ငါးထောင်တန်ဖုန်းအပေါ်အမြင်တဲ့(တက်ဂ်ပေးလို့ရေးပါတယ်)

 ဒီနေ့ ကျွန်တော့်သူငယ်ချင်းရင်ဆူးရဲ့ ဘလော့ကိုသွားလည်ရင်း အထက်ပါခေါင်းစဉ်တပ်ထားတဲ့ ပို့စ်လေးတစ်ပုဒ်တွေ့လို့ ၀င်ဖတ်လိုက်ပါတယ်။ ဖတ်နေရင်းနဲ့က ပို့စ်အောက်ဆုံးမှာ ဗြုန်းဆို ရောင်စုံအခန်းငယ်ဆိုပြီး တက်ဂ်ထားတာကို တွေ့လိုက်ရပါလေရော။

တက်ဂ်စာဆိုတဲ့အတိုင်းပါပဲ....သွေးမတက်အောင် မနည်းထိန်းလိုက်ရတယ်။

ထားပါတော့လေ...တက်ဂ်တဲ့သူက တက်ဂ်တော့လည်း ရေးတဲ့သူက ရေးရတော့မှာပေါ့။

ဒီခေါင်းစဉ်လေးကို ဘလော့ဂါတွေ ဆွေးနွေးနေကြတယ်လို့တော့ ကြားမိပါရဲ့...တချို့ဘလော့တွေမှာလဲ တွေ့ပါရဲ့...အဲဒီတုန်းကတော့ ဘာမှမဖြစ်ဘူး... အခုမှ မျက်လုံးပြူးရပြီ...။

ဒီနေရာမှာပြောချင်တာက ကျွန်တော်ဟာ ဘလော့ဂါမဟုတ်သေးပါဘူး။ ဘလော့တစ်ခုမှာ စာလေးနည်းနည်းရေးတင်နေတဲ့ ၀ါသနာရှင်တစ်ယောက်သက်သက်ပါ။

ကိုယ့်ဘလော့ကိုယ်တောင် မပြင်နိုင်လို့ ဒီတိုင်းထားထားရတာကြာပြီ။

အဲဒါကြောင့် ဒီစာလေးဝင်ဖတ်မိလို့ အမြီးအမောက်မတည့်ရင်လဲ သည်းခံပါလို့ ကြိုတောင်းပန်ထားပါတယ်။ (ပြောမယ့်သာပြောရ ဒီဘလော့ကို ၀င်တဲ့သူဆိုလို့ စုစုပေါင်းမှ လက်ဆယ်ချောင်းတောင် ပြည့်မှာ မဟုတ်ဘူး)

ဒီကိစ္စလေးကို စလိုက်တာက ကိုသက်တန့်ချိုလို့ သိရပါတယ်။

ကိုသက်တန့်ချိုရဲ့ စေတနာကတော့ တန်ဖိုးနည်းဖုန်းတွေ ပေါ်ပေါက်လာစေချင်တဲ့ စေတနာပဲ ဖြစ်မှာပါ။

ဒါပေမယ့် အစ်ကိုရဲ့စေတနာတွေဟာ စီးပွားရေးသမားတွေ၊ နိုင်ငံရေးသမားတွေရဲ့ အသုံးချခံဖြစ်မသွားဖို့တော့ လိုပါတယ်အစ်ကိုရေ။

ဘာလို့လဲဆိုတော့ ငါးထောင်တန်ဆိုတဲ့စကားလုံးဟာ ရွှေပြည်တံခွန်ကုမ္ပဏီက ကန့်သတ်ပေးထားတဲ့ စကားလုံးဖြစ်ပါတယ်။ ဖုန်းကဒ်ဆိုတာ ငါးထောင်တန်ဟာ တန်ဖိုးအနည်းဆုံးလား၊ သုံးထောင်တန်၊ နှစ်ထောင်တန်၊ ငါးရာတန် တွေရော မဖြစ်နိုင်တော့ဘူးလား။ ရွှေပြည်တံခွန်က ကန့်သတ်ပေးထားတဲ့ စကားလုံးကို ယူသုံးလိုက်ရင်............?????

ကျွန်တော်ကတော့ တန်ဖိုးနည်းဖုန်းကဒ်ဆိုတဲ့ စကားလုံးလေးပဲ သုံးချင်မိပါတယ်။

ကဲ.....ပေးထားတဲ့မေးခွန်းလေးတွေကို စတင်ဖြေပါမယ်။

(၁)ယခုဆက်သွယ်ရေးက ချထားပေးမယ့် နှစ်သိန်းဝန်းကျင်ဖုန်းကို တန်ဖိုးနည်းဖုန်းလို့ သင်မြင်ပါသလား?

     အခုဆက်သွယ်ရေးက ချထားပေးမယ့် ဖုန်းဟာနှစ်သိန်းအများဆုံးဖြစ်မယ်လို့ ထင်မြင်မိပြီး တစ်သိန်းရှစ်သောင်းငါးထောင်နဲ့တောင် စရောင်းနေပြီလို့လည်း ကြားရပါတယ်။

အရင်တုန်းက ဆယ့်ငါးသိန်းနဲ့ ရောင်းခဲ့တုန်းကထက်စာရင်တော့ တန်ဖိုးကတစ်ဖြည်းဖြည်းနည်းလာတာ အမှန်ပါပဲ။

လူတိုင်းအတွက်တော့ တန်ဖိုးနည်းဖုန်းမဟုတ်သေးတာ မှန်ပေမယ့် လူတစ်ချို့ အတွက်တော့ တန်ဖိုးနည်းဖုန်းဖြစ်လာတာ အမှန်ပါ။

ဒီနေရာမှာ ဆက်သွယ်ရေးလိုင်းတစ်ခုဖြစ်လာဖို့ ဘယ်လိုလုပ်ပြီး ဘာတွေကုန်ကျတယ်ဆိုတာ ပြောကြည့်ရအောင်။

အရင်ဆုံး ကိုယ်လုပ်ချင်နေတဲ့၊ improve ဖြစ်စေချင်တဲ့ နယ်မြေဧရိယာကိုကြည့်ရပါမယ်။

ကုမ္ပဏီအနေနဲ့ဆိုရင်တော့ business area ဖြစ်တဲ့ ရန်ကုန်လောက်ပဲ ကွက်ကြည့်လို့ရပေမယ့် နိုင်ငံမှာ ဆက်သွယ်ရေးကဏ္ဍ တကယ်ဖွံ့ဖြိုးတိုးတက်လာဖို့ဆိုရင်တော့ တစ်နိုင်ငံလုံးကို ဖြန့်ကြည့်ရပါမယ်။

ရန်ကုန်ကလူက ချင်းတောင်ကို လှမ်းဆက်သွယ်ချင်လည်း ရရမယ်၊ ပူတာအိုကလူက ကော့သောင်းကို ဖုန်းဆက်ချင်ရင်လည်း ဖြစ်ရမယ်။ ဒါမှသာ တကယ့် improvement ဖြစ်မှာပေါ့။

တစ်နိုင်ငံလုံး တပြေးညီဆက်သွယ်နိုင်ဖို့ဆိုရင် တစ်နိုင်ငံလုံးမှာ အခြေခံအဆောက်အအုံတွေ ဆောက်ရတော့မယ်။

ဘာတွေလဲဆိုတော့ ဥပမာ tower တွေထောင်ရမယ်၊ fiber optic တွေချရမယ်၊ network တွေထောင်ရမယ်၊ တချို့ဟာတွေမှာ micro wave link တွေလိုမယ်၊ ဖုန်းပေါင်းစုံဆက်သွယ်နိုင်ဖို့ gate way တွေလိုမယ်၊ ဒီကြားထဲ internet သုံးဖို့အတွက်ဆိုရင် Internet gateway နဲ့ချိတ်ရမယ်ပေါ့နော်။

အပေါ်ယံဖြန့်ကြည့်ရင်တောင် လုပ်ငန်းကအများကြီး၊ ဒီတော့ cost က ဘယ်လောက်ရှိမလဲ၊ မှန်းကြည့်လို့ရပြီ။

ဆက်သွယ်ရေးလုပ်ငန်းမှာ အဓိကကုန်ကျစရိတ်ဟာ ဆင်းကဒ်ထုတ်လုပ်တဲ့ စရိတ်မဟုတ်ပါဘူး၊ လိုအပ်တဲ့ အခြေခံအဆောက်အအုံတွေ တည်ဆောက်ရခြင်းပါ။

အဲဒီအတွက် ရင်းနှီးမြှုပ်နှံငွေတွေဟာ အများကြီးပါ၊ တချို့နိုင်ငံတွေမှာ တယ်လီကွန်းကဏ္ဍအတွက် ကမ္ဘာ့ဘဏ်တို့၊ ADB တို့ကနေ ချေးငွေရပါတယ်။ ချေးငွေရတဲ့ နိုင်ငံတွေအနေနဲ့ ဆင်းကဒ်အပေါ်မှာ ကုန်ကျစရိတ်တွေ လျှော့ချပြီး ချက်ချင်းအကောင်အထည်ဖော်လို့ရပါတယ်။

ကျွန်တော်တို့နိုင်ငံချေးငွေမရပါဘူး၊ ပုဂ္ဂလိကကုမ္ပဏီတွေကို ရင်းနှီးခိုင်းထားရပါတယ်။

အိမ်နီးချင်းတွေကို ကြည့်လိုက်ပါဦး၊ ထိုင်းတို့၊ စင်ကာပူတို့ ဆိုရင်လည်း ဖြည်းဖြည်းချင်းတည်ဆောက်ပြီး ဖြည်းဖြည်းချင်းလျှော့ချသွားတာပါ။

တရုတ်ပြည်မှာဆိုရင်တောင် အစတုန်းက ဒေါ်လာ၂၀၀၀ကနေ အခု အလကားရတဲ့ အဆင့်ကို တဖြည်းဖြည်းဖြစ်လာတာပါ။

(၂)ငါးထောင်တန်ဖုန်းဖြစ်ပေါ်လာစေဖို့ စတေကာကပ်ခြင်းနဲ့ တီရှပ်များပြုလုပ်ခြင်းအပေါ် သင်ဘယ်လို မြင်မိပါသလဲ?

    လုပ်တဲ့သူကတော့ လုပ်တာပဲ။

ဘယ်လိုမြင်မိသလဲဆိုတော့ သူတို့စိတ်နဲ့ သူတို့ကိုယ်လုပ်တာပဲ၊ ပြောစရာမရှိပါဘူး။

တစ်ခုတော့ရှိတယ်။

ဘာကြောင့် သူတို့ ဒီလိုလုပ်ရသလဲ။

ဖုန်းကဒ်တွေပေါ်လာစေဖို့ စေတနာအရင်းခံလား၊ ကိုယ့်ဘာသာထွက်လာတဲ့ volunteer တွေလား။

ပြည်သူလူထုအတွက် စေတနာသန့်သန့်နဲ့ လုပ်ဆောင်သူတွေလား။

လူငယ်တွေစိတ်ကတော့ ရိုးရှင်းတာများပါတယ်။

ဟာ...ဒါတော့ဖြစ်သင့်တယ်...ငါတို့လုပ်သင့်တယ်...ဆိုပြီး လုပ်ကြမယ်ဆိုပါတော့...။

အဲဒီလုပ်ရပ်ရဲ့နောက်ကွယ်မှာ ဖုံးကွယ်ထားတဲ့၊ ပုန်းကွယ်နေတဲ့ တစ်စုံတစ်ယောက်(သို့မဟုတ်) တစ်စုံတစ်ခု ရှိနေနိုင်သလား။

သို့လော...သိုလော...မေးခွန်းပေါင်းများစွာ။

အရွေ့တစ်ခုဖြစ်စေချင်ရင် force(အား)တစ်ခုပေးရမယ်ဆိုတာ မှန်ပါတယ်။

ငါးထောင်တန်ဖုန်းကို သီးသန့်တောင်းဆိုနေတာထက် ဖုန်းကဒ်တန်ဖိုးများ အဆင့်ဆင့်နဲ့ အမြန်ဆုံး လျှော့ချပေးဖို့တောင်းဆိုတာက ပိုမထိရောက်နိုင်ပေဘူးလား၊ ပိုဖြစ်နိုင်ချေမများပေဘူးလား။

အခုလုပ်နေတာက တစ်စုံတစ်ယောက်တည်းအတွက် တောင်းဆိုပေးနေသလိုလို ဖြစ်မနေဘူးလား။

(၃)ငါးထောင်တန်ဖုန်း ပေါ်လာစေဖို့ စုပေါင်းလက်မှတ်ရေးထိုးပြီး လွှတ်တော်ကို တင်ပြခြင်းအပေါ် သင်ဘယ်လိုမြင်မိပါသလဲ?

    စာနဲ့ပေနဲ့ရေးပြီး တင်ပြတောင်းဆိုတာဟာ သင့်တော်ပါတယ်။

အောက်ခြေမှာ ဆူဆူပူပူဖြစ်အောင် လှုံ့ဆော်တာထက်စာရင်တော့ အေးအေးချမ်းချမ်းနဲ့ ကိစ္စပြီးသွားအောင် တကယ်လုပ်ပေးနိုင်တဲ့သူတွေကို ချဉ်းကပ်တာ ကောင်းပါတယ်။

တစ်ခုတော့ရှိတယ်။

ဘာအတွက် ဘယ်လိုစာတွေစီပြီး တင်ပြမလဲဆိုတာတော့ အရေးကြီးပါတယ်။

စကားလုံးတစ်လုံးစီတိုင်းဟာ အရေးကြီးတယ်နော်။

စကားလုံးတစ်လုံးစီတိုင်းက ကိုယ့်လုပ်ရပ်ဟာ ပုဂ္ဂိုလ်တစ်ဦးတစ်ယောက်အတွက်လား၊ လူထုအတွက်လားဆိုတာ ဖော်ပြနေပါလိမ့်မယ်။

ဒီတော့ ငါးထောင်တန်ဖုန်းကဒ်အကြောင်းကို ဂဃနဏ သိဖို့ လိုလာပါလိမ့်မယ်။

ဖြစ်နိုင်၏၊ မဖြစ်နိုင်၏၊ အရင်းအနှီး၊ မြှုပ်နှံမှု၊ နည်းပညာ၊ ဘာညာသာရကာ အလုံးစုံသိဖို့ လိုပါလိမ့်မယ်နော်။

တစ်ခါတစ်လေကျတော့လည်း ဖြစ်ချင်တာချည်းပဲ ရှေ့တန်းတင်လို့ မရပါဘူး။

တစ်ခုရှိသေးတယ်။ အခုအချိန်မှာ လွှတ်တော်ကို တင်ပြဖို့ဟာ ငါးထောင်တန်ဖုန်းကိစ္စက အရေးအကြီးဆုံး ဖြစ်နေပါပြီလား။

သူ့ထက် ဦးစားပေးလုပ်စရာတွေ မရှိတော့ဘူးလား။ ဥပမာ...ပညာရေး၊ ကျန်းမာရေး၊ စီးပွားရေး...စတဲ့ ကိစ္စရပ်တွေမှာပေါ့။

(၄)ငါးထောင်တန်ဖုန်းများ ပေါ်ပေါက်လာဖို့ကို သင့်အနေနဲ့ ကြိုဆိုပါသလား။

    ငါးထောင်တန်ဖုန်းကဒ်ရယ်လို့မှ မဟုတ်ပါဘူး။

တန်ဖိုးနည်းဖုန်းတွေ ပေါ်လာတိုင်း ကြိုဆိုမှာပဲ။

အခု MPT ကဖုန်းကဒ်တွေ ၁၅သိန်းကနေ တန်ဖိုးတွေ တဖြည်းဖြည်း လျော့ကျလာတာကိုလဲ ကြိုဆိုတာပဲ။

ဒီထက်ပို ကျမှာကိုလဲ ကြိုဆိုမှာပဲ။

ငါးထောင်တန်ထွက်လာရင်လဲ ကြိုဆိုမှာပဲ၊ ငါးရာတန်ထွက်လာရင်လဲ ကြိုဆိုမှာပဲ။

မြန်မာနိုင်ငံမှာ ဖုန်းကိုင်နိုင်တဲ့သူ များလာလေ၊ ၀မ်းသာကြည်နူးရလေပါပဲ။

တစ်ခုတော့ရှိတယ်၊ ဆင်းကဒ်တွေ ရောင်းရာမှာလည်း ဒီအတိုင်း စွက်စက် ရောင်းလို့ရတာမဟုတ်ဘူးဆိုတာ သိစေချင်ပါတယ်။

ဥပမာဆိုပါတော့ဗျာ...တန်ဖိုးနှစ်သိန်းနဲ့ ဖုန်းလိုင်းတစ်သိန်း ချထားပေးမယ်ဆိုပါတော့။

ဆောက်ထားတဲ့ backbone မှာ ဖြစ်နိုင်တဲ့ လိုင်းအရေအတွက်ကို ချထားပေးရတာကိုးဗျ။

ဒါကို ကျွန်တော်တို့က တန်ဖိုးလျှော့ချပေးပါဆိုလို့ရှိရင် investment တွေမှာ အကြီးအကျယ် ပြဿနာ တက်ကုန်နိုင်တယ်လေ။

ဒီတော့ တောင်းဆိုတော့ ချပေးလိုက်မှဖြစ်မယ်ဆိုပြီး နှစ်ဦးနှစ်ဖက် အဆင်ပြေအောင် စီစဉ်လိုက်တော့ တန်ဖိုးနှစ်သောင်းနဲ့ ဖုန်းလိုင်းတစ်သန်းဖြစ်သွားရင် ဘယ့်နှယ်လုပ်ကြမလဲ။

လိုင်းက ကြပ်ရုံတင်မဟုတ်တော့ဘူး၊ အလုအယက်တိုးနေရတော့မှာ။

နောက်တစ်ချက်က နှိုင်းယှဉ်စဉ်းစားကြည့်ဖို့...။

အခြေခံအဆောက်အဦးတွေ ဆောက်ပြီးမှ ရောင်းတဲ့ဖုန်းကဒ်နဲ့ ဖုန်းကဒ်ရောင်းပြီးမှ အခြေခံအဆောက်အဦးတွေ ဆောက်တာနဲ့ ဘယ်ဖုန်းကဒ်သုံးတာက ပိုအဆင်ပြေနိုင်မလဲ စဉ်းစားကြည့်ပါ။

(၅)ငါးထောင်တန်ဖုန်းအပေါ် သင့်အမြင်လေး တစ်ပိုဒ်လောက် ချရေးကြည့်ပါ။

    ဘယ်နိုင်ငံမှာပဲ ဖြစ်ဖြစ် ဆက်သွယ်ရေးနဲ့ ပတ်သက်တဲ့ လုပ်ငန်းဟာ နိုင်ငံတော်ကပဲ ပိုင်ပါတယ်။

အမေရိကန်မှာတောင် ဘယ်သူပိုင်လဲဆိုတာ ကြည့်ချင်ရင် ဟောလိဝုဒ်က ဇာတ်ကားတွေ ကြည့်ကြည့်ပေါ့။

တရားခံတွေကို FBI တို့ CIA တို့က ဖုန်းကနေ ခြေရာခံလိုက်ကြတာတွေ့ရပါလိမ့်မယ်။

နိုင်ငံတကာမှာလည်း နိုင်ငံတော်ကနေပြီးတော့မှ Radio Spectrum တွေကို operator တွေကို ပြန်ရောင်းပါတယ်။

နိုင်ငံတော်က လိုင်စင်Feesတောင်းပြီး ၀င်ငွေရှာတဲ့သဘောပါ။

operator တွေက frequency ဘယ်နှစ်ခုလိုချင်တယ် ဆိုတာ ကန်ထရိုက်ဆွဲရပါတယ်။

ပြီးတော့မှ သူ့အနေနဲ့ သူ့ရဲ့ အခြေခံအဆောက်အအုံတွေကို ဆောက်လုပ်တာတို့၊ တိုးချဲ့တာတို့၊ အဆင့်မြှင့်တင်တာတို့ လုပ်ပါတယ်။

ထိုင်းနိုင်ငံမှာလည်း စစချင်း ပထမဆုံး အစိုးရလုပ်ငန်း TOT ဆိုပြီး စပါတယ်။ ပြီးတော့မှ ဖြည်းဖြည်းချင်း operator တွေ အနေနဲ့ ဆွဲထုတ်ခဲ့တာပါ။

စင်ကာပူမှာလည်း အဲဒီလိုပဲ၊ တရုတ်မှာလည်း အဲဒီလိုစခဲ့တာပါပဲ။

အခု ရွှေပြည်တံခွန်အနေနဲ့ မြန်မာ့ဆက်သွယ်ရေး MPT နဲ့ မပေါင်းဘူး၊ သီးသန့် နက်ဝပ်ခ် ဆောက်မယ်လို့ပြောပါတယ်။

နက်ဝပ်ခ်ဆောက်တာက ဆောက်လို့ရပါတယ်။ MPT နဲ့ မပေါင်းဘူးဆိုတာတော့ တစ်မျိုးကြီးပဲ။

ဒီတော့ ရွှေပြည်တံခွန်ရဲ့ ဖုန်းကဒ်တွေဟာ သူတို့ကုမ္ပဏီဖုန်းကဒ်အချင်းချင်းပဲ ဆက်သွယ်လို့ ရတော့မှာပေါ့။

ဒါဖြင့် MPT က ကြိုးဖုန်းတွေကို ဘယ်လိုခေါ်မလဲ၊ တခြားသူ့အရင်ရှိပြီးသား မိုဘိုင်းဖုန်းတွေကို ဘယ်လိုခေါ်မလဲ။

နောက်ပြီး ရွှေပြည်တံခွန်က ခြောက်လအတွင်းဆောက်မယ်ဆိုတဲ့ ဆက်သွယ်ရေးအတွက်လိုအပ်တဲ့ အခြေခံအဆောက်အအုံတွေဟာ ရန်ကုန်နဲ့ ဧရာဝတီ တိုင်းဒေသကြီးနှစ်ခုပဲ ပါပါမယ်။

ဒါဆို ရခိုင်ပြည်နယ်ကိုခေါ်ချင်ရင်၊ ရှမ်းပြည်နယ်ကို ခေါ်ချင်ရင် MPT ကဖုန်းကဒ်တစ်ခု ၀ယ်ရတော့မှာပေါ့။

အင်း...ဘယ်ဘက်မှာ ဟမ်းဖုန်းတစ်လုံး၊ ညာဘက်မှာ ဟမ်းဖုန်းတစ်လုံး စတိုင်တော့ ကျန်တာပေါ့လေ။

နိုင်ငံခြားမှာလည်း ပုဂ္ဂလိက operator တွေ ကိုယ့်နက်ဝက်ခ်နဲ့ ကိုယ်ပါပဲ။

ဒါပေမယ့် သူတို့က နက်ဝက်ခ်တွေ အချင်းချင်းချိတ်ထားတယ်၊ ပေါင်းစည်းထားတယ်။

ကုမ္ပဏီဖုန်းအချင်းချင်းခေါ်ရင် ဈေးတစ်မျိုး၊ operator မတူရင် ဈေးတစ်မျိုးပေါ့လေ။

တချို့နိုင်ငံတွေမှာဆို operator မတူရင် ဈေးတော်တော်ကြီးပါတယ်။

နောက်တစ်ခုက ရွှေပြည်တံခွန်ဟာ MPT နဲ့ မပူးပေါင်းဘဲ သူ့ဖုန်းတွေမှာ internet ကွန်နက်ရှင် ဘယ်လိုမှ မရယူနိုင်ပါဘူး။

အင်တာနက် Gateway နဲ့ချိတ်မယ်ဆိုရင် National Internet Gateway နဲ့ချိတ်မှ ရပါမယ်။

သူ့ဘာသာ ချိတ်ချင်ရင်လည်း MPT က operator အနေနဲ့ ခွင့်ပြုပေးမှ ချိတ်လို့ရပါလိမ့်မယ်။

ဒီတော့ ငါးထောင်တန်ဖုန်းကဒ်ထွက်လာဖို့ဆိုတာ နှစ်ဦးနှစ်ဖက်ပြေလည်မှ ဖြစ်နိုင်မှာပါ။

ဘယ်သူ့ဘယ်သူမှ ထိခိုက်နစ်နာလို့ မဖြစ်ပါဘူး... Win-Win policy မှ ကောင်းပါလိမ့်မယ်။

ဒီခေတ်ဟာ IT ခေတ်ဆိုလား ကြားဖူးပါတယ်။

သတင်းအချက်အလက်ရယူနိုင်မှုဟာ တအားအရေးကြီးလာပါပြီ။

စီးပွားရေး၊ ပညာရေး၊ ကျန်းမာရေး၊ လူမှုရေး စတဲ့ ကဏ္ဍစုံမှာ သတင်းအချက်အလက်ဟာ အရေးကြီးလာပါတယ်။

သတင်းအချက်အလက် မြန်မြန်ရနိုင်လေလေ ဖွံ့ဖြိုးမှုနားကို ချဉ်းကပ်နိုင်လေလေ ဖြစ်မှာပါ။

နိုင်ငံတိုင်းကတော့ ဖွံ့ဖြိုးတိုးတက်ချင်တာချည်းပါပဲ။

ဒါပေမယ့် အခြေအနေတွေဟာ တစ်နိုင်ငံနဲ့ တစ်နိုင်ငံမတူတဲ့အတွက် လုပ်နည်းလုပ်ဟန်တွေလဲ တူမှာမဟုတ်ပါဘူး။

တစ်ချို့က ဖွံ့ဖြိုးမှုဆီကို မြန်မြန်ပြေးသွားချင်တယ်။

တစ်ချို့က တစ်ဆင့်ချင်းစီ ဖြေးဖြေးမှန်မှန်သွားချင်တယ်။

သေချာတာကတော့ ဖွံ့ဖြိုးမှုဆီ လျှောက်ရမယ့်လမ်းဟာ ပန်းခင်းလမ်းမဟုတ်ပါဘူး။

ချော်လဲရင် လဲမယ်၊ ခလုတ်တိုက်ရင် တိုက်မိမယ်။

ဘာပဲပြောပြော ပန်းတိုင်ဟာ တစ်ခုတည်းပါ။

အဲဒီတစ်ခုတည်းသော ပန်းတိုင်ဆီကို ဖြစ်ချင်တာထက် ဖြစ်သင့်တာတွေ ဦးစားပေးလုပ်ဆောင်ရင်း လက်တွဲညီညီနဲ့ အနာတရနည်းပါးစွာ ရောက်ရှိနိုင်ပါစေကြောင်း ဆုတောင်းမိပါတယ်။

(ဟူးးးးးးးးးးးးးးးးးးးးးး ပင်ပန်းလိုက်တာကွာ...

စာတွေဖတ်ရ၊ ခေါင်းကစဉ်းစားရ၊ typing ရိုက်ရနဲ့...

ကိုယ်မသိတာတွေကို သိသလိုလိုလုပ်ပြီး ရေးရတာ တော်တော်ပင်ပန်းပါတယ်။

တော်တော်ဆိုးတဲ့ ရင်ဆူး

ငါ့မှ ရွေးတက်ဂ်ရတယ်လို့ကွာ.....)

အားလုံးကိုလေးစားစွာဖြင့်

မင်းအရိပ်