အရောင်တွေရဲ့ အဓိပ္ပါယ်

အရောင်တွေဟာ ကျွန်တော်တို့ရဲ့ ဘ၀တွေမှာ အရေးကြီးတဲ့ တစ်ထောင့်တစ်နေရာက ပါဝင်ကြပါတယ်။

ဘ၀ရဲ့ အရေးအကြီးဆုံး စား၊ ၀တ်၊ နေရေး သုံးခုလုံးမှာ အရောင်တွေရဲ့ အခန်းကဏ္ဍကို တွေ့နိုင်ပါတယ်။

လူတွေရဲ့ စားဖွယ်ရာတွေကို စားသောက်ချင်လာအောင် နှိုးဆွပေးနိုင်တာဟာ အနံ့၊ အရသာ အပြင် အရောင်ကလဲ သူ့နည်းနဲ့သူ ဆွဲဆောင်ပေးပါတယ်။ တောင်းမှာ အကွပ်၊ လူမှာ အ၀တ် ဆိုတဲ့ စကားပုံလိုပဲ လူတစ်ယောက်ရဲ့ ၀တ်စားဆင်ယင်မှုမှာလဲ အရောင်တွေက စကားပြောနိုင်ပါတယ်။ ထို့အတူ မိမိနေထိုင်ရာ အိမ်ဂေဟာ (သို့မဟုတ်) အခန်းကို ပြင်ဆင်တဲ့နေရာမှာလဲ သင့်တော်လိုက်ဖက်တဲ့ အရောင်တွေနဲ့ ပြင်ဆင်မှုတွေကို ရွေးချယ်နိုင်မှသာလျှင် နေချင့်စဖွယ်ဖြစ်စေသလို ဘ၀ရဲ့ အမောတွေဖြေလျှော့ရာ သာယာတဲ့နေရာကလေးတစ်ခုအဖြစ် ဖန်တီးနိုင်မှာပေါ့။

ကဲ - ဒီတော့… ကျွန်တော်တို့အနေနဲ့ အရောင်တွေရဲ့ အဓိပ္ပါယ်ကလေးတွေကို နည်းနည်းလောက်ဖြစ်ဖြစ် လေ့လာမကြည့်သင့်ဘူးလား။ ဗဟုသုတဖြစ်ရုံတင်မက တခါတလေမှာ တကယ်ကို အသုံးဝင်လာနိုင်တဲ့ အချက်အလက်လေးတွေလဲ ဖြစ်နိုင်တာပဲလေ။

တကယ်တော့ အရောင်တွေရဲ့ အဓိပ္ပါယ်တွေဟာ သက်ဆိုင်ရာ လူတစ်ဦးချင်းစီအလိုက် သူတို့ရဲ့ ဓလေ့ထုံးစံတွေ၊ ယဉ်ကျေးမှုတွေအပြင် လက်ရှိဖြစ်ပေါ်နေတဲ့ အဖြစ်အပျက်တွေပေါ်လိုက်ပြီးတော့ ပြောင်းလဲနိုင်ကြပါတယ်။ အရောင်တိုင်းလိုလိုမှာ သူ့ကိုယ်ပိုင်သွင်ပြင်လက္ခဏာအများအပြားရှိနိုင်ကြပေမယ့် တော်တော်များများက လက်ခံထားကြတဲ့ အရောင်တွေပြောတဲ့ အဓိပ္ပါယ်တွေတော့ ရှိကြတာမို့ ရိုးရှင်းတဲ့ အရောင်တွေရဲ့ ဘာသာစကားကို နည်းနည်းလောက် လေ့လာကြရအောင်။

အရောင်ဆိုတာဟာ စကားလုံးတွေမပါတဲ့ ဆက်သွယ်မှုနည်းပညာတစ်ရပ်ပါ။ ဒါပေမယ့် သူဟာ ပုံသေတည်မြဲနေတဲ့အရာမဟုတ်ဘဲ သူ့ရဲ့အဓိပ္ပါယ်ဟာ လူတစ်ဦးချင်းစီအတွက် တစ်ရက်နဲ့ တစ်ရက်တောင် တူချင်မှ တူပါလိမ့်မယ်။ ဥပမာအနေနဲ့ လူတစ်ယောက်ဟာ အပြင်သွားတဲ့အခါ ၀တ်ဆင်ဖို့ အနီရောင်ကို ရွေးချယ်လိုက်တယ်ဆိုကြပါစို့။ ဒါဟာ သူ့အနေနဲ့ အပြင်သွားပြီး လုပ်မယ့်အလုပ်အတွက် တက်တက်ကြွကြွ အဆင်သင့်ဖြစ်နေပြီဆိုတဲ့ အဓိပ္ပါယ်လဲ ဖြစ်နိုင်ပါတယ်။ ဒါမှမဟုတ် ဒီနေ့ သူလုပ်ရမယ့်အလုပ်ကို သူ တကယ်ကို နှစ်နှစ်သက်သက်နဲ့ လုပ်ကိုင်လိုတာ ဖြစ်တယ်လို့ ပြောချင်တာလဲ ဖြစ်နိုင်တယ်။ ဒါမှမဟုတ် ဒီနေ့ သူ ဒေါသထွက်နေတယ်ဆိုတဲ့ အဓိပ္ပါယ်လဲ ဖြစ်နေနိုင်ပြန်တယ်။ အဓိပ္ပါယ်ကတော့ အခုလိုမျိုးပဲ အခြေအနေပေါ်မူတည်ပြီး ကွဲပြားနေနိုင်ပါတယ်။

နောက်အရောင်တစ်ရောင်ဖြစ်တဲ့ လိမ္မော်ရောင်ရဲ့ အဓိပ္ပါယ်လေး တစ်ချက် ကြည့်ရအောင်။ သူကတော့ လူမှုဆက်ဆံရေးနဲ့ အကောင်းမြင်ဝါဒကို ကိုယ်စားပြုပါတယ်။ ပြောင်းပြန်အဓိပ္ပါယ်အနေနဲ့ မကောင်းမြင်ဝါဒ၊ တုန်လှုပ်ချောက်ချားနေခြင်း နဲ့ ဘာခံစားချက်မှ မရှိ၊ ဟာလာဟင်းလင်းဖြစ်နေမှုကိုလဲ ကိုယ်စားပြုနိုင်ပြန်ပါတယ်။

အ၀ါရောင်ကတော့ အတွေးအခေါ်နဲ့ ဥာဏ်ပညာတို့ရဲ့ အရောင်ပါ။ အကောင်းမြင်ဝါဒနဲ့ ပျော်ရွှင်တက်ကြွခြင်းကိုလဲ ကိုယ်စားပြုပါတယ်။ ဒါ့အပြင် စိတ်မရှည်ခြင်း၊ အပြစ်မြင်ခြင်းနဲ့ သူရဲဘောနည်းခြင်းလို့လဲ အဓိပ္ပါယ်ကောက်ယူနိုင်ပြန်ပါတယ်။

အစိမ်းရောင် - သူကတော့ ဟန်ချက်ညီမှုနဲ့ ရှင်သန်ကြီးထွားခြင်းတို့ရဲ့ အရောင်ပါပဲ။ အကောင်းဘက်က ကိုယ့်အားကိုယ်ကိုးခြင်းလို့ အဓိပ္ပါယ်ဖော်နိုင်သလို အဆိုးဘက်က အတ္တဆန်ခြင်း၊ တစ်ကိုယ်ကောင်းဆန်ခြင်းလို့လဲ ပြောနိုင်ပြန်တယ်။

အပြာရောင်ကတော့ ယုံကြည်ကိုးစားမှုနဲ့ ငြိမ်းချမ်းရေးကို ကိုယ်စားပြုပါတယ်။ သစ္စာရှိခြင်း၊ ရိုးသားဖြောင့်မတ်ခြင်းလို့ ပြောနိုင်သလို ရှေးရိုးစွဲအားကြီးမှုနဲ့ စိမ်းကားအေးစက်မှုလို့လဲ အဓိပ္ပါယ်ဖော်နိုင်ပါတယ်။

မဲနယ်ရောင်ကတော့ အလိုအလျောက်သိမှု၊ ဆဌမအာရုံကို ကိုယ်စားပြုပါတယ်။ နောက်ပြီး စိတ်ကူးယဉ်ဝါဒလို့ အဓိပ္ပါယ်ကောက်ယူနိုင်သလို ဘာသာတရားလိုက်စားခြင်းနဲ့ စိတ်ကြွစေခြင်းလို့လဲ ယူဆလို့ ရပါတယ်။

ခရမ်းနုရောင်ကတော့ စိတ်ကူးနိုင်စွမ်းရဲ့ အရောင်ပါ။ သူဟာ ဖန်တီးနိုင်စွမ်းနဲ့ သီးသန့်ဆန်မှု အပြင် မရင့်ကျက်မှုနဲ့ လက်တွေ့မဆန်မှုလဲ ဖြစ်နိုင်ပါတယ်။

အစိမ်းနုရောင်ကတော့ လူမှုဆက်ဆံရေးနဲ့ စိတ်ကြည်လင်ပြတ်သားခြင်းကို ဆိုလိုပါတယ်။ စိတ်ကူးယဉ်မှုနဲ့ လက်တွေ့မဆန်မှုလို့လဲ အဓိပ္ပါယ်ဖော်နိုင်ပါတယ်။

ပန်းရောင်ကတော့ အချစ်စစ်နဲ့ စောင့်ရှောက်ဖေးမခြင်းတို့ရဲ့ အရောင်ဖြစ်ပါတယ်။ ကဗျာဆန်မှု၊ မရင့်ကျက်မှုနဲ့ တွေးခေါ်သုံးသပ်နိုင်စွမ်းမရှိမှုတို့ကိုလဲ ကိုယ်စားပြုပါတယ်။

မရမ်းရောင်ကတော့ သဟဇာတဖြစ်မှုနဲ့ စိတ်ခံစားမှု မြဲမြံခြင်းတို့ကို ကိုယ်စားပြုပါတယ်။ ဒါ့အပြင် လက်တွေ့ဆန်မှု၊ အားပေးတိုက်တွန်းမှုနဲ့ ဘ၀ကို မှန်ကန်စွာ သုံးသပ်နိုင်မှုလို့လဲ အဓိပ္ပါယ်ဖော်နိုင်ပြန်တယ်။

နီညိုရောင်ကတော့ တည်ကြည်လေးနက်ခြင်းရဲ့ အရောင် ဖြစ်ပါတယ်။ လုံခြုံမှုရှိခြင်း၊ ကာကွယ်မှုပေးခြင်းနဲ့ ပေါများကြွယ်ဝခြင်းတို့လဲ ဖြစ်နိုင်ပါတယ်။

အညိုရောင်ကတော့ အပေးအယူသဘောကို ဆောင်ပါတယ်။ အဖြူလဲ မဟုတ်၊ အနက်လဲ မဟုတ်ဘဲ ကြားထဲက အရောင်မို့ ဖြစ်ပါတယ်။

ငွေရောင်ကတော့ မဓာတ်ကို ကိုယ်စားပြုပါတယ်။ ငွေလမင်းကြီးနဲ့ စပ်ဆိုင်သလို ဒီရေအတက်အကျနဲ့လဲ ဆက်နွယ်နေတာကြောင့် စိတ်လှုပ်ရှားလွယ်မှု၊ ဆတ်ဆတ်ထိ မခံခြင်းနဲ့ ပဟေဠိဆန်တဲ့ သဘောကိုလဲ ဆောင်ပါတယ်။

ရွှေရောင်ကတော့ အောင်မြင်မှုရဲ့ အရောင်ပါ။ ဖြစ်ထွန်းမှုနဲ့ အောင်ပွဲရဲ့ အဓိပ္ပါယ်လဲ ဖြစ်ပါတယ်။ ပေါကြွယ်ဝမှုနဲ့ ကြီးပွားတိုးတက်မှု၊ စည်းစိမ်နဲ့ အရည်အသွေး၊ ရိုသေလေးစားမှုနဲ့ အတွေ့အကြုံများခြင်း၊ တန်ဖိုးရှိမှုနဲ့ ရည်မွန်ကြော့ရှင်းမှု စတာတွေနဲ့လဲ ဆက်စပ်နေပါတယ်။ ဓနငွေကြေးပေါကြွယ်ဝခြင်း၊ ပစ္စည်းဥစ္စာချမ်းသာခြင်းနဲ့ သုံးမကုန်၊ဖြုန်းမကုန်ခြင်းတို့ကိုလဲ ကိုယ်စားပြုပါတယ်။

အဖြူရောင်ကတော့ သန့်ရှင်းစင်ကြယ်မှုနဲ့ ပြီးပြည့်စုံမှုကို ဖော်ဆောင်ပါတယ်။ ဖြူစင်ခြင်း၊ အပြစ်ကင်းခြင်း၊ ကြီးမြတ်ခြင်း၊ ပြည့်စုံခြင်းလို့လဲ အဓိပ္ပါယ်ဖော်နိုင်ပါတယ်။

အနက်ရောင်ကတော့ လျှို့ဝှက်နက်နဲမှုကို ကိုယ်စားပြုပါတယ်။  လျှို့ဝှက်ချက်၊ ဖုံးကွယ်ထားမှု၊ မသိမမြင်နိုင်မှုနဲ့ ဒဏ္ဍာရီဆန်မှုတို့ဟာလဲ အနက်ရောင်ရဲ့ အဓိပ္ပါယ်တွေပဲ ဖြစ်ပါတယ်။

ဒီလောက်ဆိုရင်တော့ အရောင်တော်တော်များများရဲ့ အဓိပ္ပါယ်အချို့ကို ကျွန်တော်တို့ သိနိုင်ခဲ့ပါပြီ။ အရောင်တွေရဲ့ သဘောတရားကို ခံစားနားလည်ရင်း လိုအပ်သလို အသုံးပြုနိုင်ရင်တော့ အကောင်းဆုံးပါပဲ။

ကိုးကား

http://www.empower-yourself-with-color-psychology.com/meaning-of-colors.html