Wednesday, July 4, 2012

TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၅)

.
(နှစ်ပေါင်းများစွာတည်ဆောက်ခဲ့တဲ့ ပျော်ရွှင်ဖွယ်ရာမိသားစုဘ၀လေးတစ်ခုကို သူစိမ်းတစ်ယောက်က ခဏတာအတွင်း ခိုးယူသွားခဲ့တယ်)




နောက်တစ်နေ့ ကျောင်းပိတ်ရက်မို့ အန်နီသည် ဆီရီနာတို့နှင့် ချိန်းကာ shopping ထွက်သည်။
ဘရစ်တနီလည်း ပါသည်။
ဈေးဝယ်ပြီး၍ ဆီရီနာတို့နှင့် နှုတ်ဆက်ပြီး ပြန်ထွက်လာတော့ အန်နီက ဘရစ်တနီ့ကို ချာလီ၏ဓာတ်ပုံ ပြလိုက်သည်။
" ဟယ်...ဒါ ချာလီ ဓာတ်ပုံလား..."
" အင်း..နက်ဖြန် သူကျောင်းမှာ စာတမ်းတင်ရမယ် ပြောတယ်.."
" ဟုတ်လား..သူက အရမ်းလန်းတယ်နော်..တွေ့တဲ့ မိန်းကလေးတိုင်းတော့ ရင်ခုန်မှာပဲ..သိလား.."
" ဟဲ့..တော်တော့..ဟိုမှာ ငါ့အမေ ကြည့်နေတယ်.."
ကုန်တိုက်ကအပြန် အန်နီ့ မေမေလာကြိုသည်လေ။
အန်နီတို့နှစ်ယောက် စကားစဖြတ်ပြီး ကားပေါ်တက်လိုက်ကြသည်။
" လာဟေ့..ဒီမှာ ဒိုးနပ်ဝယ်ထားတယ်..အရမ်းကောင်းတယ်..ဘရစ်တနီ..စားဦး သမီး.."
" ဟုတ်ကဲ့ အန်တီ.."
" ဒါနဲ့ ခုနက ကလေးမတွေက ဘယ်သူတွေလဲ သမီး.."
" အဲဒါ ဆီရီနာနဲ့ တန်ညာလေ မေမေ.."
" ဟုတ်ပါပြီ..ဘာတွေဝယ်ခဲ့ကြတုန်း.."
မေမေက မေးသည်..။
" ဟိုလေ..ဆီရီနာက ပြောတယ် မေမေရဲ့...ဒီအရွယ်က ဘရာဝယ်သင့်ပြီတဲ့.."
" အော်..ဟုတ်လား..ပြစမ်းပါဦး.."
အန်နီက အိတ်ထဲမှ ထုတ်ပြလိုက်သည်။
" အင်း..မဆိုးပါဘူး..သမီးက အပျိုဖြစ်ချင်နေပြီပေါ့...ဟုတ်လား.."
" ဟာ..မေမေကလဲ.."
" တကယ်လို့ သမီး ၀ယ်ဖို့ လိုအပ်တယ်လို့ ထင်ရင် မေမေနဲ့ အရင်တိုင်ပင်ပါသမီးရယ် နော်.."
အန်နီ့မေမေလင်းက အန်နီ့ကို ကလေးတစ်ယောက်လိုပဲ မြင်နေပုံရသည်။
" အန်နီက အားကစားလဲ လုပ်တာဆိုတော့ ဆီရီနာက လိုအပ်တယ်လို့ ပြောလို့ပါအန်တီ.."
ဘရစ်တနီက ၀င်ရှင်းပြသည်။
" အားကစားလုပ်တော့ကျတော့ ၀တ်ဖို့လိုတယ်လေမေမေရယ်..ဟုတ်ဘူးလား..နောက်ပြီး မိန်းကလေးဆိုတာ ယောက်ျားလေးတွေကို ဆွဲဆောင်နိုင်ဖို့လဲ ဒါလိုတယ်တဲ့.."
" ဆီရီနာက ဒီလိုပဲ ပြောသလားသမီး.."
အန်နီ့မေမေက သက်ပြင်းချသည်။
" သူနဲ့သမီးနဲ့က မတူဘူးလေ.."
" ဟုတ်ကဲ့ပါ မေမေရယ်.."
" သမီးရယ်..ဒီအရွယ်က ဆီရီနာပြောသလိုမျိုး ဆွဲဆောင်နိုင်ဖို့တို့ ဘာညာတွေ စဉ်းစားစရာ မလိုသေးပါဘူး..နောက်ပြီး အဲဒီအကြောင်းတွေချည်းပဲ ခေါင်းထဲ ထည့်ထားဖို့ဆိုတာ သမီးနဲ့ သူနဲ့က တူတာမဟုတ်ဘူးလေ.."
" အင်း..ဆီရီနာ့မိဘတွေက လိုချင်ရင် ဒီချီကာဂိုမြို့တစ်ဝက်လောက် ၀ယ်နိုင်တယ်.."
ဘရစ်တနီက ၀င်ထောက်သည်။
" အင်း..အန်တီပြောတာကို ဘရစ်တနီနားလည်တယ်ပေါ့.."
" ဟုတ်ကဲ့ .. အန်တီလင်း.."
" သမီး..မေမေပြောတာကို နားလည်တယ်နော်.."
" ဟုတ်..နားလည်ပါတယ်မေမေ.."
အန်နီတွေးတာနှင့် မေမေတွေးတာ မတူပါ..။


အန်နီ့ဖေဖေ ၀ီလ် နှင့် လုပ်ဖော်ကိုင်ဖက် အယ်လ်တို့ အဆင့်မြင့်စားသောက်ဆိုင်တစ်ခုတွင် ရောက်နေကြသည်။
စားပွဲထိုးမလေးက သူတို့မှာယူမည့် အစားအစာများကို မေးသည်။
" ဘာမှာရမလဲဆိုတော့ ..အင်း.. အသားညှပ်ပေါင်မုန့်ကွာ..အမဲသားကြော်နဲ့...နောက်ပြီး ကြက်သွန်နီပါတယ်ကွာ..အဲဒါရမလား.."
ဝီလ်က မှာသည်။
စားပွဲထိုးမလေးက နားမလည်။
" ဟို...ကျွန်မ နားမလည်..."
" သူပြောတာ ပြင်သစ်စတိုင်ကို ပြောတာပါ...အနှစ်နှစ်ဆယ်ရှိနေပြီ...မမှာတတ်သေးဘူး.."
အယ်လ်က ၀င်ပြောသည်။
" ကိုယ့်ကိုလဲ အဲဒါပဲ ချပေးကွာ..ပြီးတော့ သောက်ဖို့က 92ရော့သ်ချိုင်းဒ်.."
" အင်မတန် လိုက်ဖက်တဲ့ ရွေးချယ်မှုပါပဲရှင်.."
" ဟေ့ကောင်..တကယ်သောက်မှာလား...ဘာအတွက်တုန်းကွ.."
" A&Aကုမ္ပဏီက ငါတို့ကို အလုပ်အပ်လိုက်ပြီလေ...အရာအားလုံးအတွက်ပေါ့..."
" ဟာ...ဟုတ်လား...ငါတို့အဖွဲ့ကို သူတို့က ကြိုက်သွားပြီပေါ့..."
" ဒါပေါ့....မင်းရဲ့ ကြိုးစားမှုတွေ အများကြီးပါပါတယ်...အဲဒီကုမ္ပဏီက CEOနဲ့တောင် ငါ စကားပြောပြီးသွားပြီ..."
A&Aအ၀တ်အထည်ကုမ္ပဏီအတွက် ၀ီလ်တို့က ကြော်ငြာလုပ်ငန်းလုပ်ပေးရတော့မည်ပေါ့...၀မ်းသာစရာပါ..။
" တစ်ခုလောက် မေးလို့ရမလား...မင်းက အသက်ဘယ်နှစ်နှစ် ရှိပြီလဲ.."
အယ်လ်က စားပွဲထိုးမလေးကို မေးသည်။
" ရှိသင့်သလောက်တော့ ရှိပါပြီ..."
" အော်..."
" စကားမစပ် ကျွန်မနာမည် ကလဲရာ ပါရှင်..."
" ဟိုင်း...ကလယ်ရာ..ကိုယ့်နာမည် အယ်လ်ပါ...ဒါက ၀ီလ်.."
" ဟိုင်း..."
" ဟုတ်ကဲ့ရှင့်...လိုအပ်တာရှိရင် ဘာမဆို ကျွန်မကို ပြောနိုင်ပါတယ်ရှင်..."
" တကယ် ဘာမဆိုလား..."
အယ်လ်က အရွှန်းဖောက်လိုက်သည်။
စားပွဲထိုးမလေးက ပြုံးပြီး ထွက်သွားလေသည်။
" ဟေ့ကောင်...တော်ပါတော့ကွာ...ကောင်မလေးက ခုမှ ဆယ့်ကိုး နှစ်ဆယ်လောက်ပဲ ရှိဦးမှာ.."
ဝီလ်က အယ်လ့်ကို ဟန့်လိုက်သည်။
ဝီလ်က သမီးများ၏ ဖခင်တစ်ဦးမို့လားတော့ မသိ၊ သည်လိုမျိုး နောက်တာပြောင်တာ သူမကြိုက်။
" အေးပါကွာ...နောက်ထပ် တစ်နာရီလောက်တော့ သူ့မျက်နှာနုနုလေးကို ကြည့်နေချင်သေးတယ်ကွ..ဟဲဟဲ.."
" ဒါဖြင့် မင်းမိန်းမဘာဘာရာကို ဘယ်လိုလုပ်မှာလဲ..."
" အာ...လစ်စမ်းပါကွာ...ဖီးလ်ပျက်တယ်..."
ဝီလ်တို့ လုပ်ဖော်ကိုင်ဖက်နှစ်ယောက် အားရပါးရ ရယ်မောလိုက်ကြသည်။

(ဆက်ရန်)

ရှေ့မှ အပိုင်းများကို ပြန်ဖတ်ရန်
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၁)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၂)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၃)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၄)

Tuesday, July 3, 2012

TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၄)

(နှစ်ပေါင်းများစွာတည်ဆောက်ခဲ့တဲ့ ပျော်ရွှင်ဖွယ်ရာမိသားစုဘ၀လေးတစ်ခုကို သူစိမ်းတစ်ယောက်က ခဏတာအတွင်း ခိုးယူသွားခဲ့တယ်)


" မေမေရေ..."
အန်နီက အိမ်ရှေ့တံခါးကို အလောတကြီးတွန်းဖွင့်ကာ အိမ်ထဲ ပြေးဝင်လာရင်း သူ့မေမေလင်းကို လှမ်းအော်ခေါ်လိုက်သည်။
" မေမေ အခန်းထဲမှာ သမီးရေ...ဘာဖြစ်လို့လဲ..."
" သမီးကို အသင်းမှာ ရွေးလိုက်ပြီ မေမေရေ..."
အန်နီက အိမ်ပေါ်ထပ်ရှိ သူမအခန်းဆီ ပြေးတက်ရင်း အော်သွားသည်။
" ဒါမှ မေမေ့သမီး...တော်လိုက်တာ...ဘယ်လိုအရွေးခံခဲ့ရတာလဲ... မေမေ့ကို လာပြောပြပါဦး..."
အန်နီ့မေမေ လင်းက ၀မ်းသာအားရအော်ပြောရင်း သူမအခန်းထဲမှ ထွက်လာသည်။
သို့သော် အန်နီကတော့ အပေါ်ထပ်ပြေးတက်သွားပြီ ဖြစ်ပါသည်။
အန်နီသည် သူမမေမေကိုပင် မရှင်းပြနိုင်တော့ဘဲ လက်ပ်တော့ကို ပြေးဖွင့်သည်။
chatting ကို ဖွင့်သည်။
ချာလီ ရှိမှ ရှိနေပါ့မလား...။
တော်သေးသည်...ချာလီရှိနေသည်...။

အန်နီး ဟိုင်း ချာလီ
ချာလီး ပြန်လာပြီလား 
အဆင်ပြေတယ်မဟုတ်လား
အန်နီး အင်း
ငါ့ကို အသင်းမှာ ရွေးလိုက်ပြီ
ဒါနဲ့ မနေ့က ဓာတ်ပုံပို့လိုက်တာ ရတယ်မဟုတ်လား
ချာလီး အင်း
ရွေးခံရမယ်ဆိုတာ သိပြီးသားပါ
တခြားသူမှ မဟုတ်တာ အန်နီပဲလေ
အန်နီး :)
ဒါနဲ့ မနေ့ကပုံရော ရလားလို့
ချာလီး အင်း ရပါတယ်
ဒါနဲ့ နင့်ကို ငါ ၀န်ချတောင်းပန်စရာတစ်ခု ရှိတယ်
အန်နီး ဟမ် ဘာများလဲ
ချာလီး တကယ်တော့ ကိုယ်ဟာ ဘာကလေတက္ကသိုလ်က ကျောင်းသားတစ်ယောက်ပါ
အသက် ၂၀ ရှိနေပါပြီ

" ဘယ်လို..."
စာကို မြင်မြင်ချင်း အန်နီ ဆွံ့အသွားသည်။
သည်လိုဆို ချာလီဟာ အထက်တန်းကျောင်းသားတစ်ယောက် မဟုတ်ဘူးပေါ့...။
သည်လိုဆို ချာလီက အသက်၂၀တောင် ရှိနေပြီပေါ့...။
သည်လိုဆို ချာလီက တစ်ချိန်လုံး လိမ်ညာနေခဲ့သည်ပေါ့...။

ချာလီး ကိုယ်ညာချင်လို့ ညာခဲ့တာမဟုတ်ပါဘူး
ကိုယ်က တက္ကသိုလ်ဘောလီဘောအသင်းမှာ ဆော့နေတာဆိုတော့
အထက်တန်းကျောင်းဘောလီဘောလက်ရွေးစင်ဖြစ်ဖို့ ပေးတဲ့ ကိုယ့်အကြံပြုချက်တွေကို အန်နီက အံမ၀င်ဘူးလို့ ယူဆနေမှာစိုးလို့ အန်နီ လက်မခံမှာစိုးလို့ပါ

အန်နီကတော့ ဆွံ့အနေဆဲ..။
တစ်ချိန်လုံး လိမ်ညာခံနေရကြောင်း သိလိုက်ရသူအဖို့ ဘာတွေများ ပြန်ပြောနိုင်မည်လဲ။

ချာလီး အန်နီ မင်းကိုယ့်ကို မုန်းသွားပြီလားဟင်

အန်နီဘာမှ မပြောတတ်တော့..။
သူ တစ်ချိန်လုံး လိမ်ညာနေခဲ့တာပဲ..။
အန်နီ့မှာတော့ သူ့အကြောင်းတွေ အကုန်အမှန်ထင်ပြီး မိဘ၊ မောင်နှမများကိုတောင် ဂုဏ်ယူစွာ ပြောပြခဲ့သည်။
အန်နီ ဘာလုပ်ရမှန်း မသိတော့..။
ချာလီနှင့် စကားဆက်ပြောချင်စိတ်လည်း မရှိတော့..။
သို့သော်..
အန်နီက ချာလီ့ကို ပစ်ပစ်ခါခါတော့လည်း ပြန်မပြောရက်ပါ..၊ အပြစ်တင်စကားလည်း မဆိုလိုက်ရက်ပါ..။
အန်နီ၏ ဖြူစင်သော လက်ချောင်းလေးများသည် ကီးဘုတ်ပေါ်တွင် ပြေးလွှားသွားသည်။

အန်နီး ဟင့်အင်း
မုန်းတော့ မမုန်းပါဘူး
အန်နီ အနေမကြပ်အောင် လုပ်ပေးခဲ့တာပဲ
ဘာမှမဖြစ်ပါဘူး ကျေးဇူးပါ
ချာလီး အင်း
အန်နီနားလည်ပေးနိုင်မယ်မှန်း ကိုယ်သိပါတယ်
ခု ရွေးခံရပြီဆိုတော့ အတွေ့အကြုံများများရအောင် လေ့ကျင့်ရတော့မယ်နော်

အန်နီ စကားပြန်မပြောဖြစ်။
စက္ကန့် အနည်းငယ်မျှ တွေဝေနေသည်။
နောက်ဆုံး နှုတ်ဆက်စကားပြောပြီး chatting ထဲမှထွက်လိုက်တာ အကောင်းဆုံးဖြစ်မည်ဟု တွေးလိုက်သည်။
"Bye" ဟု မရိုက်ရသေးခင်မှာပင် ချာလီ့ထံမှ တစ်စုံတစ်ခု တက်လာသည်။
ဓာတ်ပုံတစ်ပုံပါ..။
အားကစားဝတ်စုံပြည့်ဖြင့် ဘောလီဘောပုတ်နေသော ခပ်ချောချော ခပ်ဖြောင့်ဖြောင့် လူငယ်တစ်ဦး၏ ပုံ..။
ချာလီက လူချောပါလား..။
အန်နီ ဓာတ်ပုံလေးကို ကြည့်နေစဉ်မှာပင် နောက်တစ်ပုံ ထပ်တက်လာပြန်သည်။
သည်တစ်ခေါက်တက်လာတာက စွပ်ကျယ်လက်ပြတ်ဝတ်ထားပြီး အနီးကပ်ရိုက်ထားသည့် ကိုယ်တစ်ပိုင်းပုံ..။
ကြံ့ခိုင်တောင့်တင်းသည့် ကိုယ်ကာယကို ပိုင်ဆိုင်သည့်အပြင် ဆွဲဆောင်မှုရှိသော အပြုံးတစ်ခုကိုပါ ပိုင်ဆိုင်သည့် ရုပ်ဖြောင့်ဖြောင့် ချာလီ၏ ဓာတ်ပုံဖြစ်ပါသည်။
ချာလီက တော်တော်လေးကို ခန့်ညားပြီး ဆွဲဆောင်မှုရှိသော တက္ကသိုလ်ကျောင်းသားတစ်ယောက်ပါလား..။
ကီးဘုတ်ပေါ်တွင် ပြေးလွှားသွားသော အန်နီ့လက်ချောင်းလေးများသည် "Bye" ဟူသော စကားလုံးအစား "Hello" ဟူသော စကားလုံးလေးကို ရိုက်လိုက်မိလေသည်။


 ထိုနေ့ညက ဆီရီနာ၏ ကြီးကျယ်ခမ်းနားသောအိမ်ကြီးတွင် ကျင်းပသည့် ပါတီပွဲသို့ အန်နီနှင့် ဘရစ်တနီ တူတူရောက်သွားသည်။
ဆူညံမြူးတူးနေသော ပါတီပွဲတွင် အန်နီနှင့်ဘရစ်တနီက ကလေးလေးတွေလို ၀ိုင်ခွက်တစ်ခွက်ဆီကိုင်ကာ ထောင့်တစ်ထောင့်မှာ ကြောင်ကြောင်ကြီး ရပ်နေမိကြသည်။
ဆူညံပွက်လောရိုက်ပြီး ကခုန်နေကြသော ပတ်ဝန်းကျင်သည် သည်ကလေးမနှစ်ယောက်နှင့် အသားကျသော လောကတစ်ခုမဟုတ်ပေ။
ထို့ကြောင့် အန်နီတို့နှစ်ယောက် ဆီရီနာကို လိုက်ရှာကြသည်။
ဆီရီနာတို့ ပေါ်ပြူလာမိန်းမပျိုလေးတစ်သိုက်က အိမ်အပေါ်ထပ်က အခန်းကျယ်တစ်ခန်းမှာ မီးမှိန်မှိန်လေးထွန်းပြီး စကားစုပြောနေကြသည်။
အန်နီ အခန်းထဲဝင်သွားတော့ ဆီရီနာက နှုတ်ဆက်သည်။
" ဟိုင်း.. အန်နီ..ဘယ်လိုလဲ.. နင့်အစ်ကို မပါဘူးလား.."
" ဟင့်အင်း..သူက ကောလိပ်သွားတက်ဖို့ ပြင်ဆင်နေလို့ လိုက်မလာဘူး.."
" ဟင်း...ဟုတ်ပါပြီဟာ ထားပါတော့... ဒါဖြင့် ဒီညတော့ ငါ ဘာမှ မလုပ်ရတော့ဘူးပေါ့..."
ထိုင်နေကြသော မိန်းကလေးဝိုင်းသည် ခိုးခိုးခစ်ခစ်ရယ်သံများဖြင့် ဆူညံသွားသည်။
" ငါက တစ်ခုခုလုပ်ဖို့ စီစဉ်ထားတာဟ.. ဟိဟိ..ဒါနဲ့ အန်နီ.. ၀ါသနာပါရင် ငါတို့နဲ့လာထိုင်ပါလား..ဒီမှာ အလက်ဆာက သူ့အတွေ့အကြုံတွေလက်ချာပေးနေတာ..သူတို့စုံတွဲအတွေ့အကြုံပေါ့... ဟိဟိ.."
အန်နီ ထိုအကြောင်းတွေ နားမထောင်ချင်ပါ။
ဘရစ်တနီလည်း ထို့အတူပင်ဖြစ်မည် ထင်ပါသည်။
ထို့ကြောင့် ပြန်ရန်ဆုံးဖြတ်လိုက်သည်။
" ဒါနဲ့ ဆီရီနာ... ရေချိုးခန်းကို ဘယ်လိုသွားရမလဲ.."
" ရေချိုးခန်းခြောက်ခုရှိတယ်..အောက်ထပ်ကို ဆင်းသွားလိုက်..တစ်ခုတော့ တွေ့မှာပါ.."
ထိုသို့နှင့် အန်နီနှင့် ဘရစ်တနီတို့ ပါတီပွဲမှ အမြန်ပြန်လစ်ခဲ့ကြလေသည်။
သို့တိုင်အောင် အန်နီအိမ်ပြန်ရောက်တော့ ညဉ့်အတော်နက်နေပြီဖြစ်သည်။
တစ်အိမ်လုံးတွင် ဖေဖေ့စာကြည့်ခန်းမှာသာ စားပွဲတင်မီးလေး လင်းလျက်ရှိသည်။
အန်နီ့ဖေဖေ ရုံးအလုပ်များနှင့် ရှုပ်နေခြင်းဖြစ်သည်။
အန်နီက တံခါးဝမှ လှမ်းနှုတ်ဆက်လိုက်သည်။
" ဖေဖေ"
ဖေဖေက တစ်ချက်မော့ကြည့်လိုက်ပြီး အလုပ်ကို ဆက်လုပ်နေသည်။
" အော် သမီး..ပြန်လာပြီလား..ဘယ်လိုလဲ..ပျော်ခဲ့ရဲ့လား..."
" အင်း..ပျော်တယ်ရယ်လို့လဲ မဟုတ်ပါဘူး..အဲဒီမှာက လူကို ရူးအောင်လုပ်နေသလိုပဲ..မူးနောက်နေတာပဲ.."
" ဟုတ်လား..."
" အင်း..တကယ်တော့ သမီး ဆီရီနာတို့နဲ့ အပေါင်းအသင်းဖြစ်ချင်ပါတယ်..အဲဒါက အများကြီးကောင်းမယ် ထင်တယ်.."
" ကိုယ့်ပုံစံနဲ့ပဲ ကိုယ်နေပါသမီးရယ်..သူတို့က သမီးနဲ့ အပေါင်းအသင်းမလုပ်ချင်ရင်လည်း သူတို့ပဲ တစ်စုံတစ်ရာကို ဆုံးရှုံးသွားမှာပဲလေ.."
" မဟုတ်ဘူးဖေဖေ..အခုက အထက်တန်းကျောင်းရောက်နေပြီလေ.. ဒီလိုအခြေအနေမှာတောင် သူတို့နဲ့ အပေါင်းအသင်းမဖြစ်ရင် သမီးပဲ ညံ့ရာရောက်မှာပေါ့..ဖေဖေ သဘောပေါက်တယ်မဟုတ်လား.."
ကျောင်းက ပေါ်ပြူလာမိန်းကလေးအုပ်စုထဲ ၀င်ဆန့်နိုင်သူတိုင်း ကျောင်းမှာ ဂုဏ်တစ်ခုတော့ ရှိသည်မဟုတ်လား..။
အန်နီ့ဖေဖေက အလုပ်လုပ်နေရင်းမှ တစ်ချက်မော့ကြည့်သည်။
" ဟို..ပြောရရင် သမီးပြောတာ အပြည့်အစုံတော့ နားမလည်ဘူးကွာ..ဟိုလေ..ဖေဖေဒီမှာ လုပ်စရာလေးတွေရှိနေသေးလို့ကွာ..ဆောရီးနော်သမီး.."
" ဟုတ်..ဒါဆိုလဲ ကောင်းသောညပါဖေဖေ.."
"ကောင်းသောည သမီး.."
တကယ်တမ်းတော့ အန်နီသည် သူမဖေဖေကို ပြောချင်နေသည်က ဆီရီနာတို့နှင့် အပေါင်းအသင်းဖြစ်ချင်သည့်ကိစ္စသာမက ချာလီကိစ္စကိုပါ ပြောချင်နေ၍ ဖြစ်သည်။
ယခုတော့ ဘာမှ မပြောလိုက်ရတော့ပေ..။
ကုတင်ပေါ်မှာ လှဲအိပ်ရင်း ဖုန်းထဲက အင်တာနက်မှတစ်ဆင့် ချာလီနှင့် အဆက်အသွယ်ယူလိုက်သည်။
ချာလီ့ကို ပါတီပွဲက အကြောင်းတွေပြောပြသည်။
ချာလီက အန်နီ့ကို အမှန်ပင် နားလည်ပေးနိုင်သူဟု အန်နီထင်သည်။

အန်နီး အကိုက အန်နီ့ကို နားလည်ပေးနိုင်တဲ့ တစ်ဦးတည်းသောသူပဲ
ချာလီး အန်နီလည်း ကိုယ့်အတွက် အဲဒီလိုပါပဲ
အန်နီက ကိုယ့်ကို သိမ်းပိုက်ထားတာလေ
အန်နီး :) သိပါတယ်
စကားပြောတော့ကောင်းတယ်နော်
ချာလီး မဟုတ်ပါဘူး
ကိုယ်စဉ်းစားတယ် သိလား
အန်နီ့ကို အဲဒီက ဘယ်ယောက်ျားလေးနဲ့မှ ရည်းစားမဖြစ်စေချင်ဘူးကွာ
ဖြစ်ရင်တော့ ကိုယ် အဲဒီကောင်ကို လာထိုးမိမှာပဲ
အန်နီး အကို့ကွန်ပြူတာက cam က ကောင်းသွားပြီလား
ဗီဒီယိုချက်မယ်လေ
ချာလီး ဟင့်အင်း မကောင်းသေးဘူး
ပြင်နေတာပဲ ကောင်းတော့မှာပါ
ကောင်းသွားရင်တော့ ပျော်စရာကြီးနော်
အန်နီး အကိုသာ ချီကာဂိုမှာ နေတာဆိုရင် သိပ်ကောင်းမှာပဲ
ချာလီး ကိုယ်လဲ နေချင်တာပေါ့
ဖြစ်နိုင်ရင် အန်နီ့ကို ချက်ချင်းတောင် လာတွေ့ချင်တယ်
တွေ့ဖြစ်ရင်လေ အန်နီ့ပါးလေးကို ဖွဖွလေး နမ်းမယ်နော်
ရမလား ???

အန်နီ၏ သေးသွယ်သော လက်ချောင်းကလေးများက ဖုန်းခလုတ်လေးများပေါ် တုန်ရီစွာ လှုပ်ရှားသွားသည်။

အန်နီး အင်းးးးး
ချာလီး တစ်နေ့နေ့ပေါ့နော်
ခုတော့ မိုးချုပ်နေပြီအန်နီ အိပ်တော့နော်
Good Night
အန်နီး Good Night

ထိုနေ့ညက ရင်ခုန်နေသောကြောင့် အန်နီအိပ်ပျော်ဖို့ အချိန်တော်တော်ယူလိုက်ရပါသည်။

(ဆက်ရန်)

ရှေ့မှ အပိုင်းများကို ပြန်ဖတ်ရန်
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၁)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၂)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၃)

Monday, July 2, 2012

TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၃)


(နှစ်ပေါင်းများစွာတည်ဆောက်ခဲ့တဲ့ ပျော်ရွှင်ဖွယ်ရာမိသားစုဘ၀လေးတစ်ခုကို သူစိမ်းတစ်ယောက်က ခဏတာအတွင်း ခိုးယူသွားခဲ့တယ်)


ကျောင်းမှာ ဘောလီဘောထရိန်နင်ဆင်းတော့လည်း အန်နီ အဆင်ပြေသည်။
ချာလီပြောသည့်အတိုင်းပင် ဘောလီဘောအသင်းနည်းပြဆရာက အန်နီ့ကို သတိပြုနေမိပြီဖြစ်သည်။
အန်နီက ပိန်ပိန်ပါးပါးမို့ အခြားသူများထက် သွက်လက်မြန်ဆန်မှုရှိသည်။ ဤသည်ကပဲ သူမ၏ အားသာချက်ဖြစ်သည်။
အားကစားလေ့ကျင့်ချိန်မှာ အားသာချက်ဖြစ်သ်ေလည်း အခြားအချိန်များတွင်မူ ဤသည်ကပင် အားနည်းချက်ဖြစ်သည်ဟု အန်နီထင်သည်။
အန်နီက အရပ်မပုသော်လည်း အန်နီနှင့် သက်တူရွယ်တူမိန်းကလေးများလောက် ခန္ဓာကိုယ်ပိုင်းဆိုင်ရာ ဖွံ့ဖြိုးမှုမရှိဟု သူမကိုယ်သူမ ယူဆသည်။
ထို့အတွက်ကြောင့် အခြားယောက်ျားလေးများကို ဆွဲဆောင်နိုင်မှုမရှိတာဟုအန်နီထင်သည်။
သူငယ်ချင်းများကြားတွင် အန်နီ့ပုံစံက ကလေးမလေးတစ်ယောက်လို ဖြစ်နေသည်။
အန်နီကတော့ မိန်းမပျိုလေးတစ်ယောက်ဖြစ်ချင်နေပါပြီ။
လေ့ကျင့်ခန်းများပြီးဆုံး၍ အိမ်ပြန်ရန် ကားစောင့်နေစဉ် အထက်တန်းကျောင်းကြီး၏ ပရိဝုဏ်ကို အန်နီဖြန့်ကျက်ကြည့်လိုက်သည်။
ချစ်သူစုံတွဲလေးများ ကြည်နူးနေကြသည်ကို အန်နီမြင်သည်။
စီနီယာကျောင်းသားကျောင်းသူစုံတွဲများလည်း ပါသလို သူမနှင့် သက်တူရွယ်တူအတွဲများကိုလည်း တွေ့ရသည်။
သူတို့ပျော်ရွှင်ကြည်နူးနေကြတာကို အန်နီအားကျသည်။
တစ်ခန်းတည်း စာသင်သော သူငယ်ချင်းမများအားလုံး အတွဲကိုယ်စီရှိကြသည် မဟုတ်သော်လည်း အန်နီ့စိတ်ထဲတွင်တော့ သူမနှင့် ဘရစ်တနီသာ အတွဲမရှိဖြစ်နေသလားဟု အန်နီထင်မိလေသည်။
တွေးမည့်သာ တွေးရသည်။
ပြောရလျှင် ဘရစ်တနီကတောင် အန်နီ့ထက်စာလျှင် မိန်းမပျိုတစ်ယောက်၏ ခန္ဓာကိုယ်ပိုင်းဆိုင်ရာ ဖွံ့ဖြိုးနှင့် ပြည့်စုံပါသေးသည်။
တွေးနေစဉ်မှာပင် အန်နီ့ဖုန်းထဲ ချာလီထံမှ စာဝင်လာသည်။
လေ့ကျင့်ခန်းဆင်းရာတွင် အဆင်ပြေမပြေ လှမ်းမေးခြင်းဖြစ်သည်။
" ဟေး...အန်နီ..."
အန်နီက အဆင်ပြေကြောင်း စာပြန်ရိုက်နေစဉ်မှာပင် ဘရစ်တနီလှမ်းခေါ်လိုက်သောအသံကြောင့် မော့ကြည့်လိုက်သည်။
ဘရစ်တနီက ကားတစ်စင်းပေါ်မှာ ပါလာသည်။
ကားမောင်းလာသူက အန်နီတို့ကျောင်းမှ ပေါ်ပြူလာစီနီယာကျောင်းသူတစ်ယောက် ဖြစ်သည်။
ကားက အန်နီ့ရှေ့တွင် လာရပ်သည်။
" အန်နီ.. ဒါဆီရီနာလေ.."
ဘရစ်တနီက မိတ်ဆက်ပေးသည်။
ဆီရီနာက အန်နီ့ကို ပြုံးပြီး ကြည့်သည်။
" နင်က ပီတာ့ ညီမလေးဆို..နင့်အကိုက တအားဆွဲဆောင်မှုရှိတယ်..မိုက်တယ်နော်.."
" အော်.. ဟုတ် ..ထင်တာပါပဲ..ကျေးဇူးတင်ပါတယ်.."
" အေးပါ.. ဒါနဲ့ သောကြာနေ့ကျရင် ငါ့အိမ်မှာ ပါတီလေးတစ်ခုလုပ်ဖို့ရှိတယ်.. နင့်ကို ဖိတ်ပါတယ်.."
အန်နီ့စိတ်ထဲ ကျေနပ်ဝမ်းသာသွားသည်။
" အော်..ဟုတ်..ကျေးဇူးပါဆီရီနာ.."
" နင့်အစ်ကို ကို ပြောလိုက်ဦးနော်...သူ့ကိုလဲ ဖိတ်တယ်လို့..."
ပြောပြောဆိုဆိုနှင့် ဆီရီနာတို့ကားသည် အန်နီ့အနားမှ ဖြေးညင်းစွာ ထွက်ခွာသွားလေသည်။
အန်နီ့အစ်ကို ပီတာက ကျောင်းမှာ စာလည်းတော်သည်၊ အနေလည်း အေးသည်မို့ ကျောင်းမှ အချို့ မိန်းကလေးများက စိတ်ဝင်စားကြသည်။
သည့်အတွက်ကြောင့် အန်နီလည်း မျက်နှာပွင့်သည်ပေါ့လေ။
အန်နီက ချာလီ့ဆီင်္ ချက်ချင်း စာရိုက်လိုက်သည်.. သူမကို ကျောင်းမှ ပေါ်ပြူလာမိန်းကလေးများမှ ပါတီတက်ရန် ဖိတ်သည့်အကြောင်း...။
ချာလီထံမှ စာပြန်လာသည်။
ချာလီး  ဖိတ်ခံရမှာပေါ့  မင်းကလည်း ကျောင်းမှာ ပေါ်ပြူလာမိန်းကလေးတစ်ယောက်ပဲ ဥစ္စာ
 အန်နီကြည်နူးမိပါသည်။

ထိုနေ့က အိမ်မှာ ညစာစားသည့်အချိန်ထိ ဖုန်းထဲမှတစ်ဆင့် ချာလီနှင့် chatting ပြောနေသည်မှာ စကားစမပြတ်။
မိသားစု ထမင်းဝိုင်းထိုင်နေပြီမို့ အန်နီ့မေမေ လင်း က လှမ်းဟန့်သည်။
" သမီး...ထမင်းစားပွဲမှာ အဲဒါတွေ လုပ်မနေနဲ့တော့လေ..."
" ဟုတ်.."
အန်နီက ပြန်ဖြေရင်း ညစာစားနေသော ညီမလေးကေတီကို လှမ်းပြောလိုက်သည်။
" ကေတီ..မမကို ဖုန်းနဲ့ ဓာတ်ပုံတစ်ပုံလောက် ရိုက်ပေးပါလား.."
ချာလီမှ ဓာတ်ပုံလှမ်းတောင်းသောကြောင့် ဖြစ်ပါသည်။
" ဟေ့..သမီး.. မေမေ ခုနက ဘာပြောထားလဲ.."
အန်နီ့ဖေဖေ ၀ီလ် က ပြောသည်။
" ဟုတ်ကဲ့ပါ ဖေဖေ.. သမီးက ချာလီဆီ ဓာတ်ပုံလေးပို့ချင်လို့ပါ..ရပါတယ်..နောက်မှပဲ ပို့တော့မယ်.."
အန်နီက ဖုန်းကို ပြန်သိမ်းလိုက်သည်။
" ဒီလောက်တောင်ဖြစ်နေတာ ...အဲဒီကောင်က ဘာမို့လို့လဲ..."
အန်နီ့ဘေးတွင် ညစာထိုင်စားနေသော ပီတာက မေးသည်။
" အင်း..သူက စမတ်ကျတယ်..ပြီးတော့ ခင်ဖို့ကောင်းတယ်..သူ့အစ်ကိုက ဘာကလေတက္ကသိုလ် ဘောလုံးအသင်းမှာ လက်ရွေးစင်..သူကတော့ အဲဒီတက္ကသိုလ်က ဘောလီဘောအသင်းမှာ လက်ရွေးစင်ဖြစ်ချင်တယ်တဲ့.."
" ဟင်း.. မိန်းကလေးတွေ ကစားတဲ့ အားကစားနည်းကြီးပါဟာ.."
ပီတာက နောက်သည်။
ကေတီလေးက သူ့အစ်ကိုကြီးစကားကို သဘောကျပြီး တဟီးဟီးနှင့် ရယ်သည်။
" သူ့မိဘတွေကရော ဘာလုပ်လဲ..."
အန်နီ့ဖေဖေ ၀ီလ်က မေးသည်။
" သူ့အမေက ကလေးစိတ်ရောဂါ ကုသပေးတဲ့ ဆရာမ၊ သူ့အဖေက ESPN အားကစား TVလိုင်းမှာ လုပ်တယ်.."
" အော်..သမီးရယ်..ကြည့်ရတာ ဒီကောင်လေးတော့ ဖေဖေ့ဆီက အမှတ်တွေ ရကုန်ပြီနဲ့ တူပါတယ်.."
ဖေဖေက ပြုံးရွှင်စွာ နောက်လေသည်။


ထိုနေ့ညက ချာလီထံပို့ဖို့အတွက် လက်ပ်တော့မှ webcam နှင့်ပဲ အန်နီက သူမကိုယ်သူမ ဓာတ်ပုံရိုက်သည်။
ဆယ်ပုံ၊ ဆယ့်ငါးပုံလောက် ရိုက်တာတောင် သူမပုံတွေကို သူမ သဘောမကျမိ၊ ပုံတိုင်း ရုပ်ဆိုးနေသလို ခံစားရသည်။
ချာလီထံ ပို့ဖို့က သူမရဲ့ အလှဆုံးဓာတ်ပုံ ဖြစ်နေဖို့ လိုမည်။
နောက်ဆုံးတော့ အကြိုက်ဆုံးဓာတ်ပုံတစ်ပုံရွေးပြီး ပို့လိုက်ပါသည်။

(ဆက်ရန်)

ရှေ့မှ အပိုင်းများကို ဖတ်ရန်
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၁)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၂)

Sunday, July 1, 2012

TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၂)

(နှစ်ပေါင်းများစွာတည်ဆောက်ခဲ့တဲ့ ပျော်ရွှင်ဖွယ်ရာမိသားစုဘ၀လေးတစ်ခုကို သူစိမ်းတစ်ယောက်က ခဏတာအတွင်း ခိုးယူသွားခဲ့တယ်)

အန်နီသည် မွေးနေ့ပွဲပြီးသွားပြီး ဧည့်သည်များပြန်သွားသည်နှင့် တစ်ပြိုင်နက် ဖေဖေ့လက်ဆောင် Notebook ကိုပိုက်ပြီး အပေါ်ထပ်မှ သူမအခန်းရှိရာသို့ ပြေးတက်သည်။
Notebook ကို အင်တာနက်နှင့် ချိတ်သည်။
အင်တာနက်ရသည်နှင့် တပြိုင်နက် chatting ကို စဖွင့်သည်။
ဒီနေ့ အန်နီက ချာလီနှင့် ချိန်းထားတာရှိသည်လေ။ နောက်တောင် ကျနေပြီလားမသိ။
ချာလီဆိုတာက အန်နီ အင်တာနက်ကို ဖုန်းနှင့် သုံးနေစဉ်ကတည်းက ရင်းနှီးနေသော သူငယ်ချင်းဖြစ်သည်။
အန်နီက ဘောလီဘောအားကစားကို ၀ါသနာပါသည်မို့ ဘောလီဘောဝါသနာပါသည့် အထက်တန်းကျောင်းပေါင်းစုံ ကျောင်းသားကျောင်းသူများ စုစည်းထားသော အင်တာနက် group တစ်ခုထဲမှာ member ၀င်ထားသည်။
အန်နီက ကျောင်းလက်ရွေးစင်ဘောလီဘောအသင်းထဲ ပါဝင်လိုသည်ဖြစ်သောကြောင့် ထို group ထဲတွင် အကြံဥာဏ်များကို ရံဖန်ရံခါ တောင်းလေ့ရှိသည်။
တော်တော်များများက အကြံပေးကြပါသည်။
အချို့ကတော့ ပြောင်ချော်ချော်လုပ်တတ်သည်။
ထိုသို့သော သူမျိုးဆိုလျှင်တော့ အန်နီက ချက်ချင်းဘလော့လုပ်ပစ်လိုက်သည်။
အကြံပေးသူများထဲတွင် ချာလီ၏ အကြံပေးမှုများကတော့ အထိရောက်ဆုံးဖြစ်သည်။
လေ့ကျင့်ခန်းဆင်းချိန်များတွင် ဆရာသတိပြုမိအောင်နေ၊ သူများထက် ပိုပြီး မြင့်မြင့် ခုန်နိုင်အောင် ကြိုးစား စသည်ကအစ ဘာတွေစား၊ ဘာတွေသောက်အထိ အကြံပေးတတ်သည်။
group ထဲမှာတော့ ချာလီက အန်နီ့အတွက် အခင်ဆုံး၊ အကောင်းဆုံး သူငယ်ချင်းဖြစ်သည်။
အန်နီနှင့် ချာလီသည် ညတိုင်းလိုလို မအိပ်ခင် chatting ထဲမှာ စကားပြောဖြစ်ကြသည်။
ယနေ့သည် အန်နီ့မွေးနေ့မို့ စာကားပြောဖြစ်ရန် ပို၍အရေးကြီးသည်လေ။
အန်နီ chatting ထဲမှာ စိတ်ရောက်နေတုန်း ဖေဖေ အခန်းဝရောက်နေသည်ကိုပင် မသိလိုက်။
" သမီးရေ...ဆယ့်တစ်နာရီကျော်နေပြီလေ...အိပ်ချိန်ရောက်ပြီနော်.."
ဖေဖေက ဖွင့်ထားသော တံခါးကို ခေါက်ရင်း လှမ်းပြောသည်။
အန်နီက ထိုင်နေရာမှ နောက်လှည့်ကြည့်လိုက်ရင်း...
"ဟုတ် ဖေဖေ...နောက်ထပ်ငါးမိနစ်လောက်ပါ..ဒီနေ့မွေးနေ့မို့ပါဖေဖေရယ်...နော်..."
" ဟုတ်ပါပြီဗျာ... ၁၁း၁၅ထိကွာ...နော်..ဟုတ်ပြီလား..."
" ဟုတ်..."
အန်နီက Notebook ဘက် ပြန်မျက်နှာမူလိုက်ရင်း ကီးဘုတ်မှတစ်ဆင့် စာတွေထပ်ရိုက်နေသည်။
ဖေဖေက စိတ်ဝင်စားသွားပြီး အခန်းထဲ ၀င်လာသည်။
" ဘာတွေလုပ်နေတာလဲ သမီးရဲ့..."
" ချက်တင်တက်နေတာလေ ဖေဖေရဲ့... ။ ကယ်လီဖိုးနီးယားက သမီးသူငယ်ချင်း ချာလီနဲ့ပါ...။ သူက သူ့အထက်တန်းကျောင်းမှာ ဘောလီဘောအသင်း လက်ရွေးစင်လေ..."
" ဟာ...ဟုတ်လား...တယ်တော်ပါလား..."
ဖေဖေက အန်နီ့ပခုံးပေါ်မှ ကျော်ကြည့်ရင်း ပြောသည်။
" အလဲ့...LOL...အကျယ်ကြီးရယ်သည်ပေါ့...ဟုတ်လား..."
" ဖေဖေက တယ်ဟုတ်ပါလား...သိတယ်ပေါ့..."
အန်နီက ပြုံးပြီး ပြောလိုက်ရင်း စာထပ်ရိုက်လိုက်သည်....PWOMS...။
" ဘာတုန်းဟ...ပ၀မ်းစ်ဆိုတာ..."
" Parent watching over my shoulder လေ..."
" သူက ဘာပြန်ရေးတာလဲ..."
" M2 လေ... Me too တဲ့..."
ဖေဖေရောက်နေတာကို ခုနက ပြောလိုက်၍ ထင်သည်။ ချာလီက နှုတ်ဆက်စကားပြောလာသည်။
အန်နီကတော့ ဆက်ပြောနေချင်သေးသည်။
နေပါဦးဟု စာရိုက်လိုက်ရင်း ဖေဖေ့ကို ပြောလိုက်သည်။
" ဖေဖေ..မေမေ့ကို သူ့အလုပ်အခြေအနေ ကောင်းမကောင်း သွားမမေးချင်ဘူးလား..ဟီးးး...."
" ဟားဟား..ကောင်းပါပြီဗျာ...သွားဆိုလည်း သွားပေးပါ့မယ်..."
ဖေဖေက ပြောရင်း အန်နီနဖူးလေးကို ကုန်းနမ်းလိုက်သည်။
" ကောင်းသောမွေးနေ့ညကလေး ဖြစ်စေပါကွာ..."
ပြောပြီးသည်နှင့် ဖေဖေ အခန်းအပြင်ဘက်ထွက်သွားလေသည်။
ထိုနေ့ညက အန်နီမွေးနေ့မို့ ခါတိုင်းညတွေထက် ချာလီနှင့် chatting ပြောတာ ပိုကြာသွားသည်။
၁၁း၁၅ပင် ကျော်သွားသေးသည်ဟု ထင်ပါသည်။ 
(ဆက်ရန်)


ရှေ့မှ အပိုင်းများကို ဖတ်ရန် 

TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၁)

ဒီဝတ္ထုလေးကတော့ ကျွန်တော်ကိုယ်တိုင်ရေးတာပါ။ မနေ့က သူငယ်ချင်းတို့ကို မိတ်ဆက်ပေးခဲ့တဲ့ TRUST ဆိုတဲ့ ဇာတ်ကားလေးကို မြန်မာလို ပြန်ရေးဖို့ ကြိုးစားထားတာဖြစ်ပါတယ်။
ဘာသာစကားအခက်အခဲကြောင့်ရော၊ ကျွန်တော်ဟာ စာရေးဆရာတစ်ယောက် မဟုတ်တဲ့ အတွက်ကြောင့်ရော ရေးရတာ သိပ်တော့ အဆင်ပြေလှတယ် မဟုတ်ပါဘူး။
စာဖတ်သူများ ဖတ်ရတာ ချောချောမွေ့မွေ့ မဖြစ်ခဲ့ရင် တောင်းပန်ပါတယ်။
ဇာတ်ကားထဲက ဇာတ်လမ်းကို ပြန်ရေးတယ်ဆိုပေမယ့် ဇာတ်ကွက်တွေရော၊ စကားလုံးတွေရော ထပ်တူညီလိမ့်မယ် မဟုတ်ပါ။
ကျွန်တော့်မှာ ရှိသလောက် အစွမ်းအစနဲ့တော့ အဆင်ပြေအောင် အတတ်နိုင်ဆုံး အားထုတ်ထားကြောင်းပါခင်ဗျာ။


(နှစ်ပေါင်းများစွာတည်ဆောက်ခဲ့တဲ့ ပျော်ရွှင်ဖွယ်ရာမိသားစုဘ၀လေးတစ်ခုကို သူစိမ်းတစ်ယောက်က ခဏတာအတွင်း ခိုးယူသွားခဲ့တယ်)

 ထိုနေ့က အန်နီ၏ ၁၄နှစ်မြောက် မွေးနေ့ဖြစ်သည်။
မွေးနေ့ပွဲလေး လုပ်ဖြစ်ခဲ့သော်လည်း ကြီးကြီးကျယ်ကျယ်တော့ မဟုတ်ပါ။
မွေးနေ့ပွဲတက်ရောက်သူများမှာ အန်နီ့မေမေဘက်မှ ဖိုးဖိုးနှင့်ဖွားဖွားရယ်၊ မေမေ့ညီမ အန်တီနီကိုးရယ်၊ အန်နီအချစ်ဆုံးသူငယ်ချင်း ဘရစ်တနီရယ်၊ ပြီးတော့ အန်နီရဲ့ ပျော်ရွှင်ဖွယ်ရာ ချစ်စရာ မိသားစုလေးဖြစ်သော ဖေဖေရယ်၊ မေမေရယ်၊ အန်နီ့အစ်ကိုကြီး ပီတာရယ်၊ အန်နီညီမလေး ကေတီရယ်နှင့် အန်နီကိုယ်တိုင်တို့ပင် ဖြစ်ကြပါသည်။
မွေးနေ့ပွဲညလေးကတော့ အမှန်ပင် ပျော်စရာကောင်းပါသည်။
အန်နီ့မေမေ တစ်ညနေလုံး ပြင်ဆင်ခဲ့သည့် စားသောက်ဖွယ်ရာများကို စားသုံးရင်း မိသားစုစကားတပြောပြောနှင့် ပွဲကို စတင်ခဲ့သည်။
ဘရစ်တနီဆိုတာကလည်း မိသားစုဝင်တစ်ဦးကဲ့သို့ဖြစ်နေပြီမို့ သူစိမ်းတစ်ယောက်မှ မပါသော မွေးနေ့ပွဲလေးက ရင်းနှီးမှုအပြည့်ဖြင့် ပျော်ရွှင်ကြည်နူးဖွယ်ရာပင် ဖြစ်လေသည်။
အားလုံး စားသောက်၍ ပြီးစီးခါနီးမှပင် အန်တီနီကိုးက သူမ၏လက်ဆောင်ဗူးလေးကို အန်နီ့ကို လှမ်းပေးသည်။
ဗူးလေးကို ဖောက်ကြည့်လိုက်တော့ သေးသွယ်ကျစ်လစ်သော 925ဆွဲကြိုးလေးတစ်ကုံးဖြစ်ပါသည်။
"ဟယ်...လှလိုက်တာဟယ်..."
ဘရစ်တနီက ဆွဲကြိုးလေးကို ကိုင်ကြည့်ရင်းပြောသည်။
အန်နီလည်း တကယ်ကြိုက်ပါသည်။
အန်တီနီကိုးကတော့ မိန်းမငယ်လေးတွေအကြိုက်ကို တကယ်သိသည်။
အင်းပေါ့လေ...သူလဲ သည်အချိန်တွေ၊ သည်အရွယ်တွေကို ဖြတ်သန်းလာခဲ့တာပေပဲ။
"ကျေးဇူးတင်ပါတယ်အန်တီနီကိုး၊ သမီးတကယ်ကြိုက်ပါတယ်..ဒါလေးကို..."
ပြုံးရွှင်နေသော အန်နီက သူ့အန်တီကို ကျေးဇူးတင်စကားဆိုသည်။
" လည်ပင်းမှာ မဆွဲဘဲ လက်မှာ နှစ်ပတ်လောက်ပတ်ပြီး လက်ကောက်လိုဝတ်ရင် စတိုင်ပိုကျန်မယ်ဟဲ့..သိလား.."
အန်နီ့ဘေးမှာ ထိုင်နေသော ဘရစ်တနီက အန်နီ့ကို တံတောင်နှင့်တွက်ရင်း ပြောသည်။
"အန်နီတော့ ဒီနေ့ထောတာပဲဟေ့.."
ပီတာက ပြောရင်းနှင့် ထိုင်ရာမှ ထထွက်သွားသည်။
မွေးနေ့လက်ဆောင်သွားယူတာပဲဖြစ်မည်။
"ဒါဖြင့် ညည်းတို့သူငယ်ချင်းနှစ်ယောက်က အထက်တန်းကျောင်းသူကြီးတွေ ဖြစ်ကြပြီပေါ့.."
ဖွားဖွားက လှမ်းမေးသည်။
"ဟုတ်ကဲ့ ဖွားဖွား.."
"ဒီလိုပါပဲ ဖွားဖွားရယ်..။ အထက်တန်းသာ တက်သွားတာပါ၊ ကျောင်းမှာရှိတဲ့သူတွေကလည်း တော်တော်များများ မြင်ဖူးတွေ့ဖူးပြီးသား လူတွေချည်းပါပဲ.."
အန်နီက ပြန်ဖြေသည်။
အန်နီစကားပြောနေစဉ်မှာပင် ပီတာပြန်ရောက်လာသည်။
လက်ထဲမှာတော့ အိတ်လေးတစ်လုံးနှင့်..။
"ဒီမှာ အန်နီ...ရော့..."
ပီတာလှမ်းပေးတာကို အန်နီက လှမ်းယူလိုက်ပြီး အိတ်ထဲမှပစ္စည်းကို ထုတ်လိုက်သည်။
ကြိုးပါးလေးသာပါသော အနက်ရောင် အင်္ကျီတစ်ထည်ဖြစ်ပါသည်။
"The Hills ဇာတ်လမ်းတွဲထဲက မင်းသမီးဝတ်တဲ့ အင်္ကျီလေဟာ...နင်ကြိုက်တယ်ဆိုလို့..."
ပီတာက ဘေးမှာ ထိုင်ချလိုက်ရင်း ပြောလိုက်သည်။
"အင်း...ကြိုက်တယ်..."
"ဟေ့..ဟေ့.. The Hillsထဲက မင်းသမီးတွေက နင်တို့ အတုယူဖို့ကောင်းတဲ့ဟာတွေ မဟုတ်ဘူးနော်..."
မေမေက လှမ်းဟန့်လိုက်သေးသည်။
အန်နီကတော့ ဘာပဲပြောပြော သူ့အစ်ကိုကြီးပေးသည့် လက်ဆောင်ကို သဘောကျသည်။
အစ်ကိုကြီးက သူ့ညီမလေးတွေကြိုက်တတ်တာကို မှတ်ထားပြီး သူ့မုန့်ဖိုးသူစု ၀ယ်ပေးနေကျမို့ အစ်ကိုကြီးက တအားချစ်ဖို့ကောင်းပါသည်။
"မင်းဟာကလည်း လည်ပင်းမဟိုက်လွန်းဘူးလားကွာ.."
ဖေဖေက ဝေဖန်ပြန်သည်။
"အာ.. အစ်ကိုကြီးကလဲ..အန်နီက ဆယ့်လေးနှစ်တောင် ရောက်နေပြီပဲဥစ္စာ.."
အပျိုကြီးအန်တီနီကိုးက ဒါမျိုးကျ အားကိုးရသည်။
"ကျေးဇူးနော်ကိုကြီး..ဟီး..."
အန်နီက ပီတာ့ကို ကျေးဇူးတင်စကားပြောပြီးနောက် ဖေဖေ့ကို လှမ်းကြည့်လိုက်သည်။
ဖေဖေအကြည့်လွှဲသွားသည်။
အန်နီသဘောပေါက်လိုက်သည်..ဖေဖေမသိချင်ယောင်ဆောင်နေပြီ။
"ဖေဖေ..ပေးလေ.."
"ဟ...ဘာတုန်းဟ...ဘာပေးရမှာလဲ..."
"အာ..ဖေဖေကလဲ...လုပ်ပါ..."
အန်နီပြောမှ ဖေဖေက ရယ်ဖြဲဖြဲနှင့် ဗီရိုထဲမှ လက်ဆောင်ထုပ်ကို ထုတ်လာသည်။ ပြီးတော့ အန်နီကို လှမ်းပေးလိုက်သည်။
ဘာလဲတော့ မသိ..။လေးတော့ အတော်လေးသည်။
"သေတ္တာကြီးတစ်လုံးပေါ့ကွာ..ဟုတ်လား.."
ဖေဖေက ပြုံးရွှင်စွာဖြင့် နောက်လိုက်သည်။
အန်နီက ပျော်ရွှင်စွာဖြင့်ပြုံးရယ်ရင်း လက်ဆောင်ထုပ်ကို ဖောက်လိုက်သည်။
ဟာ.. Notebook တစ်လုံးပါလား...။
" အဲဒါ Macbook တံဆိပ်အသစ်လေ..။ 4G ဟာ့ဒ်ဒစ်ခ် နဲ့ 2.23 gigahertz processor ပါတယ်.."
ဖေဖေက အန်နီပြုံးပျော်နေသည်ကို ကြည်နူးစွာကြည့်ရင်း ပြောသည်။
မေမေက ဖေဖေ့ကို ပြုံးစိစိနှင့် ကြည့်သည်။
"ဒီလူကြီး ဘာတွေရွတ်နေတာတုန်း.."
"ဟ.. ဒါလောက်တော့ ငါသိပါတယ်အမေကြီးရဲ့...ငါငတုံးမှ မဟုတ်တာ.."
အန်နီက Notebook ကိုဖွင့်လိုက်တော့ desktop background ပေါ်မှာ အန်နီ့ပုံလှလှလေးကို တင်ထားပေးသည်။
အန်နီ့မွေးနေ့ပွဲလေးသည် ပျော်ရွှင်စွာရယ်မောသံများဖြင့် ဖုံးလွှမ်းသွားလေသည်။




Friday, June 29, 2012

အင်တာနက်သုံးတဲ့ မိန်းကလေးများကို ကြည့်စေချင်သော ဇာတ်ကားတစ်ကားနှင့် ကျွန်တော်သုံးသော ရုပ်ရှင်ရယူနည်း

ဘလော့လေးကိုလဲ ပစ်ထားသလိုဖြစ်နေတာ ကြာပါပြီ။
ခုမှပဲ ပြန်ကိုင်ဖြစ်တော့တယ်။ ကဲ....ထားပါတော့။
ဇာတ်ကားလေးတစ်ကားအကြောင်း ပြောပြပါမယ်။
အဲဒီဇာတ်ကားကို ကောင်းတယ်လို့ အစ်မကြီးတစ်ယောက်ပြောထားတာ တွေ့ဖူးလို့ ဒေါင်းထားတာတော့ ကြာပါပြီ။ ကြည့်ဖြစ်တာတော့ မကြာသေးဘူးဗျ။
ဇာတ်ကားနာမည်က TRUST တဲ့...ကျွန်တော်ကတော့ မြန်မာလို အချစ်ဟုယုံကြည်ခဲ့သည် လို့ နာမည် ပေးထားပါတယ်။
သိပ္ပံဇာတ်ကားလဲ မဟုတ်ဘူး၊ ၀ိဇ္ဇာဇာတ်ကားလဲ မဟုတ်ဘူး၊ အက်ရှင်၊ ဟာသကားတွေလဲ မဟုတ်ပါဘူး။
မိသားစုဒရမ်မာဇာတ်ကားလေးလို့ ပြောလို့ရမယ်ထင်ပါတယ်။
ဇာတ်ကားလေးက အသက်ဆယ့်လေးနှစ်အရွယ် မိန်းကလေးတစ်ယောက်ရဲ့ ပျော်ရွှင်စရာ မိသားစုဘ၀လေးအကြောင်းကနေ စတင်အခြေပြုထားပါတယ်။
နောက်ပိုင်းမှာ ကောင်မလေး အင်တာနက်စသုံးတဲ့အချိန်မှာ ပြဿနာတွေ တက်လာတော့တာပါပဲ။
အပြင်လောကက အတိုင်းပဲပေါ့လေ၊ အင်တာနက်ပေါ်မှာ လူတစ်ယောက်နဲ့တွေ့တယ်၊ သူ့ရဲ့ အပြောတွေအောက်မှာ သာယာသွားတယ်၊ နောက်ဆုံး အပြင်မှာ တွေ့တဲ့ထိပေါ့။
ကောင်မလေးနဲ့ အဲဒီလူတွေ့တဲ့အခါ အဲဒီလူရဲ့ အသက်ဟာ ကောင်မလေးထက် နှစ်၂၀လောက် ပိုကြီးကြောင်း သိလိုက်ရပါတယ်။
ဒါပေမယ့် အပြောကောင်းတဲ့ ဟန်ဆောင်ကောင်းတဲ့ ပရိယာယ်ကြွယ်ဝသူဆီကနေ ရိုးသားဖြူစင်လွန်းတဲ့ ကလေးလေးတစ်ယောက်ဟာ ရုန်းထွက်လို့ မလွယ်တော့ပါဘူး။
ဒီလိုနဲ့ပဲ (ရှင်းရှင်းပြောရရင်) ကောင်မလေးဟာ ကာမလိမ်လည်ရယူမှု ခံလိုက်ရပါတယ်။
ဒါပေမယ့် ကောင်မလေးစိတ်ထဲမှာတွေးတာကတော့ ဒါဟာ ချစ်သူကို ချစ်လို့ ပေးဆပ်တာပါတဲ့။
ကောင်မလေးရဲ့ အဖေနဲ့အမေသိသွားတဲ့အခါမှာတော့ မခံမရပ်နိုင်ဖြစ်ပြီး ဒါဟာ မုဒိမ်းမှုပဲလို့ ခံယူပြီး တရားခံကို အပူတပြင်းလိုက်ရှာကြရင်းနဲ့ မိသားစု ပြဿနာပေါင်းစုံတက်ကြတဲ့အကြောင်းပါ။
ကောင်မလေးရဲ့ ပတ်ဝန်းကျင်တစ်ခုလုံးက ဒါဟာ အနိုင်ကျင့်ခံရတာ၊ မုဒိမ်းမှု၊ ကာမလိမ်လည်ရယူတာ၊ ကလေးသူငယ်နှိပ်စက်ညှင်းပန်းမှု စသဖြင့် ယူဆကြပေမယ့် ကောင်မလေးကတော့ ဒါဟာ အချစ်ပဲလို့ ခံယူခဲ့ပါတယ်။
ဖခင်ဖြစ်သူရဲ့ တရားခံကို ဖမ်းဆီးဖို့ ကြိုးပမ်းမှုကိုလည်း အကူအညီမပေးခဲ့ပါဘူး။
နောက်ပိုင်းမှာ ကောင်မလေးရဲ့ချစ်သူဆိုသူရဲ့ ယုတ်မာရိုင်းစိုင်းမှုတွေကို သိလာပြီး ဒီလိုမျိုး ခံရတဲ့သူတွေဟာ သူတစ်ယောက်တည်းမဟုတ်ကြောင်း သိလာခဲ့ရပါတယ်။
နောက်ဆုံးမှာတော့ ကောင်မလေးရဲ့ ဗီဒီယိုဖိုင်ဟာ သူမရဲ့ဖုန်းနံပါတ်နဲ့ တွဲပြီး အင်တာနက်ပေါ်ရောက်လာတဲ့အခါမှာတော့ ကောင်မလေးဟာ လောကကြီးထဲက စွန့်ခွာဖို့ ဆုံးဖြတ်လိုက်ပါတော့တယ်။
ဇာတ်ကားလေးကတော့ ဒါပါပဲပေါ့လေ။
ကျွန်တော်က ဇာတ်ကားကို ပေါ်လွင်လာအောင် မရေးတတ်လို့ပါ။ ဇာတ်ကားလေးက တကယ်ကို ကောင်းပါတယ်။
အထူးသဖြင့် အင်တာနက်သုံးတဲ့ မြန်မာမိန်းကလေးတွေ ကြည့်ဖို့သင့်တော်တယ်လို့ ယူဆပါတယ်။
နည်းနည်းကြမ်းတဲ့ ဇာတ်ကွက်လေးတွေတော့ ပါတာပေါ့လေ။ ဒါပေမယ့် ကျွန်တော်တို့ ငယ်ငယ်က တမ်းတမ်းစွဲကြည့်ခဲ့တဲ့ တိုက်တန်းနစ်ဇာတ်ကားထဲက ဇာတ်ကွက်တွေလောက်တောင် မကြမ်းပါဘူး။
ဒါကတော့ ဇာတ်ကားအကြောင်းပေါ့လေ။
ဇာတ်ကားတော့ပြောပြီး ရုပ်ရှင်ဒေါင်းဖို့လင့်မပေးဘူးဆိုပြီး စိတ်ဆိုးကြမှာစိုးလို့ ကျွန်တော်သုံးနေကျ အင်တာနက်ပေါ်က ရုပ်ရှင်ရယူနည်းလေး တစ်ခါတည်းပေးလိုက်ပါတယ်။
(ဗိုက်ဆာနေတဲ့သူကို ငါးတစ်ကောင်ပေးလိုက်တာဟာ သူ့အတွက် ခဏတာပဲ အဆင်ပြေစေပြီး ငါးဖမ်းနည်းသင်ပေးလိုက်တာကတော့ သူ့အတွက် တစ်သက်တာပါတဲ့နော်....:P)
ကျွန်တော် ဇာတ်ကားတွေကို လိုက်ရှာ လိုက်ဒေါင်းတာကတော့ Torrent နဲ့ပါ။
မြင်ရလားမသိဘူး၊ ကျွန်တော်က ဒါမျိုးတွေ ကျွမ်းဘူးလေ ဟီးးးးးး
အစိမ်းရောင်လေးပေါ်နေတာလေးနော် အဲဒါ Torrent ပါ။
ပထမဆုံး google search box မှာ torrent software free download လို့ ရိုက်ရှာလိုက်ပါ။
ပြီးရင်တော့ ကိုယ့်စက်နဲ့ အဆင်ပြေမယ့် ဆော့ဖ်ဝဲလ်တစ်ခု ရှာပြီး ဒေါင်း၊ ပြီးရင် တင်ထားလိုက်ပေါ့နော်။
ဆော့ဖ်ဝဲလ်တင်ပြီးရင်တော့ ရုပ်ရှင်ရှာဖို့ပါ။
ခုနလိုပဲ google search box မှာ ကိုယ်ရှာချင်တဲ့ ရုပ်ရှင်ဇာတ်ကားနာမည်ကို ရိုက်ထည့်ပြီး ရှာပါမယ်။
ကျွန်တော်ကတော့ TRUST ကိုရှာမှာမို့ အဲဒါပဲ ရိုက်ထည့်ပါမယ်။
ကျလာတဲ့ လင့်တွေထဲကမှ ကျွန်တော်ထိပ်ဆုံးတစ်ခုကို ရွေးလိုက်ပါတယ်။
အဲဒီအခါ ဒီနေရာကို ရောက်သွားပါတယ်။
အဲဒီမှာ သံလိုက်လို သင်္ကေတလေးနဲ့ GET THIS TORRENT ဆိုတာလေး ကို နှိပ်လိုက်ပါ။
ဒီ box လေး တက်လာပါလိမ့်မယ်။
OK ကို နှိပ်လိုက်တာနဲ့  torrent software က သူ့ဘာသာ ဒေါင်းလုဒ် လုပ်နေပါပြီ။
ဒေါင်းလုဒ်ပြီးတဲ့အခါ ဒေါင်းပြီးကြောင်း ကိုယ့်ဆီကို အကြောင်းကြားပါလိမ့်မယ်။
ကျွန်တော်သုံးနေကျ ရုပ်ရှင်ဒေါင်းနည်းလေးပါ။
တစ်ဆက်တည်း ကိုယ်ဒေါင်းတဲ့ ရုပ်ရှင်နဲ့ အဆင်ပြေတဲ့ subtitle ဒေါင်းနည်းကို တစ်ခါတည်း ပြောပြသွားပါမယ်။
(ကိုယ်ဒေါင်းထားတဲ့ ဗီဒီယိုဖိုင်နဲ့ subtitle နဲ့ မကိုက်ညီရင် ရုပ်တခြား၊ စာတန်းတခြားဖြစ်နေတတ်တာမို့ အင်မတန်ဖီးလ်ပျက်ပါတယ်။)
ခုနက ဒေါင်းပြီးသွားတဲ့ ရုပ်ရှင် folder ရှိတဲ့နေရာကို သွားပါ။

ပုံမှာ ပြထားတဲ့အတိုင်း folder name ကို ထောက်ပြီး ကော်ပီလုပ်လိုက်ပါ။
ပြီးတော့ google search box မှာ Trust.2010.DVDRip.XviD-EVO eng subtitle free download လို့ ရိုက်ထည့်လိုက်ပါ။
 ကျလာတဲ့လင့်ခ်တွေထဲက တစ်ခုကို ရွေးပြီး ဒေါင်းလိုက်ရုံပါပဲ။
ကျွန်တော်က တတိယတစ်ခုကို ရွေးလိုက်ပါမယ်။
အောက်ကလင့်ခ်ကို ရောက်သွားပါတယ်။
download subtitles ဆိုတာကိုနှိပ်လိုက်ပါတယ်။
အောက်ပါလင့်ခ်ကို ထပ်ရောက်သွားပါတယ်။
ငါးစက္ကန့်လောက်စောင့်လိုက်ပါ။
click here to download subtitles ဆိုတာ ပေါ်လာမှ နှိပ်လိုက်ပါ။ ပြီးရင်တော့ ဒေါင်းလုဒ်လုပ်လို့ ရပါပြီ။
နောက်ဆုံးမှာတော့ ကျွန်တော်တို့ဒေါင်းထားတဲ့ ဗီဒီယိုဖိုင်နဲ့ ကိုက်ညီမှုရှိတဲ့ subtitle ကို ရပြီဖြစ်ပါတယ်။
ကိုယ့်အသုံးပြုမယ့် player ပေါ်မူတည်ပြီးတော့ subtitle သွင်းပြီး ကြည့်လို့ရပြီဖြစ်ပါတယ်ခင်ဗျာ။
(ကျွန်တော်ဟာ ကွန်ပြူတာနည်းပညာနဲ့ ပတ်သက်လို့ နကန်းတစ်လုံးမှ မသိဘူးလို့ ခံယူထားပါတယ်။ ဆရာ မဟုတ်ပါ။ သူငယ်ချင်းများ အဆင်ပြေစေဖို့ တင်ပြပေးခြင်းသာဖြစ်ပါတယ်။)




Saturday, June 9, 2012

မဟာနွယ် (ရခိုင်တေးသီချင်း - ရခိုင်အမျိုးသားအဆိုတော် ၀င်းကိုခိုင်)


သီချင်းနာမည်က မဟာနွယ်ဖြစ်ပါတယ်။
သီဆိုသူကတော့ ရခိုင်အမျိုးသားအဆိုတော် ၀င်းကိုခိုင် ဖြစ်ပါတယ်။ သူ့အကြောင်းကိုတော့ ရခိုင်သူ၊ ရခိုင်သားတိုင်းသိကြမယ်ထင်ပါတယ်။ အကျယ်ချဲ့မပြောတော့ပါဘူး။
ကျွန်တော်အရင်က ပို့စ်တွေရေးပြီးတင်တိုင်း ပြင်ပ effect တွေ မပါအောင်၊ ကိုယ့်စိတ်ခံစားချက်တွေမပါအောင် အတတ်နိုင်ဆုံး ကြိုးစားပြီး ရေးတင်ခဲ့တာပါ။
ခုတော့မရတော့ဘူး၊ ဒီသီချင်းလေးတင်လိုက်ပြီ၊ ဒီသီချင်းကို တင်ဖို့စဉ်းစားထားတာ လနဲ့ချီရှိပါပြီ။
ခုမှတင်ဖြစ်တော့တယ်။
ကျွန်တော် ကိုယ့်ကိုကိုယ် မြန်မာလို့ ခံယူထားတဲ့ မြန်မာတိုင်းကိုချစ်ပါတယ်။
ရခိုင်လဲ မြန်မာ၊ ဗမာလဲ မြန်မာ၊ ချင်းလဲမြန်မာ၊ ကချင်လဲ မြန်မာ မြန်မာတိုင်းရင်းသားတိုင်း မြန်မာပါပဲ။
ရခိုင်ကိုလဲ ချစ်တယ်၊ မွန်ကိုလဲ ချစ်တယ်၊ ရှမ်းကိုလဲ ချစ်တယ်၊ ကယား၊ကရင်တို့ကိုလဲ ချစ်တယ် ........မြန်မာလို့ခံယူထားတဲ့ မြန်မာတိုင်းကို ချစ်တယ်။
ခုချိန်မှာ အဖြစ်ချင်ဆုံးဆန္ဒကတော့ ရခိုင်ပြည်နယ်မှာ ရခိုင်သူ၊ ရခိုင်သားများနဲ့ အေးအတူ ပူအမျှ နေထိုင်ချင်မိနေတာပါပဲ။