သံဆန်ခါတပ်ဖို့ လိုနေပြီ - ဆရာဝင်းငြိမ်း

ပြတင်းပေါက်တွေဖွင့်လိုက်ရင် ပြင်ပက လေကောင်းလေသန့်တွေ ရှူရှိုက်ရတာတော့မှန်ပါရဲ့။

ဒါပေမယ့် အဲဒီလေတွေနဲ့အတူ အမှုန်အမွှားတွေ၊ အမှိုက်တွေ ပါလာနိုင်တယ်လို့ သဘောသက်ရောက်တဲ့ အဆိုအမိန့်ကို အခုတစ်လောမှာ တော်တော်ကလေး သတိရနေမိပါတယ်။

စိတ်ပါသည်ဖြစ်စေ၊ မပါသည်ဖြစ်စေ ကျွန်တော်လုပ်နေတဲ့ အနုပညာဂျာနယ်တစ်ခုဖြစ်တဲ့ အလင်းတန်း အတွက် ဖျော်ဖြေပွဲများ၊ ပရိုးမိုးရှင်းပွဲများ စသဖြင့် ၀တ္တရားအရ သွားရတဲ့ပွဲတွေ တစ်ပတ်တစ်ပတ် မနည်းလှပါဘူး။

စာပေလွတ်လပ်ခွင့်ရှိလာသလို လူငယ်တွေ စင်ပေါ်မှာ လွတ်ချင်တိုင်းလွတ်လာတာကို မြင်ရ၊တွေ့ရတော့ အသက်ကြီးလာလို့ ခေတ်မမီဘူးပဲပြောပြော၊ မျက်စိရှက်စရာတွေ တော်တော်တွေ့လာရပါတယ်။

အထူးသဖြင့် ပရိုမိုးရှင်းပွဲတွေမှာ မပါမဖြစ်ထည့်သွင်းကြတဲ့ အကအဖွဲ့များရဲ့ ကပြမှုများပါပဲ။

ဒီအကအဖွဲ့တွေဟာ အနောက်တိုင်းက၀င်လာတဲ့ ဗီစီဒီ၊ ဒီဗီဒီတွေကတစ်ဆင့် ကကွက်ပုံစံများကို ထပ်တူကူးသူက ကူး၊ ကိုယ်ပိုင်ကကွက်တွေ ထွင်သူက ထွင်၊ စင်ပေါ်မှာ ကပြကြပါတယ်။

လွန်ခဲ့တဲ့ နှစ်ပေါင်းငါးဆယ်ကျော်လောက်က နှာခေါင်းရှုံ့ခဲ့ကြတဲ့ ပွတ်သဘင် ဆိုတဲ့ ကပွဲမျိုးမဟုတ်ပေမယ့် သူတို့ကကွက်တွေက တော်တော်ကျောချမ်းစရာ ကောင်းပါတယ်။

မိန်းကလေးက ယောက်ျားလေးကျောပေါ်၊ ကုပ်ပေါ်၊ ပခုံးပေါ်ရောက်သွားတဲ့ ကကွက်တွေရှိသလို ကိုယ်အလျားလိုက် ယောက်ျားလေးရဲ့ ဘယ်ဘက်ပခုံးပေါ်ကနေ ညာဘက်ပခုံးပေါ်ရောက်သွားတဲ့ ကကွက်မျိုးကိုလည်း မြင်ဖူးပါရဲ့။

သွက်လက်နေတဲ့ လူငယ်များရဲ့ ကကွက်တွေဟာ အံ့မခန်းရှိတယ်လို့ ဆိုလောက်ပါတယ်။

ဒါပေမယ့် ဒီသီချင်းနဲ့ ဒီအကကို တွေ့ရတိုင်း စိတ်မချမ်းသာတဲ့ အကကို ၃ကြိမ်ထက်မနည်း ကျွန်တော်တွေ့ရပြီးတဲ့အခါမှာတော့ မောင်တို့ မယ်တို့ ဒီအကကိုဖြင့် စင်ပေါ်မှာမကကြပါနဲ့လို့ ပြောချင်စိတ်ပေါက်လာတာကြောင့် ဒီဆောင်းပါးကို ရေးဖြစ်ခြင်းပါ။

ဘယ်အေဂျင်စီကလည်း ဆိုတာကိုတော့ နာမည်နဲ့တကွ မပြောတော့ပါဘူး။

ကျွန်တော်ပြောချင်တဲ့ကကွက်က လာတီနိုသီချင်းနဲ့ အမျိုးသား၊ အမျိုးသမီး နှစ်ယောက်တွဲကတဲ့ ကကွက်ဖြစ်ပါတယ်။

ကကွက်ဆန်းများနဲ့ ကရင်း ရင်ချင်းအပ်၊ ပေါင်ချင်းကပ်တာတွေ မပြောလိုတော့ပါဘူး။

ဒါပေမယ့် သီချင်းဆုံးခါနီးမှာ အမျိုးသားကလေးက အမျိုးသမီးလေးရဲ့ ခါးကို ကိုင်လိုက်ချိန် မိန်းကလေးက သူ့လက်ပေါ်မှာ ပျော့ခွေကျသွားသလို ပက်လက်လန်သွားပါတယ်။

ခါးကို လက်နဲ့ထိန်းထားတဲ့ အမျိုးသားကလေးက သူ့မျက်နှာကို ငုံ့လိုက်ပြီး တစ်နေရာကို သူ့မျက်နှာအပ်လိုက်ချိန်မှာတော့ ကျွန်တော့်မျက်စိတွေ ပြာသွားပါတယ်။

ဒီလိုအကမျိုးတွေ ကျွန်တော်တို့ ယဉ်ကျေးမှုနဲ့ သင့်တော်ပါရဲ့လားလို့ တာဝန်ရှိသူများ စဉ်းစားဖို့လိုပြီထင်ပါတယ်။

ရေးသင့်၊ မရေးသင့် တော်တော်ကြာကြာ စဉ်းစားခဲ့ပါတယ်။

မရေးရင် မဖြစ်တော့ဘူးထင်တာကြောင့် မောင်နဲ့နှမ၊ သားနဲ့အမိ မကြည့်သင့်တဲပုံများကို ဖော်ပြကာ ရေးသားလိုက်ရပါတော့တယ်။

ပြတင်းပေါက်ကို ဖွင့်လိုက်ပါပြီ။

လေကောင်းလေသန့်တွေနဲ့အတူ ၀င်လာမယ့် အမှိုက်သရိုက်တွေကို ထိန်းသိမ်းနိုင်အောင် ကျွန်တော်တို့ရဲ့ ပြတင်းပေါက်များမှာ သံဆန်ခါခပ်စိတ်စိတ်များ တပ်ဆင်ဖို့တော့ လိုအပ်နေပြီ ထင်ပါတယ်။

                                                                                                                           ၀င်းငြိမ်း

(ရွှေအမြုတေမဂ္ဂဇင်းနဲ့ အလင်းတန်းဂျာနယ် အယ်ဒီတာချုပ် ဆရာဝင်းငြိမ်းက အလင်းတန်းဂျာနယ်မှာ ရေးထားတဲ့ ဆောင်းပါးတစ်ပုဒ်ဖြစ်ပါတယ်။

ဆရာတကယ်ပြောလိုတာက ကကွက်တစ်ခုတည်း၊ အကလောကတစ်ခုတည်းကို ပြောလိုတာ မဟုတ်ဘူးလို့တော့ ကျွန်တော်သဘောပေါက်မိပါတယ်။

မှန်ပါတယ်ဆရာရေ၊ ကျွန်တော်တို့အနေနဲ့ နေရာစုံက ပြတင်းပေါက်တွေကို သံဆန်ခါတပ်ဖို့ လိုနေတာကတော့ အမှန်ပါပဲခင်ဗျာ။)