အောင်မြင်သူတစ်ဦး ဖြစ်ဖို့ အချက် ၈ ချက်

လွန်ခဲ့တဲ့ ဆယ်နှစ်တုန်းကပေါ့ဗျာ။
ကျွန်တော်ဟာ လေယာဉ်နဲ့ ခရီးတစ်ခု ထွက်ခဲ့တုန်းကပေါ့။
ကျွန်တော့်ဘေးမှာ ထိုင်နေသူက ဆယ်ကျော်သက်အရွယ် ကလေးမလေးတစ်ဦးပါ။ သူမကို ကြည့်ရတာ နွမ်းပါးတဲ့ မိသားစုက ထင်ပါရဲ့။ ဒါပေမယ့် သူမကတော့ ဘ၀မှာ တစ်စုံတစ်ခုသော အဆင့်ရောက်ဖို့အထိ ရည်မှန်းထားပုံပါ။ သူမက ကျွန်တော့်ကို ရိုးရှင်းတဲ့ မေးခွန်းတစ်ခုမေးပါတယ်။
" ဘယ်အရာကများ ဘ၀မှာ အောင်မြင်ရအောင် လုပ်ဆောင်ပေးနိုင်ပါသလဲ " တဲ့။
ကျွန်တော် သူမကို အောင်မြင်မှုရအောင် ဘာလုပ်ရမယ်လို့ မပြောနိုင်ခဲ့ပါဘူး။ ယုတ်စွအဆုံး ကျွန်တော် ဘယ်လိုလုပ်ကိုင်ဆောင်ရွက်ခဲ့တယ်ဆိုတာတောင် မပြောပြနိုင်ပါဘူး။ ကျွန်တော် ဆွံ့အ ခဲ့ရပါတယ်။ ကျွန်တော်ဟာ ကျောင်းစာမေးပွဲတွေကို သာမန်အဆင့်နဲ့ပဲ အောင်မြင်ခဲ့ပြီး အခုအချိန်မှာ သန်းကြွယ်သူဌေးတစ်ဦးဖြစ်နေပြီဆိုပေမယ့် ကျွန်တော် သူမကို ကျေနပ်လောက်ဖွယ် စကားတစ်ခွန်းတောင် မပြောနိုင်ခဲ့ပါဘူး။
နောက်တော့ ကျွန်တော် ကွန်ဖရင့်တစ်ခု တက်ဖို့ ရောက်သွားခဲ့ပါတယ်။ ကွန်ဖရင့်မှာ ချမ်းသာကြွယ်ဝတဲ့၊ အောင်မြင်ကျော်ကြားနေတဲ့ လူတွေကြားထဲမှာ ကျွန်တော် ရှိနေခဲ့တာပါ။
အဲဒီနောက်တော့ ကျွန်တော် အကြံတစ်ခု ရခဲ့တယ်။
သူတို့ ဒီလို အောင်မြင်မှုတွေကို ရဖို့ ဘယ်အရာတွေကများ ဆောင်ကြဉ်းပေးခဲ့သလဲဆိုတာ သူတို့ကို မေးခွန်းထုတ်ကြည့်ဖို့ပါပဲ။
ဒီလိုနဲ့ ကျွန်တော်ဟာ ဒီကိစ္စနဲ့ ပတ်သက်ပြီး ဆယ်နှစ်ကြာ သုတေသနလုပ်ခဲ့ပါတယ်။ တကယ့်ကို အောင်မြင်ကျော်ကြားနေကြတဲ့ ပုဂ္ဂိုလ်ပေါင်း ငါးရာကျော်ကို တစ်ဦးချင်း တွေ့ဆုံအင်တာဗျူးလုပ်ခဲ့ပါတယ်။ အဲဒီအထဲမှာ ကမ္ဘာနဲ့ချီပြီး အောင်မြင်ကျော်ကြားနေသူတွေလည်း ပါပါတယ်။
ပြီးတော့ ကျွန်တော် ရရှိခဲ့တဲ့ အောင်မြင်သူတို့ရဲ့ စကားအခွန်းပေါင်း များစွာထဲက သန်းပေါင်းများစွာသော စကားလုံးတွေကို ခွဲခြမ်းစိတ်ဖြာပြီး အသေးစိတ် လေ့လာမှု ပြုခဲ့ပါတယ်။
နောက်ဆုံးမှာတော့ ကျွန်တော်ဟာ ဒီ ရှစ်ချက်ကို ရှာတွေ့ခဲ့တော့တာပါပဲ။
အောင်မြင်မှုဆီကို ခေါ်ဆောင်သွားပေးနိုင်မယ့် အချက် ရှစ်ချက်ပါ။
အဲဒါတွေကတော့ - 
(က) ခင်ဗျားအလုပ်ကို ခင်ဗျားချစ်ပါ။
(ခ) အလုပ်ကို ကြိုးကြိုးစားစား လုပ်ပါ။
(ဂ) အလုပ်တစ်ခုထဲမှာပဲ အာရုံစူးစိုက်မှု ထားပါ။ (အများကြီးမှာ မဟုတ်ဘူးနော်)
(ဃ) ဒီအလုပ်ကို ဆက်တိုက်လုပ်နေနိုင်ဖို့ တွန်းအားပေးပါ။
(င) အလုပ်နဲ့ ပတ်သက်လို့ အကြံဥာဏ်ကောင်းတွေ ထွက်လာအောင် တွေးခေါ်ပေးပါ။
(စ) ကိုယ့်ကိုကိုယ် (သည်အလုပ်နဲ့ပတ်သက်လို့) အစဉ်အမြဲ တိုးတက်နေပါစေ။
(ဆ) အခြားလူတွေကို တန်ဖိုးရှိတဲ့ အရာတစ်ခုခုနဲ့ အလုပ်အကျွေးပြုပါ။
(ဇ) သည်အလုပ်ကို မဆုတ်မနစ် ဆက်လုပ်သွားပါ။
တစ်ချက်ချင်းစီ ပြောကြည့်ရအောင်။
အောင်မြင်မှုဆီကို ခေါ်ဆောင်သွားမယ့် ပထမဆုံးအချက်ကတော့
(က) ကိုယ့်အလုပ်ကို ချစ်ဖို့ပါပဲ။
ကျွန်တော် အော်စကာဆုရ ရုပ်ရှင်မင်းသား ရပ်ဆဲခရိုးလ်ကို မေးကြည့်တော့ သူက
" အဓိက ကတော့ဗျာ... အနိမ့်ဆုံး ကျွန်တော် သရုပ်ဆောင်နေရတာကို ကြိုက်တယ်ဗျ။ သရုပ်ဆောင်ခြင်းဆိုတာကို တကယ့်ကို နှစ်နှစ်ခြိုက်ခြိုက်နဲ့ကို လုပ်ဖြစ်တာပါ။ " လို့ ပြောပါတယ်။
တကယ်တော့ အောင်မြင်သူတွေဟာ သူတို့အလုပ်တွေကို ငွေရဖို့ လုပ်တာထက် ချစ်မြတ်နိုးလို့၊ ၀ါသနာပါလို့ လုပ်ကြတာ များပါတယ်။
မိုက်ခရိုဆော့ဖ်ကုမ္ပဏီက ဘီလ်ဂိတ်က 
" ပေါလ်(သူ၏ လုပ်ဖော်ကိုင်ဖက်)နဲ့ ကျွန်တော်ဟာ ဘယ်တုန်းကမှ ဒီလောက်များတဲ့ ပိုက်ဆံတွေ ရမယ်လို့ မတွေးခဲ့ကြပါဘူး။ ဆော့ဖ်ဝဲလ်တွေရေးသားရခြင်းကို ၀ါသနာပါပြီး မြတ်နိုးလို့သာ လုပ်ခဲ့ကြတာပါ။ " တဲ့။
ဒီတော့ ကျွန်တော်တို့သာ ကျွန်တော်တို့လုပ်နေတဲ့အရာတွေကို မြတ်မြတ်နိုးနိုး လုပ်ကိုင်မယ်ဆိုရင် ငွေဆိုတာ သူ့အလိုလို ရောက်လာမှာပါပဲ။
ဒုတိယအချက်ကတော့
(ခ) အလုပ်ကို ကြိုးစားလုပ်ပါ။
အောင်မြင်ကျော်ကြားသူအားလုံးဟာ အလုပ်ကြိုးစားကြသူတွေချည်းပါပဲ။
အိမ်တွင်းမှုလုပ်ငန်းဂုရုကြီး (ထိုလုပ်ငန်းနဲ့ သန်းကြွယ်သူဌေးလဲ ဖြစ်ခဲ့သူ) မာသာစတီးဝပ်က 
" ကျွန်မဟာ အလုပ်ကြိုးစားသူတစ်ယောက်ဖြစ်ပါတယ်။ သည်အလုပ်ကို လုပ်တယ်။ လုပ်တယ်။ လုပ်တယ်။ အချိန်တိုင်းကို လုပ်နေတာပါ။ " လို့ ပြောပါတယ်။
မီဒီယာသူဌေးကြီး ရူးပတ်မားဒေါ့ကတော့
" တကယ်တော့ အလုပ်ကြိုးစားဖို့ပဲ လိုတယ်ဗျ။ ဘယ်အရာမှ လွယ်လွယ်ဖြစ်မလာဘူး။ ဒါပေမယ့် ကျွန်တော် အလုပ်ကြိုးစားရတာကို ပျော်ပါတယ်။ " တဲ့။
အလုပ်ကြိုးစားရတာကိုပဲ ပျော်စရာကောင်းတယ်လို့ ရှိပါ့မလား။
တကယ်တော့ ဒါဟာ တကယ်ပါ။ အောင်မြင်ကျော်ကြားတဲ့သူတွေဟာ ပျော်ပျော်ရွှင်ရွှင်နဲ့ အလုပ်ကြိုးစားကြသူတွေ ဖြစ်ကြပါတယ်။
ဒါကြောင့် ကျွန်တော်ပြောချင်ပါတယ်။ သူတို့ဟာ အလုပ်စွဲနေသူတွေ (တစ်ခုခု မလုပ်ရမနေနိုင်သူများ) မဟုတ်ပါဘူး။ အလုပ်လုပ်ရမှာ ပျော်တဲ့သူတွေပဲ ဖြစ်ပါတယ်။
တတိယအချက်ကတော့
(ဂ)အာရုံစူးစိုက်မှု ရှိဖို့ပါ။
အော်စကာဆုရ ရုပ်ရှင်ထုတ်လုပ်သူ နော်မန်ဂျူဝစ်ဆန်က
" ကျွန်တော်ထင်တာကတော့ ခင်ဗျားအနေနဲ့ တစ်ခုတည်းသောအရာကိုပဲ စူးစူးစိုက်စိုက်နဲ့ အာရုံထားပြီး လုပ်ဖို့ လိုမယ်ဗျ။ " လို့ ဆိုပါတယ်။
လူတော်တော်များများက အလုပ်တစ်ခုကို အာရုံစူးစိုက်ပြီး လုပ်ဖို့ထက် မတောက်တခေါက်ပဲ လုပ်ကြတာဗျ။ အဲဒါ မကောင်းပါဘူး။
အောင်မြင်မှုရဖို့ဆိုရင်တော့ ကျွန်တော်တို့အနေနဲ့ တစ်ခုတည်းမှာပဲ အာရုံထားပြီးလုပ်ဖို့ တကယ်ကို လိုအပ်ပါတယ်။
အောင်မြင်မှုရဖို့ စတုတ္ထအချက်ကတော့
(ဃ) တွန်းအားပေးပါ။
အောင်မြင်ကျော်ကြားတဲ့ ပုဂ္ဂိုလ်တွေဟာ သူတို့ကိုယ်သူတို့ တွန်းအားပေးကြပါတယ်။
စီးပွားရေးလုပ်ငန်းစုကြီး ဗာဂျင်ဂရုကို တည်ထောင်သူ ရစ်ချတ်ဘရန်ဆင်က
" ခင်ဗျားဘ၀မှာ ဘာပဲလုပ်လုပ် ခင်ဗျားကိုယ်ခင်ဗျား တစ်စုံတစ်ခုသော သတ်မှတ်ချက်အတိုင်းအတာအထိရောက်အောင် တွန်းအားပေးနေဖို့ပဲ။ " လို့ ပြောပါတယ်။
ရှက်ရွံ့အားငယ်နေခြင်းတွေကြားကနေသာ ထွက်လာခဲ့ပါ။ အောင်မြင်ကျော်ကြားသူများဟာလဲ တစ်ချိန်တုန်းက တကယ့်ကို ရှက်ရွံ့အားငယ်တတ်သူတွေ ဖြစ်ခဲ့ကြပါတယ်။ ဒါပေမယ့် သူတို့ဟာ ရုန်းထွက်ခဲ့ကြတယ်။
အောင်မြင်သူတွေဟာ သူတို့လုပ်ကိုင်တာ မလုံလောက်သေးဘူးဆိုပြီး သူတို့ကိုယ်သူတို့ တွန်းအားပေးကြလေ့ရှိတယ်။
ကျော်ကြားတဲ့ ရုပ်ရှင်မင်းသမီးကြီးလဲဖြစ် ထုတ်လုပ်သူလဲဖြစ်တဲ့ ဂိုလ်ဒီးဟွမ်က
" ကျွန်မဟာ ကိုယ့်ကိုကိုယ် အမြဲပြောတယ်။ ငါ မလုံလောက်သေးဘူး။ ငါ မပြည့်ဝသေးဘူး။ တကယ်တော့ ကျွန်မ ဒီလိုဖြစ်လာဖို့ လုပ်နိုင်မယ်လို့တောင် မတွေးမိခဲ့ပါဘူး။ " လို့ ဆိုပါတယ်။
ဒါပေမယ့် လူတော်တော်များများကတော့ ကိုယ့်ကိုကိုယ် တွန်းအားပေးနေဖို့ မလွယ်ပါဘူး။ များသောအားဖြင့် ဒီနေရာတွေမှာ အကောင်းဆုံးလုပ်နိုင်အောင် တွန်းအားပေးလေ့ရှိ၊ ပေးနိုင်တာကတော့ အမေတွေပါပဲ။
ကျော်ကြားထင်ရှားတဲ့ ဗိသုကာပညာရှင်ကြီး ဖရန့်ခ်ဂဲရီကို မေးကြည့်တယ်။
" ခင်ဗျား ဘာလို့ အောင်မြင်ခဲ့တာလဲ။ "
" ကျွန်တော့်အမေက အမြဲ ကျွန်တော့်ကို တွန်းအားပေးနေခဲ့တာ။ " တဲ့။
ဒါကြောင့် ခင်ဗျားကို တွန်းအားပေးမယ့် သင့်တော်သူတစ်ယောက်ကိုတော့ ရှာဖို့ လိုပါမယ်။ ဒါမှမဟုတ် ကိုယ့်ကိုကိုယ် တွန်းအားပေးနိုင်မယ့် နည်းလမ်းတွေ ရှာပေါ့ဗျာ။
ပဉ္စမအချက်ကို ဆက်ရရင်မယ့် ခင်ဗျားကို အောင်မြင်မှုပေးနိုင်မှာသည်
(င)အကြံဥာဏ်ကောင်း၊စိတ်ကူးကောင်းတွေ ဖြစ်ပါတယ်။
အကြံဥာဏ်ကောင်းတစ်ခုဟာ လူပေါင်းများစွာရဲ့ဘ၀ကို ဆွဲယူမြှင့်တင်ပေးနိုင်ပါတယ်။
ဘီလ်ဂိတ်ကပြောတယ်။
" ကျွန်တော်မှာ စိတ်ကူးတစ်ခုရှိခဲ့တယ်ဗျ။ သေးငယ်တဲ့ကွန်ပြူတာ ဆော့ဖ်ဝဲလ်ကုမ္ပဏီတစ်ခု တည်ထောင်ဖို့ပေါ့ဗျာ။ "
ဒီစိတ်ကူးကပဲ သူ့ကို ထိပ်ဆုံးရောက်အောင် ဆွဲခေါ်သွားခဲ့တာမဟုတ်လား။
ဒဏ္ဍာရီတွေမှာတော့ ပြောကြတယ်ဗျ။ ပါရမီပါမှသာလျှင် ဖောက်ထွက်တီထွင်နိုင်မယ်။ တွေးခေါ်ဖန်တီးနိုင်မယ်ပေါ့။
ဟင့်အင်း။ ကျွန်တော်ကတော့ လက်မခံပါဘူး။ တကယ်တော့ လူတိုင်း လူတိုင်းဟာ အဲ့သည်လို လုပ်နိုင်စွမ်းရှိကြပါတယ်။
ကျွန်တော် အကြံဥာဏ်စိတ်ကူးကောင်းတွေဖန်တီးနိုင်တဲ့ စီးပွားရေးလုပ်ငန်းရှင်ပေါင်းများစွာနဲ့ အလုပ်လုပ်ခဲ့ပါတယ်။
အိမ်ခြံမြေအကျိုးဆောင်ကြီး ဒေါနယ်ထရမ့်က
" ကျွန်တော့်အတွက် အရောင်းအ၀ယ်ဆွေးနွေးရတာဟာ အနုပညာဖန်တီးခြင်းတစ်ခုပဲ။ " လို့ ပြောပါတယ်။
ဒီလိုအကြံဥာဏ်ကောင်းတွေ ဖန်တီးနိုင်ဖို့ဟာ ဘာ မှော်အစွမ်းမှ မဟုတ်ပါဘူး။ လူတိုင်း လူတိုင်း လုပ်နိုင်ပါတယ်။
ဆဌမအချက် - 
(စ) မြှင့်တင်ပါ။
အောင်မြင်ကျော်ကြားသူတွေဟာ သူတို့ကိုယ်သူတို့ မြှင့်တင်ဖို့ အဆက်မပြတ်စီမံချက်တွေ ချမှတ်သူတွေပါ။
ကိုယ့်ကိုကိုယ် ဘယ်လိုများ မြှင့်တင်ရပါမလဲ။ သုံးခုထဲပါ။
လက်တွေ့(လေ့ကျင့်)လုပ်ပါ။
လက်တွေ့(လေ့ကျင့်)လုပ်ပါ။
လက်တွေ့(လေ့ကျင့်)လုပ်ပါ။
ကမ္ဘာကျော် တိုးလ်ဒီဖရန့်စ်စက်ဘီးပြိုင်ပွဲကြီးမှာ ခုနစ်ကြိမ်တိုင်တိုင် ဗိုလ်စွဲခဲ့တဲ့ လန့်စ်အမ်းစထရောင်းက
" ကျွန်တော်တို့အသင်းက တစ်နှစ်ကို ဆယ့်နှစ်လလုံးလုံး လေ့ကျင့်နေတာဗျ။ သုံး၊ လေးလ လောက်မဟုတ်ဘူး။ " လို့ ပြောပါတယ်။
သတ္တမအချက် - 
(ဆ) အခြားသူတွေကို အလုပ်အကျွေးပြုပါ။
အောင်မြင်တဲ့သူတွေတာ ကိုယ့်ကိုကိုယ် အလုပ်အကျွေးပြုနေရုံမဟုတ်ဘူး။ အခြားသူတွေကိုလဲ တန်ဖိုးရှိတာတွေနဲ့ အလုပ်အကျွေးပြုကြပါတယ်။
ကျွန်တော်ဆိုလိုတာ ပိုက်ဆံ၊ ပစ္စည်းဥစ္စာ လှူတန်းမှု ပြုတာကို ဆိုလိုခြင်းမဟုတ်ဘူး။
အခြားသူတွေကို အလုပ်အကျွေးပြုတာဟာ ခင်ဗျား ချမ်းသာကြွယ်ဝလာခြင်းပဲ။
ကမ္ဘာ့ဘီလျံနာကြီးတွေကို ကြည့်လိုက်ပါ။
ဘီလ်ဂိတ် - လူတွေကို ဆော့ဖ်ဝဲလ်တွေနဲ့ အလုပ်အကျွေးပြုတယ်။
ဆမ်ဝေါလ်တန် - ဝေါလ်မတ်ကုန်တိုက်တိုင်းမှာ တန်ဖိုးအတိုင်းအတာတစ်ခုအထိ ချပေးတဲ့ ဒစ်စကောင့်ပစ္စည်းတွေ သင် ရယူနိုင်တယ်။
အစ်ကဘာကမ်းပတ် - လှပသေသပ်ပြီး အိုင်ကီယာပရိဘောဂပစ္စည်းတွေကို လုပ်ဆောင်ပေးတယ်။
မာသာစတီးဝပ် - အိမ်တွင်းမှုလုပ်ငန်းတွေကို သင်ကြားပေးတယ်။
မာသာစတီးဝပ်က ပြောတယ်။
" ကျွန်မက လူတွေကို ယုံကြည်ရတဲ့ အချက်အလက်တွေ၊ တန်ဖိုးရှိတဲ့ အချက်အလက်တွေ၊ စိတ်ကူးကောင်းတွေနဲ့ ထုတ်လုပ်မှုတွေကိုပဲ ပေးချင်ပါတယ်။ "
သူမရဲ့ အလုပ်တွေကြောင့် လူတွေကို အများကြီး အကျိုးရှိစေခဲ့တယ်။
ထို့အတူပဲ သူမဟာလဲ အမေရိကန်ရဲ့ ပထမဆုံးသော ကိုယ့်အားကိုယ်ကိုး အမျိုးသမီးဘီလျံနာ ဖြစ်ခဲ့ပါတယ်။
ကဲ အောင်မြင်မှုဆီ ခေါ်ဆောင်ပေးသွားမယ့် နောက်ဆုံးအချက်ကတော့ - 
(ဇ) မဆုတ်မနစ်ကြိုးပမ်းမှုပဲ ဖြစ်ပါတယ်။
မဆုတ်မနစ်ကြိုးပမ်းမှုဟာ အချိန်နဲ့ တပြေးညီပဲ။ မိုးချုပ်တယ်၊ စောလွန်းတယ်ဆိုတာ မရှိပါဘူး။
ဂူးဂဲလ်ကို တည်ထောင်ခဲ့သူ လယ်ရီပေ့ခ်ျက
" ကျွန်တော် ဒီအလုပ်တွေလုပ်ဖို့ အချိန်တွေအများကြီး ပေးခဲ့ရတယ်။ တကယ်တော့ အောင်မြင်မှုတွေရဖို့ဆိုတာ ခင်ဗျားအဲဒီအတွက်ပေးမယ့် အချိန်တွေနဲ့ အချိုးညီပါတယ်။ " လို့ ဆိုပါတယ်။
မဆုတ်မနစ်ကြိုးပမ်းမှုဟာ
- မကောင်းမြင်မှုတွေ
- ငြင်းပယ်မှုတွေ
- ဒုက္ခအခက်အခဲတွေ
- မလိုမုန်းထားမှုတွေကို ကျော်ဖြတ်ရပါမယ်။
နောက်ပြီး မဆုတ်မနစ်ကြိုးပမ်းရင်း ဆုံးရှုံးမှုတွေနဲ့လဲ ရင်ဆိုင်ရမယ်။ ဘာလို့လဲဆိုတော့ အောင်မြင်ကျော်ကြားသူတိုင်းဟာ ဆုံးရှုံးမှုတွေကို ရင်ဆိုင်ဖူးခဲ့ကြရလို့ပါပဲ။
ယူနီဗာဆယ်စတူဒီယိုမှ ရောဘတ်ဝက်ဒ်ကတော့ ဒီလိုပြောပါတယ်။
" ခင်ဗျားအနေနဲ့ ဇွဲရှိဖို့ လိုမယ်။ ဘာလို့လဲဆိုတော့ အောင်မြင်မှုဆိုတာ လွယ်လွယ်မရဘဲ ကျရှုံးခြင်းတချို့နဲ့လဲ လက်တွေ့ရင်ဆိုင်ရမှာမို့ ဖြစ်တယ်။ ချော်လဲတဲ့အခါတိုင်း ကိုယ့်ကိုကိုယ် ပြန်ထူပါ။ ပြန်မတ်တတ်ထပါ၊ ပြီးရင် ကိုယ့်လမ်းကြောင်းအတိုင်း ကိုယ်ပြန်လျှောက်ပါ။ "
အချက်ရှစ်ချက်ကတော့ ပြီးသွားပါပြီ။
ကျွန်တော့်ကို ယုံကြည်ပါ။ ဆယ်နှစ်တာသုတေသနလုပ်ပြီးတဲ့နောက်မှာ ဒီရှစ်ချက်ဟာ အောင်မြင်မှုဆီကို ခေါ်ဆောင်သွားနိုင်တယ်လို့ ကျွန်တော်သေချာပေါက် ပြောနိုင်ပါတယ်။
လူတိုင်းဟာ မဟာအောင်မြင်မှုတွေရအောင် လုပ်နိုင်ပါတယ်။
ကျွန်တော်က အောင်မြင်မှုရဖို့ဆိုတာ လွယ်လွယ်လေးလို့ ဆိုလိုတာ မဟုတ်ပါဘူး။ ဒါပေမယ့် အောင်မြင်မှုရဖို့ လုပ်ဆောင်ရမယ့်အချက်တွေကတော့ နားလည်နိုင်အောင် လွယ်ကူရိုးရှင်းကြောင်း တင်ပြတာပါ။
ဒါကြောင့် သင့်ရဲ့ အောင်မြင်မှုကို သင် သတ်မှတ်လိုက်ပါ။ မည်သည့်အရာပဲ ဖြစ်စေ၊ အောင်မြင်မှုလို့ သင့်အတွက် သတ်မှတ်ထားရင် ရအောင် ယူလိုက်ပါ။
အောင်မြင်သူတစ်ယောက် ဖြစ်နိုင်ပါစေ။

Richard St. John

(ဗီဒီယိုတစ်ခုအား ဘာသာပြန်ပါသည်)
အားလုံးကို လေးစားစွာဖြင့်
မင်းအရိပ်

ကိုးကား
http://youtu.be/jufn7QoP9VU