JPEG ဆိုတာ ဘာလဲ (၁)

JPEG ဆိုတာ ဘာလဲ

JPEG ဆိုတာ ဘာလဲ။

ကွန်ပြူတာသုံးတဲ့သူတိုင်း ရင်းနှီးတဲ့ နာမည်လေးတစ်ခုပါပဲ။

JPEG ဆိုတာ ဓာတ်ပုံပေါ့။ ဒီထက်ပိုပြောရရင် JPEG ဆိုတာ ဓာတ်ပုံဖောမတ်(Format) တစ်ခုပေါ့။ JPG လို့လဲ လူအများက သိကြပါတယ်။ ဓာတ်ပုံတစ်ပုံကို right click ထောက်ပြီး properties ကို နှိပ်ကြည့်လိုက်မယ်ဆိုရင် (JPEG image) .jpg ဆိုပြီး တွေ့ပါလိမ့်မယ်။ ဓာတ်ပုံဖိုင်သိမ်းတဲ့နေရာမှာ သုံးတဲ့ ဖောမတ်တစ်မျိုးပါပဲ။ တချို့ပုံတွေမှာဆို .png သို့မဟုတ် .gif စသဖြင့် တွေ့ဖူးပါလိမ့်မယ်။ အဲဒါတွေကတော့ JPEG(.jpg) မဟုတ်တဲ့ တခြားဓာတ်ပုံဖိုင်ဖောမတ်တွေပေါ့။

ဓာတ်ပုံဖိုင်ဖောမတ်တစ်ခုပဲ။ ဘာများထူးဆန်းလို့လဲ။

ဟုတ်ကဲ့။ သာမန်ပဲ တွေးကြည့်မယ်ဆိုရင် ဘာမှတော့ မထူးဆန်းပါဘူး။ ဒါပေမယ့် ဒီဓာတ်ပုံဖိုင်ဖောမတ်ကို ဘာကြောင့်ဘယ်လိုသတ်မှတ်ရရှိခဲ့သလဲဆိုတာကို ဆက်တွေးမယ်ဆိုရင်တော့ စိတ်ဝင်စားဖို့ ကောင်းသွားပြီပေါ့။

ဓာတ်ပုံကို ဓာတ်ပုံလို့ပဲ ဖိုင်ဖောမတ်ပေးလို့မရဘူးလား။ ဥပမာ (.image) ပေါ့ဗျာ။ ဟုတ်ကဲ့။ မရလို့ပဲ ဒီလိုမျိုး ဖိုင်ဖောမတ်အမျိုးမျိုး ဖြစ်ပေါ်လာရတာပေါ့။

ဘာကြောင့် မရတာလဲ။

ဖောမတ်(format)ဆိုတာကို မြန်မာလို အဓိပ္ပါယ်ပြန်ကြည့်မယ်ဆိုရင် ပုံစံအချိုးအစားပါတဲ့။ ဖောမတ်အမျိုးမျိုးကွဲပြားရခြင်းဟာ သူတို့မှာ ပါဝင်တဲ့ အရာတွေရဲ့ အချိုးအစားတစ်ခုနဲ့တစ်ခု မတူလို့ပါပဲ။

ဒါဖြင့် ဓာတ်ပုံတစ်ပုံမှာ ဘာတွေပါဝင်သလဲ။

ပုံတွေပေါ့။ ဟုတ်ပါတယ်။ ပုံတွေ ပါပါတယ်။ လူပုံ၊ ခွေးပုံ၊ တိမ်ပုံ၊ သဘာဝရှုခင်းပုံ စသဖြင့်ပေါ့လေ။ ဒီထက် အနုစိတ်ကြည့်လိုက်မယ်ဆိုရင်တော့ ပုံတွေကို အရောင်တွေနဲ့ ဖွဲ့စည်းတည်ဆောက်ထားတာ ဖြစ်ပါတယ်။ ဒါကြောင့် ဓာတ်ပုံမှာ အရောင်တွေပါ ပါတယ်။

ဒါကြောင့် ဖိုင်ဖောမတ်မတူခြင်းသည် ဓာတ်ပုံများမှာ ပါဝင်သော အရောင်များရဲ့ အချိုးအစားများ မတူညီလို့ဖြစ်တယ်ဆိုတာ ကျွန်တော်တို့ အကြမ်းဖျင်းသိနိုင်ပြီပေါ့။

ကောင်းပြီ။ ဒါဖြင့် JPEGဆိုတဲ့ ဓာတ်ပုံအမျိုးအစားကို ဘယ်လိုများ ဖွဲ့စည်းတည်ဆောက်ထားပါသလဲ။ ကျွန်တော်တို့ လေ့လာကြည့်လိုက်ကြရအောင်လား။

သမိုင်းကြောင်း

ကဲ… ကျွန်တော်သိတာလေးတွေ စပြီးမတင်ပြခင် စကားပလ္လင်ခံချင်တာက ကျွန်တော်ဟာ ဓာတ်ပုံဆရာတစ်ယောက်မဟုတ်လို Photoshop လို ဆော့ဖ်ဝဲလ်တွေလဲ မတတ်ပါဘူး။ ဒီအပိုင်းမှာ ကျွမ်းကျင်သူတစ်ယောက်မဟုတ်ဘူး။ ဒါပေမယ့် ဘာကြောင့် ခုလိုတင်ပြဆွေးနွေးဖြစ်သလဲ ဆိုတော့ ဒီJPEGအကြောင်း ကျောင်းမှာ ခေါင်းစဉ်ငယ်လေးတစ်ခုအနေနဲ့ သင်ရလို့ပါ။ sensorဆိုတဲ့ အာရုံခံကိရိယာအကြောင်းဘာသာရပ်မှာ ကင်မရာတွေဟာ ပုံရိပ်တွေကို ဘယ်လိုရရှိသလဲ။ ပြီးတော့ ဘယ်လို သိမ်းဆည်းရယူသလဲဆိုတာကို သင်ကြားရင်း ဒီခေါင်းစဉ်လေးကို သိရှိခဲ့ရာက အနည်းအကျဉ်းလေ့လာမိရင်း ပြောပြချင်စိတ်ပေါက်လာလို့ တင်ပြတဲ့သဘောပါပဲ။ ပြည့်စုံချင်မှ ပြည့်စုံပါလိမ့်မယ်။ သို့သော် သိသလောက်လေး ပြောသွားပါမယ်။

JPEGဆိုတာ Joint Photographic Experts Group ဆိုတဲ့ နာမည်ကို အစဆုံး စာလုံးတွေယူပြီး အတိုကောက်အဖြစ် သတ်မှတ်ထားတဲ့ နာမည်ပါ။ အဲဒီအဖွဲ့ဟာ ISO (International Standards Organization) မှ ဓာတ်ပုံများရဲ့ standardကို ကမ္ဘာလုံးဆိုင်ရာအနေနဲ့ တညီတညွတ်တည်း သတ်မှတ်နိုင်ဖို့ ဖွဲ့စည်းခဲ့တဲ့ ကော်မတီတစ်ရပ်ဖြစ်ပါတယ်။

တကယ်တော့ ပစ္စည်းတစ်ခုရဲ့ standard ဆိုတာ ရှိသင့်တဲ့၊ ရှိကိုရှိရမယ့် အရာတစ်ခု။ ဒါကြောင့် ပညာရှင်တွေစုစည်းပြီး ကြိုးစားအကောင်အထည်ဖော်ခဲ့ကြတာ ဖြစ်ပါတယ်။ ကျွန်တော်တို့မြန်မာနိုင်ငံမှာတော့ ခုထိ standard သတ်မှတ်ခြင်းအပိုင်းမှာ အကောင်အထည်ဖော်မှုအားနည်းနေသေးတယ်နော်။ ဥပမာ အလေးချိန်မှာတောင် တချို့က ပိဿာချိန်သုံးတယ်၊ တချို့က တင်း၊ တောင်း စသဖြင့် သုံးတယ်၊ တနေရာက ကီလိုဂရမ်သုံးတယ်၊ အမျိုးမျိုးကွဲပြားနေတုန်းပါပဲ။ တောင်ငူခေတ်၊ ဘုရင့်နောင်မင်းတရားကြီးလက်ထက်တုန်းကတောင် တစ်နိုင်ငံလုံး အလေးချိန်ကို တစ်ပြေးညီတည်းဖြစ်အောင် standard သတ်မှတ်ပေးခဲ့နိုင်ပါသေးတယ်။ တကယ်တော်တဲ့ ဘုရင်ပဲနော်။ standardအကြောင်း ဒီခေတ်က လူတွေထက်တောင် နားလည်သေးတယ်။။ ကဲ ဒါတွေ ထားပါတော့။ JPEGအကြောင်း ဆက်ရအောင်။

ဘာကြောင့် ဓာတ်ပုံstandardသတ်မှတ်ဖို့ လိုသလဲဆိုတော့ တစ်နိုင်ငံနဲ့တစ်နိုင်ငံ၊ တစ်ဖွဲ့နဲ့တစ်ဖွဲ့၊ စနစ်တစ်ခုနဲ့တစ်ခု ချိတ်ဆက်ပြီး အသုံးပြုနိုင်တော့ အချိန်ကုန်၊ လူပန်း သက်သာရာရတာပေါ့ဗျာ။

နောက်တစ်ချက်က ဖိုင်သိမ်းဆည်းခြင်းအပိုင်းပါ။ ဓာတ်ပုံတစ်ပုံကို မူရင်းနီးပါး qualityကောင်းကောင်းလိုချင်တယ်ဆိုရင် အရောင်(ကာလာ)ပိုင်းမှာ ကြီးကြီးမားမား ရင်းနှီးဖို့ လိုပါတယ်။ သဘာဝကာလာဖွဲ့စည်းပုံဟာ အင်မတန်မြင့်လွန်းအားကြီးပါတယ်။ ဒါကို digitalပစ္စည်းများနဲ့ ဖမ်းယူတဲ့အခါ မြင့်မားလွန်းတဲ့ ကွာလတီကို အမီလိုက်ဖို့ခက်ပါတယ်။ အနီးကပ်ဆုံးအမီလိုက်တဲ့အခါမှာလဲ ကာလာအချိုးအစားတွေဟာ မြင့်တက်သွားပါတယ်။ ဒါကြောင့် အင်မတန်ကြည်လင်ပြတ်သားပြီး ကြည့်လို့ကောင်းတဲ့ ဓာတ်ပုံဖိုင်တွေကို properties စစ်ကြည့်လိုက်ရင် mega bytes တွေ အတော်များတာတွေ့နိုင်ပါတယ်။

ဒီတော့ ပညာရှင်တွေဟာ qualityလဲ ကောင်းရမယ်၊ ဖိုင်ဆိုဒ်လဲ လျှော့ချနိုင်ရမယ်ဆိုတဲ့ နည်းလမ်းများ ရှာရင်း ဓာတ်ပုံဖောမတ်တွေ ထွက်ပေါ်လာပြီး JPEGဖောမတ်လဲ ပါဝင်လာခဲ့ရတာပဲဖြစ်ပါတယ်။

JPEG ဟာ ဓာတ်ပုံဖောမတ်တွေအထဲမှာ qualityလဲ ကောင်းသလို ဖိုင်ဆိုဒ်လဲ တော်တော်လေး လျှော့ပေးနိုင်လို့ အသုံးများ၊ အကြိုက်တွေ့ကြတဲ့ ဓာတ်ပုံ ဖောမတ်တစ်ခုအဖြစ် ထင်ပေါ်ပါတယ်။

JPEG ရဲ့ algorithm နဲ့ လုပ်ဆောင်ပုံ အဆင့်ဆင့်

Algorithmဆိုတာ မြန်မာလို အလွယ်ပြောရရင်တော့ စနစ်ကျသော လုပ်ငန်းစဉ်လို့ ပြောနိုင်မယ်ထင်ပါတယ်။ အလုပ်တစ်ခုကို စနစ်တကျလေး သတ်သတ်မှတ်မှတ်လုပ်တဲ့အခါ အချိန်၊ ပစ္စည်း စတဲ့ လေလွင့်မှုတွေ နည်းစေအောင် လုပ်ငန်းစဉ်သတ်မှတ်တဲ့ သဘောပါပဲ။

ဓာတ်ပုံတွေကို လိုချင်တဲ့ ဖိုင်ဖောမတ်ရအောင် လုပ်ရတဲ့ လုပ်ငန်းစဉ်ကို များသောအားဖြင့် compression လုပ်တယ်လို့ ပြောကြပါတယ်။ ဖိသိပ်ချုံ့ခြင်းပဲ ဆိုပါတော့။ ဖိုင်ချုံ့ခြင်းလို့ပဲ ဆိုကြပါစို့။

ဒီလို ဖိုင်ချုံ့(compression)လုပ်တဲ့နေရာမှာ algorithm နှစ်မျိုးရှိပါတယ်။

(က) lossless compression နဲ့

(ခ) lossy compression တို့ ဖြစ်ပါတယ်။

Lossless ဆိုတာက လိုချင်တဲ့ဖိုင်ဖောမတ်ရအောင် လုပ်တဲ့အခါမှာ bit (digital နည်းပညာပိုင်းအရာ ပမာဏကို သတ်မှတ်သော Unit တစ်မျိုး) ကို လျှော့ချပေမယ့် information(ပုံတွင်ပါဝင်သော အရောင်များအသေးစိတ်)ကို မပျောက်ပျက်အောင် လုပ်တဲ့နည်းဖြစ်ပါတယ်။ ဒါပေမယ့် သူက ဖိုင်ပမာဏကို နည်းနည်းပဲ လျှော့ချနိုင်ပါတယ်။

Lossy ဆိုတာကတော့ bitကိုလဲ လျှော့တယ်။ Information ကိုလဲ လျှော့ပါတယ်။ ဒါပေမယ့် မလိုအပ်တဲ့ အရာတွေကိုပဲ လျှော့ချသွားတာဖြစ်ပါတယ်။ (လူ့မျက်လုံးဟာ တချို့အရာတွေကို အာရုံစူးစိုက်မှ မြင်ရတာမျိုးလို အားနည်းချက်တွေရှိပါတယ်။ ဒီအချက်တွေကို နင်းပြီး မလိုအပ်တာတွေ လျှော့ချသွားတာဖြစ်ပါတယ်။) ဒါကြောင့် qualityလဲ ကောင်းသလို ဖိုင်ဆိုဒ်ကိုလဲ တော်တော်လေးလျှော့ချနိုင်ပါတယ်။

JPEGဖိုင်ဖောမတ်ကို lossless compression နဲ့ ဖြစ်စေ၊ lossy compression နဲ့ ဖြစ်စေ ရယူနိုင်ပေမယ့် များသောအားဖြင့် lossy compression အဖြစ်ပဲ အသုံးပြုကြတာကြောင့် နောက်ပိုင်းမှာ JPEGဟာ lossy compression တစ်ခုအနေနဲ့ပဲ လူသိများပါတော့တယ်။

ဆက်ရန်....