လည်ပြန်ခလုတ်တိုက်အလွမ်းများ

အသိုက်က ထွက်လာတဲ့
အပျံသင် ငှက်တစ်ကောင်အတွက်တော့
လေပြေတိုက်ချိန်ဆိုတာ ခပ်ရှားရှားပဲ
လေပြင်းမိလိုက်
မိုးရေထိလိုက်
နှင်းခဲရိုက်လိုက်
နေပူကျဲတဲထဲမှာလဲ နားခိုစရာအသိုက်ကို ရှာမတွေ့ပြန်ဘူး
ရင်မောစရာတွေကြုံတိုင်း
အတိတ်ကို လည်ပြန်ကြည့်မိတဲ့အခါ
အလွမ်းတွေနဲ့ ခဏခဏ ခလုတ်တိုက်မိရဲ့
တစ်ချိန်က မာတယ် ထင်တဲ့ ကိုယ့်အသည်း
ခုမှ လွမ်းတတ်နေတယ်
ပြက္ခဒိန်စာမျက်နှာတစ်ရွက် လှန်လိုက်တိုင်း
ဒိုင်ယာရီစာမျက်နှာတစ်ရွက်ကို ပြန်လွမ်းတယ်
ငယ်ငယ်က ဘောလုံးနဲ့ တအုံးအုံးကန်ခဲ့ဖူးတဲ့
အုတ်နံရံကြီးကိုလဲ ပြန်လွမ်းတယ်
ဆေးလိပ်ခိုးသောက်ခဲ့ဖူးတဲ့ ချောင်ကလေးကိုလဲ လွမ်းတယ်
ထန်းရည်အတူသောက်ဖူးတဲ့ မဲကြီးကိုလဲ လွမ်းတယ်
ရွာရိုးကိုးပေါက် လျှောက်နင်းဖူးတဲ့
မောင်ဗမာဘီးကြီးကိုလဲ လွမ်းတယ်
ပြီးတော့
ကျောင်းပြန်ချိန်တိုင်း ငါ ဆွဲကူပေးဖူးတဲ့
နင့် ခြင်းတောင်းအပြာလေးကိုလဲ လွမ်းတယ်