အာရှတိုက်၏ အချမ်းသာဆုံးပုဂ္ဂိုလ်(၁၀)ဦး အပိုင်း(၁)

(အောက်ဆုံးမှနေ၍ ၀ဲမှယာသို့)

၁၀။     လေကျွင်း

          အခြားသော ၂၁ရာစုတရုတ်ဘီလျံနာများကဲ့သို့ပင် လေကျွင်းသည် နည်းပညာကဏ္ဍဖြင့် ကြွယ်ဝချမ်း သာလာခဲ့သူဖြစ်ပြီး ဒေါ်လာ(၁၄.၄)ဘီလျံ ကြွယ်ဝသည်။ ကမ္ဘာပေါ်တွင် စတုတ္ထအရောင်းအသွက်ဆုံးနှင့် တရုတ်နိုင်ငံတွင် အကြီးဆုံးစမတ်ဖုန်းကုမ္ပဏီဖြစ်သည့် သူ၏ ရှောင်မီစမတ်ဖုန်းကုမ္ပဏီကို တည်ထောင်ပြီး (၃) နှစ်အတွင်းမှာပင် အဆိုပါဥစ္စာဓနများကို ပိုင်ဆိုင်နိုင်ခဲ့ခြင်းဖြစ်သည်။

          လေကျွင်းသည် ကောလိပ်ပြီးပြီးချင်း တရုတ်ဆော့ဖ်ဝဲလ်ကုမ္ပဏီ - Kingsoft တွင် အင်ဂျင်နီယာတစ်ဦး အဖြစ် အလုပ်ဝင်ခဲ့သည်။ သူသည် Kingsoft တွင် ၀န်ထမ်းဘ၀မှ နည်းပညာအရာရှိချုပ်၊ ဥက္ကဌနှင့် စီအီးအို တာဝန်များ အဆင့်ဆင့်ထမ်းဆောင်ခဲ့ပြီးနောက် ၂၀၀၇ခုနှစ်တွင် နှုတ်ထွက်ခဲ့သည်။ ထို့နောက် စီးပွားရေးတစ်ဦး အနေဖြင့် နှစ်အနည်းငယ်ဖြတ်သန်းပြီးနောက် ဥစ္စာဓနအနည်းငယ်ကြွယ်ဝလာခဲ့သော စွန့်ဦးတီထွင်လုပ်ငန်းရှင် တစ်ဦးအနေနှင့် ၂၀၁၀ခုနှစ်တွင် ဂူးဂဲလ်တရုတ်၏ စီမံခန့်ခွဲရေးဝန်ထမ်းဟောင်းတစ်ဦးနှင့် ပေါင်းကာ ရှောင်မီကို တည်ထောင်ခဲ့သည်။ ၂၀၁၁ခုနှစ်တွင် လေကျွင်းသည Kingsoft ၏ ဘုတ်အဖွဲ့ဥက္ကဌလည်း ဖြစ်လာခဲ့ရာ ၄င်း သည် ကုမ္ပဏီနှစ်ခုကို လုပ်ဖော်ကိုင်ဖက်များအဖြစ် တည်ဆောက်ယူခဲ့ရာ ရှောင်မီစမတ်ဖုန်းများအတွက် Cloud – Storage ကို Kingsoft မှ ပံ့ပိုးပေးနိုင်ခဲ့သည်။

          တရုတ်နိုင်ငံ၏ Apple ဟု တင်စားခြင်းခံရသည့် ရှောင်မီကုမ္ပဏီသည် ယခုအခါ ကမ္ဘာပေါ်တွင် ဒုတိယ တန်ဖိုးအကြီးဆုံး တစ်ဦးတည်းပိုင်ဖုန်းကုမ္ပဏီအဖြစ် ဒေါ်လာ(၄၆)ဘီလီယံတန်ဖိုးဖြင့် ရပ်တည်လျက်ရှိသည်။ သို့သော် ယခုအခါ ရှောင်မီကုမ္ပဏီ၏ ရောင်းရနှုန်းများ ကျလာလျက်ရှိရာ ကျွမ်းကျင်သူများက နိုင်ငံရပ်ခြားဈေး ကွက်များတွင် တည်ငြိမ်မှုရှိစေရန် အာရုံထားသင့်ကြောင်း အကြံပြုထားကြသည်။

၉။       ဒလိဆန်ဒဗွီ

          ၁၉၈၂ခုနှစ်တွင် ကာလကတ္တားတက္ကသိုလ်မှ ဘွဲ့ရပြီးနောက် ဒလိဆန်ဒဗွီသည် ဖခင်ဖြစ်သူ၏ ဆေးမျိုးစုံ လက်ကားရောင်းဝယ်ရေးလုပ်ငန်းတွင် စတင်ဝင်ရောက်လုပ်ကိုင်ခဲ့ပြီးနောက် စိတ်ကြွစိတ်ကျရောဂါကုဆေးဖြစ် သော Lithuson ကို ထုတ်လုပ်ရောင်းချရန် အကြံဖြစ်ပေါ်ခဲ့သည်။ ထိုအချိန်က အိန္ဒိယနိုင်ငံအရှေ့ပိုင်းတွင် Lithuson ဆေးကို ၀ယ်ယူရရှိနိုင်ရန် အင်မတန်ခက်ခဲနေခဲ့သည့် အချိန်ဖြစ်သည်။ ထိုသို့ဖြင့် Sun ဆေးဝါးထုတ် လုပ်ရေးလုပ်ငန်း သန္ဓေတည်လာခဲ့ပြီး ဆန်ဒဗွီ၏ ဖခင်က ဒေါ်လာ(၁၀၀၀)ကို စတင်ရင်းနှီးမြုပ်နှံပေးခဲ့သည်။

          စတင်တည်ထောင်သည့်နှစ်မှာပင် ဆန်ဒဗွီ၏ လုပ်ငန်းသည် ဒေါ်လာ(၁)သိန်းဖိုးခန့် ရောင်းချနိုင်ခဲ့ပြီး ၁၉၉၄ခုနှစ်တွင် ဘုံဘေစတော့အိတ်ချိန်း၌ စာရင်းဝင်ကုမ္ပဏီဖြစ်လာခဲ့သည်။ နှစ်အနည်းငယ်အတွင်းမှာပင် လုပ်ငန်းတိုးချဲ့ကာ ဆေးဝါးပေါင်းစုံထုတ်လုပ်ရေးဈေးကွက်သို့ ၀င်ရောက်ခဲ့သည်။ ၂၀၁၂ခုနှစ်တွင် ဆန်ဒဗွီသည် ကုမ္ပဏီဘုတ်အဖွဲ့ဥက္ကဌအဖြစ်မှ ဆင်းပေးခဲ့ပြီး ကုမ္ပဏီမန်နေဂျင်းဒါရိုက်တာအဖြစ် တာဝန်ထမ်းဆောင်ခဲ့ပြီး ဒေါ် လာ(၄.၅)ဘီလီယံတန်ဖိုးခန့်ရှိသော ဆေးဝါးများ ရောင်းချပေးနိုင်ခဲ့သည်။

          ဒေါ်လာ(၁၆.၄)ဘီလီယံကြွယ်ဝသော အိန္ဒိယနိုင်ငံသား ဆန်ဒဗွီသည် ရှန်တီလာဆန်ဒဗွီဖောင်ဒေးရှင်း ကို တည်ထောင်ထားပြီး ပရဟိတလုပ်ငန်းများကို လုပ်ကိုင်လျက်ရှိသည်။

၈။       အာဂျင်ပရန်ဂျီ

          ၁၉၆၆ခုနှစ်တွင် စတန်းဖို့တက္ကသိုလ်၌ ပညာသင်ကြားနေသော အသက်(၂၁)နှစ်အရွယ် အာဂျင်ပရန်ဂျီ သည် ဖခင်ဖြစ်သူ ကွယ်လွန်သွားသောကြောင့် ဖခင်ကြီး၏ West India Vegetable Products ကုမ္ပဏီအား အမွေဆက်ခံ၍ ခန့်ခွဲအုပ်ချုပ်ရန်ဖြစ်လာခဲ့သည်။ ပရန်ဂျီ၏ ဦးဆောင်မှုအောက်တွင် ကုမ္ပဏီအား Wipro ဟု အမည်ပြောင်းခဲ့ပြီး လုပ်ငန်းပေါင်းစုံလုပ်ကိုင်ခဲ့ရာ အိမ်သာ၊ ရေချိုးခန်းသုံးပစ္စည်းများ ထုတ်လုပ်ခြင်းမှ IT လုပ် ငန်းများပြုလုပ်ခြင်းအထိ ပါဝင်ခဲ့သည်။ Wipro သည် ယခုအခါ အိန္ဒိယ၏ တတိယအကြီးဆုံး ITကုမ္ပဏီအဖြစ် ရပ်တည်လျက်ရှိပြီး ဒေါ်လာ(၇.၆)ဘီလီယံအထိ ၀င်ငွေရရှိခဲ့သည်။

          ယခုနှစ်စပိုင်းမှာပင် ပရန်ဂျီသည် အမေရိကန်နိုင်ငံ၊ ဒါးလက်စ်မြို့အခြေစိုက် အကြံပေးလုပ်ငန်းလုပ်ကိုင် သူ အဘီဒါလီနီမက်ဝါလာအား ကုမ္ပဏီ၏ စီအီးအိုအဖြစ် ခန့်အပ်ကာ Wipro အား နောက်တစ်ဆင့်သို့ တက် လှမ်းနိုင်ရေး ကြိုးပမ်းနေသည်။ နီမက်ဝါလာသည် ပြိုင်ဘက်ကုမ္ပဏီ တာတာအကြံပေးလုပ်ငန်းမှ ပြောင်းရွှေ့ လာခြင်းဖြစ်သည်။

          ဒေါ်လာ(၁၆.၅)ဘီလီယံကြွယ်ဝသော ပရန်ဂျီသည် စိတ်သဘောထားကောင်းမွန်ခြင်းကြောင့် နာမည် ကျော်ကြားသူတစ်ဦးဖြစ်ပြီး သူ၏ ပိုင်ဆိုင်မှုတစ်ဝက်အား လှူဒါန်းရန်ကတိပြုလက်မှတ်ရေးထိုးထားသူလည်း ဖြစ်သည်။

၇။       မာဟွာထန်

          ဆော့ဖ်ဝဲလ်အင်ဂျင်နီယာတစ်ဦးဖြစ်သူ မာဟွာထန်သည် ၁၉၉၈ခုနှစ်၌ တရုတ်နိုင်ငံ၏ အကြီးဆုံး အင် တာနက်ပေါ်တယ်ဖြစ်သည့် Tencent Holdings ကို တည်ထောင်ခဲ့သူဖြစ်သည်။ ထိုစဉ်က သူ၏ အသက်မှာ (၂၅)နှစ်သာ ရှိသေးသည်။ မာ၏ ကုမ္ပဏီသည် ထင်ရှားပြီး လူသုံးများသည့် မက်ဆေ့ခ်ျဝန်ဆောင်မှုဖြစ်သော QQ၊ အသုံးပြုသူပေါင်း သန်း(၆၀၀)ကျော်ရှိသည့် မိုဘိုင်းစာပို့ဝန်ဆောင်မှုဖြစ်သော WeChat၊ မိုဘိုင်းကုန်သွယ် ရေးဝန်ဆောင်မှုတစ်ခုဖြစ်သော WeChat Wallet နှင့် တရုတ်နိုင်ငံတွင် အကြီးဆုံးဖြစ်သော အွန်လိုင်းဂိမ်း ၀န် ဆောင်မှုဖြစ်သည့် Tencent Games တို့ကို ပိုင်ဆိုင်သည်။

          လွန်ခဲ့သည့်နှစ်က မာဟွာထန်သည် ကြီးမားသော အရောင်းအ၀ယ်နှစ်ခုကို ပြုလုပ်ခဲ့သည်။ ဧပြီလတွင် 58.com ၏ ရှယ်ယာတန်ဖိုး ဒေါ်လာသန်း(၄၀၀)ကို ၀ယ်ယူခဲ့ပြီး ထိုလအတွင်းမှာပင် မိုဘိုင်းဂိမ်းများ ရေးဆွဲ သည့် Glu Mobile ၏ ရှယ်ယာ ဒေါ်လာ(၁၂၆)ဖိုး ၀ယ်ယူခဲ့ခြင်းတို့ ဖြစ်သည်။ မာ၏ ချမ်းသာကြွယ်ဝမှုမှာ ဒေါ် လာ(၁၇.၁)ဘီလီယံဖြစ်သည်။

၆။       လီကျောက်ကျီး

          ၁၉၄၈ခုနှစ်တွင် တရုတ်နိုင်ငံ၌ ကွန်မြူနစ်တို့ အာဏာရယူလိုက်သောအခါ ဟောင်ကောင်သို့ ထွက်ပြေး လာကြသူများအနက် လီကျောက်ကျီးသည် တစ်ယောက်အပါအ၀င်ဖြစ်သည်။ ရွှေနှင့် ငွေကြေးအိတ်ချိန်း အ ရောင်းအ၀ယ်တို့ကို လုပ်ကိုင်ခဲ့ပြီးနောက် ၁၉၇၃ခုနှစ်၌ Henderson မြေယာဖွံ့ဖြိုးရေးလုပ်ငန်းကို စတင် တည် ထောင်ခဲ့သည်။ ထိုအချိန်မှစ၍ နောက်(၄၃)နှစ်အကြာတွင် Henderson သည် ဟောင်ကောင်နှင့် တရုတ်နိုင်ငံ တို့တွင် ထိပ်တန်းအိမ်မြေခြံလုပ်ငန်းတစ်ခုဖြစ်လာခဲ့သည်။

          တက်ကြွသော ပရဟိတသမားဖြစ်သည် လီသည် ပညာရေးမှ စ၍ လယ်သမားများ လေ့ကျင့်ရေးပရို ဂရမ်များ စသော ပရဟိတလုပ်ငန်းများတွင် ဒေါ်လာသန်း(၁၀၀)ကျော် လှူဒါန်းခဲ့ပြီးဖြစ်သည်။ ဒေါ်လာ(၁၈.၅) ဘီလီယံကြွယ်ဝသူ လီသည် အောက်တိုဘာလတွင် သူ၏ ခုနစ်ယောက်မြောက်မြေးကလေးမွေးဖွားသည့် အထိမ်းအမှတ်အနေနှင့် ဒေါ်လာ(၁.၉)သန်းခန့်အား သူ၏ မိတ်ဆွေနှင့် အလုပ်သမားများအား ပေးအပ်လှူ ဒါန်းခဲ့သေးသည်။

ကိုးကား

http://www.businessinsider.com/richest-people-in-asia-2016-1/

©

မင်းအရိပ်