Travel to Myanmar - မြန်မာပြည်သို့ အလည်တစ်ခေါက်

ဘလော့လေးတစ်ခုထောင်ထားပြီး ဘာမှမတင်ဖြစ်တာကြာတော့ တာဝန်မဲ့သလို ခံစားနေရလို့ you tube က ကူးလာတဲ့ ဗီဒီယိုဖိုင်လေးတစ်ခုထပ်တင်လိုက်ပါတယ်။

ပိုင်ရှင်က ပေးထားတဲ့နာမည်ကတော့ Travel to Myanmar ပါ။ မြန်မာလို မြန်မာပြည်သို့အလည်တစ်ခေါက်လို့ ဘာသာပြန်လိုက်ပါတယ်။

၂၀၁၁ခုနှစ်တုန်းက လာလည်သွားတဲ့ ဥရောပတိုက်သား ဇနီးမောင်နှံရဲ့ မှတ်တမ်းလေးပါ။

Mark Wiens ရဲ့ မှတ်တမ်းနဲ့မတူတဲ့ ချဉ်းကပ်ပုံနဲ့ သူတို့ကချဉ်းကပ်ထားတာပါ။

သူတို့ရဲ့မှတ်တမ်းလေးဟာ မြန်မာနိုင်ငံရဲ့ အလှအပတွေ၊ ယဉ်ကျေးမှုအမွေအနှစ်တွေ၊ ရိုးရာအစဉ်အလာတွေ စတာတွေတော်တော်များများကို ခြုံငုံတင်ပြထားနိုင်တယ်လို့ ယူဆပါတယ်။

တစ်ခုပဲပြောစရာရှိတာက နောက်ခံတီးလုံးဟာ တရုတ်သံစဉ်တစ်ခုနဲ့ ယိုးဒယားသံစဉ်တစ်ခုဖြစ်နေတာလေးပါ။

ကျန်တဲ့ပြကွက်အားလုံးက ၁၂မိနစ်အတွင်းမှာ မြန်မာဆိုတာ ဘာလဲဆိုတာကို ကောင်းကောင်းကြီးဖော်ပြထားနိုင်တာကို တွေ့ရပါတယ်ခင်ဗျာ။

အိပ်မက်များနဲ့လူ

ငယ်ရွယ်လွတ်လပ်

အကန့်အသတ်မဲ့စိတ်ကူးနဲ့

ငါ့ရဲ့အိပ်မက်ထဲမှာ

ကမ္ဘာကြီးကို ပြောင်းပစ်မယ်.....။

အသက်လေးရလာ

ပညာဆိုတာ နည်းနည်းသိ

ပြန်ကြည့်လိုက်တော့မှ

ကမ္ဘာကြီးဟာ ကမ္ဘာကြီးပါပဲ.....။

အိပ်မက်ကိုဈေးဆစ်

ငါချစ်တဲ့ ငါ့တိုင်းပြည်

တစ်ခုခုဖြစ်ရမည်ပေါ့

ဒီတစ်ခါလည်း

တိုင်းပြည်ဟာ တိုင်းပြည်ပါပဲ.....။

ဘ၀ရဲ့ ဆည်းဆာချိန်

အိပ်မက်တွေအရှိန်ကုန်စ

ဇနီးမယား သမီးသားအတွက်

ပေးဆပ်ဖို့ကြိုးစားဆဲ

သူတို့လည်း သူတို့ဘာသာ

မိသားစုဟာ ဒီအတိုင်းပါပဲ.....။

သေရာညောင်စောင်း

လဲလျောင်းချိန်ရောက်တော့မှ

ငါ သိရပြီ (ပထမဆုံးအကြိမ်ပါ)

ငါဟာ ငါပဲ၊ ဘာမှမပြောင်းလဲ.....။

(ဒီကဗျာလေးဟာ ၂၁ရာစု သားရွှေဥ စာအုပ်ထဲမှာ ဆရာကျော်ဝင်းက အင်္ဂလိကန်ဘုန်းတော်ကြီးတစ်ပါးရေးထားတာကို ဘာသာပြန်ထားတာလို့ ရေးထားပါတယ်။ စာအုပ်ထဲမှာတော့ ဆရာက ကဗျာကို ခေါင်းစဉ်မပေးထားလို့ ကျွန်တော်က အိပ်မက်များနဲ့လူလို့ ခေါင်းစဉ်တပ်ပေးလိုက်တာပါ။ ကဗျာလေးကို သဘောကျလို့ မျှဝေပေးတဲ့သဘောပါခင်ဗျာ။)

ရန်ကုန်မြို့ကို မြည်းစမ်းကြည့်ခြင်း - A taste of Yangon by Mark Wiens

အခုတလော ဆိုက်လေးမှာ အသစ်မတင်ဖြစ်တာကြာနေလို့ အခု youtube က ကူးလာတဲ့ ဗီဒီယိုဖိုင်လေးပဲ တင်လိုက်ပါတယ်။

ဒီဗီဒီယိုလေးဟာ Mark Wiens ဆိုတဲ့ ကမ္ဘာလှည့်ခရီးသည်တစ်ယောက် ၂၀၁၁ခုနှစ်တုန်းက မြန်မာနိုင်ငံကို အလည်ရောက်လာရင်း မှတ်တမ်းတင်သွားတဲ့ မှတ်တမ်းလေးတစ်ပုဒ်ဖြစ်ပါတယ်။

ဒီမှတ်တမ်းလေးကို သူက A taste of Yangon လို့ အမည်ပေးထားတာ တွေ့ရပါတယ်။

မြန်မာလိုဆိုရင်တော့ ရန်ကုန်မြို့ကိုမြည်းစမ်းကြည့်ခြင်းပေါ့ဗျာ။

ဒါလေးကိုကြည့်ဖြစ်မှပဲ မြန်မာပြည်က အစားအစာတွေကို လွမ်းလိုက်တာဗျာ။

ဒါ့ထက် ကိုယ်တောင် သူ့လောက် ရန်ကုန်မြို့မှာ နေရာစုံ မစားခဲ့ဖူးသလိုပဲ ဟီး...ဟီး..

Mark Wiens က သူ့ရဲ့ မှတ်တမ်းလေးကို ခုလို ခွဲခြမ်းစိတ်ဖြာပြထားပါတယ်။

0:36 – Indian style dosa

1:26 – Shwedagon Pagoda

2:20 – Burmese Thali (ever eaten goat testicles?)

3:36 – Yangon style local transportation

4:26 – Thiri Mingalar Market

4:44 – Mohinga Noodle Soup for Breakfast

6:27 – Burmese Ginger Salad

6:58 – Burmese Tofu Salad

8:04 – Yangon Chinatown BBQ Feast!

ကမ္ဘာလှည့်ခရီးသည်တစ်ယောက်အနေနဲ့ မြန်မာနိုင်ငံကိုရောက်ရှိပြီး သူ့ချဉ်းကပ်ပုံလေးက တစ်မျိုးထူးခြားနေသလို ဗီဒီယိုလေးကို ကြည့်ရတာ မြန်မာနိုင်ငံသားတစ်ယောက်အနေနဲ့ စိတ်ကြည်နူးဖို့ကောင်းပါတယ်။

မြန်မာနိုင်ငံမှာ ကျွန်တော်အတိုးတက်စေချင်ဆုံးစီးပွားရေးလုပ်ငန်းက ကမ္ဘာ့လှည့်ခရီးသွားလုပ်ငန်းပါ။

တခြားလုပ်ငန်းတွေထက်စာရင် ဘေးထွက်ဆိုးကျိုးနည်းသလို လူထုကို အကျိုးဖြစ်ထွန်းစေမှုလည်း များလို့ပါ။

နောက်တစ်ခေါက်ကျရင်တော့ ချဉ်းကပ်ပုံမတူတဲ့ နောက်ထပ်ကမ္ဘာလှည့်ခရီးသည်တစ်ယောက်ရဲ့ မှတ်တမ်းလေးကို တင်ပေးနိုင်ဖို့ စဉ်းစားထားပါတယ်။

(သူ့ဆိုက်ကိုသွားပြီး သူ့ဆီမှာ ခွင့်တောင်းပြီး တင်ထားတာဖြစ်ပါတယ်။)

ကျွန်တော်တို့သုံးနေကြတဲ့ အင်တာနက်ရဲ့ သမိုင်းကြောင်း

ကျွန်တော်တို့ အခုနေထိုင်နေကြတဲ့ခေတ်ကြီးဟာ Globalizationခေတ်ကြီးပေါ့ဗျာ။ ပညာရှင်တွေက ကမ္ဘာကြီးဟာ ရွာကြီးဖြစ်လာပြီင်္လို့ ဆိုကြပါတယ်။ သည်လိုကမ္ဘာရွာကြီးဖြစ်လာအောင် ဘာကလုပ်ပေးနေသလဲဆိုတော့ ကျွန်တော်တို့ ခုသုံးနေတဲ့ အင်တာနက်ပါပဲ။

သည်တော့ အင်တာနက်ဆိုတာ ဘယ်လိုပေါ်ပေါက်လာခဲ့သလဲဆိုတာ လေ့လာကြည့်ရအောင်။

စတင်ဖြစ်ပေါ်လာပုံအကြောင်းရင်း

အချိန်ကာလကတော့ စစ်အေးတိုက်ပွဲကာလကြီးထင်ပါရဲ့။
၁၉၅၀ပြည့်လွန်နှစ်တွေမှာ အမေရိကန်ကာကွယ်ရေးဝန်ကြီးဌာနဟာ တော်တော်အလုပ်ရှုပ်နေခဲ့ပါတယ်။ ဘာလို့လဲဆိုတော့ သူတို့သုံးနေတဲ့ ဆက်သွယ်ရေးစနစ်တွေကြောင့်ပါပဲ။
အဲဒီခေတ်က ဆက်သွယ်ရေးစနစ်တွေ (တယ်လီဖုန်း၊ ကြေးနန်း၊ ရေဒီယိုအသံလွှင့်ခြင်း) အားလုံးဟာ signal လှိုင်းထုတ်လွှင့်မှုတွေကို အခြေခံပြီးမှ ဆက်သွယ်လို့ရတာပါ။ အဲဒီဆက်သွယ်ရေးစနစ်တွေဟာ signal လှိုင်းလွှင့်တဲ့ ရင်းမြစ်သာပျက်ဆီးသွားခဲ့ရင် ဘာမှသုံးစားလို့ မရတော့ပါဘူး။ ရန်သူတွေအတွက် ကြားဖြတ်ဖမ်းယူဖျက်ဆီးဖို့ အင်မတန်လွယ်ပါတယ်။
ဒီတော့ အမေရိကန်ကာကွယ်ရေးဝန်ကြီးဌာနဟာ နျူကလီးယားစစ်ပွဲဖြစ်ရင်တောင်မှ ပျက်စီးမသွားနိုင်တဲ့ ဆက်သွယ်ရေးစနစ်တစ်ခုကို အလိုရှိလာခဲ့ပါတယ်။ ဒါကြောင့် တာဝန်ရှိသူတွေဟာ အမေရိကန်ပြည်တွင်းက သိပ္ပံပညာရှင်တွေကို ဖိတ်ခေါ်ပြီး အစိတ်အပိုင်းတချို့ ပျက်ဆီးသွားရင်တောင်မှ ဆက်သွယ်လို့ ရနိုင်ဦးမယ့် လုံခြုံစိတ်ချရမှု အတိုင်းအတာတစ်ခုရှိမယ့် ဆက်သွယ်ရေးစနစ်တစ်ခု တည်ဆောက်ပေးဖို့ မေတ္တာရပ်ခံခဲ့ပါတယ်။
Packet-Switchingသီအိုရီ
သည်လိုနဲ့ ၁၉၆၄ခုနှစ်မှာ သိပ္ပံပညာရှင် လီယိုနပ် ကလိန်းရော့ခ် (Leonard Kleinrock) ဟာ Packet-Switching သီအိုရီကို ဖော်ထုတ်တင်ပြနိုင်ခဲ့ပါတယ်။ အဲဒီသီအိုရီထဲမှာ computer networkတွေ ဘယ်လိုအလုပ်လုပ်နိုင်ကြောင်း တင်ပြထားပါတယ်။ ကွန်ပြူတာတစ်လုံးဟာ သူနဲ့ချိတ်ဆက်ထားတဲ့ ကွန်ပြူတာတိုင်းကို အတင်းအချက်အလက်တွေ ပေးပို့နိုင်ကြောင်းတင်ပြထားပါတယ်။ ဒီသီအိုရီဟာ ၂၀ရာစုရဲ့ အထင်ရှားဆုံးတီထွင်မှုဖြစ်တဲ့ အင်တာနက်ရဲ့ အစဦးဆုံး အခြေခံပါပဲ။
သည်သီအိုရီကို အခြေခံပြီး လော့အိန်ဂျယ်လိစ် ကယ်လီဖိုးနီးယားတက္ကသိုလ်( University of California, Los Angeles)၊ လီလန်း စတင်းဖို့ဒ် ဂျူနီယာတက္ကသိုလ် (Leland Stanford Junior University)၊ ယူတားတက္ကသိုလ် (University of Utah) နှင့် ဆန်တာဘာဘာရာ ကယ်လီဖိုးနီးယားတက္ကသိုလ် (University of California, Santa Barbara)တုိ့မှ သိပ္ပံပညာရှင်တွေဟာ ကွန်ပြူတာ ကွန်ရက်တစ်ခု တည်ဆောက်ဖို့ကြိုးစားခဲ့ကြပါတယ်။

၁၉၆၉ခုနှစ်မှာတော့ အဲဒီတက္ကသိုလ်လေးခုက ကွန်ပြူတာအချို့ကို ချိတ်ဆက်ထားတဲ့ ပထမဦးဆုံး ကွန်ပြူတာကွန်ရက်တစ်ခု ပေါ်ပေါက်လာခဲ့ပါတယ်။ အဲဒီကွန်ရက်ကို သူတို့က အာပါနက်(ARPANET- Advanced Research Projects Agency Network) လို့ ခေါ်ဆိုခဲ့ကြပါတယ်။ စတင်တည်ဆောက်နိုင်ခဲ့ပြီး မကြာခင်မှာပဲ တက္ကသိုလ်လေးခုက ပညာရှင်တွေဟာ တစ်ဦးနဲ့တစ်ဦး ဆက်သွယ်ပြီး သတင်းအချက်အလက်တွေ အပြန်အလှန်ပေးပို့နိုင်ခဲ့ပါတယ်။

အင်တာနက်ဖြစ်ပြီ

၁၉၇၀ပြည့်လွန်နှစ်တွေမှာ သိပ္ပံပညာရှင်တွေဟာ ကွန်ရက်အတွင်း e-mailပေးပို့နိုင်တဲ့ ပရိုဂရမ်တစ်ခုကို ရေးဆွဲတီထွင်နိုင်ခဲ့ပါတယ်။ တိုးတက်မှုကမြန်ဆန်လာခဲ့ပြီး ၁၉၇၃ခုနှစ်မှာတော့ အမေရိကန်ပြည်ထောင်စုနဲ့ အင်္ဂလန်နိုင်ငံ၊ နော်ဝေနိုင်ငံတို့ဟာ ကေဘယ်ကြိုးဆက်ကြောင်းနဲ့ အတ္တလန္တိတ်သမုဒ္ဒရာကိုဖြတ်ပြီး ဆက်ကြောင်းတစ်ခုချိတ်ဆက်နိုင်ခဲ့ပါတယ်။

၁၉၈၉ခုနှစ်မှာ ဥရောပအခြေစိုက် ရူပဗေဒနဲ့ နျူကလီးယားသုတေသနဌာန CERN (European Organization for Nuclear Research) က ကမ္ဘာလုံးဆိုင်ရာ World Wide Web (www) ကို တည်ဆောက်အသုံးပြုဖို့ အကြံပေးခဲ့ပါတယ်။

သည်အကြံဥာဏ်ကို အကောင်အထည်ဖော်ဖို့ ကြိုးစားနေစဉ် ၁၉၉၁ခုနှစ်မှာ အင်္ဂလိပ်သိပ္ပံပညာရှင် ဆာ တီမိုသီ ဂျွန် ဘာနာ လီး ( Sir Timothy John Berners-Lee)က protocol http နဲ့ html language တို့ကို တီထွင်ရေးဆွဲနိုင်ခဲ့ပါတယ်။

အထက်ဖော်ပြပါ တီထွင်မှုနှစ်ခုကို အခြေခံလို့ ၁၉၉၃ခုနှစ်မှာ ပထမဆုံး အင်တာနက် browser ပေါ်ပေါက်လာခဲ့ပြီး ယနေ့ခေတ်လူငယ်တွေ တရှိုက်မတ်မတ် အသုံးပြုနေကြတဲ့ အင်တာနက်ဟာ ရုပ်လုံးပေါ် အကောင်အထည်ပေါ်လာခဲ့ပါတယ်။

သည်လိုနဲ့ပဲ အင်တာနက်ဟာ ကမ္ဘာကြီးကို ရွာကြီးဖြစ်သွားစေခဲ့ပါတော့တယ်။

(ကျွန်တော်သိတဲ့ အင်တာနက်သမိုင်းကြောင်းလေးကတော့ ဒါလေးပါပဲ။ ကျွန်တော်ဟာ ကွန်ပြူတာပညာရပ်တွေနဲ့ မရင်းနှီးတဲ့အပြင် ဒီစာလေးဟာလဲ ကျောင်းမှာသင်ရတဲ့ စာတစ်ပုဒ်ကို အခြေခံပြီး ရေးထားတာဖြစ်တဲ့အတွက် အမှားတွေပါ ပါက ထောက်ပြပြင်ဆင်ပေးကြပါရန် တောင်းပန်အပ်ပါတယ်။)

အားလုံးကိုလေးစားစွာဖြင့်

မင်းအရိပ်

၁၃.၂.၂၀၁၂ - ဗိုလ်ချုပ်အောင်ဆန်းမွေးနေ့

မနေ့တုန်းက ပြည်ထောင်စုနေ့ကို နောက်ကျပြီးမှ တင်ဖြစ်တယ်။

အခုလည်း ဗိုလ်ချုပ်အောင်ဆန်းမွေးနေ့ကို နောက်ကျပြန်ပြီ။

တကယ်တော့ ဗိုလ်ချုပ်မွေးနေ့ကို တစ်ရက်ပြီးမှ တင်မယ်လို့ စိတ်ကူးထားတာပါ။

ခုတော့ ဟိုဘက်တစ်ရက်ကို သီသီလေးစွန်းသွားပြန်တယ်။

အလုပ်တစ်ခုလုပ်ရင်း အချိန်ကြည့်လိုက်တော့ လွန်နေပြီ။

မထူးတော့ပါဘူး၊ မတင်လို့တော့မဖြစ်ဘူး၊ မြန်မာနိုင်ငံသားတစ်ယောက်အနေနဲ့ ဗိုလ်ချုပ်မွေးနေ့အကြောင်းတော့ ပို့စ်တင်သင့်တာအမှန်ပဲ။

ကဲ နောက်ကျလဲတင်ရမှာပဲ...........

သိပ်နောက်မကျသွားအောင် စာတွေဘာတွေရှည်ရှည်ဝေးဝေးရေးမနေတော့ပါဘူး။

ဗိုလ်ချုပ်အောင်ဆန်းဟာ ၁၉၁၅ခုနှစ်၊ ဖေဖော်ဝါရီလ၊ ၁၃ရက်နေ့မှာ မွေးခဲ့မှန်း လူတိုင်းသိသလို ပြည်ထောင်စုမြန်မာနိုင်ငံနဲ့ ဗိုလ်ချုပ်အောင်ဆန်းဆိုတာ ခွဲခြားလို့မရဘူးလို့ လူတိုင်းသိနေတာပဲ။

ဒါကြောင့် စာတွေမရေးတော့ဘဲ စုထားတဲ့ပုံတွေထဲက ကောင်းမယ်ထင်တာလေးတချို့ ရွေးတင်လိုက်ပါတယ်။

၁၂.၂.၂၀၁၂ - ၆၅နှစ်မြောက် ပြည်ထောင်စုနေ့

ပြည်ထောင်စုနေ့ဟာ မြန်မာ့လွတ်လပ်ရေး ကြိုးပမ်းမှုသမိုင်းမှာ အရေးပါအရာရောက်တဲ့ နေ့ထူးနေ့မြတ် ဖြစ်ပါတယ်။

နှစ်စဉ် ဖေဖော်ဝါရီလ ၁၂ ရက်နေ့ကို ပြည်ထောင်စုနေ့အဖြစ် သတ်မှတ်ထားပြီး ရုံးများ၊ ကျောင်းများပိတ်ကာ အထိန်းအမှတ်ပွဲများ ကျင်းပကြပါတယ်။

၁၉၄၇ခုနှစ်၊ဖေဖော်ဝါရီလ ၁၂ ရက်နေ့ နံနက် ၁၀ နာရီအချိန်မှာ ဗိုလ်ချုပ်အောင်ဆန်းနဲ့ တောင်တန်းဒေသ ကိုယ်စားလှယ် (၂၁)ဦးတို့ဟာ တောင်တန်းဒေသများက ပြည်မကြီးနှင့် ပူးပေါင်းလွတ်လပ်ရေးရယူရန် သဘောတူညီသော ပင်လုံစာချုပ်ကြီးကို ပင်လုံမြို့လေးမှာ လက်မှတ်ရေးထိုးခဲ့ကြပါတယ်။

အဲဒီလို ပြည်ထောင်စုအလုံးရှိ တိုင်းရင်းသားပေါင်းစုံ၏ သွေးစည်းညီညွတ်မှုကို ပြသနိုင်ခဲ့တဲ့ ထိုနေ့ကို ‘‘ပြည်ထောင်စုနေ့’’လုိ့ ခေါ်ဝေါ်သမုတ်ခဲ့တာ ယနေ့အထိ ဖြစ်ပါတယ်။

အဲဒီစာချုပ်ကြောင့် တောင်တန်းဒေသတွေနဲ့ ပြည်မကို သွေးခွဲလိုတဲ့စေတနာရှိတဲ့ ဗြိတိသျှအစိုးရဟာ ပြည်မကြီးရော တောင်တန်းဒေသများပါ တပြိုင်တည်း လွတ်လပ်ရေးပေးရန် သဘောတူညီခဲ့ရပါတယ်။

ဤသို့လျှင် ပြည်ထောင်စု မြန်မာနိုင်ငံတော် ဖြစ်မြောက်ရေးကို ထိုနေ့တွင် အုတ်မြစ်ချခဲ့တာဖြစ်တဲ့အတွက် ပြည်ထောင်စုနေ့ဟာ ပြည်ထောင်စု တိုင်းရင်းသားတိုင်း မမေ့လျော့အပ်သော နေ့ထူးနေ့မြတ်တစ်ခုပဲဖြစ်ပါတယ်။

(တကယ်တော့ဒီပို့စ်လေးဟာ မနေ့ကတည်းက တင်ရမှာပါ၊ ကျွန်တော်ကိုယ်တိုင် ပြည်ထောင်စုနေ့ကို သတိမထားမိသလိုဖြစ်နေတာမို့ အပြစ်ရှိသလိုခံစားရပါတယ်။ အဲဒါကြောင့် အခုပြည်ထောင်စုနေ့အကြောင်းကို ပြန်တင်ပါတယ်။ နောက်နှစ်တွေမှာ ပြည်ထောင်စုနေ့ကို မမေ့မလျော့ဘဲဂုဏ်ပြုရမယ်လို့ ကိုယ့်ကိုကိုယ်သတိပေးထားလိုက်ပါတယ်။)
(ပုံလေးဟာ http://myanmarinfokorea.blogspot.comမှ ကူးယူဖြတ်ညှပ်ကပ်ပြီးသုံးထားတာဖြစ်ပါတယ်။)

ရှေ့ဆက်လျှောက်မယ့်လမ်းတွေအတွက်

နပိုလီယံက ကြွေးကြော်ခဲ့တယ် 

သူ့အဘိဓာန်ထဲမှာ

မဖြစ်နိုင်ဘူးဆိုတာ မရှိဘူးတဲ့ 

ငါလည်းကြွေကြော်ဖူးတယ်

ငါ့အဘိဓာန်ထဲမှာ

နောင်တဆိုတာမရှိဘူး

ဒီလိုနဲ့

ငါ့ဘ၀မှာ နာကျင်ခြင်းတပွေ့တပိုက်ကြီးရလာတယ်။     ။

နယူတန်ကဆိုတယ်

သက်ရောက်မှုတိုင်းမှာ

တန်ပြန်သက်ရောက်မှုရှိတယ်

ဒီလိုပါပဲ 

မနေ့က ငါလုပ်ခဲ့တဲ့လုပ်ရပ်တိုင်း

ဒီနေ့ငါ့ကို ရောင်ပြန်ဟပ်တယ်

မနက်ဖြန်အတွက်လည်း

ဒီနေ့လုပ်ထားတာတွေ အကျိုးသက်ရောက်မှုရှိမယ်။     ။

ဒါဝင်က ဖော်ထုတ်ခဲ့တယ်

လူဆိုတာ မျောက်ကဆင်းသက်လာတာတဲ့

ငါလည်းဒါဝင်ကိုပြောပြချင်တယ်

ဘ၀ကိုအလေးအနက်မထားရင်

လူဆိုတာ မျောက်ပြန်ဖြစ်သွားနိုင်တယ်။     ။

ရိုဘော့ကောက်ကြောင်းနှင့် မြန်မာ့ရှေ့ဆောင်စက်ရုပ်ပညာရှင်

စက်ရုပ်လို့သိထားကြတဲ့  (Robot)ဆိုတဲ့စကားလုံးကို ၁၉၂၀ပြည့်နှစ်က ချက်ကိုစလိုဗက်ကီးယားစာရေးဆရာ Karel Capekက သူ့ရဲ့ပြဇာတ် "Rossum's UniversalRobots"မှာ စတင်အသုံးပြုခဲ့တယ်လို့ဆိုကြပါတယ်။

Robotဟာ robota ဆိုတဲ့စကားလုံးက ဆင်းသက်လာတာဖြစ်ပြီး ချက်ဘာသာစကားအရ အလုပ်ကိုတကုပ်ကုပ်လုပ်နေရတဲ့အလုပ်သမား၊ စလိုဗက်ခ်ဘာသာစကားအရ အလုပ်လို့ဆိုလိုကြောင်း သိရပါတယ်။

မှတ်တမ်းများအရ ရှေးဦးစက်ရုပ်ကို ၁၇၇၀ခုနှစ်မှာ ဆွစ်လူမျိုး နာရီလုပ်သူ နိုင်ရာရီ ဂျက်ကွက်ရက်က တည်ဆောက်ခဲ့တယ်လို့ဆိုပါတယ်။

အဲဒီစက်ရုပ်ဟာ စာရေးတဲ့စက်ရုပ်ဖြစ်ပြီး စာလုံးလေးဆယ်ကျော်ရေးသားနိုင်ပါတယ်တဲ့။

ဒါပေမယ့် ရှေးဦးစက်ရုပ်တွေထဲက ကျွန်တော်သဘောအကျဆုံးစက်ရုပ်ကတော့ ဂျပန်ပညာရှင်တစ်ဦးတီထွင်ခဲ့တဲ့ လူတူစက်ရုပ်ဖြစ်ပါတယ်။

ဂျပန်အက်ဒီဆင်လို့ ခေတ်လူများကခေါ်ဝေါ်ကြတဲ့ ဂျပန်လက်မှုပညာရှင် ဟီဆာရှီဂျီ တာနာကာ တီထွင်ခဲ့တဲ့လူတူစက်ရုပ်ပါ။

အဲဒီစက်ရုပ်ဟာ လက်ဖက်ရည်ခွက်တွေကို စားပွဲဝိုင်းတွေဆီ လိုက်ပို့ပေးနိုင်သလို မြှားကျည်တောက်ထဲက မြှားကိုလည်း ထုတ်ယူပစ်ခတ်နိုင်တယ်၊ ဂျပန်အက္ခရာတွေကိုလည်း ရေးသားနိုင်တယ်လို့ သိရပါတယ်။

ကျွန်တော်တို့မြန်မာနိုင်ငံမှာလည်း စက်မှုလုပ်ငန်းသုံးပြည်တွင်းဖြစ်လူတူစက်ရုပ်ကို လွန်ခဲ့တဲ့နှစ်များစွာအတွင်း အင်ဂျင်နီယာတစ်ဦးက အောင်အောင်မြင်မြင်တီထွင်နိုင်ခဲ့ဖူးပါတယ်။

အဲဒီမြန်မာ့ရှေ့ဆောင်စက်ရုပ်ပညာရှင်ကတော့ ဦးကြည်ဆိုသူဖြစ်ပါတယ်။

                                                                               မြန်မာ့ရှေ့ဆောင်စက်ရုပ်ပညာရှင်ဦးကြည်

ဆရာဦးကြည်ကို ၁၉၃၄ခုနှစ်၊ဇွန်လ၊၁ရက်နေ့၊ထားဝယ်မြို့မှာ ဖွားမြင်ခဲ့ပြီး ငယ်စဉ်က ထားဝယ်မြို့အထက်တန်းကျောင်းမှာ ပညာသင်ကြားခဲ့ပါတယ်။

ဆယ်တန်းအောင်မြင်ပြီးတဲ့နောက်မှာ ဆရာဟာ အင်းစိန်စက်မှုလက်မှုသိပ္ပံမှာ မြို့ပြအင်ဂျင်နီယာဘာသာရပ်ကို ဆည်းပူးခဲ့ပါတယ်။

ဒါပေမယ့်ဆရာဟာ စက်မှုအင်ဂျင်နီယာဘာသာရက်ကို ပိုစိတ်ဝင်စားခဲ့တယ်လို့ဆိုပါတယ်။

၁၉၅၄ခုနှစ်မှာ ဆရာဟာ အင်းစိန်စက်မှုလက်မှုသိပ္ပံမှာ A.G.T.I(civil)ဒီပလိုမာဘွဲ့ရရှိပြီး အဲဒီကျောင်းမှာပဲ နည်းပြအဖြစ် တာဝန်ထမ်းဆောင်ခဲ့ပါတယ်။

နောက်ပိုင်းဆရာဟာ ကလောစက်မှုလက်မှုသိပ္ပံမှာ လက်ထောက်ကထိကအဖြစ် တာဝန်ထမ်းဆောင်ပြီးနောက် အမေရိကန်ကို နှစ်ရှည်သင်တန်းတက်ရောက်ဖို့ စေလွှတ်ခံခဲ့ရပါတယ်။

နိုင်ငံရပ်ခြားမှာ ပညာသင်ယူရင်းနဲ့ ဆရာဟာ စက်ရုပ်တီထွင်ဖို့အကြံရခဲ့တာလို့ ဆိုပါတယ်။

ဆရာဟာ နိုင်ငံခြားကပြန်လာပြီးတဲ့နောက် အင်းစိန်စက်မှုလက်မှုသိပ္ပံမှာ တာဝန်ထမ်းဆောင်ရင်း စက်ရုပ်တီထွင်ဖို့စလုပ်ပါတယ်။

ဆရာဟာ တပည့်တွေကို စာသင်ကြားပေးရင်းနဲ့ သက်ဆိုင်ရာစာအုပ်စာတမ်းများကို ရှာဖွေလေ့လာဖတ်ရှုရင်း တပည့်တွေအကူအညီနဲ့ အသုံးပြုမယ့် စက်ကိရိယာတွေ ရှာဖွေစုဆောင်းပါတယ်။

အဆင်သင့်ဖြစ်သွားတဲ့အချိန် ၁၉၈၆ခုနှစ်ကျောင်းဆင်းချိန်မှာ ဆရာဟာ ၀ါသနာပါတဲ့ကျောင်းသားတွေကို စုစည်းပြီး စက်ရုပ်ကို စတင်တီထွင်တပ်ဆင်ကြပါတယ်။

စက်ရုပ်အတွက်ကုန်ကျစရိတ်အားလုံးကို ထိုစဉ်က စက်မှု၊စိုက်ပျိုးနှင့် အသက်မွေးပညာဦးစီးဌာနက စိုက်ထုတ်ပေးခဲ့ပါတယ်။

ဒီလိုနဲ့ခြောက်လအကြာမှာ ဆရာတို့အဖွဲ့ဟာ စက်ရုပ်တစ်ရုပ်ကို အောင်မြင်စွာတီထွင်နိုင်ခဲ့ကြပါတယ်။

အဲဒီစက်ရုပ်ကို မော်တော်ကားဆေးမှုတ်လုပ်ငန်းမှာ အသုံးပြုဖို့ ရည်ရွယ်တီထွင်ခဲ့တာပါ။အဲဒီစက်ရုပ်ဟာ ကောင်းမွန်စွာထိုင်နိုင်၊ထနိုင်၊လမ်းလျှောက်နိုင်ပြီး ဆေးမှုတ်တဲ့နေရာမှာလည်း တိကျသေချာတယ်လို့ဆိုပါတယ်။

၁၉၈၆ခုနှစ် ပြည်ထောင်စုပြပွဲမှာ ပြသခဲ့တဲ့အခါ လူကြိုက်အများဆုံးတီထွင်မှုဖြစ်ခဲ့ပါတယ်။

ဆရာဟာ အဲဒီစက်ရုပ်မထွင်ခင်ကတည်းက အလိုအလျောက်ဖွင့်ပိတ်တံခါး၊ နိုင်ငံခြားမှာယခုတိုင်သုံးနေကြဆဲ ကော်ဖီရောင်းစက်ကဲ့သို့သော လက်ဖက်ရည်ရောင်းစက်၊ Remote controlမော်တော်ကားတို့ကိုလည်း တီထွင်ခဲ့ပြီးဖြစ်ပါတယ်။

Remote controlဆိုတာ မြန်မာမပြောနဲ့ ကမ္ဘာမှာတောင် သိပ်မတွင်ကျယ်သေးတဲ့အချိန်မှာ တီထွင်ခဲ့တာဖြစ်ပါတယ်။

ဒါ့အပြင် အာလူးအကောင်းနဲ့အပုပ်ရွေးတဲ့စက်၊ ဘီစကွတ်အမျိုးအစားအဆိုးအကောင်းရွေးတဲ့စက်တွေလည်း တီထွင်ခဲ့ပါတယ်။

နောက်ပိုင်းမှာဆရာဟာ စက်ရုပ်ကို လူတို့ရဲ့အမိန့်ပေးစကားနာခံနိုင်စေရန်နဲ့ စကားပြန်လည်တုံ့ပြန်ပြောဆိုနိုင်ဖို့ ကြိုးစားခဲ့ပေမယ့် စရိတ်စကကြီးမားခြင်း၊ အားပေးကူညီမှုနည်းပါးခြင်းတို့ကြောင့် လက်လျှော့ခဲ့ရတယ်လို့ဆိုပါတယ်။

ဆရာရဲ့ပြိုင်ပွဲဝင်စက်ရုပ်ပင်လျှင် ပြိုင်ပွဲမှာပြသဖို့ပဲ ခွင့်ပြုခဲ့တာလို့ဆိုပါတယ်။

ဆရာဟာ ဆက်လက်ပြီး နိုင်ငံ့တာဝန်များကို ရာထူးအဆင့်ဆင့်ထမ်းဆောင်ခဲ့ပြီး အောင်ဆန်းစက်မှုလက်မှုသိပ္ပံနှင့်အထွေထွေပြုပြင်ရေးကျောင်းအုပ်ကြီးအဖြစ်မှ ၁၉၉၄ခုနှစ်မှာ အနားယူခဲ့ပါတယ်။

ဆရာရဲ့ ဘ၀တစ်လျှောက်မှာ နိုင်ငံခြားတိုင်းပြည်များမှ ကုမ္ပဏီတွေက အကြိမ်ကြိမ်ဖိတ်ခေါ်ခဲ့ကြပေမယ့် ဆရာဟာ လုံးဝထွက်မသွားဘဲ နိုင်ငံအတွက် ပြည်တွင်းမှာပဲ တပည့်တွေကို ပညာသင်ကြားမွေးထုတ်ပေးခဲ့သူဖြစ်ပါတယ်။

အဲဒီအချိန်တုန်းက စက်ရုပ်တီထွင်ဖို့ဆိုတာ တော်တော်ကိုခက်ခဲတဲ့အလုပ်မှန်း လူတိုင်းသိနိုင်ပေမယ့် ဆရာဦးကြည်ကတော့ အောင်မြင်အောင်လုပ်ဆောင်ပြသွားခဲ့ပါတယ်။

အဲဒီအချိန်တုန်းက မြန်မာနိုင်ငံမှာ IC(integrated circuit)တွေကိုတောင် ပေါပေါများများ သိပ်သုံးနိုင်မယ်မထင်ပါဘူး။

အဲဒီလို IC နဲ့ Gear (ဂီယာ)ခေတ်က အင်ဂျင်နီယာတစ်ယောက်ဟာ လူတူစက်ရုပ်တစ်ရုပ်ကို အစအဆုံး အောင်မြင်စွာတီထွင်နိုင်ခဲ့တဲ့အကြောင်း ယနေ့ microprocessor နဲ့ servo motor ခေတ်မှ လူငယ်များ သိရှိအားကျအတုယူနိုင်ကြစေရန် ရေးသားတင်ပြလိုက်ရပါတယ်ခင်ဗျာ။     ။

အားလုံးကိုလေးစားစွာဖြင့်

မင်းအရိပ်

(စာရှည်သွားတဲ့အတွက် အားလုံးကို တောင်းပန်အပ်ပါတယ်။ တင်နိုင်တိုးရဲ့ မြန်မာနိုင်ငံမှစက်ရုပ်တီထွင်သူဆောင်းပါးကို အခြေခံပြီး ခင်မောင်ဇော်ရဲ့ တီထွင်မှုများစာအုပ်၊ သိပ္ပံနှင့်နည်းပညာဂျာနယ်နဲ့ wikipedia မှ history of robots မှ အချက်အလက်များကို အသုံးပြုပြီး ရောမွှေရေးသားပါတယ်။)

ဗလာခြေလှမ်း

ချည်တိုင်ကိုပြန်မယ်

မျှော်လင့်ချက်ကိုယ်စီနဲ့

ငါတို့ဘာယူသွားကြမလဲ

ရူးသွပ်စွာပေါ့.....

သိက္ခာလား

ခေါင်းတစ်ချက်ညိတ်

ဒါပေမယ့်

ဗိုက်ထဲမှာ ဟင်းလင်းပြင်.....

ဒီလိုနဲ့

ငြိမ်သက်ခြင်းရဲ့စကားလုံးတွေက

အမှောင်ထဲက ညကိုလိုက်ရှာနေတယ်.....

ငွေကို မကိုးကွယ်ဘူး

လှိုင်းတွေကြားမှာ ငါလူးလွန့်နေတယ်

ချည်တိုင်ကိုပြန်ပြီ

ငါ့လက်ထဲမှာ ဗလာပါခဲ့တယ်။     ။

ကျွန်တော်နှင့်ပြဿနာပေါင်းစုံ

လူတစ်ခု ပူမှုရယ်တဲ့ဆယ်ကုဋေတဲ့။

လူ့ဘ၀ဆိုတာ ရှုပ်ထွေးပွေလီလွန်းတော့ ဖြတ်သန်းလာတဲ့ သက်တမ်းတစ်လျှောက်မှာ လူတိုင်းဟာ ပြဿနာပေါင်းစုံ ကြုံတွေ့ကြရမှာအမှန်ပါပဲ။

ကျွန်တော်လည်း ပြဿနာပေါင်းသောင်းခြောက်ထောင် ကြုံခဲ့ဖူးပါတယ်။

အဲဒီအခါ ကျွန်တော်ပြဿနာဖြေရှင်းရတာတော့ နည်းအမျိုးမျိုးနဲ့ပေါ့ဗျာ။

ပြဿနာတွေဟာ တစ်ခုနဲ့တစ်ခု ပုံစံချင်းတူချင်တူမယ်၊ မတူချင်မတူဘူးဗျ။

အဲ...........ဖြေရှင်းပုံကတော့ အသက်အရွယ်အလိုက် ပြောင်းလဲသွားတာတော့အမှန်ပဲ။

(၁)

ကျွန်တော်ငယ်ငယ်ကပေါ့ဗျာ၊

ပြဿနာတစ်ခုခုပေါ်လာရင် အဲဒီပြဿနာဆီကနေ ရှောင်တိမ်းထွက်ပြေးဖို့ ကြိုးစားတယ်။

ဥပမာ..........

ကျွန်တော်သုံးလေးနှစ်အရွယ်တုန်းကပေါ့...

ပြဿနာတစ်ခုနဲ့ရင်ဆိုင်အတွေ့ ရင်မဆိုင်ရဲလို့ အိမ်ကို ပြန်ပြေးလာရတယ်...။

အမေနဲ့တွေ့တော့ အမေက မေးတယ်...

"ဟဲ့....သားလေး...ဘာဖြစ်လာတာလဲ...အမောတကောနဲ့...."

"မေမေ...မေမေ... ဟိုကောင်မလေးတွေ သားကို ၀ိုင်းထိုးတယ်..."

မလှမ်းမကမ်းမှာ ငါးနှစ်၊ခြောက်နှစ်အရွယ် ကောင်မလေးတစ်စု...။

"ဟယ်... ဟုတ်လား...ဘာနဲ့ထိုးတာလဲ..."

"လက်ညှိုးနဲ့ ၀ိုင်းထိုးပြီး ပွစိပွစိပြောနေကြတယ်..."

အမေက အဲဒီတော့မှ တဟားဟားရယ်တယ်...။

"ဟဲ့... ပြောမှာပေါ့ဟဲ့...နင်က ဘောင်းဘီမပါဘဲ လျှောက်သွားနေတာကိုး..."တဲ့...။

(၂)

ကျွန်တော်ကိုးတန်း၊ဆယ်တန်းလောက်ရောက်တော့ ပြဿနာတစ်ခုတွေ့ရင် ထိပ်တိုက်ရှင်ဆိုင်ဖြေရှင်းချင်လာတယ်။

ဥပမာ..........

"ဟေ့.......ဘယ်ကောင်လဲကွ..မိုက်ရင်ထွက်ခဲ့..."

"ကြားလား....ရှေ့ကကောင်တွေထဲက ဘယ်သူလဲကွ....မိုက်ရင်လာလေကွာ..."

"တောက်....နောက်တစ်ခါမမိုက်ရင် ဒီရပ်ကွက်ထဲမလာနဲ့ကွ...ဘာကောင်တွေလဲကွာ...."

"ငါ့တို့အိမ်အုတ်နံရံကို ဘာလို့သေးနဲ့ပန်းသွားတာလဲကွ..."

ကျွန်တော့်အရှေ့မှာတော့ ကြောက်အားလန့်အားဖြင့် သုံးတန်းကျောင်းသားတစ်အုပ် အဝေးသို့ပြေးသွားကြလေပြီ....။

(၃)

ဒီလိုနဲ့ ကျွန်တော် တက္ကသိုလ်ရောက်လာခဲ့ပြန်တော့ ကျွန်တော့်ရဲ့ပြဿနာဖြေရှင်းနည်းက ပြောင်းလာပြန်တယ်။

ပြဿနာတစ်ခုခုဖြစ်လာရင် ကျွန်တော်ဘာမှမဖြစ်သလိုပဲ နေလိုက်တယ်...။

ဥပမာ.....

လူတစ်ယောက်ဟာ လူကြားသူကြားထဲမှာ ကျွန်တော့်ကို စကားလုံးတွေနဲ့ စော်ကားနေတယ်ဗျာ...။

"မင်းဟာ ဘာမှအသုံးမကျတဲ့ကောင်ပဲကွ...ဟင်..."

"မင်းက အဖြစ်မရှိတဲ့ကောင်ပဲ..."

ဘေးပတ်ဝန်းကျင်က လူတွေအားလုံးရဲ့ အာရုံက ကျွန်တော့်ဆီမှာပဲ ရောက်နေတယ်...။

ကျွန်တော်ကတော့ ဘာမှမဖြစ်သလိုပဲ တဟဲဟဲ၊ တဟီးဟီး လုပ်နေရတယ်...။

အဲဒီလိုမလုပ်ဘဲ ရင်ဆိုင်ဖြေရှင်းလို့လဲမရဘူးဗျ...။

"မင်းက ဘာကောင်လဲကွ... ဟိုတစ်နေ့ကလဲ practical မလာဘူး...။ ဒီနေ့စာအုပ်ထပ်ပါဆိုတော့လဲ မထပ်ပြန်ဘူး..။ ဘာလဲ... မင်း စာမေးပွဲမအောင်ချင်တော့ဘူးလား..။"

" အဟီး....မဟုတ်ပါဘူးဆရာ...အောင်ချင်ပါတယ်..."

လောကမှာ ဘာမှမဖြစ်သလို ရေငုံနှုတ်ပိတ်နေရတဲ့ ပြဿနာတွေလဲရှိသဗျ...အဟဲ...။

(၄)

အခုတော့ ကျွန်တော်ပြဿနာတွေကို ဖြေရှင်းနည်းကပြောင်းသွားပြန်ပါပြီ။

အရင်လို နည်းသေတစ်ခုတည်းနဲ့ မဖြေရှင်းတော့ပါဘူး။

ပြဿနာတစ်ခုဖြစ်လာပြီဆို ဘယ်နည်းနဲ့ဖြေရှင်းရင်ကောင်းမလဲ စဉ်းစားပါတယ်။

ပြီးတော့ အဆင်ပြေမယ့်နည်းတစ်နည်းနည်းသုံးပြီး ဖြေရှင်းလိုက်ပါတယ်။

ရှောင်ပြေးရမလား (ဒါမှမဟုတ်) ရင်ဆိုင်ဖြေရှင်းမလား (ဒါမှမဟုတ်) မဖြစ်သလိုဘဲနေလိုက်မလား ...စသဖြင့်ပေါ့လေ။

သို့သော်လည်း ပြဿနာတချို့ကတော့ ဘယ်လိုနည်းနဲ့ပဲရှင်းရှင်း မပြေလည်တာတွေလည်းရှိပါတယ်။

လူတိုင်းလူတိုင်းအနေဖြင့် ပေါ်ပေါက်လာသော ပြဿနာတိုင်းအား ပြေလည်အောင် ဖြေရှင်းနိုင်ကြပါစေလို့ ဆုတောင်းမိပါတယ်။          ။

မိုက်ကယ်တစ်ယောက် မိုးဇက်နှင့်တွေ့ဆုံခြင်း

သီချင်းလေးနာမည်ကတော့ Micheal Meets Mozart ပါတဲ့။

မိုးဇက်ဆိုတာကတော့ သူတို့ဆီက ရှေးတုန်းက ဂန္တ၀င်ဂီတဆရာကြီးတစ်ဆူပေါ့ဗျာ။

ဒီတော့ သီချင်းနာမည်က မိုက်ကယ်တစ်ယောက် မိုးဇက်နှင့်တွေ့ဆုံခြင်း ပဲဆိုပါတော့။

အင်မတန်ကောင်းပါတယ်၊ အပိုမပြောပါဘူး။

နားထောင်ကြည့်ပါ၊ သံစဉ်နဲ့စီးမြောခံစားပါ။

ကျွန်တော်ကတော့ နားထောင်နေရင်းကနေ Wowလို့ အော်ချင်အောင်ကို ခံစားရပါတယ်။

ဒါကြောင့်လဲ အနောက်နိုင်ငံသားတွေဟာ အဆိုမပါတဲ့ သံစဉ်သက်သက်ကို ကြေးကြီးပေးခံစားကြတာဖြစ်ပါလိမ့်မယ်။

ကဲ............ခံစားကြည့်လိုက်ပါဦးဗျာ။

ပထမဆုံး တေးဂီတကိုဖွင့် .....ပြီးရင်တော့ သံစဉ်ခေါ်ရာသာလိုက်သွားပေတော့ဗျိုး......

မောင့်ချစ်သူ မြန်မာမလေး

သီချင်းလေးက အရမ်းကောင်းပါတယ်

မောင့်ချစ်သူကိုရီးယားမလေးမဟုတ်ပါဘူး မောင့်ချစ်သူမြန်မာမလေးပါ

မြန်မာမိန်းကလေးတိုင်း မြန်မာလိုဝတ်၊ မြန်မာလိုနေထိုင်ပြီး မြန်မာလိုကျက်သရေရှိရှိလှနိုင်ကြပါစေ

ဒါမှသာ မြန်မာယောက်ျားများကလည်း မြန်မာမိန်းကလေးတွေကို မြန်မာလို သေတစ်ပန်သက်တစ်ဆုံး သစ္စာရှိ၊ တန်ဖိုးထားကြမှာပေါ့ဗျာ