတော့ ဗြိတိသျှလက်အောက်ခံ မြန်မာကိုလိုနီမှာ ဘုံဘေးဘားမားကုမ္ပဏီရဲ့ သစ်ထုတ်လုပ်ရေးလုပ်ငန်း လုပ်ဆောင်နေပုံများကို ပုံဖော်ထွင်းထုထားတာ တွေ့နိုင်ပါတယ်။

ဆင်တွေကို အသုံးချပြီး သစ်ထုတ်လုပ်ရေးလုပ်ငန်း လုပ်ဆောင်နေပုံ၊ ရန်ကုန်ရုံးချုပ်မှာ သစ်အရောင်းအ၀ယ်လုပ်ငန်း လုပ်ကိုင်နေပုံ စတာတွေကို တွေ့နိုင်ပါတယ်။




အဋ္ဌဂံအောက်ခံရဲ့ အပေါ်ကို တက်ပြီး ကြည့်လိုက်ရင်တော့ ကျောက်ထူတဲ့ မြေသားပုံစံပေါ်မှာ ထိုးထွက်နေတဲ့ ကင်းစခန်း (သို့မဟုတ်) ကင်းစောင့်မျှော်စင်ကဲ့သို့သော လေထဲမှာ တလူလူလွင့်နေတဲ့ အလံငယ်၊ အလံတိုင်လေးများနဲ့တကွ စုလစ်မွမ်းချွန်ပါ ပြသာဒ်ငယ် လေးခုကို အရပ်မျက်နှာတစ်ခုစီ (အရပ်လေးမျက်နှာ)မှာ စီရီထွင်းထုထားတာ တွေ့နိုင်ပါတယ်။
 
ပြသာဒ်ငယ်နှစ်ခုစီကြားမှာ လေးမျက်နှာပြသာဒ်ဗိမာန်ပထမအဆင့်ကို တက်သွားတဲ့ နဂါးလက်ရန်းများ ကိုယ်စီနဲ့ လှေကားစောင်းတန်း တစ်ခုစီတွေ့ရမှာဖြစ်ပြီး လှေကားစောင်းတန်းလေးခုရှိပါတယ်။
ပြသာဒ်ဗိမာန်ရဲ့ အောက်ခြေမှာတော့ မြန်မာမှု၊ မြန်မာဟန် ပန်းခက်ပန်းနွယ် ကနုတ်လက်ရာတွေကို လက်ရာမြောက်စွာ တွေ့ရမှာ ဖြစ်ပါတယ်။
ပြသာဒ်ဗိမာန်ရဲ့ ပထမဆင့်မှာ အသေးစိတ်ခြယ်မှုန်းထုဆစ်ထားတဲ့ လက်ရန်းအကာအရံတွေနဲ့ တိုင်တွေကို တွေ့ရမှာပါ။
လေးမျက်နှာရှိတဲ့ ပြသာဒ်ဗိမာန်ရဲ့ အောက်ခြေအဆင့် လက်ရန်းကာအတွင်း ထောင့်တစ်ထောင့်စီမှာတော့ စာအုပ်တစ်အုပ်၊ ကညစ်တစ်ချောင်းစီ ကိုင်ထားတဲ့ နတ်ဝတ်နတ်စား အပြည့်အစုံနဲ့ နတ်မင်းကြီးတစ်ပါးစီ (အားလုံးပေါင်း နတ်မင်းကြီးလေးပါး) တွေ့နိုင်ပါတယ်။
လောကရဲ့ အရပ်လေးမျက်နှာကို စောင့်ရှောက်တဲ့ စတုလောကပါလနတ်မင်းကြီးလေးပါးကို ကိုယ်စားပြုပါတယ်။
နတ်မင်းကြီးလေးပါးဟာ လောကကြီးမှာ နေထိုင်ကြတဲ့ သတ္တ၀ါများရဲ့ ကုသိုလ်မှု၊ အကုသိုလ်မှုတွေကို မှတ်တမ်းတင်နေကြဟန် ထွင်းထုထားတာ ဖြစ်ပါတယ်။
ပြသာဒ်ဗိမာန်ဟာ ဘက်လေးဘက်ရှိတဲ့ ပြသာဒ်ဗိမာန်မို့ တစ်ဘက်စီမှာ တံခါးတိုင်တစ်တိုင်စီပါတဲ့ တံခါးနှစ်ချပ်ကို ဖွင့်ထားပြီး တံခါးချပ်ရှစ်ချပ်၊ ဖွင့်ထားတဲ့တံခါးပေါက်လေးပေါက် ရှိပါတယ်။
ဖွင့်ထားတဲ့ အဲဒီ မျက်နှာစာ မြင်းမိုရ်ပိတ်တွေကနေ ပြသာဒ်ဗိမာန်ရဲ့ အထဲကို လှမ်းမြင်နိုင်ပါတယ်။
ပြသာဒ်ဗိမာန်ရဲ့ ဒုတိယအဆင့် (အထက်အဆင့်) မှာလဲ ဖွင့်ထားတဲ့ တံခါးနဲ့ မျက်နှာစာမြင်းမိုရ်ပိတ်များကို တွေ့ရမှာဖြစ်ပြီး ဒုတိယဆင့်ဟာ ပြသာဒ်ဗိမာန်တစ်ခုလုံးရဲ့ အမိုးထုပိကာကို ပင့်တင်ထမ်းမ ထားပါတယ်။
ပြသာဒ်ဗိမာန်တစ်ခုလုံးရဲ့ အပေါ်မှာတော့ ကောင်းကင်ပေါ် ကြွားကြွားဝင့်ဝင့် စွင့်တက်နေတဲ့ လက်ရာမြောက်လှတဲ့ အဆင့်ငါးဆင့် ထုပိကာရှိပါတယ်။
အဆင့်တိုင်းမှာ ပန်းခက်ပန်းနွယ်ကနုတ်တွေ၊ လက်ရာမြောက် စုလစ်မွမ်းချွန်တွေနဲ့ ပြည့်လို့ နေပါတယ်။
ထုပိကာရဲ့အပေါ်ဆုံးမှာတော့ လေထဲမှာ တလူလူ လွင့်နေဟန် ငွေအလံငယ်ကို တွေ့ရမှာပါ။


 
မြန်မာနိုင်ငံမှာ အခုလိုမျိုး အသေးစိတ် အနုလက်ရာမြောက်လှတဲ့ ယဉ်ကျေးမှု အမွေအနှစ်ပစ္စည်းတွေကို ငွေပန်းတိမ်လက်မှုလုပ်ငန်းတွေက ထုတ်လုပ်ပါတယ်။
ဒီ ငွေထည်လက်ရာလေးဟာ အရမ်းကို ပြီးပြည့်စုံတဲ့ အနေအထားမှာပါ။ ပျက်ဆီးခြင်း၊ ထိခိုက်မိခြင်း၊ ပြင်ဆင်ခြင်း အလျှင်းမရှိတဲ့ ရှေးဟောင်းလက်ရာလေးပါ။

(အခု ဒီလက်ရာမြောက်လှတဲ့ မြန်မာ့ရှေးဟောင်း အနုလက်ရာ ငွေထည်ပစ္စည်းဟာ 1 New Burlington Street
London,  W1S 2JD, United Kingdom (between Savile Row & Regent Street, central London)မှာ အခြေစိုက်တဲ့ Michael Backman Ltd ရဲ့ လက်ဝယ်မှာ ရှိပါတယ်။ အဲဒီကုမ္ပဏီဟာ အစ္စလာမ်၊ အိန္ဒိယ၊ တရုတ်၊ အရှေ့တောင်အာရှနိုင်ငံများ အစရှိတဲ့ နိုင်ငံတွေက ရှေးဟောင်းအနုပညာလက်ရာတွေကို အရောင်းအ၀ယ်လုပ်နေတဲ့ ကုမ္ပဏီတစ်ခုဖြစ်ပါတယ်။ အခု ဒီပစ္စည်းကိုလဲ ရောင်းချဖို့ ပြသထားတဲ့ ၎င်းကုမ္ပဏီရဲ့ ကြော်ငြာစာမျက်နှာ တစ်ခုကနေ သင့်လျော်သလို ဘာသာပြန်ထားတာပါ။ ဟောဒီ မူရင်းpageဖြစ်တဲ့ http://www.michaelbackmanltd.com/1691.html မှာ သွားရောက် လေ့လာဖတ်ရှုနိုင်ပါတယ်။ မြန်မာနိုင်ငံမှ မြန်မာသူဌေးကြီးတစ်ဦးဦးကများ ၀ယ်ယူပြီး မြန်မာ့ရှေးဟောင်းအနုပညာလက်ရာကို မိခင်မြန်မာနိုင်ငံဆီ ပြန်သယ်လာနိုင်ခဲ့မယ်ဆိုရင်တော့ အတိုင်းထက်အလွန် ၀မ်းမြောက်ဝမ်းသာ ဖြစ်မိမှာပါပဲ။ ဘာသာပြန်အမှားများ၊ စာလုံးပေါင်းနဲ့ အသုံးအနှုန်းအမှားများပါလာပါက ခွင့်လွှတ်ပေးပြီး အမှားများကို ထောက်ပြစေလိုပါတယ်။ အခုလိုလေး ဘာသာပြန်တင်ပြနိုင်ဖို့ လုပ်ဖြစ်အောင် လမ်းညွှန်တစ်ခုသဖွယ် ဖြစ်ခဲ့တဲ့ ကျွန်တော့်ကို သိမှာမဟုတ်တဲ့ mandalay gazette မှ ကိုknowledge seeker(ရဲ့ ပို့စ်) ကိုလည်း အထူးပဲ ကျေးဇူးတင်ပါတယ်။)

No comments:

Post a Comment