ယနေ့ကျရောက်သော အာဇာနည်နေ့တွင် (၁၉၄၇ခုနှစ်၊ ဇူလိုင်လ၊ ၁၉ရက်နေ့တွင်) ကျဆုံးသွားခဲ့ကြသော အာဇာနည်ခေါင်းဆောင်ကြီးများအား ရိုသေလေးစားစွာ အလေးပြုအပ်ပါသည်။
(နှစ်ပေါင်းများစွာတည်ဆောက်ခဲ့တဲ့ ပျော်ရွှင်ဖွယ်ရာမိသားစုဘ၀လေးတစ်ခုကို သူစိမ်းတစ်ယောက်က ခဏတာအတွင်း ခိုးယူသွားခဲ့တယ်)
ဝီလ်သည် ဘူတာရုံအပြင်ဘက်တွင် ကားကိုရပ်ကာ ကားနောက်ဖုံးကို မှီရင်း ရပ်စောင့်နေသည်။
ဟောလိုဝင်းပိတ်ရက်မို့ ကောလိပ်မှ ၀ီလ်၏သားကြီးပီတာ ယနေ့ညနေရထားဖြင့် ပြန်လာမည်ဖြစ်သည်။
ထို့ကြောင့် ၀ီလ်တစ်ယောက် ဘူတာရုံသို့ ရောက်နေခြင်းဖြစ်၏။
ပီတာက အပျော်ကျူးတတ်သော ကလေးတစ်ယောက်မဟုတ်၍ အိမ်သို့ သတိတရ ပြန်လာခြင်းဖြစ်သည်။
ဟောလိုဝင်းလို ပိတ်ရက်တိုတိုလေးကို ပီတာက မိသားစုနှင့်သာ ကုန်ဆုံးချင်ပုံရသည်။
ကောလိပ်သွားတက်သည့် သားဖြစ်သူ ပြန်လာမည်ဖြစ်သဖြင့် ၀ီလ်ပျော်ရွှင်ဝမ်းသာမိသော်လည်း သူ့ရင်ထဲ၌ ပို၍ ကြီးမားသော အပူတို့က ကြီးစိုးထားသည်ဖြစ်ရာ ၀ီလ့်ခမြာ အပြည့်အ၀ မပျော်နိုင်ပေ။
သူ၏ အတွေးထဲ၌ ကြီးစိုးထားသော အတွေးများကိုလည်း ၀ီလ် ဖျောက်ပစ်ရန် မစွမ်းနိုင်ချေ။
" ဖေဖေရေ... ဖေဖေ... သား ဒီမှာဗျို့..."
ရထားဆိုက်သွားသည်ကိုပင် သတိမပြုမိလိုက်သော ၀ီလ်သည် ပီတာ့အသံကြားမှပင် အိပ်မက်မှနိုးလာသည့်အလား ဘေးဘီကြည့်မိသည်။
ခရီးဆောင်သေတ္တာကိုဆွဲကာ သူ့ထံ လာနေသော သားကိုတွေ့မှ ပြုံးလိုက်ပြီး လက်လှမ်းပြလိုက်ကာ သူ့သားထံ သွားလိုက်သည်။
ရက်သတ္တခြောက်ပတ်မျှ ခွဲခွာခဲ့ရသော သားအဖနှစ်ယောက် ခေတ္တမျှ ကြာသည်အထိ ပွေ့ဖက်နှုတ်ဆက်လိုက်ကြသည်။
ထို့နောက် ၀ီလ်၏ ကားရှိရာသို့ ပြန်လာခဲ့ကြသည်။
" ဖေဖေ့ကြည့်ရတာ တော်တော်အိုသွားသလိုပဲ..."
အပူများကြောင့် ၀ီလ် အိုစာသွားခြင်း ဖြစ်နိုင်ပါသည်။
" ခြောက်ပတ်ပဲ ရှိပါသေးတယ် ငါ့ကောင်ရာ..."
" အင်း... ဟုတ်တယ်လေ... အိုင်းစတိုင်းရဲ့ ရီလေတီဗတီသီအိုရီထဲကလိုပေါ့... ကျွန်တော့်အတွက် ခြောက်ပတ်.. ဖေဖေ့အတွက် ငါးနှစ်လောက်ပေါ့.. ဟဲဟဲ"
ပီတာက နောက်သည်။
" ငါ့သားက စာတော်တော် တတ်နေပြီပဲ..."
ကားနားသို့ ရောက်သောအခါ ၀ီလ်က ကားနောက်ဖုံးကို ဖွင့်လိုက်ပြီး ပီတာ၏ ခရီးဆောင်သေတ္တာကို မ တင်ရန် ပြင်လိုက်သည်။
ပီတာက တားသည်။
" ဟာ.. မလုပ်နဲ့ဖေဖေ.. အလေးကြီးရယ်... ခါးတွေဘာတွေ နာနေပါဦးမယ်.. သားဘာသာသား တင်လိုက်ပါ့မယ်..."
ပီတာက ပြောပြီး သူ့ခရီးဆောင်သေတ္တာကို သူ့ဘာသာ မ တင်လိုက်သည်။
" ညက နှုတ်ဆက်ပွဲလုပ်တာ ဘယ်လိုလဲဟေ့..."
" ဟားဟား... ဟုတ်ပါပြီဗျာ..."
ဝီလ်ကလည်း ကောလိပ်ကျောင်းသားဘ၀တွေ ဖြတ်သန်းခဲ့ဖူးသူမို့ သိနေပါသည်။
" သောက်တယ်... မူးတယ်... အန်တယ်ပေါ့ဗျ.. ဟဲဟဲ.."
" အင်း... ဟုတ်လှချည်လား..."
" မျက်နှာမှာ ခုထိပေါ်တုန်းမဟုတ်လား... ဟားဟား..."
" ကောင်မလေးတွေနဲ့ ပါတီပေးပြီး ပျော်ခဲ့တယ်ပေါ့..."
" အာ.. မဟုတ်ပါဘူး.. ဖေဖေပြောခဲ့တဲ့ ဆုံးမစကားအတိုင်းပေါ့ဗျာ.."
ပီတာ့စကားကို ကြားလိုက်ရသောအခါ ၀ီလ့်မျက်နှာ ချက်ချင်း ညှိုးကျသွားသည်။
ပီတာ ကောလိပ်မသွားခင် မှာကြားခဲ့သော မိမိ၏ ဆုံးမစကားများကို မိမိဘာသာ ပြန်လည်ကြားယောင်လာသည်။
ကောလိပ်ကျောင်းသားဘ၀ကို ဖြတ်သန်းခဲ့ဖူး၍ နားလည်ကြောင်း ပီတာ့ကို ၀ီလ်ပြောဖြစ်ခဲ့သည်။
သို့သော် မှာကြားလိုသည်က မိမိတွင် ညီမလေးများရှိကြောင်း မမေ့ဖို့၊ ကိုယ်ချင်းစာဖို့၊ လုပ်ရဲလျှင် တာဝန်ယူရဲဖို့နှင့် ယောက်ျားပီသသော ယောက်ျားတစ်ယောက်ဖြစ်စေဖို့ စသည်တို့ကို ပြောဖြစ်ခဲ့သည်။
ယခုတော့.. ယခုတော့..
မိမိသမီးလေးအန်နီသည် နှမသားချင်း မစာနာသော၊ ယောက်ျားမပီသသော ယောက်ျားတစ်ဦးနှင့် တွေ့ကြုံခဲ့ရပြီးလေပြီ။
ဝီလ်က စဉ်းစားရင်း ၀မ်းနည်းမှုတို့ကြောင့် မျက်ရည်များ စို့တက်လာ၏။
" ဖေဖေ... ဖေဖေ ဘာဖြစ်နေတာလဲ.. ပြောပါ... သားကို ပြောပြပါ..."
သူ့အဖေ၏ မျက်နှာအရိပ်အကဲကို ကြည့်နေသော ပီတာက ၀ီလ့်ကို အတင်းမေးသည်။
မိသားစု၏အတွင်းကိစ္စကို သည်သားကိုမှ ရင်မဖွင့်ရလျှင် မည်သူ့ကို ၀ီလ် ရင်ဖွင့်ရပါမည်နည်း...။
ထိုနေ့ညတွင် ပီတာပြန်ရောက်လာသော အထိမ်းအမှတ်အနေဖြင့်ပါ သူတို့အိမ်၌ ဟောလိုးဝင်းပါတီပွဲ အသေးစားလေး ကျင်းပကြသည်။
ဟောလိုးဝင်းပါတီလေးဖြစ်သည့်အားလျော်စွာ ရွှေဖရုံသီးသရဲပုံများ၊ စက္ကူဖြူအရိုးခြောက်များ၊ စက္ကူအပိုင်းအစများဖြင့် အိမ်ကို ရှုပ်ပွနေအောင် ပြင်ဆင်လိုက်ကြသည်။
ဖိုးဖိုးနှင့်ဖွားဖွားရယ်၊ အန်တီနီကိုးတို့ရယ်လဲ အိမ်မှ စားစရာများ လုပ်လာပြီး ယူလာကြသည်။
ဖိုးဖိုးက ပန်းပွင့်နတ်ကလေးလို ၀တ်ဆင်ထားပြီး ဖွားဖွားက အလယ်ခေတ်စုန်းမကြီးလို ဦးထုပ်မည်းကြီးနှင့် ဖြစ်သည်။
အန်တီနီကိုးက ပန်ဒါဝက်ဝံနားရွက်များ တပ်လာသည်။
လင်းက ဒုတိယကမ္ဘာစစ် လေယာဉ်မှုးတစ်ယောက်လို ၀တ်ဆင်ထားပြီး ၀ီလ်က မှော်ဆရာကြီးလို ၀တ်ရုံနက်ကြီးနှင့် ဖြစ်သည်။
စကားဝိုင်းတွင် လူကြီးများ ပြင်ဆင်ပြီး၍ ထိုင်ပြီးကြသည်အထိ ကလေးများ ရောက်မလာကြသေးပေ။
အန်နီရောက်လာတော့ တီရှပ်အနီ၊ ရိုးရိုးဘောင်းဘီနှင့်သာဖြစ်ပြီး ဘာမှ ထူးထူးခြားခြား ၀တ်မလာပေ။
" ကလေးတွေ မလာကြသေးဘူးလား..."
ဖွားဖွားက ကြာနေသော ပီတာနှင့် ကေတီလေးတို့ မောင်နှမကို လှမ်းအော်သည်။
" ကလေးတွေ လာကြဟေ့.. စားစရာတွေအေးကုန်မယ်..."
လင်းက ထပ်ဆင့်အော်ပြန်သည်။
စားပွဲဝိုင်း၌ လူစုံနေကြပြီဖြစ်သည်။
" လာပြီဗျို့.."
ပီတာတို့မောင်နှမနှစ်ယောက် ရောက်လာသောအခါ ပီတာက သမ္မတအိုဘားမားမျက်နှာဖုံးကြီးစွပ်ထားပြီး ကေတီလေးက ပင်ဂွင်းဝတ်စုံလေးနှင့်ဖြစ်သည်။
" အားဟား..."
" မိုက်တယ်ဟေ့.."
တစ်မိသားစုလုံးက ပျော်ရွှင်စွာ လက်ခုပ်လက်ဝါးတီးပြီး သြဘာပေးကြသည်။
မောင်နှမနှစ်ယောက်က စားပွဲဝိုင်းတွင် ၀င်ထိုင်လိုက်ကြသည်။
ကေတီလေးက အဖေနှင့်အမေကြားထဲတွင် ၀င်ထိုင်ပြီး ပီတာက အမေနှင့် အန်နီကြားတွင် ၀င်ထိုင်လိုက်သည်။
" မင်းမျက်နှာဖုံးကြီးက ကြောက်ဖို့ ကောင်းလှချည်လားပီတာရ.."
ဝီလ်က စားစရာများ ပန်းကန်ထဲထည့်ရင်း ပြောလိုက်သည်။
" ဒါဖိုးဖိုးကို လက်ဆောင်ပေးဖို့ ၀ယ်လာတာ.."
ပီတာက မျက်နှာဖုံးကို ချွတ်ရင်း သူ့အဖိုးကို နောက်ပြောင်လိုက်သည်။
" တော်စမ်းပါကွာ... အဲဒီကောင်က ဆိုရှယ်လစ်ကွ.."
ဖိုးဖိုးက သူ့ကိုယ်သူ ဒီမိုကရက်တစ်ဟု ဂုဏ်ယူသူဖြစ်သည်။
" အန်နီကရော ဘာမှ မ၀တ်ဘူးလား.."
အန်နီ့နားတွင် ထိုင်နေသော အန်တီနီကိုးက မေးသည်။
" ဒါပဲလေ.."
အန်နီက တီရှပ်အနီကို ကိုင်ပြရင်း ပြောသည်။
" မမက ပင်ဂွင်းလို ၀တ်ပါဆို မ၀တ်ဘူး... ပင်ဂွင်းနဲ့ဆို မမက လိုက်မှာ..."
ကေတီလေးက သူ့မမကို မကျေမနပ်ဟန်လေးဖြင့် ပြောသည်။
" မ၀တ်ရင် မမကို မလာခိုင်းဘူးလား..."
" မဟုတ်ပါဘူး... လာလို့ ရပါတယ်..."
ကေတီလေးက ပြန်ဖြေသည်။
" ဆောရီးနော်အန်နီ.. ကိုကြီး မေးလ်များများ မပို့ဖြစ်ခဲ့ဘူး... ကောလိပ်မှာက အလုပ်တအားရှုပ်တယ်လေ..."
ပီတာက အန်နီ့ကို ပြောသည်။
" ရပါတယ် ကိုကြီးရဲ့... ပြဿနာမရှိပါဘူး..."
" မဟုတ်ဘူး... ကိုကြီး မေးလ်တွေ မှန်မှန်ပို့ခဲ့သင့်တယ်လေ... ညီမလေးဆီက မေးတွေလဲ အမြဲ စစ်နေသင့်တယ်..."
အန်နီက နားမလည်သလို ပြန်ကြည့်သည်။
" ကိုကြီး ညီမလေးကို ချစ်တယ်ဆိုတာ ညီမလေးသိပါတယ်နော်..."
ပီတာက အန်နီ့လက်ကို ဆုပ်ကိုင်ပြီး ပြောလိုက်သည်။
ပီတာ့စကားလုံးများ ထူးခြားနေကြောင်း အန်နီသတိထားမိလိုက်သည်။
" ဟုတ်တယ်မဟုတ်လား..."
ပီတာက ထပ်မေးသည်။
ပီတာဆုပ်ကိုင်ထားသောလက်ကို အန်နီက ဆွဲနှုတ်လိုက်သည်။
အန်နီ သဘောပေါက်လိုက်သည်။
ဝီလ်က ပီတာ့ကို အန်နီ့အကြောင်းများ ပြောထားပြီမှန်း အန်နီသဘောပေါက်လိုက်သည်။
ပီတာ့ကို မသိစေချင်၍ မပြောပြရန် အတန်တန် တောင်းပန်ထားသည့်ကြားမှ...။
အန်နီက မျက်နှာချင်းဆိုင်တွင် ထိုင်နေသော ၀ီလ့်ကို မကျေမနပ်လှမ်းကြည့်လိုက်သောအခါ ၀ီလ်ကတော့ ဘာမှ မသိသလိုပင် စားစရာများကို ငုံ့စားနေသည်။
" ကလေးတွေ... ငါနဲ့နင်တို့အဖိုး ဟောလိုးဝင်းပါတီမှာ ဘယ်လိုဆုံခဲ့ကြလဲဆိုတာ သိကြလားဟေ့..."
ဖွားဖွားက လူစုံတိုင်း ထိုအကြောင်းကို အမြဲပြောတတ်သည်။
" သူက သမန်းဝံပုလွေရုပ်ကြီးဘေးနားမှာ ရပ်ပြီး ဓာတ်ပုံရိုက်ပေးဖို့ ဖွားဖွားကို အကူအညီတောင်းတယ်..."
" ဟာ... မင်းကလဲ ဒါပဲပြောနေ... သူတို့ သိပြီးသားတွေပါကွာ..."
ဖိုးဖိုးက မပြောစေလိုသဖြင့် ပိတ်သည်။
" မသိဘူး... မသိကြသေးဘူး..."
လင်းက ထအော်သည်။
" အေး.. ပြောပြမယ်ဟေ့.. သူက သမန်းဝံပုလွေရုပ်ကြီးဘေးနား ဟန်ပါပါနဲ့ရပ်ပြီး ငါ့ကို စတိုင်ပေးနေတာပေါ့အေ... အဲဒီအရုပ်ကြီးထဲမှာ လူရှိနေတာ သူမသိဘူး... အဲဒီအရုပ်ကြီးက သူ့ကို ဆတ်ခနဲ ကောက်ကိုင်ပြီး မြှောက်လဲ မြှောက်လိုက်ရော ညည်းတို့အဖိုးက ကြောက်ပြီးအော်လိုက်တာအေ... ကောင်မလေးကျနေတာပဲ..."
တစ်ဝိုင်းလုံးပျော်ရွှင်စွာ ရယ်မောမိကြသည်။
" မအော်ပါဘူးကွာ.."
ဖိုးဖိုးက ရှက်ရှက်နှင့် ငြင်းသည်။
" အော်ပါတယ်ရှင်..."
ဖွားဖွားက ရယ်မောရင်း ပြန်ပြောသည်။
" ဒါနဲ့အန်နီ... ဖွားဖွားလုပ်လာတဲ့ အသားချောင်းတွေ အေးနေပြီလား... ဖွားဖွားအန်နီ့အတွက် လုပ်လာတာ..."
" အင်း... ကောင်းပါတယ်ဖွားဖွား..."
" အန်နီ.. အန်တီလုပ်လာတဲ့ အာလူးအချိုပေါင်းကြော်လေး စားကြည့်ပါဦး... အလန်းလုပ်လာတာ.."
အန်တီနီကိုးက သူမလုပ်လာသော အာလူးအချိုပေါင်းပန်းကန်ကို အန်နီ့အား လှမ်းပေးသည်။
အနနီ့စိတ်ထဲ တစ်ဝိုင်းလုံးက သူမကို ၀ိုင်းဂရုစိုက်နေသလို ခံစားနေရသည်။
အန်နီက ပန်းကန်ကို မယူချင်ယူချင်လှမ်းယူလိုက်ပြီး သူမပန်းကန်ထဲ အားလူးတစ်တုံး ကောက်ထည့်လိုက်သည်။
" ဟုတ်တယ်... သမီးအန်တီနီကိုးက အဲဒါလုပ်တာ တအားကောင်းတာ... ကြိုက်သွားစေရမယ်..."
ဖွားဖွားက ပြောပြန်သည်။
" တဆိတ်လောက် ဂရုစိုက်လွန်နေတယ်လို့ မထင်ကြဘူးလား..."
အန်နီက စိတ်အချဉ်ပေါက်စွာ ပြောလိုက်သည်။
ဝိုင်းက ချက်ချင်းဆိုသလို တိတ်ဆိတ်သွားသည်။
ဘယ်သူမှ ဘာဆက်ပြောလို့ ပြောရမည်မှန်း မသိတော့။
" ဒါနဲ့ ပီတာ.. ကောင်မလေးတွေ ဘာတွေ ရနေပြီလားကွ..."
ဖိုးဖိုးက ၀ိုင်းကို ပြန်ထိန်းရန် ကြိုးစားလိုက်သည်။
" အာ... ဖိုးဖိုးကလဲ.. လုံးဝလုံးဝ မရသေးပါဘူး..."
ပီတာက ရယ်ဖြဲဖြဲနှင့် ပြန်ဖြေသည်။
" တစ်ယောက်တော့ တွေ့ထားတယ်.. သူက လုံးဝ DGပဲ..."
DG ဆိုသည်မှာ ဘုရားပေးသော ကျက်သရေအလှနှင့် ပြည့်စုံသူဟု ဆိုလိုခြင်းဖြစ်သည်။
" ဒါပေမယ့်.. ဟိုလေ .. ကျွန်တော်တို့က လုံးဝသူငယ်ချင်းအဆင့်ပါ..."
" အင်း.."
" သူက ပြေးခုန်ပစ်မှာတော့ ဆရာပဲ... တင်းနစ်နဲ့ လာခရော့စ်လဲ ဆော့တယ်..."
ပီတာက ပြောရင်း အန်နီ့ဘက်လှည့်လိုက်သည်။
" အန်နီ... ညီမလေး သူ့ကို သဘောကျမှာ သေချာတယ်.. သိလား.."
" အင်း...ဟုတ်လား.."
" အင်း... ဒါပေမယ့်ဟာ.. သူနဲ့က ရည်းစားလဲ မဟုတ်သေးဘူး.. ဘာဆိုဘာမှ မဟုတ်သေးပါဘူး.. လက်ကလေးကိုင်ဖို့တောင် မနည်းကြိုးစားနေရတုန်းပဲ.."
" ဒါပေါ့..ဒါပေါ့.."
" အင်း... မဆိုးပါဘူး..."
တစ်မိသားစုလုံးက ခေါင်းတညိတ်ညိတ်ဖြင့် နားထောင်နေကြသည်။
" ကိုကြီး... ကိုကြီး ရည်းစားထားလဲ ဘာမှမဖြစ်ပါဘူး.. ထားပါ.."
အန်နီက ပြောလိုက်သည်။
" ဟမ်..."
" အဲဒါက လူတစ်ယောက်အတွက် ပုံမှန်အနေအထားပါပဲ... ဟုတ်တယ်မဟုတ်လား ဖေဖေ..."
အန်နီက စကားလမ်းကြောင်းထဲ ၀ီလ့်ကို ဆွဲသွင်းလိုက်သည်။
" သမီး ဘာကိုဆိုလိုတာလဲ ဖေဖေ နားမလည်ဘူး..."
" နားမလည်ဘူး... ဟုတ်လား... ကိုကြီးတို့ တူတူအိပ်ပြီးကြပြီလား.."
" ဘာ... အန်နီ..."
အန်နီ၏ မမေးသင့်သော မေးခွန်းကြောင့် ပီတာက သံပြတ်ဖြင့် ဟန့်တားလိုက်သည်။
" ဘယ်လိုလဲ... အပေးအယူ အဆင်ပြေရဲ့လား..."
" သမီး... တော်သင့်ပြီနော်..."
ဝီလ်က မနေနိုင်တော့ဘဲ ၀င်ရောက်ဟန့်တားရတော့သည်။
" ဘာလဲ... ဖေဖေကျတော့ လူတိုင်းကို အန်နီ့အကြောင်းတွေ လျှောက်ပြောတယ်.. ဘယ်သူနဲ့ ဘယ်လို အိပ်ခဲ့တာက အစ... သမီးကျ ကိုကြီးကို မေးခွင့်မရှိဘူးပေါ့... ဟုတ်လား..."
အန်နီ့အသံတို့က တဖြည်းဖြည်း ကျယ်လောင်လာသည်။
မိသားစုဝိုင်းလည်း နှုတ်ဆိတ်ရချေပြီ...။
" ကိုကြီးကို လုံးဝမပြောပါနဲ့လို့ ဖေဖေ့ကို တောင်းပန်ခဲ့တယ်... အဲဒါ အန်နီ တောင်းဆိုခဲ့တဲ့ တစ်ခုတည်းသောအရာပါ... ခုတော့... ကျေးဇူးတင်ပါတယ်ဖေဖေ..."
အန်နီက ရွဲ့ပြောလိုက်ပြီးနောက် ထိုင်ရာမှ ထကာ ထွက်သွားလေသည်။
" ပျော်ရွှင်ကြပါစေ..."
" နေ.. နေပါဦး သမီးလေးရယ်..."
လင်းက အန်နီ့လက်ကို လှမ်းဆွဲကာ တားသည်။
" လွှတ်.."
အန်နီက ရုန်းပြီး ထွက်သွားလေသည်။
မိသားစု ခဏတာတွေ့ဆုံသည့် ဟောလိုးဝင်းပါတီလေးသည် နှုတ်ဆိတ်ကွဲကြေကာ ကျန်ရစ်ခဲ့ရလေသည်။
လပိုင်းမျှသာ ကွာခြားသော်လည်း အန်နီ၏ ၁၄နှစ်ပြည့်မွေးနေ့ပွဲကဲ့သို့သော မိသားစုဆုံဆည်းခဲ့သည့် ပွဲမျိုးနှင့်ကား အခြားနားကြီး ခြားနားခဲ့ချေပြီတကား။
ပီတာ ပြန်သွားသောည၌ ၀ီလ်တို့အိမ်သို့ အေးဂျင့်ဒေါက်တိတ် ရောက်လာသည်။
ကေတီလေးကို သူမ၏အခန်းထဲ၌ အိပ်ပျော်စေပြီးနောက် ၀ီလ်၊ လင်းနှင့် အန်နီတို့ကို ဧည့်ခန်းတွင်း၌ တိတ်က စုစည်းစေလိုက်သည်။
တိတ် အဓိက တွေ့ဆုံချင်သည်မှာ အန်နီဖြစ်သည်။
" ဒီလိုပါ.. ကျွန်တော်တို့ နိုင်ငံတော်အချက်အလက်အရင်းအမြစ်ဌာနမှာ DNAတွေ စစ်ဆေးပြီးပါပြီ... နောက်ဆုံးမှာ ကိုက်ညီတဲ့ အဖြေတစ်ခုရခဲ့ပါတယ်..."
တိတ်က ရှင်းပြသည်။
" ကောင်းတာပေါ့..."
လင်းက ပြောသည်။
" ဒါဆို.. ဒါဆို ခင်ဗျားတို့ သူ့ကို ဖမ်းမိပြီပေါ့..."
ဝီလ်က စိတ်လှုပ်ရှားစွာ မေးသည်။
အန်နီလည်း စိတ်လှုပ်ရှားနေသည်။ ချာလီကို ဖမ်းမိသွားကြပြီလား..။
" အဲဒီလောက်တော့ မလွယ်သေးပါဘူးဗျာ... တရားခံဟာ ဂျွန်ဒိုးဆိုသူဖြစ်တယ် ဆိုတဲ့ နာမည်တစ်ခုကိုပဲ သိရသေးတာပါ... အဲဒါဘယ်သူလဲ ဆိုတာတော့ မသိရသေးပါဘူး..."
" ဘယ်လိုဗျ... နားမလည်ဘူးဗျာ..."
" ဒီလိုပါ ၀ီလ်... ကျွန်တော်တို့မှာ အဲဒီလူနဲ့ ပတ်သက်တဲ့ တခြားအမှုသုံးမှုကိုလဲ တွေ့ရပါတယ်... မုဒိမ်းမှုတွေပဲ ဆိုပါတော့ဗျာ... အဲဒီအမှုတွေထဲက သားကောင်မိန်းကလေးတွေနဲ့ အခင်းနေရာတွေက ရတဲ့ DNAဟာ အခု DNAနဲ့ တစ်ထပ်တည်းဖြစ်တယ်လို့ပဲ အတည်ပြုနိုင်သေးတာပါ... ဒါပေမယ့် ဘယ်သူဘယ်ဝါ လူပုဂ္ဂိုလ်အစစ်ကို မဖော်ထုတ်နိုင်သေးပါဘူး..."
" ဒါဖြင့် ဒီကောင်က အရင်ကလဲ ကျူးလွန်ခဲ့တယ်ပေါ့..."
" ဟုတ်ကဲ့..."
" ဘုရားရေ..."
လင်းက ဘုရားတမိလိုက်သည်။
အန်နီလဲ ရင်ထဲမှာ ဘုရားတမိလေသည်။
" သူ့မှာ အရင်က ရည်းစားတွေရှိခဲ့ဖူးတယ်လို့ အန်နီ့ကို ပြောဖူးပါတယ်..."
အန်နီက အကာအကွယ်ပေးလိုသည့်ဟန်ဖြင့် ၀င်ပြောသည်။
" ဒါ မိန်းကလေးရည်းစားပုံစံတွေ မဟုတ်ပါဘူးအန်နီ.. အရွယ်မရောက်သေးတဲ့ကလေးတွေပါ... မုဒိမ်းမှုမြောက်တဲ့ ကလေးသူငယ်ကို လိမ်လည်ကာမရယူမှုတွေပါ အန်နီ.."
" မဟုတ်လောက်ပါဘူး... DNAမှားတာလဲ ဖြစ်နိုင်တာပဲလေ..."
အန်နီက မယုံကြည်နိုင်စွာ ပြောသည်။
" DNAဆိုတာ တစ်ခုထဲမဟုတ်ဘူးအန်နီ... သန်းရာချီပြီး ရှိတာ.. စစ်ခဲ့တာပါ... သေချာတာက ဒီလူဟာ တစ်ယောက်တည်းပါ..."
တိတ်က ရှင်းပြသည်။
အန်နီ ငြိမ်ကျသွားသည်။
" ကဲ... လာရခြင်းအကြောင်း ပြောပါမယ်... ဒီအမှုက ပုံမှန်လို မဟုတ်ပါဘူး... ကျွန်တော်တို့အနေနဲ့ သားကောင်ဖြစ်ခဲ့ရတဲ့ မိန်းကလေးတွေရဲ့ အချက်အလက်နဲ့ ပတ်သက်လို့ အရမ်းဂရုစိုက်ရပါတယ်... ဒါပေမယ့် ကျွန်တော်ယူဆမိတာက သားကောင်ဖြစ်ခဲ့ရတဲ့ မိန်းကလေး လေးယောက်ဟာ တစ်နည်းနည်းနဲ့များ ဆက်နွယ်နိုင်မှု ရှိနိုင်မလားပေါ့လေ..."
တိတ်က ပြောရင်း အိတ်ထဲမှ ဖိုင်တစ်ခု ဆွဲထုတ်လိုက်သည်။
" ဖြစ်နိုင်တာက ကမ့်တစ်ခုခုမှာ အတူတူ နေခဲ့ကြဖူးသလား... ဒါမှမဟုတ် mallတစ်ခုခုမှာ shoppingထွက်ရင်း တွေ့ခဲ့ကြဖူးသလားပေါ့... ကျွန်တော် သူတို့ရဲ့နာမည်တွေကိုတော့ ပြောမပြနိုင်ပါဘူး... ဒါပေမယ့် သူတို့ရဲ့ ဓာတ်ပုံတွေကိုကြည့်ပြီး အန်နီ သိမသိတော့ ပြောပြပေးစေချင်တယ်..."
တိတ်က ပြောသည်။
" နေ.. နေပါဦးရှင်... ကျွန်မကတော့ ဒါဟာ အကြံဥာဏ်ကောင်းတစ်ခု မဟုတ်ဘူးလို့ ထင်တယ်..."
လင်းက ၀င်ပြောသည်။
" မဟုတ်ဘူး... အန်နီကြည့်မယ်... အန်နီကြည့်ကြည့်ချင်တယ်..."
" ကောင်းပြီအန်နီ... ဒီမိန်းကလေးတွေကို သိမသိ ကြည့်ပေးပါ..."
တိတ်က ဓာတ်ပုံတစ်ပုံကို ဦးစွာထုတ်ပြီး ပြသည်။
" ဒီမိန်းကလေးက ကလိဗ်လန်းကပါ... အသက် ၁၅နှစ်ပဲ ရှိပါသေးတယ်..."
အန်နီက ဓာတ်ပုံကို ကြည့်လိုက်သည်။ ထိုမိန်းကလေးကို အန်နီ မသိပါ။
" ဟင့်အင်း... မသိပါဘူး..."
" ကောင်းပြီ..."
တိတ်က နောက်ထပ် ဓာတ်ပုံတစ်ပုံ ထပ်ထုတ်ပြပြန်သည်။
" ဒီမိန်းကလေးက မီလ်ဝေါကီးကပါ.. သူက အသက်၁၄နှစ်ပါ..."
အန်နီက ခေါင်းခါပြပြန်သည်။
တိတ်က နောက်ဆုံးဓာတ်ပုံကို ထုတ်လိုက်သည်။
" ဒီမိန်းကလေးက စိန့်လူးဝစ်မှာ လွန်ခဲ့တဲ့ ခုနစ်လတုန်းက အနိုင်ကျင့်ခံခဲ့ရတာပါ..."
တိတ်က ဓာတ်ပုံကို စိတ်မသက်သာစွာ ပြလိုက်သည်။
ဖြူစင်နုနယ်လွန်းလှသော မိန်းကလေးငယ်တစ်ယောက်၏ ဓာတ်ပုံ..။
" သူက အသက်၁၂နှစ်ပဲ ရှိပါသေးတယ်ဗျာ..."
" ရှင်... ဘုရား..ဘုရား.."
လင်းက သူမ၏ပါးစပ်ကို လက်နှင့်ပိတ်လိုက်ရင်း ဘုရားတမိလိုက်လေသည်။
လူမဆန်လွန်းလှပါလား..။
အသက်၁၂နှစ်အရွယ်သာရှိသေးသည့် မိန်းကလေးတစ်ယောက်ကိုမှ သည်လိုမျိုး...။
ဓာတ်ပုံကိုကြည့်ရင်း အန်နီ့ရင်ထဲ ဆို့တက်လာသည်။
ခေါင်းတွေ မူးဝေလာသည်။
" အန်နီ.. အန်နီ သူ့ကိုလဲ မသိပါဘူး.."
" ကောင်းပါပြီ.. အန်နီ... ခုလို အချိန်ကုန်ခံပေးလို့ ကျေးဇူးတင်ပါတယ်.."
အန်နီ ထိုင်နေရာမှ ထလိုက်သည်။
" သမီး.."
လင်းက စိုးရိမ်တကြီး မေးသည်။
" ရပါတယ်.. ဘာမှမဖြစ်ဘူး.. သမီးကို အချိန်နည်းနည်းလေး ပေးပေးပါ..."
အန်နီ ပြေးထွက်သွားသည်။
သူမ စိတ်တည်ငြိမ်စေဖို့ လွှတ်ထားပေးလိုက်ရန် မိဘများက ဆုံးဖြတ်လိုက်သည်။
" ဒါဆို ဒီကောင့်ကို ခင်ဗျားတို့လိုက်နေတာ ကြာပြီပေါ့.."
" ဟုတ်ပါတယ်ဗျာ.."
တိတ်က နှစ်သိမ့်ဖို့ ကြိုးစားသင့်ကြောင်း ယူဆလိုက်သည်။
" ကျွန်တော်တို့ ပိုများတဲ့ သတင်းအချက်အလက်တွေ ရလိုက်တာဟာ တရားခံရဲ့ ရုပ်လုံးက ပိုပေါ်လာတာပါပဲ... စုံစမ်းထောက်မှုတွေ ပိုပြီး ထိရောက်လာမှာပါ..."
" ခုနက ၁၂နှစ်သမီးလေးရဲ့ မိဘတွေကိုလည်း စိန့်လူးဝစ်က အေးဂျင့်က ဒီစကားတွေပဲ ပြောခဲ့မှာကို ကျွန်တော်သိပါတယ်..."
" ခင်ဗျားရဲ့ ခံစားချက်ကို ကျွန်တော်နားလည်ပါတယ်ဝ်ီလ်.. ကျွန်တော့်မှာ ရှိသမျှအင်အားကို အတတ်နိုင်ဆုံး ထုတ်သုံးပြီး လုပ်သွားမှာပါ..."
" ဟုတ်ပါတယ်... ဒါပေမယ့် မလုံလောက်ဘူးလေ... စုံစမ်းနေတုန်းကာလမှာတင် ဒီယုတ်မာရိုင်းစိုင်းတဲ့ မုဒိမ်းကောင်က တခြားအပြစ်မဲ့မိန်းကလေးတွေကို ဒုက္ခပေးနေဦးမှာပဲ..."
" အဲဒီလို မတွေးပါနဲ့ဝီလ်... ကျွန်တော်တို့ လုပ်လို့ရသမျှ အကုန်လုပ်သွားမှာပါ..."
သူတို့ အခြေအတင်စကားပြောနေကြခိုက် အန်နီ အိမ်ပြင်သို့ ထွက်သွားသည်ကို မည်သူမျှ မသိလိုက်ပေ။
ညကြီးမင်းကြီးဆေးရုံမှ ဂေးလ်ထံ ဖုန်းလှမ်းဆက်သဖြင့် အမြန်လာခဲ့ရသည်။
လူနာတစ်ယောက်ရောက်လာပြီး တွေ့ခင့်တောင်းနေကြောင်း ဆေးရုံမှ ဖုန်းလှမ်းဆက်၍ ဖြစ်သည်။
ထိုလူနာသည် အန်နီဖြစ်ပါသည်။
ချာလီ့အကြောင်းတွေ သူမ သိရပြီးပြီးချင်း အိမ်မှ အပြေးထွက်လာခဲ့မိသည်။
မမျှော်လင့်ထားသောအရာကို ကြားသိလိုက်ရခြင်းသည် သူမကို ရှော့ခ်ရသွားစေသည်။
စက်ဘီးကို ယူကာ သူထွက်လာခဲ့သည်။
ကားလမ်းတစ်လျှောက် သူ စက်ဘီးကို ဦးတည်ရာမဲ့ နင်းနေမိသည်။
အတတ်နိုင်ဆုံး၊ အမြန်ဆုံး ဖိနင်းသည်။
သူမဘယ်ကို သွားရမည်မှန်း သူမကိုယ်တိုင်မသိပါ။
နောက်ဆုံး စက်ဘီးသည် ဆေးရုံသို့ ရောက်လာခဲ့ပြီး သူမ ဆေးရုံထဲဝင်မိသွားပြီး ဂေးလ်ကို တွေ့ချင်ကြောင်း ပြောလိုက်ခြင်းဖြစ်သည်။
ဆေးရုံဧည့်သည်နားနေခန်းထဲ၌ အန်နီ ငူငူကြီးထိုင်နေမိစဉ် ဂေးလ်က အပြေးအလွှားရောက်လာသည်။
" ဘာဖြစ်လို့လဲ သမီး.. လာ.. ရုံးခန်းထဲ သွားရအောင်..."
စက်ဘီးကို အသားကုန်နင်းလာခဲ့သဖြင့် မောပန်းနေမှုကြောင့်လည်းကောင်း၊ ၀မ်းနည်းစိတ်၊ တုန်လှုပ်စိတ်၊ နာကျဉ်းစိတ်နှင့် ငိုကြွေးလိုမှုတို့ကြောင့်လည်းကောင်း အန်နီ့မျက်နှာတစ်ပြင်လုံး နီရဲလျက်ရှိသည်။
ရုံးခန်းထဲ ရောက်သောအခါ ဂေးလ်က ကုတ်ကို ချွတ်ပြီး စားပွဲပေါ်တင်လိုက်သည်။
" ဘာဖြစ်လာတာလဲသမီး.. တစ်ခုခုသောက်ချင်လား.. ရေသောက်မလား..."
ဂေးလ်က အလောတကြီး မေးလိုက်သည်။
" တခြားကောင်မလေးတွေ ရှိခဲ့တယ်..."
အန်နီက ထိုင်တောင် မထိုင်နိုင်ဘဲ အဆက်အစပ်မရှိ ပြောချလိုက်သည်။
" ဘာတခြားကောင်မလေးတွေလဲ.. ဘာကို ဆိုလိုတာလဲ သမီး.."
" ချာလီ.. ချာလီလေ... သူ့မှာ အရင်ကလဲ ကောင်မလေးတွေရှိခဲ့တယ်... သုံးယောက်တောင်..."
အန်နီ့အသံတို့က နာကျင်ကြေကွဲနေသည်။
" သမီးလိုပဲ သူ အရင်က လိမ်ညာခဲ့တဲ့သူတွေ ရှိခဲ့တယ်လို့ ဆိုလိုတာလားအန်နီ.."
ဂေးလ်က ကောင်းစွာ သဘောမပေါက်သေးပေ။
" သူပြောခဲ့တယ်.. အန်နီက သူ့အတွက် အထူးလက်ဆောင်ပါတဲ့... အန်နီက သူ့အတွက် တစ်ယောက်တည်းသော သူပါတဲ့... ခုတော့.. ခုတော့.. တခြားကောင်မလေးတွေ ပေါ်လာတယ်... သူတို့... သူတို့က အဲဒီလောက်လဲ မလှပါဘူး..."
" အဲဒီတော့ ဘာဖြစ်လဲ အန်နီ... အန်တီ့ကို ပြောစမ်း.."
စိတ်မတည်မငြိမ် ကယောင်ခြောက်ခြားဟန်ဖြင့် စကားလုံးများကိုသာ တတွတ်တွတ်ရွတ်နေသလို ဖြစ်နေသော အန်နီ့ကို ဂေးလ်က ခပ်ဆတ်ဆတ်မေးလိုက်သည်။
" မဟုတ်ဘူး.. မဟုတ်ဘူး..."
" အဲဒါ ဘာဖြစ်လဲလို့.. ပြောလေ..."
" ဘာဖြစ်လဲဆိုတော့... ဘာဖြစ်လဲဆိုတော့.. သူတို့လည်း အန်နီ့လို ဖြစ်ခဲ့ကြလို့ပေါ့..."
ပြောနေရင်း အန်နီ့ပါးပြင်ပေါ် မျက်ရည်များ လှိမ့်ဆင်းလာသည်။
" သူက ပြောခဲ့တယ်.. အန်နီက လှတယ်တဲ့... ဘာတွေဖြစ်ခဲ့ရတာလဲ... အန်နီ.. အန်နီ.. ဘာတွေမှားခဲ့လို့လဲ.."
" ဘာတွေမှားခဲ့တယ်လို့ ထင်နေလို့လဲ ကလေးရယ်..."
" သူက.. သူက အန်နီ့ကို လိမ်ခဲ့သလို တခြားကောင်မလေးတွေကိုလဲ လိမ်ခဲ့တယ်... သူ.. သူ အန်နီ့ကို လုံးဝချစ်ခဲ့တာမဟုတ်ဘူး.. သူလိမ်ခဲ့တာ.. အန်နီ့ဆီက.. အန်နီ့ဆီက... သူလိုချင်ခဲ့တာ အန်နီနဲ့ အိပ်ဖို့တစ်ခုတည်းပဲ.."
ရပ်တည်ဖို့ မစွမ်းနိုင်တော့သဖြင့် နံရံကို မှီရပ်ရင်းက အန်နီ ရှိုက်ကြီးတငင် ငိုကြွေးနေမိသည်။
ထို့နောက် ကြမ်းပြင်ပေါ် ထိုင်ချလိုက်မိလေသည်။
" ကလေးရယ်..."
" သူ.. သူ.. အန်နီ့ကို ချစ်လို့ တောင်းဆိုခဲ့တာ မဟုတ်ဘူး.. မုဒိမ်းကျင့်ခဲ့တာ.. လိမ်ညာခဲ့တာ.."
အန်နီ့မျက်နှာလေး မျက်ရည်များဖြင့် ရွှဲနစ်နေလေပြီ..။
" အန်နီက တုံးအခဲ့တာ... ရူးမိုက်ခဲ့တာ.. သူလိုချင်တာက တစ်ခုထဲ.."
အန်နီ ဆောက်တည်ရာမရ ဖြစ်နေလေသည်။
" အန်နီ.. အန်နီ.. ဘာအပြစ်တွေများ ကျူးလွန်ခဲ့မိလို့လဲ.."
" ကလေးရယ်..."
ရှိုက်ကြီးတငင် ငိုကြွေးနေသော အန်နီ့အား ဂေးလ်က တင်းကြပ်စွာ ဖက်ထားလိုက်လေသည်။
မိနစ်အနည်းငယ်ခန့်အကြာတွင် ၀ီလ်နှင့်လင်းတို့ ဆေးရုံသို့ အမောတကောရောက်လာကြသည်။
အန်နီပျောက်သွားသဖြင့် ဂေးလ်ထံများ ရောက်လာလေမလားဟု တွေးကာ လာခဲ့ကြခြင်းဖြစ်သည်။
ဂေးလ်၏ရုံးခန်းထဲတွင် အန်နီ့ကို တွေ့လိုက်ရမှ မိဘများ စိတ်သက်သာရာ ရသွားကြလေသည်။
ထို့နောက် သူတို့ သမီးလေးအန်နီကို အိမ်သို့ ပြန်ခေါ်လာခဲ့ကြသည်။
အိမ်အပြန်လမ်းတစ်လျှောက်လုံး သားအမိ၊ သားအဖသုံးယောက် စကားတစ်ခွန်းမျှ မပြောဖြစ်ကြဘဲ တိတ်ဆိတ်စွာ ပြန်လာခဲ့ကြသည်။
အိမ်ပြန်ရောက်သည်အထိ အန်နီမှာ မတည်ငြိမ်နိုင်သေးပေ။
လင်းခမြာ အန်နီအိပ်ပျော်နိုင်စေရန် အစွမ်းကုန် ကြိုးစားလိုက်ရသည်။
နောက်ဆုံးတော့ အန်နီ အိပ်ပျော်သွားခဲ့ပါသည်။
အန်နီအိပ်ပျော်သွားသောအခါမှ လင်းသည် အပေါ်ထပ်မှ ဆင်းလာခဲ့သည်။
ဤမျှ စိတ်ထိခိုက်ခံစားနေရသော အန်နီ့ကို လင်း တစ်ခါဖူးမျှ မတွေ့မြင်ခဲ့ရဖူးပါ။
သမီးလေးအန်နီ့အတွက် လင်း အင်မတန် စိုးရိမ်ဝမ်းနည်းမိသည်။
အိမ်အောက်ထပ်ရောက်သောအခါ စာကြည့်ခန်းထဲတွင် ထိုင်နေသော ၀ီလ့်ကို တွေ့လိုက်ရသည်။
" ၀ီလ်.. သမီးတော့ အိပ်ပျော်သွားပြီ.."
ဝီလ်ရှိရာသို့ သွားကာ ၀ီလ့်ကို ပြောလိုက်သည်။
" ဒီကောင်က တကယ့်မုဒိမ်းကောင်ပဲကွာ.."
ဝီလ်က စာရွက်များ၊ စာအုပ်များကိုကြည့်နေရင်းက ပြောသည်။
" ၀ီလ်... ကျွန်မ အန်နီ့အတွက် အရမ်းစိတ်ပူတယ်.. သူ ဒီလိုမျိုးဖြစ်တာ လုံးဝမတွေ့ဖူးဘူး..."
လင်းက ငိုသံတစ်ဝက်နှင့် ပြောသည်။
" ဟိုလူက သူ့ကို အလုံးစုံ ဖျက်ဆီးပစ်လိုက်တာ..."
ဝီလ်က ဘာမျှ ပြန်မပြော..။
သူ့ရှေ့မှ စာအုပ်ပုံကြီးကိုသာ ငေးစိုက်ကြည့်နေသည်။
ဝီလ် တလောက ကော်ပီကူးယူထားခဲ့သော chatting မှတ်တမ်းစာအုပ်များ ဖြစ်သည်။
လင်းက ၀ီလ့်ကို ကြည့်ပြီး စိတ်ပျက်သွားကာ စားပွဲနားသို့သွား၍ စာအုပ်ကို ဆွဲယူပစ်ချလိုက်သည်။
" တော်ပါတော့ရှင်... ခုချိန်ထိ ဒါတွေပဲ လုပ်နေတုန်းလား.."
" ဟ.. မင်း ဘာလုပ်တာလဲကွ.."
" ဟင်... ရှင်ကရော ဘာလုပ်နေတာလဲ.. ရှင်က ဒီမှာ ထိုင်နေတယ်လေ... တကယ်တမ်းဆို ရှင်က အန်နီ့ဘေးနားမှာ ရှိနေပေးရမှာ.. ရှင့်စိတ်ထဲ ရှင့်သမီးထက် ဒီလူ့ကို ဖမ်းမိဖို့က ပိုအရေးကြီးနေတာလား... ဒီလိုလုပ်နေလို့ အန်နီ့အတွက် ပိုကောင်းလာမယ် ထင်နေလား.."
" အေး.. မင်းပြောတာ ဟုတ်ပါတယ်.. ဒါပေမယ့် ဒီလိုလုပ်နေတာ တခြား သနားစရာ မိန်းကလေးတချို့ကိုတော့ ကယ်တင်နိုင်မယ်ကွ..."
" ဒီလူနဲ့ ပတ်သက်တာတွေ ဒီအိမ်ထဲမှာ လုံးဝမမြင်ချင်တော့ဘူး.. မမြင်ချင်တော့ဘူးရှင့်..."
လင်းက ပြောနေရင်း စားပွဲပေါ်မှ စာအုပ်စာရွက်အားလုံးကို ကြမ်းပြင်ပေါ် ဆွဲချပစ်လိုက်သည်။
" ဟ.. ဘာလုပ်တာလဲကွ.. မင်းက ငါ့ကို အပေါ်မှာ သွားစကားပြောစေချင်တာလား.. ငါ အရင်ထဲက သူနဲ့ စကားပြောဖို့ အကြိမ်ပေါင်းများစွာ ကြိုးစားခဲ့ပြီးပြီ.. သူက လက်မခံခဲ့တာကွ.."
ဝီလ်က ပေါက်ကွဲအော်ဟစ်သည်။
" တော်တော့.. ရှင့်ပါးစပ်ပိတ်တော့.. သမီးလေးက အိပ်ပျော်နေပြီ.."
လင်းက ပြောသည်။
" ရှင်သိထားဖို့က ရှင်က အပေါ်မှာ သူနဲ့ ရှိနေသင့်တာ.. အဲဒါ အန်နီရှင့်.. အန်နီ.. ကျွန်မတို့သမီးလေး အန်နီ.. သူ နာကျင်ခံစားနေရတယ်..သူ့အနားမှာ သူ့အဖေကို လိုအပ်နေတာ... ရှင်ကတော့ ဒီမှာ အဓိပ္ပါယ်မရှိ ထိုင်နေတယ်.."
" ဟ.. ငါ အလုပ်လုပ်နေတာကွ.. အဓိပ္ပါယ်မရှိ ထိုင်နေတာ မဟုတ်ဘူး.."
" ကောင်းပြီ.. ရော့.. ရော့.. လုပ်ချင်တာ လုပ်တော့.."
လင်းက ကြမ်းပြင်ပေါ်မှ စာရွက်အချို့ကို ပြန်ကောက်ကာ စားပွဲပေါ်တင်ပေးပြီး စိတ်ပျက်စွာ ထွက်သွားလေသည်။
နောက်ဆုံး၌ ၀ီလ်တစ်ယောက်တည်းသာ စာရွက်များကို မျက်ရည်ပြည့်နေသော မျက်လုံးအစုံဖြင့် ငေးစိုက်ကြည့်နေရင်း ကျန်နေခဲ့လေတော့၏။
(ဆက်ရန် - ဇာတ်သိမ်း)
ရှေ့မှ အပိုင်းများကို ပြန်ဖတ်ရန်
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၁)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၂)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၃)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၄)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၅)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၆)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၇)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၈)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၉)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၁၀)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၁၁)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၁၂)
TRUST (သို့မဟုတ်) အချစ်ဟု ယုံကြည်ခဲ့သည် - အပိုင်း(၁၃)
